Morgunblaðið - 02.06.2004, Blaðsíða 18

Alþjóðleg ferðaráðgjöf
Ferðamálaskóli Íslands er eini skólinn á Íslandi
sem hefur kennt alþjóðlegt IATA/UFTAA námsefni
samfleitt í 12 ár. Á hverju ári útskrifar skólinn
„ferðaráðgjafa“ til starfa á ferðaskrifstofum,
flugfélögum og við aðra ferðaþjónustu,
enda er í dag krafa ferðaþjónustuaðila
að starfsfólk hafi slíka menntun.
Bíldshöfða 18 • Sími 567 1466 • Opið frá kl. 8—22
Höfuðborgin | Akureyri | Suðurnes | Austurland | Landið
Minnstaður
Höfuðborgarsvæðið Svavar Knútur Kristinsson, svavar@mbl.is, sími 569-1100.
Suðurnes Helgi Bjarnason, helgi@mbl.is, sími 569-1310 og 669-1310. Akureyri Skapti
Hallgrímsson, skapti@mbl.is, Margrét Þóra Þórsdóttir, maggath@mbl.is og Kristján
Kristjánson, krkr@mbl.is, sími 461-1600. Vesturland Ásdís Haraldsdóttir, asdish@mbl.is,
sími 898-5258. Austurland Steinunn Ásmundsdóttir, austurland@mbl.is, sími 669-1115.
Árborgarsvæðið og Landið Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Kleinubakstur | Meistarakeppni í kleinu-
bakstri verður haldin í annað sinn 19. júní
næstkomandi. Þar koma saman steik-
ingameistarar, húsmæður og húsbændur af
öllu landinu og keppa um titilinn Klein-
umeistari Íslands.
Keppt verður um útlit, bragð og stökk-
leika. Vegleg verðlaun eru í boði. Keppnin
verður haldin á Safnasvæði Akraness, eins
og síðasta ár og í fréttatilkynningu eru ein-
staklingar, félagasamtök og aðrir hópar
hvattir til að taka þátt í keppninni.
Úr
bæjarlífinu
HÉÐAN OG ÞAÐAN
Morgunblaðið/Sigurður Elvar
Jóna Adolfsdóttir og Guðrún Viggósdóttir
báru sig fagmannlega að á fyrsta lands-
móti kleinusteikingarfólks í fyrra.
Gefðu þér tíma | Undirritaður hefur ver-
ið samstarfssamningur milli Kvennahlaups-
nefndar ÍSÍ og Lýðheilsustöðvar vegna
Kvennahlaups ÍSÍ sem á 15 ára afmæli 19.
júní nk. Tilgangur samstarfsins er að nýta
styrk Kvennahlaups ÍSÍ á sem faglegastan
og skilvirkastan hátt í framtíðinni til að
vekja athygli á málefnum er varðar heilsu-
far kvenna á öllum aldri. Í ár verður kast-
ljósinu varpað á mikilvægi reglulegrar
hreyfingar fyrir andlega heilsu og sjálfs-
myndina. Af því tilefni er yfirskrift hlaups-
ins: hreyfing eflir andann. Gefðu þér tíma!
Af hverjum seldum bol Kvennahlaups
ÍSÍ renna 50 kr. til góðs málefnis í takt við
þema hlaupsins.
Samninginn undirrituðu Ingibjörg Berg-
rós Jóhannesdóttir, formaður kvenna-
hlaupsnefndar ÍSÍ, og Anna Elísabet Ólafs-
dóttir, forstjóri Lýðheilsustöðvar.
Digranesgata | Gatan sem verið er að
gera utan við Brúartorg í Borgarnesi, við
þjóðveg 1, hefur fengið nafn. Bæjarráð
Borgarbyggðar gaf henni nafnið Digranes-
gata. Sparisjóður Mýrasýslu er að reisa
höfuðstöðvar sínar við götuna.
Gamla leigubílastöð-in á Ísafirði fær ásig nýjan blæ í
sumar því á föstudag verð-
ur opnuð þar ný verslun
með handunnar vörur,
skv. fréttavef bb. Þorbjörg
Elfa Hauksdóttir, hand-
verkskona, er að setja upp
búðina en hún vinnur allar
vörurnar sjálf, allt frá
barnaleikföngum og upp í
skartgripi. „Allt sem mér
dettur í hug að gera,“ seg-
ir Þorbjörg Elfa, spurð
um efnistökin. Mikið af
vörunum er unnið úr nátt-
úrulegum efnum og
þ. á m. eyrnalokkar úr
bláskeljum. Verslunin
verður til húsa í gömlu
leigubílastöðinni í sumar
en eftir það þarf að finna
henni nýtt húsnæði því til
stendur að rífa stöðina.
Áttu bíl?
Selfoss | Konurnar á
Sjúkrahúsi Suðurlands
tóku þátt í átakinu Ísland
á iði, sem stóð yfir þar til
um síðustu helgi og hjól-
uðu í vinnuna undanfarið.
Þessi hressi hópur var
fyrir utan Sjúkrahúsið á
dögunum, nýkominn hjól-
andi í vinnuna.
Morgunblaðið/Sigurður Jónsson
Duglegar konur hjóla
Gunnar Birgissonlýsti því yfir aðhann ætlaði ekki
að yfirgefa þinghúsið
nema af fyrirhuguðum
skattalækkunum rík-
isstjórnarinnar yrði og
jafnvel tjalda í Alþing-
isgarðinum. Síðar lýsti
hann því yfir að Framsókn
hefði gengið á bak orða
sinna með því að sam-
þykkja ekki skattalækk-
anir fyrir þinglok. Friðrik
Steingrímsson orti:
Aldrei Gunnar orða spar
örlög þau sér valdi,
að fá með svikum framsóknar
frítt að búa í tjaldi.
Böðvar Guðlaugsson
snýr út úr jólalaginu
„Babbi segir, babbi segir“:
Dóri segi, Dóri segir
Dabbi er að fara í skjól.
Dabbi segir, Dabbi segir
Dóri fær þá nýjan stól.
Hæ, hæ við hlökkum til
hrópa liðsmenn Dóra þá,
æstir eru í apaspil
allir nema Kristinn H.
Af þinginu
pebl@mbl.is
Tálknafjörður | Smiðir frá Tré-
smiðjunni Eik ehf. í Tálknafirði
hafa undanfarið unnið að end-
urbótum á einu af húsum Sam-
úels heitins Jónssonar í Braut-
arholti í Selárdal í Arnarfirði.
Áformað er að skipta um þak og
setja nýja glugga í húsið. Mann-
virki þau sem Samúel reisti í
Brautarholti og listaverk hans
hafa vakið mikla athygli ferða-
manna, sem hafa lagt leið sína í
Selárdal. Verk hans hafa látið á
sjá í áranna rás og hefur óblíð
veðrátta átt sinn þátt í því. Það
eru landbúnaðar- og samgöngu-
ráðuneytin sem leggja til fjár-
magn til viðgerðanna, en í þess-
um áfanga er ætlunin að loka
öðru húsinu og gera við þakið á
kirkjunni.
Morgunblaðið/Finnur Pétursson
Starfsmenn Trésmiðjunnar Eikar ehf. F.v.: Finnur, Guðni, Sigurður, Anton og Björgvin. Húsið sem
unnið er að viðgerðum á er í baksýn.
Laghentir smiðir í Selárdal
Endurbætur
Í KVÖLD klukkan 18:30 halda nemendur
og kennarar Fellaskóla uppskeruhátíð í
borgarleikhúsinu. Eftir setningarávarp
skólastjóra mun dagskrá sem er í höndum
nemenda fara fram á stóra sviði leikhússins,
en þar koma fram Lúðrasveit Árbæjar og
Breiðholts, Kór Fellaskóla og hljómsveitin
Enn ein sólin.
Að lokum verður sýndur rokksöngleikur-
inn Superstar sem leiklistarval skólans hef-
ur æft í vetur. Í anddyri Borgarleikhússins
verða sýnd sýnishorn af ýmsum verkum
nemenda og þar verður einnig lítill sölubás
sem nemendur í 4. bakk hafa sett upp með
varningi, sem þau hafa sjálf hannað og smíð-
að, allt á hóflegu verði. Þá verða sýndar ljós-
myndir frá skólastarfinu á tjaldi á stóra
sviðinu fyrir og eftir dagskrána.
Sýningin er öllum opin en aðgöngumiðar
kosta 500 krónur og verða þeir seldir á skrif-
stofu skólans og einnig við innganginn.
Uppskeruhátíð
Fellaskóla
Í FRIÐLANDI Svarfdæla, elsta votlend-
isfriðlandi á Íslandi, verpa fjölmargar
fuglategundir. Í frétt á vef Dalvíkurbyggð-
ar kemur fram að vitað er um 36 tegundir
fugla sem valið hafa Friðlandið sem ákjós-
anlegan stað til að ala upp afkvæmi sín.
Fjórtán anda- og gæsategundir verpa í
Friðlandinu en auk þeirra 6 tegundir
máva, 8 tegundir vaðfugla og átta aðrar
tegundir.
Í lista yfir þá fugla sem verpa í Friðland-
inu eru þessir nefndir; æðarfugl, stokkönd,
rauðhöfði, toppönd, gulönd, urtönd, skú-
fönd, flórgoði, hávella, grafönd, grágæs,
lómur, álft, svartbakur, sílamávur, storm-
mávur, hettumávur, kjói, kría, jaðrakan,
spói, óðinshani, heiðlóa, sandlóa, hrossa-
gaukur, lóuþræll, tjaldur, þúfutittlingur,
auðnutittlingur, steindepill, skógarþröst-
ur, maríuerla, músarrindill, rjúpa, brand-
ugla.
Auk þessara eru fjölmargir fuglar sem
hafa skamma dvöl í Friðlandinu á leið til
heimkynna sinna. Fjölmargir fuglar sjást
árlega en ekki er vitað um varp þeirra, en
þar er um að ræða; hrafn, fálka, smyril,
himbrima, heiðagæs, helsinga, gráhegra,
straumönd, tildra, rauðbrysting, sendling,
hvítmáva, silfurmáva og ritu.
36 tegundir verpa
í Friðlandinu
♦♦♦
  
  
AUGLÝSINGADEILD
netfang: augl@mbl.is eða sími 569 1111