Morgunblaðið - 02.06.2004, Blaðsíða 38
MINNINGAR
38 MIÐVIKUDAGUR 2. JÚNÍ 2004 MORGUNBLAÐIÐ
Ég kom seint inn í hina stóru fjöl-
skyldu Stellu og Nunna Konn. Fjöl-
skyldufaðirinn var þá sestur í helgan
stein fyrir nokkru síðan og það var
helst að hitta hann fyrir í stofunni í
Gilinu. Þar sat hann gjarnan að horfa
fréttir eða íþróttir í sjónvarpinu,
hlusta á sígilda músík eða spjalla við
gesti, sem streymdu í Gilið á öllum
tímum.
Ég lærði strax að meta Nunna
Konn og okkur varð vel til vina. Við
höfðum um margt að spjalla enda
báðir vel heima í þjóðmálunum.
Nunni var harður sósíalisti og hefur
líklega seint búist við því að fá frétta-
stjóra af Morgunblaðinu inn í fjöl-
skylduna! Hann talaði tæpitungu-
laust en eins og um flesta af hans
kynslóð var það hagur íslensku þjóð-
arinnar sem var honum efst í huga
þegar þjóðmálin bar á góma.
En mestur tími fór í spjall um
íþróttirnar, sem var okkar sameig-
inlega áhugamál. Nunni horfði á alla
knattspyrnuleiki sem voru á boðstól-
um í sjónvarpinu og einnig aðrar
íþróttagreinar en síst þó handbolt-
ann. Gaman var að heyra hann rifja
upp gamlar stundir í golfinu þar sem
hann var í fremstu röð á sínum tíma.
Í þá daga var golfið ekki orðið al-
menningsíþrótt og það þóttu stórtíð-
indi þegar verkamaður af Eyrinni
spilaði golf við helstu menn bæjarins,
bankastjóra og forstjóra. Nunni vann
marga sigrana á löngum ferli en mest
mat hann sigur í afmælismóti Golf-
sambandsins sem fram fór í Grafar-
holti og þar vann hann alla helstu
golfspilara landsins. Hann hætti að
spila golf fyrir nokkrum árum en al-
veg fram í andlátið var hann að
kaupa sér nýjar golfgræjur.
Eftirminnilegustu stundirnar í
Gilinu voru samt þær þegar við sát-
um tveir einir í stofunni og Nunni
setti diska á fóninn. Hver tenórinn af
öðrum hóf upp raust sína og Nunni
sveiflaði höndunum af einskærri
hrifningu.
Nú hefur þessi mikli höfðingi kvatt
og ég mun sakna hans mikið. Ég hef
oft velt fyrir mér hvaða starfsgrein
hann hefði valið sér ef honum hefði
staðið menntabrautin til boða eins og
öllum ungmennum í dag. Hann hafði
gáfur og hæfileika til að ná í fremstu
röð á hverju því sviði sem hann hefði
valið sér.
Á þessari stundu hvarflar hugur-
inn til hetjunnar Stellu Stefánsdóttur
og hennar stóru og samhentu fjöl-
skyldu. Blessuð sé minning Gunnars
Konráðssonar.
Sigtr. Sigtryggsson.
Kunnur borgari hér á Akureyri,
Gunnar Konráðsson, hefur nú kvatt
þennan heim. Hann lést á Fjórðungs-
sjúkrahúsinu á Aureyri þann 26. maí
sl. á 84. aldursári. Gunnar var sonur
hjónanna Svövu Jósteinsdóttur og
Konráðs Jóhannssonar, vélstjóra og
gullsmiðs. Hann var næstelstur 6
systkina, látnir eru þeir Jóhann og
Jósteinn en eftirlifandi eru Hjördís,
Svavar og Haukur. Skömmu eftir hið
venjubundna barnaskólanám gerðist
Nunni sjómaður um 7 ára skeið á
síldarárunum í skjóli föður síns, sem
var vélstjóri á Sjöstjörnunni og Bris í
eigu Stefáns Jónassonar útgerðar-
manns. Árið 1943 kvæntist hann
Stellu Stefánsdóttur sjúkraliða og
varð þeim 14 barna auðið og eru 13
þeirra á lífi. Árin 1945–1948 bjuggu
þau í Reykjavík og starfaði Nunni
hjá Eimskipafélagi Íslands. Árið
1948 fluttu þau til Akureyrar og
starfaði hann áfram hjá Eimskip og
um hríð hjá Útgerðarfélagi Akureyr-
inga. Þá keyptu þau húseignina
Lækjargötu 22a, sem eftir það var
þeirra varanlega heimili með allan
hinn röska barnahóp. Við ellimörkin
67 ára lauk hann störfum hjá Eim-
skip og var hann þá að leiðarlokum
sæmdur fallegri viðurkenningu eftir
áratuga dygga þjónustu. Nunni
fylgdist mjög vel með öllum þjóðmál-
um, krufði hvert mál til mergjar og
var alls óhræddur að lofa okkur
hægri sinnunum að heyra „sannleik-
ann“ í málinu á allhressilegri Ís-
lensku. Hann studdi Alþýðubanda-
lagið og bar hag láglaunamanna
mjög fyrir brjósti. Hann var ör í lund
og hrifnæmur og því ekki að undra að
tónlistin væri eitt af hans helstu
hugðarefnum. Bróðir hins lands-
fræga Jóhanns og náfrændi óperu-
söngvaranna Kristjáns Jóhannsson-
ar og Magnúsar Jónssonar. Nunni
söng með Karlakór Akureyrar í all-
mörg ár og hann átti mjög gott plötu-
safn með úrvals söngvurum og merk-
um tónverkum. Var oft bæði fróðlegt
og gaman að hlusta á hann spjalla um
gamla Gigli eða Martinelli, Tebaldi
eða Callas. Enginn kom þar að tóm-
um kofunum og alltaf var Jussi Björl-
ing rétt við höndina. Hann ræddi oft
um meðferð fólks á íslensku máli.
Hann undraðist orðfæð margra,
rangar beygingar og jafnvel engar.
Nunni virtist vera sívakandi um hin
margvíslegu málefni.
Um tíma iðkaði Nunni billiard-
íþróttina af miklum áhuga, bæði í
Reykjavík og síðar hér í bæ, og fór
slíkt orð af honum að hann þótti með-
al hinna albestu hérlendis. Veit ég
dæmi þess að nokkrum sinnum
gerðu þeir hinir bestu sér ferð norð-
ur til þess að rétta hlut sinn, en höfðu
ekki erindi sem erfiði. Það þóttu tíð-
indi þá örsjaldan að hann tapaði ein-
vígi. Augað var skarpt og keppnis-
skapið mikið. Eftir norðurkomuna
1948 var hann um hríð í hesta-
mennsku með föður sínum og bróður.
Þeir áttu hesthús rétt við golfvöllinn
á Suðurbrekkunni. Ekki fór það
framhjá honum hvernig menn slógu
þessa hvítu kúlu. Nunni tók miklu
ástfóstri við þessa íþrótt og skilaði
nákvæmni hans og elja honum mark-
verðum árangri. Í meira en 30 ár, eða
1953–1985 var hann ætíð í einhverju
verðlaunasæti! Hann vann Olíubikar-
inn hjá GA 1956, 1961 og 1968, Mic-
keýs-bikarinn 1961–1962, Gunnars-
bikarinn 1964 og Gullsmiðabikarinn
1970 og 1978. Hann var öldunga-
meistari GA 1985 og Íslandsmeistari
öldunga árið 1971. En frægðin og
verðlaunin voru honum ekkert aðal-
atriði. Hann bar hlýjan hug til golf-
klúbbsins og vallarins. Þetta var un-
aðsreitur sem hann mat mikils og
hann gerði sér ferðir neðan úr bæ
upp á golfvöll til að raka og hreinsa
ýmiss konar rusl við skálann eða á
brautum.
Nú að leiðarlokum hvarflar hugur
margra golfara til ánægjulegra
stunda með Nunna. Stjórn GA vottar
fjölskyldu hans samúð og kveður
þennan hreinskiptna og trygga liðs-
mann með miklu þakklæti og virð-
ingu.
Megi hönd Guðs leiða hann um
ókunna stigu.
F.h. Golfklúbbs Akureyrar,
Haraldur Sigurðsson.
Ekki löngu eftir komu okkar Dón-
alds til Grímseyjar fyrir 10 árum
kynntumst við Gunnari Konráðssyni,
föður okkar góða vinar Gylfa. Gunn-
ar var hress lífslistamaður sem sóp-
aði af, hvar sem hann fór, fyrir fastar
skoðanir og gustmikla framkomu.
Gunnar var alla sína starfsævi verka-
maður en áhugamálin voru bæði fjöl-
breytt og mörg. Golfari var Gunnar
af lífi og sál og einn af stofnendum
Golfklúbbs Akureyrar. Skínandi góð-
ur snókerspilari á bernskudögum
þeirrar íþróttar á Íslandi. Einlægur
tónlistarunnandi og söngvari sjálfur.
Það var oftar en ekki á síðustu árum,
að við hittum Gunnar vin okkar á Ak-
ureyri, hamingjusaman og brosandi,
með nýkeyptan óperudisk í hönd, á
leið heim í Gil að njóta söngs og flutn-
ings helstu stórsöngvara heimsins.
Ættfaðirinn Gunnar eignaðist 14
börn með heillastjörnunni sinni
henni Stellu, yndislegri konu sem
umvafði manninn sinn og hópinn
þeirra stóra, bæði þétt og vel alla tíð.
Það var eitthvað svo táknrænt að
Gunnar sem taldi sín auðæfi í vel-
gerðum, dugmiklum börnum og
barnabörnum, skyldi eignast 129. af-
komandann nokkrum klukkustund-
um áður en hann sjálfur kvaddi.
Tenging Gunnars við Grímsey var
sterk. Hér á hann stóran hóp. Það
var á gleði- og leikjadegi í grunnskól-
anum sem golfarinn Gunnar sló sín
síðustu golfhögg í litlum golfleik,
stuttu áður en hann varð fyrir því
áfalli sem var upphaf að endinum.
Síðast hitti ég Gunnar á svölum
Fjórðungssjúkrahússins á Akureyri.
Þar sat hann í sólinni, með sína kæru
Stellu sér við hlið. Sjúkdómurinn
hafði sett sitt mark á kempuna en
þegar golf og snóker barst í tal,
glömpuðu augum af áhuga. Neistinn
sem einkenndi Gunnar svo í öllum
hans störfum um ævina, var enn á
sínum stað.
Við Dónald þökkum Gunnari Kon-
ráðssyni skemmtileg kynni og biðj-
um honum og öllum hans, Guðsbless-
unar.
Helga Mattína Björns-
dóttir, Grímsey.
GUNNAR KONRÁÐSSON
Í kvöld kl. 20.00 Lofgjörðar-
samkoma. Fanney Sigurðar-
dóttir stjórnar. Inger Dahl talar.
Allir velkomnir.
Hörgshlíð 12.
Boðun fagnaðarerindisins.
Bænastund í kvöld kl. 20.00.
Sveitarfélagið Ölfus
Útboð
Slitlag Þorlákshöfn 2004
Sveitarfélagið Ölfus óskar eftir tilboðum í slit-
lagsviðgerðir, malbikun, frárennslislagnir og
gerð kantsteina. Verklok eru 22. júlí 2004.
Helstu magntölur eru:
Gröftur 300 m3
Neðra burðarlag 500 m3
Frárennslislagnir 40 m
Malbik 4300 m2
Malbik, stakar viðgerðir 250 m
Kantsteinar 1400 m2
Sögun ca 500 m
Útboðsgögn eru afhent frá og með miðviku-
deginum 2. júní 2004, hjá Verkfræðistofu Suð-
urlands, Austurvegi 3-5, Selfossi og í Ráðhús-
inu, Hafnarbergi 1, Þorlákshöfn, gegn 5.000
kr. skilagjaldi.
Tilboð verða opnuð í Ráðhúsinu, Hafnarbergi
1, Þorlákshöfn, fimmtudaginn 10. júní 2004
kl. 11:00.
Bæjarstjóri Ölfuss.
Sveitarfélagið Ölfus
Þorlákshöfn — Fráveita á
hafnarsvæði
Brunndælur og raforkuvirki
Sveitarfélagið Ölfus óskar eftir tilboðum í
skólpdælur, raforkuvirki og stjórnbúnað vegna
framkvæmda við fráveitu á hafnarsvæðinu í
Þorlákshöfn.
Helstu verkþættir eru:
Skólpdælur. Afköst 55 l/sek., lyftihæð
7,2 m 2 stk.
Þrýstilagnir 200-300 mm 31 m.
Stjórnbúnaður, stýrivélar og skjástöð o.fl.
Skýli og töflukassi fyrir stjórnbúnað.
Verkinu skal lokið fyrir 15. október 2004.
Útboðsgögn eru afhent gegn 3.000 kr. skila-
gjaldi á skrifstofu VSÓ Ráðgjafar, Borgartúni
20, 105 Reykjavík, frá og með þriðjudeginum
1. júní 2004.
Tilboðum skal skilað á sama stað fyrir opnun
tilboða fimmtudaginn 10. júní 2004 kl. 10:00.
R A Ð A U G L Ý S I N G A R
Auglýsing
um deiliskipulag
í Grímsnes- og Grafningshreppi
Samkvæmt 1. mgr. 25. gr. skipulags- og bygg-
ingarlaga nr. 73/1997 er hér með auglýst eftir
athugasemdum við eftirfarandi deiliskipulags-
tillögu:
Þrastarlundur í Grímsnesi, þjónustusvæði
Ungmennafélags Íslands.
Tillagan gerir ráð fyrir aðkomu og bílastæði
við þjónustumiðstöð sem áður hefur verið
samþykkt og er í byggingu, byggingarreit sem
verður sameiginlegur fyrir þjónustumiðstöð,
sýningarsal og síðari viðbætur við þjónustu-
miðstöðina, byggingarreit fyrir 2 starfsmanna-
hús og reit fyrir framtíðar bensínafgreiðslu
Skipulagstillagan mun liggja frammi á skrif-
stofu á skrifstofu Grímsnes- og Grafnings-
hrepps að Borg og hjá embætti skipulagsfull-
trúa uppsveita Árnessýslu, Dalbraut 12, Laug-
arvatni, á skrifstofutíma frá 2. júní til 30. júní
2004. Athugasemdir við skipulagstillöguna
skulu berast til skipulagsfulltrúa uppsveita Ár-
nessýslu í síðasta lagi miðvikudaginn 14. júlí
2004 og skulu þær vera skriflegar. Hver sá, sem
ekki gerir athugasemdir við tillöguna innan
tilskilins frests, telst vera samþykkur henni.
Laugarvatni, 21. maí 2004.
F.h. sveitarstjórnar Grímsness-
og Grafningshrepps,
Arinbjörn Vilhjálmsson, skipulags-
fulltrúi uppsveita Árnessýslu.
Suður-Frakkland
Til leigu hús í Suður-Frakklandi, nálægt Mars-
eille. Frá og með 15. júlí — 15. sept. nk. Leigist
allan tímann eða að hluta. Húsið er stórt einbýl-
ishús með aukaíbúð, sundlaug o.s.frv. 3 tvöföld
svefnherbergi. Góður bíll getur fylgt með í
leigu. Áhugasamir leggi inn nafn og símanúm-
er á augldeild Mbl. eða á box@mbl.is merkt
„15464“ fyrir fimmtudaginn 3. júní.
ATVINNUHÚSNÆÐI
ATVINNA
mbl.is
TILBOÐ / ÚTBOÐ
ATVINNA
mbl.is