Morgunblaðið - 02.06.2004, Blaðsíða 6

FRÉTTIR
6 MIÐVIKUDAGUR 2. JÚNÍ 2004 MORGUNBLAÐIÐ
32 NEMENDUR í tíunda bekk Há-
teigsskóla ásamt fimm fararstjórum
urðu eftir á Kastrupflugvelli á
mánudagskvöld þegar vél Iceland-
air, sem hópurinn var bókaður í, fór
á loft án þriðjungs farþeganna.
Þetta gerðist í kjölfar verkfalls hlað-
manna SAS flugfélagsins en mikil
ringulreið ríkti á flugvellinum og yf-
ir 100 flugferðum var aflýst með
þeim afleiðingum að rúmlega 10.000
farþegar komust ekki leiðar sinnar.
Hópurinn frá Háteigsskóla átti
bókað flug hjá Icelandair klukkan
19.45 en þurfti frá að hverfa þegar í
ljós kom að vélin var farin. Að sögn
Kára Tryggvasonar, eins af farar-
stjórum hópsins, gerðu þau allt sem
í þeirra valdi stóð til þess að afla sér
upplýsinga um flugið en höfðu ekki
erindi sem erfiði. „Um sjöleytið
fengum við loks að vita að við gæt-
um innritað okkur klukkan átta.
Stúlkan sem var að innrita hætti
skyndilega vegna þess að hún fékk
þær upplýsingar að flugvélin væri
lögð af stað. Við vorum þá búin að
vera í flugstöðinni í átta klukku-
stundir og það var ekki fyrr en um
miðnættið sem við fengum hótelgist-
ingu,“ sagði Kári. Hann segist hafa
fengið þau skilaboð frá Icelandair að
flugstjórinn hafi tekið þá ákvörðun
að fara og er mjög ósáttur við þá
ákvörðun og þjónustu Icelandair í
kjölfarið. „Við urðum ekki vör við
neina aðstoð af hendi Flugleiða
heldur fengum við aðstoð frá starfs-
fólki SAS. Það var enginn búinn að
koma til þess að gera eitthvað í því
að athuga hvernig staðan væri.“
Verkföll bitna á
þeim sem síst skyldi
Guðjón Arngrímsson, upplýsinga-
fulltrúi Icelandair, segir að skyndi-
verkfall hlaðmanna hafi orsakað
mikla seinkun og vandræði fyrir far-
þega. „Verkfallið hafði þær afleið-
ingar að fólk gat ekki innritað sig
vegna þess að ekki var hægt að af-
greiða farangur. Flugfélögin náðu
þar af leiðandi engu sambandi við
farþegana og vissu ekkert hvar þeir
voru staddir. Vélin, sem hér um
ræðir, beið líklega í eina og hálfa
klukkustund í þeirri von að farþegar
kæmust í gegn. Við biðum þangað til
það var ekki hægt að réttlæta það
að bíða lengur og á endanum varð að
fara án þriðjungs farþeganna.“ Guð-
jón segir að öll kerfi hafi legið niðri
og því hafi starfsmenn Icelandair
ekki haft upplýsingar um það hvar
farþegarnir voru staddir. „Þetta er
mjög leitt og í rauninni ekkert við
því að gera. Svona verkföll bitna yf-
irleitt á þeim sem síst skyldi,“ segir
Guðjón.
Að sögn Guðjóns var hópnum út-
vegað pláss á hóteli yfir nóttina og
þau bókuð heim í gær.
32 nemendur urðu eftir á Kastrup í ringulreið verkfalla
Vél Icelandair fór án
þriðjungs farþeganna
HUNDRAÐÞÚSUNDASTA eintak-
ið af bókum Arnaldar Indriðasonar
var selt í Pennanum Eymundsson á
fimmtudaginn. Það voru hjónin
Guðmundur Hjálmarsson og María
Kristmundsdóttir sem keyptu bók-
ina Syni duftsins en það var eina
bókin eftir Arnald sem þau vantaði
í safnið. Á myndinni má sjá hjónin
taka við gjöf frá Vöku-Helgafelli
upp á 100.000 króna bókaúttekt.
Synir duftsins er fyrsta bók Arn-
aldar og kom hún út árið 1997 en
Arnaldur hefur gefið út sjö bækur á
jafnmörgum árum, allar hjá Vöku-
Helgafelli.
Morgunblaðið/Þorkell
100.000. eintakið
af bókum Arnaldar
HAFIN er uppskera á íslenskum
gulrótum sem ræktaðar eru í Sól-
byrgi í Borgarfirði og er von á þeim
í verslanir nú fyrir fyrstu helgina í
júní. Á Sólbyrgi ræður ríkjum Dag-
ur Andrésson bóndi. Á meðfylgj-
andi myndum er Andri Freyr Dags-
son, sonur Dags bónda, að skoða
uppskeruna á Sólbyrgi.
Útiræktaðar gulrætur koma síð-
an á markað upp úr miðjum júlí.
Þangað til bjargar ylurinn í gróð-
urhúsunum okkur og sér okkur fyr-
ir fersku íslensku grænmeti.
Fyrstu íslensku
gulrætur sumarsins
HÉRAÐSDÓMUR Reykjavíkur
hefur dæmt karlmann á fertugs-
aldri í níu mánaða óskilorðsbundið
fangelsi fyrir fjárdrátt í opinberu
starfi. Manninum, sem var fram-
kvæmdastjóri Íslenska dansflokks-
ins á árunum 1998-2001, var gefið
að sök að hafa dregið að sér fé af
tékkareikningi ÍD með skipulögðum
hætti á árunum 1999–2001, samtals
kr. 2.339.375.
Í dómi héraðsdóms segir að
ákærði eigi sér litlar varnir enda
hafi hann ekki leitast við að réttlæta
gerðir sínar með neinum hætti. Við
ákvörðun refsingar sé til þess að
líta að ákærði gegndi opinberu
starfi þar sem honum voru fengnar
fjárreiður opinberrar stofnunar til
meðferðar.
Fram kemur að fjárdráttur
ákærða hófst um hálfu ári eftir að
hann hafði verið skipaður til starf-
ans. Leyndi ákærði fjárdrætti sín-
um skipulega, en brotin upplýstust
ekki fyrr en við reglubundið eftirlit
Ríkisendurskoðunar. Ákærði hafi að
engu leyti bætt það tjón sem hann
hafi valdið. Með hliðsjón af öllu
þessu þyki refsing ákærða hæfilega
ákveðin fangelsi í 9 mánuði.
Í dómnum segir að ákjósanlegt
hefði verið að rannsókn málsins hjá
lögreglu gagnvart ákærða hefði haf-
ist fyrr en raun varð á. Til þess sé
þó að líta að um var að ræða viða-
mikla rannsókn sem tók til verulegs
fjölda færslna í bókhaldi er allt ein-
kenndist af mikilli óreiðu. Með hlið-
sjón af eðli og umfangi brotsins
þykir ekki unnt að skilorðsbinda
refsingu ákærða að neinu leyti.
Ákærða er gert að greiða allan
sakarkostnað, þar með talin máls-
varnarlaun skipaðs verjanda síns,
250 þúsund krónur.
Símon Sigvaldason héraðsdómari
kvað upp dóminn.
Fyrrverandi framkvæmdastjóri Íslenska dansflokksins
Níu mánaða fangelsi
FRAMLÖG úr ríkissjóði til for-
varna gegn ólöglegum fíkniefn-
um námu alls 636,5 milljónum
króna, á árunum 1995 til 2003,
sé miðað við verðlag ársins
2003. Þetta kemur fram í skrif-
legu svari heilbrigðisráðherra,
Jóns Kristjánssonar, við fyrir-
spurn Björgvins G. Sigurðsson-
ar, þingmanns Samfylkingar-
innar.
Framlög til þessa málaflokks
voru t.d. 38,7 milljónir árið
1995, skv. verðlagi ársins 2003,
64,2 milljónir árið 1996, 65,9
milljónir árið 1999, 80,6 millj-
ónir árið 2000 og 78,6 milljónir
árið 2003.
Svarið byggist eingöngu á
tölum frá ráðuneytinu og stofn-
unum þess. „Fyrirspyrjandi
spyr um framlög hins opinber
til forvarna,“ segir í svarinu.
„Ráðuneytinu er einungis unnt
að svara því sem snýr að því og
stofnunum þess.Ýmsar stofn-
anir hins opinbera beita sér
fyrir forvörnum gegn fíkniefn-
um án þess að framlög til stofn-
ana séu sérstaklega mörkuð
þeim verkefnum. Til dæmis
sinnir Landlæknisembættið
þessum málum með ýmsum
hætti. Svipað á við um ýmsar
heilbrigðisstofnanir.“
Rúmar
636 millj-
ónir á níu
árum
Framlög til forvarna
gegn fíkniefnum
SAMFYLKINGIN og Vinstri græn-
ir bæta við sig fylgi, en Sjálfstæð-
isflokkurinn, Framsóknarflokkurinn
og Frjálslyndi flokkurinn tapa fylgi
frá síðustu kosningum samkvæmt
nýjum þjóðarpúlsi Gallup. Þá hefur
fylgi ríkisstjórnarinnar ekki mælst
jafnlítið frá því Sjálfstæðisflokkur og
Framsóknarflokkur hófu stjórnar-
samstarf, en ríkisstjórnin hefur um
40% stuðning.
Samfylkingin bætir við sig um
fjórum prósentustigum frá síðustu
könnun og fengi 32,9% fylgi ef kosið
yrði nú. Sjálfstæðisflokkur missir
um fimm prósentustig frá könnun í
síðasta mánuði og fengi 29,2% ef kos-
ið yrði nú, en fylgi Sjálfstæðisflokks-
ins hefur ekki farið niður fyrir 30%
síðan í október 1993, að því er fram
kemur í frétt um þjóðarpúlsinn.
Með minna en helming
fylgisins í öllum kjördæmum
Vinstri grænir bæta við sig 1,5
prósentustigi frá síðustu könnun og
fengju 18,6% ef kosið yrði nú og
rúmlega tvöfalda fylgi sitt frá því í
kosningunum. Framsóknarflokkur-
inn fær 13,6% nú og tapar 4,4% pró-
sentustigum frá kosningunum í
fyrravor og Frjálslyndi flokkurinn
fengi 5,5% fylgi en fékk 7% í kosn-
ingunum.
Fram kemur að stjórnarflokkarn-
ir missa fylgi í öllum kjördæmum og
eru með minna en helming fylgisins í
þeim öllum. Samkvæmt könnuninni
hefur Sjálfstæðisflokkur tapað um
5–7 prósentustigum í Norðaustur-,
Suðvestur- og Reykjavíkurkjör-
dæmi norður, en um 1 prósentustigi í
öðrum kjördæmum. Þá hefur Fram-
sóknarflokkur tapað um 10 pró-
sentustigum í Suðurkjördæmi og
1–5 prósentustigum í öðrum kjör-
dæmum. Samfylkingin hefur mest
fylgi allra flokka í þremur kjördæm-
um og hefur bætt við sig fylgi í öllum
kjördæmum nema Reykjavík suður
þar sem flokkurinn hefur tapað um 6
prósentustigum. Vinstri-grænir hafa
hins vegar aukið fylgi sitt í öllum
kjördæmum um 7–12 prósentustig.
Könnun var gerð í gegnum síma á
tímabilinu 28. apríl til 26. maí og náði
til tæplega 3.600 manns á aldrinum
18–75 ára. Svarhlutfall var 63% og
eru vikmörk 1–3%. Um 17% tóku
ekki afstöðu eða neituðu að gefa
hana upp og 7% sögðust ekki myndu
kjósa eða skila auðu.
Ríkisstjórnin er með um 40%
stuðning skv. Gallupkönnun
Samfylkingin
og VG bæta
við sig fylgi
ÁNÆGJA með forsætisráð-
herraskiptin í haust hefur minnkað
töluvert frá því í fyrrasumar. Nú
eru tæplega 35% ánægðir með
skiptin en þeir voru 56% í fyrrasum-
ar og óánægja aukist um tíu pró-
sentustig, að því er fram kemur í
nýjum þjóðarpúlsi Gallup.
Fram kemur að nú eru rúmlega
31% óánægt með að Halldór Ás-
grímsson taki við af Davíð Oddssyni
og 34% eru hvorki ánægð né
óánægð.
Þá vildu um 63% frekar að Hall-
dór yrði forsætisráðherra og tæp-
lega 26% Davíð en rúmlega 11%
vildu hvorugan, jafnvel þótt að-
spurðir væru hvattir til þess að taka
afstöðu til annars hvors.
Einnig kemur fram að tæplega
59% telja að Halldór muni standa
sig vel sem forsætisráðherra, 19%
hvorki vel né illa og rúmlega 22%
að hann muni standa sig illa.
Konur ánægðari en karlar
Þá kemur fram að konur eru mun
ánægðari en karlar með að Halldór
taki við, eða 42% kvenna, á móti
27% karla. Mest er ánægjan með
skiptin í yngsta aldurshópnum en
hún er minnst í aldurshópnum 35–
44 ára.
Könnunin náði til 1.230 manns og
var tekin í gegnum síma 12.–25. maí
síðastliðinn. Svarhlutfall var 63%.
Þriðjungur aðspurðra
ánægður með skiptin