Morgunblaðið - 25.05.2004, Blaðsíða 21

SUÐURNES
MORGUNBLAÐIÐ ÞRIÐJUDAGUR 25. MAÍ 2004 21
Skógarhlíð 18, sími 595 1000
www.heimsferdir.is
Nú getur þú tryggt þér síðustu sætin til Mallorka þann 16. júní á hreint
ótrúlegum kjörum. Njóttu frísins á fegurstu eyju Miðjarðarhafsins við
frábærar aðstæður um leið og þú nýtur traustrar þjónustu fararstjóra
Heimsferða í fríinu. Þú bókar núna,
tryggir þér síðustu sætin, og 3
dögum fyrir brottför færðu að vita á
hvaða gististað þú býrð.
Munið Mastercard
ferðaávísunina
Verð kr. 29.995
M.v. hjón með 2 börn, 2–11 ára, flug,
gisting, skattar. Vikuferð, 16. júní, net-
verð. Símabókunargjald 2.000 kr. á
mann.
Verð kr. 39.990
M.v. 2 í stúdíó/íbúð, vikuferð, 16. júní,
netverð.
Stökktu til
Mallorka
16. júní
frá kr. 29.995
MERKUR áfangi náðist í fyrradag í
langri og strangri baráttu vélhjóla-
manna á Suðurnesjum með því að
torfærubraut þeirra á Broadstreet-
svæðinu á Njarðvíkurheiði, svoköll-
uð Sólbrekkubraut, var formlega
tekin í notkun. Var það gert með
því að Árni Sigfússon, bæjarstjóri
Reykjanesbæjar, ræsti keppendur í
einum flokki bikarkeppni í moto-
cross.
Fyrir um þrjátíu árum fengu vél-
hjólamenn svæði við gamla loft-
skeytastöð varnarliðsins, skammt
sunnan Reykjanesbrautar. Þar var
komið upp torfærubraut sem notuð
hefur verið þótt ekki hafi verið
fengið opinbert leyfi til þess. „Við
gengum í það að stofna Vélhjóla-
íþróttaklúbb Reykjaness til að
ganga frá svæðinu og afla nauðsyn-
legra leyfa,“ segir Ómar Jónsson í
Grindvík, einn forystumanna VÍR.
Segir Ómar að félagið hafi gengið í
það með mörgu góðu fólki að gera
þær breytingar sem nauðsynlegar
voru til að leyfi fengjust. Meðal
annars þurfti að aðgreina og
merkja brautir og svæði fyrir kepp-
endur og áhorfendur. Fengust leyfi
hjá Heilbrigðiseftirliti Suðurnesja
og Sýslumanninnum í Keflavík en
Reykjanesbær hafði áður heimilað
félaginu afnot af svæðinu. „Svæðið
er enn nokkuð hrátt enda er verið
að vinna í því,“ sagði Ómar.
Lengir keppnistímabilið
Ekið er inn á svæðið frá tveimur
stöðum, beint af Reykjanesbraut-
inni og síðan frá Grindavíkurvegi
hjá Seltjörn. Ómar segir nauðsyn-
legt að loka aðkomunni frá Reykja-
nesbraut því hún sé hættuleg.
Vegagerðin muni í staðinn aðstoða
félagið við að laga aðkomuna frá
Grindavíkurvegi. Þá segir Ómar að
leggja þurfi út nýtt svæði fyrir
þátttakendur og áhorfendur. Ís-
lenskir aðalverktakar hafa að-
stoðað félagsmenn við vélavinnu.
Efnið í brautinni er gott frá nátt-
úrunnar hendi, að sögn Ómars.
Hann segir að ágætis aðstæður hafi
verið í brautinni á sunnudag þrátt
fyrir miklar rigningar dagana á
undan. Þessi braut gerir það að
verkum að hægt er að lengja
keppnistímabil vélhjólamanna í tor-
færuakstri, því unnt er að hefja
keppni fyrr á vorin en í öðrum
brautum og hætta seinna á haustin.
Þá þykir brautin fjölbreytt og
skemmtileg. Telur Ómar að mikið
verði sótt í hana.
Mótið um helgina var bikarmót.
Ekki var mikil þátttaka og segir
Ómar að það stafi af því að menn
séu að búa sig undir stærsta mót
sumarsins sem haldið verður á
Kirkjubæjarklaustri um næstu
helgi. Vonast hann til að fleiri mót
verði haldin á Sólbrekkubraut í
sumar og hún verði tekin inn í Ís-
landsmeistaramótið á næsta ári.
Fylgir börnunum
Ómar Jónsson segir að torfæru-
hjólum fjölgi ört, meðal annars á
Suðurnesjum. Margir noti hjólin til
keppni en aðrir í ferðamennsku.
„Það skiptir miklu máli að nota
hjólin rétt. Fara eftir aflögðum
vegum eða slóðum og hlífa við-
kvæmum svæðum,“ segir Ómar.
Hann segir að motocross sé orðið
fjölskylduíþrótt. Heilu fjölskyld-
urnar mæti á mótin. Sjálfur á hann
tvö börn sem keppa í motocross og
fylgir þeim á öll mót.
RAGNAR Ingi Stefánsson sigraði
í A-flokki í bikarkeppni í moto-
crossi í Sólbrekkubraut á Njarð-
víkurheiði síðastliðinn sunnudag.
Átti hann besta tíma keppninnar.
Annar varð Valdimar Þórðarson
og Gunnar Sölvason þriðji.
Þrír Suðurnesjamenn náðu að
sigra í sínum flokkum. Gylfi
Freyr Guðmundsson úr Höfnum
varð efstur í B-flokki. Aron Óm-
arsson úr Grindavík sigraði í
flokki 125U og Gunnar Sigurðs-
son í C-flokki.
Sara Ómarsdóttir, systir Arons,
sigraði í kvennaflokki. Þá sigraði
Freyr Torfason í flokki 80U.
Þrír sigurvegarar
af Suðurnesjum
Vélhjólabrautin við Broadstreet á Njarðvíkurheiði, Sólbrekkubraut, opnuð með torfærumóti
Langri og
strangri
baráttu
lokið
Morgunblaðið/Helgi Bjarnason
Svifið: Fljótustu keppendurnir í motocross-bikarmótinu fóru af miklum krafti yfir hindranirnar í brautinni og svifu langar leiðir. Allir komu niður á hjólin.
Ræsing: Árni Sigfússon, bæjarstjóri í Reykjanesbæ, ræsti keppendur og
opnaði með því formlega motocross-brautina sem kennd er við Sólbrekku.
Áhugi: Flaggarinn við einn pallinn
og vinir hans fylgdust grannt með
frammistöðu keppenda og fögnuðu
þegar þeirra menn fóru hjá.
Vogar | Hreppsnefnd Vatnsleysu-
strandarhrepps hefur ráðið Guðrúnu
Helgu Harðardóttur sem tómstunda-
og forvarnarfulltrúa í Vogum. Tekur
hún við starfinu af Lenu Rós Matth-
íasdóttur sem ráðin var prestur í
Grafarvogshverfi í Reykjavík.
Um starfið sóttu 23 þegar það var
auglýst. Fagnefnd gerði tillögu um
ráðningu Guðrúnar Helgu og var til-
lagan samþykkt samhljóða í hrepps-
nefnd.
Guðrún er 31 árs, búsett í Kópa-
vogi. Hún er að ljúka djáknanámi við
Háskóla Íslands og hefur tekið marga
kúrsa í uppeldis- og tómstundafræð-
um við háskólann. Fram kemur í um-
sögn fagnefndar að hún hafi unnið
mikið með börnum og unglingum í
kirkjustarfi og með öldruðum og fötl-
uðum hjá félagsþjónustu sveitarfé-
laga.
Nýr tóm-
stunda-
fulltrúi
Vatnsleysustrandar-
hreppur
Stútur undir stýri | Fimm öku-
menn voru teknir grunaðir um ölvun
við akstur í umdæmi lögreglunnar í
Keflavík um helgina.
Að morgni laugardagsins hafði
lögregla afskipti af ökumanni á
Reykjanesbraut en hann var grun-
aður um ölvun við akstur. Var hann
handtekinn og færður á lög-
reglustöðina í Keflavík til skýrslu-
og blóðsýnatöku. Aðfaranótt sunnu-
dags var annar tekinn og tveir til
viðbótar í morgunsárið. Loks stöðv-
aði lögreglan ökumann um klukkan
eitt í fyrrinótt vegna gruns um að
hann æki undir áhrifum áfengis og
var hann kærður fyrir það eins og
hinir ökumennirnir.
Fagnaði ólöglega | Lögreglumenn
í Keflavík urðu varir við það aðfara-
nótt sunnudags að flugeldum var
skotið á loft úr íbúðarbyggð í Njarð-
vík. Við rannsókn viðurkenndi mað-
ur að hafa skotið upp nokkrum flug-
eldum í tilefni af þrjátíu ára afmæli.
Lögreglan tekur fram af þessu til-
efni að athæfið er með öllu óheimilt.
Sandgerði | Fjölmenni var á fyrri
vortónleikum söngsveitarinnar
Víkinganna en þeir voru haldnir í
Safnaðarheimilinu í Sandgerði á
dögunum. Fékk sveitin góðar und-
irtektir og eftir að sungin höfðu
verið nokkuð aukalög var haldið út
í veðurblíðuna og sungin tvö auka-
lög til viðbótar undir berum himni.
Var þetta góð ábót fyrir gesti.
Morgunblaðið/Reynir Sveinsson
Sungu aukalög utan dyra