Morgunblaðið - 02.06.2004, Blaðsíða 41
FRÉTTIR
MORGUNBLAÐIÐ MIÐVIKUDAGUR 2. JÚNÍ 2004 41
Meistarafyrirlestur í tölv-
unarfræði við HÍ Á morgun,
fimmtudaginn 3. júní kl. 15, heldur
Þorvaldur Pétursson fyrirlestur um
verkefni sitt til meistaraprófs í tölv-
unarfræði. Verkefnið ber heitið
Högun dreifðra ívafskerfa.
Fyrirlesturinn verður haldinn í
stofu 158 í VR-II, húsakynnum
verkfræðideildar Háskóla Íslands.
Meistaraprófsnefndina skipa
Hjálmtýr Hafsteinsson dósent, sem
jafnframt er aðalleiðbeinandi, Krist-
inn Andersen, Marel og Snorri
Agnarsson prófessor.
Meistarafyrirlestur við
verkfræðideild HÍ Á morgun,
fimmtudaginn 3. júní kl. 16, heldur
Unnur Björnsdóttir fyrirlestur um
verkefni sitt til meistaraprófs í véla-
verkfræði. Verkefnið ber heitið:
Nýting jarðhita til kælingar.
Fyrirlesturinn verður haldinn í
húsakynnum Verkfræðistofu Guð-
mundar og Kristjáns, Laugavegi
178. Meistaraprófsnefndina skipa
Fjóla Jónsdóttir, dósent við véla- og
iðnaðarverkfræðiskor, Halldór Páls-
son, sérfræðingur við véla- og iðn-
aðarverkfræðiskor, og Kristinn
Ingason, vélaverkfræðingur hjá
VGK.
Meistarafyrirlestur í verk-
fræðideild HÍ Á morgun, fimmtu-
daginn 3. júní kl. 16, heldur Bene-
dikt Orri Einarsson fyrirlestur um
verkefni sitt til meistaraprófs í
verkfræði. Verkefnið heitir Rann-
sókn á íslenska raforkumarkaðnum.
Leikjafræðileg nálgun.
Fyrirlesturinn verður fluttur í stofu
157 í VR-2, húsi verkfræði- og raun-
vísindadeilda við Hjarðarhaga 4.
Leiðbeinendur Benedikts voru þeir
Páll Jensson, prófessor við verk-
fræðideild Háskóla Íslands, og Gylfi
Magnússon, dósent í viðskipta- og
hagfræðideild. Prófdómari er Ólaf-
ur Pétur Pálsson, dósent við verk-
fræðideild HÍ.
Opið hús verður á Landakoti
Öldrunarsvið Landspítala – há-
skólasjúkrahúss, Landssamband
eldri borgara og Félag eldri borg-
ara í Reykjavík efna til opins húss
og kynningar á Landakoti á morg-
un, fimmtudaginn 3. júní, kl. 13–16.
Haldnir verða opnir fyrirlestrar um
fræðileg efni, hagsmunamál eldri
borgara reifuð og margvísleg úr-
ræði eldri borgara kynnt. Kór Fé-
lags eldri borgara syngur og boðið
verður upp á veitingar.
M.a. verður kynnt starfsemi öldr-
unarsviðs LSH, samþætting heima-
þjónustu við aldraða, beinþynning
og varnir gegn henni, munurinn á
gleymsku og Alzheimers-sjúkdómi,
öryggisskoðun á heimilum til byltu-
varna og félagsstarf aldraðra. Auk
þess verður öldrunarrannsókn
Hjartaverndar kynnt. Boðið verður
upp á mælingar, svo sem blóðþrýst-
ingsmælingar, blóðsykurmælingu,
jafnvægismælingu og beinþéttni-
mælingu á hæl. Stafaganga verður
kennd og upplýsingaefni lagt fram
sem snertir félagsleg mál og heilsu-
far á efri árum. Benedikt Dav-
íðsson, formaður Landssambands
eldri borgara talar um hagsmuna-
mál aldraðra, og Jónína Bjartmarz,
alþingismaður og formaður heil-
brigðisnefndar Alþingis, heldur er-
indi.
Á MORGUN
Nu Skin með kynningu í Perlunni
Í tilefni 5 ára starfsafmælis síns á Ís-
landi kynnir Nu Skin Scandinavia
nýtt tæki, BioPhotonic scanner eða
andoxunarskanna, en með honum er
unnt að mæla magn mjög svo nauð-
synlegra andoxunarefna í lík-
amanum. „Nu Skin fagnar því að
hafa nú haft starfsemi á Íslandi í
fimm ár og af því tilefni opnar fyr-
irtækið og óháðir dreifingaraðilar
þess dyrnar að Perlunni laugardag-
inn 5. júní kl. 12–18 og bjóða gestum
að kynnast heilbrigði og vellíðan frá
ýmsum hliðum. Sérstakur viðburður
er kynning á hinum nýstárlega an-
doxunarskanna í samstarfi við hinn
góðkunna lyfjafræðing Bjarna Bær-
ings,“ segir í fréttatilkynningu.
Á NÆSTUNNI
VIÐSKIPTAHÁSKÓLINN á Bifröst brautskráði sl.
laugardag 86 nemendur og markaði athöfnin tvenn tíma-
mót. Í fyrsta lagi hefur skólinn aldrei brautskráð jafn
marga í einu í 85 ára sögu skólans og í öðru lagi voru
fyrstu viðskiptalögfræðingarnir útskrifaðir með BS-
gráðu og er það í fyrsta sinn sem lögfræðimenntað fólk
er útskrifað hérlendis utan Háskóla Íslands. Þess má
einnig geta að í sl. föstudag afnam Alþingi einkarétt
lagadeildar HÍ til að útskrifa fólk sem öðlast getur lög-
mannsréttindi.
Runólfur Ágústsson rektor setti athöfnina og hátíð-
arræðu flutti Matthías Johannessen, skáld og fyrrver-
andi ritstjóri. Þær Bryndís Halla Gylfadóttir og Auður
Hafsteinsdóttir léku á selló og fiðlu.
Alls brautskráði skólinn 28 viðskiptalögfræðinga, 57
viðskiptafræðinga og einn rekstrarfræðing. Bestum ár-
angri þeirra sem luku BS-gráðu úr viðskiptadeild með 90
einingar í staðnámi náðu Hlynur Angantýsson með ein-
kunnina 8,1, Linda Kristinsdóttir með einkunnina 8,09
og Jón Hávarður Jónsson með einkunnina 8,07. Af þeim
sem útskrifuðust með BS-gráðu í fjarnámi voru það
Hallur Símonarson með einkunnina 8,7 og Einar G. Páls-
son með einkunnina 8,65. Af þeim sem ljúka þriðja árinu
í staðnámi, en hafa áður lokið 60 einingum við aðra há-
skóla náði bestum árangri Ingvaldur Mar Ingvaldsson
með einkunnina 8,3. Í lögfræðideildinni af þeim sem luku
BS-gráðu með 90 einingar í staðnámi náðu bestum ár-
angri Jóhann Haukur Hafstein með einkunnina 8,3,
Þórður Reynisson með einkunnina 8,22 og Hrannar
Magnússon með einkunnina 8,16.
Tíu nemendur hlutu skólastyrki til náms á næsta ári,
samtals að fjárhæð kr. 2, 8 milljónir króna.
Í viðskiptadeild voru það Jón Óli Sigurðsson, með
meðaleinkunnina 8,43 sem er einstæður árangur í skól-
anum, Björn Snær Atlason, með meðaleinkunnina 8,25
og Ólína Þóra Friðriksdóttir og Finnbjörn Börkur Ólafs-
son, jöfn með meðaleinkunnina 8,19. Í lögfræðideild voru
það Þórarinn Ingi Ólafsson, meðaleinkunn 8,22, Jónas
Rafn Tómasson, meðaleinkunn 8,19 og Arnar Gauti
Finnsson, meðaleinkunn 8,12. Í frumgreinadeild voru
það Rebekka Frímannsdóttir, meðaleinkunn 9,09, Alda
Agnes Gylfadóttir, meðaleinkunn 8,69 og Orri Sigurðs-
son, meðaleinkunn 8,64.
Tvö ný þróunarverkefni við skólann
Í ræðu rektors, Runólfs Ágústssonar, tilkynnti hann
um tvö ný þróunarverkefni við háskólann:
Annars vegar þróun doktorsnáms í samstarfi við
danska háskóla og hins vegar að verið væri að athuga
hagkvæmni og kosti þess að breyta námsfyrirkomulagi
til BS-gráðu þannig að með þriggja anna kerfi og heils-
ársnámi geti fólk útskrifast með þá gráðu eftir tveggja
ára nám í stað þriggja nú. Tillaga um skoðun á þessu var
samþykkt á fundi Háskólastjórnar sl. fimmtudag og yrði
þessi breyting, ef af verður, mikil nýlunda í háskólanámi
hérlendis.
Runólfur fjallaði einnig um samfélagsmál að venju og
gagnrýndi harðlega stöðu aldraðra á vinnumarkaði hér-
lendis. Benti hann á löggjöf í Bandaríkjunum og Evrópu-
sambandinu um bann við mismunun á grundvelli aldurs
á vinnumarkaði og varpaði fram þeirri spurningu hvort
lög og reglur um opinbera starfsmenn brjóti mannrétt-
indi á öldruðum með því að knýja þá til starfsloka óháð
einstaklingsbundnum aðstæðum og vilja hvers og eins.
Að athöfn lokinni voru viðstöddum boðnar léttar veit-
ingar í hátíðarsal skólans.
Morgunblaðið/Guðrún Vala
Fyrstu viðskiptalög-
fræðingarnir útskrifast
Borgarfirði. Morgunblaðið.
Lögfræðideild (28)
BS-gráða í viðskipta-
lögfræði (28)
Anna Lilja Björnsdóttir
Björn Jakob Björnsson
Elín Málmfríður Magnúsdóttir
Elín Sigurðardóttir
Guðfinna Eyrún Ingjaldsdóttir
Guðrún Íris Úlfarsdóttir
Halla Ýr Albertsdóttir
Haraldur Hrafn Guðmundsson
Helga Kristín Auðunsdóttir
Hlín Sigurbjörnsdóttir
Hrannar Magnússon
Ingimundur Óskarsson
Jarþrúður Hanna Jóhannsdóttir
Jóhann Haukur Hafstein
Jón Ingi Ingibergsson
María Ágústsdóttir
Marta Jónsdóttir
Ólafur Gunnarsson
Pétur Már Jónsson
Rakel Viðarsdóttir
Sólveig Eiríksdóttir
Unnar Steinn Bjarndal
Unnur Kristín
Sveinbjarnardóttir
Þormóður Skorri Steingrímsson
Þóra Margrét Þorgeirsdóttir
Þórarinn Hjörleifsson
Þórdís Sif Sigurðardóttir
Þórður Reynisson
Viðskiptadeild (58)
Diplóma í rekstrarfræði (1)
Ingibjörg Gréta Gísladóttir
BS-gráða í viðskiptafræði (57)
Andrés Ívarsson
Árný Elsa Lémacks
Bárður Örn Gunnarsson
Berglind Bára Hansdóttir
Berglind Ólafsdóttir
Berglind Ósk Þormar
Einar G. Pálsson
Elva Ösp Magnúsdóttir
Elvar Vilhjálmsson
Guðbjartur Þórarinsson
Gunnhildur Erla Vilbergsdóttir
Halla Valgerður Haraldsdóttir
Halldór Már Sverrisson
Hallur Símonarson
Hans Adolf Hjartarson
Helga Arngrímsdóttir
Hermann Sigurðsson
Hlynur Angantýsson
Ingibjörg Stefánsdóttir
Ingvaldur Mar Ingvaldsson
Íris B. Ansnes
John Kaarup Bek
Jóhann Snorri Sigurbergsson
Jóhanna A. Logadóttir
Jón Hávarður Jónsson
Kristmann Rúnar Larsson
Linda B. Halldórsdóttir
Linda Kristinsdóttir
Magnús Ingi Stefánsson
Magnús Þór Sandholt
Margrét Dögg Sigurðardóttir
Margrét Högna Ásgeirsdóttir
Marinó Mortensen
María Dröfn Sigurðardóttir
Oddný Kristín Guðmundsdóttir
Ólafía Pálmadóttir
Ólöf Friðriksdóttir
Ólöf Inga Sigurbjartsdóttir
Ómar Örn Hannesson
Páll Sveinsson
Pétur A. Maack
Pétur Jakob Petersen
Rósa Jennadóttir
Rúnar Friðriksson
Sigmar Páll Egilsson
Signý Jóhannsdóttir
Sigríður Anna Harðardóttir
Sigríður Ellen Blumenstein
Sigríður Theódóra
Knútsdóttir
Svanur Valdimarsson
Sverrir Hólm Reynisson
Unnur Erla Haraldsdóttir
Unnur Kristín Ragnarsdóttir
Valgeir Jens Guðmundsson
Þorkell Magnússon
Þorsteinn Örn Finnbogason
Þórhalla Huld Baldursdóttir
Útskriftarnemar á Bifröst
KRABBAMEINSFÉLAGIÐ efnir í
sautjánda sinn til heilsuhlaups
fimmtudaginn 3. júní. Í Reykjavík
verður hlaupið frá húsi félagsins að
Skógarhlíð 8 kl. 19. Þórólfur Árnason
borgarstjóri ræsir hlauparana. Hægt
er að velja um 3 kílómetra skokk eða
göngu frá Skógarhlíð að Öskjuhlíð og
til baka eða 10 kílómetra hlaup um-
hverfis Reykjavíkurflugvöll. Tími
verður mældur hjá öllum og úrslit
birt eftir aldursflokkum, en þeir eru
sex: 14 ára og yngri, 15–18 ára, 19–39
ára, 40–49 ára, 50–59 ára og 60 ára og
eldri. Fyrsti karl og fyrsta kona í öll-
um aldursflokkum í 3 km og 10 km
hlaupum fá verðlaunagripi. KB banki
er aðalstyrktaraðili hlaupsins.
Forskráning er á Hlaupasíðunni
(hlaup.is). Skráning er hjá Krabba-
meinsfélaginu í Skógarhlíð 8 fimmtu-
daginn 3. júní kl. 8–18. Þátttökugjald
er 500 kr. fyrir 14 ára og yngri en
1.000 kr. fyrir 15 ára og eldri. Bolur er
innifalinn í gjaldinu. Allir sem ljúka
hlaupinu fá viðurkenningarpening.
Utan Reykjavíkur verður hlaupið á
tólf stöðum, alls staðar kl. 19 á
fimmtudaginn. Í Borgarnesi verður
hlaupið frá íþróttamiðstöðinni, á
Vopnafirði frá íþróttahúsinu, á Egils-
stöðum frá sundlauginni, á Borgar-
firði eystri frá Fjarðarborg, á Seyð-
isfirði frá sundlauginni, í Mjóafirði frá
Brekku, í Neskaupstað frá sundlaug-
inni, á Eskifirði frá sundlauginni, á
Reyðarfirði frá sundlauginni, á Breið-
dalsvík frá sundlauginni, á Djúpavogi
frá sundlauginni og í Keflavík frá
sundmiðstöðinni.
Heilsu-
hlaup-
Krabba-
meins-
félagsins
SAMTÖK ferðaþjónustunnar hafa
sent frá sér yfirlýsingu þar sem mót-
mælt er ákvörðun ríkisstjórnarinnar
um að halda áfram hvalveiðum í vís-
indaskyni hér við land í sumar.
„Þrátt fyrir að dýrum sem veiða skal
í sumar verði stórfækkað miðað við
fyrri áform, þá eru stjórnvöld að
taka áhættu með hvalveiðum og hef-
ur verið á það bent að verið sé að
fórna meiri hagsmunum fyrir minni
þar sem enginn markaður sé fyrir
hvalkjöt í heiminum.
Vöxtur ferðamanna, sem hafa far-
ið í hvalaskoðun, er ævintýri líkast-
ur. Á tæpum áratug hefur ferða-
mönnum í hvalaskoðun fjölgað úr
tveimur þúsundum 1995 í yfir 70
þúsund 2003,“ segir m.a. í yfirlýs-
ingu samtakanna.
SAF mótmæla
hvalveiðum
♦♦♦