Morgunblaðið - 02.06.2004, Blaðsíða 25

LISTIR
MORGUNBLAÐIÐ MIÐVIKUDAGUR 2. JÚNÍ 2004 25
Efnt verður til masterclass-námskeiða í Vest-mannaeyjum dagana 14.–22. ágúst næstkomandi.
Námskeiðið verður með svipuðu
sniði og undanfarin ár en leiðbein-
endur að þessu sinni eru Áshildur
Haraldsdóttir, flauta, Guðný Guð-
mundsdóttir, fiðla, Gunnar Kvaran,
selló, Nína Margrét Grímsdóttir, pí-
anó, og sænski píanóleikarinn kunni
Love Derwinger, sem leiðbeinir jafnt
píanó- og söngnemum.
„Þetta er frábært tækifæri fyrir
tónlistarnema að dveljast í spennandi
og fallegu umhverfi, kynnast öðru
fólki og vinna náið með sínum kenn-
ara,“ segir Áshildur Haraldsdóttir,
sem tekið hefur þátt í námskeiðinu
frá upphafi, ásamt Nínu Margréti.
Þær segja að mikill fengur sé í
Love Derwinger, sem er í hópi
fremstu píanóleikara á Norð-
urlöndum, en hann hefur þar að auki
unnið mikið með söngvurum og mun
leiðbeina söngnemum líka. Þá segja
þær mjög ánægjulegt að Guðný og
Gunnar skyldu hafa tök á því að taka
þátt að þessu sinni. Gunnar er nú
með í fyrsta sinn. „Þau eru bæði í
hópi okkar fremstu hljóðfæraleikara
og kennara,“ segir Áshildur og bætir
við að þetta sé mjög gott tækifæri
fyrir nemendur að kynnast Guðnýju
en vegna anna getur hún ekki tekið
nema takmarkaðan fjölda nemenda á
hverjum vetri.
Þátttökugjald er kr. 25.000 og
segja þær Áshildur og Nína Margrét
það vægt verð fyrir námskeið af
þessu tagi.
Námskeiðið er um leið tón-
leikahátíð, því efnt verður til tónleika
sem opnir eru almenningi meðan á
dvölinni stendur, meðal annars í
helli, sem notið hefur mikilla vin-
sælda. Þátttakendur hafa að jafnaði
verið í kringum 25 en að sögn að-
standenda er það mátulegur fjöldi
miðað við fimm leiðbeinendur. „Ætli
við gætum ekki í mesta lagi tekið við
þrjátíu manns,“ segir Áshildur.
Auk tónleikahalds verður áhersla
á kammertónlist, framkomu og sitt-
hvað fleira, auk þess sem farið verð-
ur í skoðunarferðir og brugðið á leik.
Að sögn aðstandenda hefur raunin
verið sú að nemendur hafa æft af
kappi meðan á dvölinni í Eyjum hef-
ur staðið. „Þau hvetja hvert annað til
dáða með dugnaði,“ segir Nína Mar-
grét og Guðný bætir við að nemend-
urnir læri eflaust meira á einni viku í
Eyjum en á venjulegum mánuði.
Námskeiðið er styrkt af Pokasjóði
og bæjaryfirvöldum í Vestmann-
eyjum sem Nína Margrét og Áshild-
ur segja að hafi tekið sér með opnum
örmum.
Umsóknarfrestur er til 5. júní
næstkomandi. Frekari upplýsingar
eru á masterclass.is.
Masterclass-námskeið og tónleikar í Eyjum í ágúst
Morgunblaðið/Kristinn
Áshildur Haraldsdóttir, Gunnar Kvaran, Guðný Guðmundsdóttir og Nína Margrét Grímsdóttir verða í Eyjum.
„Læra meira á viku þarna
en á venjulegum mánuði“
Fíladelfía Hátúni 2 kl. 20 Gosp-
elkór Reykjavíkur flytur lofgjörðar-
og sálmatónlist á íslensku. Einnig
verða frumflutt nokkur lög eftir
Óskar Einarsson, stjórnanda kórs-
ins. Í Gospelkór Reykjavíkur eru 28
söngvarar. Hljómsveitin er að þessu
sinni skipuð þeim Gunnlaugi Briem,
Jóhanni Ásmundssyni,Óskari Guð-
jónssyni og Óskari Einarssyni.
Í DAG
DALVÍKURKIRKJA er önd-
vegis tónleikahús og eftir umtals-
verðar breytingar á innréttingum,
smíði á sviði, svo ekki sé minnst á
hinn glæsilega Bösendorfer kons-
ertflygil, býður Dalvíkurkirkja upp
á aðstöðu til tónleikahalds eins og
hún gerist best í landinu. Þarna
vinnur saman framsýni heima-
manna í góðri sátt og með ráðgjöf
síns góða tónlistarfólks og tónlist-
aráhugamanna. Ég veit að mörg-
um ber að þakka blómlegt tónlist-
arlíf í Svarfaðardal og á Dalvík. Í
allri umræðunni um hvernig eigi
að verja vöxtunum af eignum
manna og þjóðar finnst mér skiln-
ingur Sparisjóðs Svarfdæla með
Friðrik Friðriksson í brúnni aðdá-
unarverður, því vöxtunum þar á
bæ er varið að myndarlegum hluta
til menningar og lista á Dalvík og í
Svarfaðardal. Þetta er stefnan um
að peningarnir eigi að skila sér til
fólksins með bættu mannlífi, sem
þegar hefur laðað til sín frábært
listafólk og tryggt enn betur líf
hinna. Karlakór Dalvíkur á að baki
52 ára starfsferil, lá reyndar í
dvala um tíu ára skeið, og hét upp-
haflega söngfélagið Sindri. Þeir
hafa löngum átt góða söngmenn á
Dalvík og í Svarfaðardal og ekki
færri en fimm kórar starfandi á
svæðinu. Karlakórinn er vel skip-
aður um þrjátíu söngmönnum.
Jafnvægi var gott á milli radda og
samhljómur oftast þéttur og góður.
Það vakti athygli mína hve hljóð-
fall og takttilfinning er vel þjálfuð,
því oft reyndi mikið á þann þátt,
t.d. var „off beat“ í Gullvagninum,
negrasálmi, betra en maður á að
venjast hjá íslenskum kórum.
Steinar Steingrímsson, tenór og
kóristi, skilaði vel ásamt kórnum
stemmingunni í rússneska laginu
Rauði sarafaninn, í útsetningu
Jóns Þórarinssonar. Kórinn hefur
nýverið sungið í uppfærslum Leik-
félags Dalvíkur á leikgerð Ingi-
bjargar Hjartardóttur á Svarf-
dælasögu, en Guðmundur Óli
samdi og útsetti söngva kórsins.
Þarna er enn eitt dæmi um sam-
eiginlega þátttöku allra sem vett-
lingi geta valdið í listinni þegar
þess gerist þörf. Tvö lög sem
þarna voru flutt úr sýningunni,
Ljúflingsmál og Dynur um allan
dal Svarfaðar, eru vandasöm í
flutningi en áhugaverð. Kórinn var
greinlega mjög öruggur á þeim, en
þéttir og þykkir hljómar í Ljúf-
lingsmáli voru ekki nógu hreint
sungnir. Lagið Mál er í meyjar-
hvílu rataði ekki inn á sýninguna,
en var frumflutt á þessum tón-
leikum og greip lagið og flutningur
þess mann sterkum tökum frá
upphafi til loka, ég er viss um að
fleiri kórar myndu kjamsa við að
fá þetta lag til flutnings. Leiksýn-
ingin tók að sjálfsögðu mikinn tíma
og eins og stjórnandinn skýrði í
byrjun að kórdagskráin yrði styttri
fyrir vikið. Óskar Pétursson bætti
úr því með þremur einsöngslögum
auk þess sem hann söng einsöng í
tveimum lögum með kórnum. Það
kemur víst fæstum á óvart að Ósk-
ar syngi vel og hann er að mínu
mati einn raddlagnasti söngvari
sem við eigum, – jafnvel þótt hann
sjálfur sé ekki í besta formi tekst
honum alltaf að gera það besta úr
aðstæðum. Ég deili ekki þeirri
skoðun með stórum hluta þjóðar-
innar að söngvara eins og Óskari
henti að syngja dægurlög, mér
finnst önnur lög liggja betur. Lag-
ið Þú gætir mín byrjar of neð-
arlega fyrir rödd Óskars, þarna
hefði t.d. fyrsti bassi getað byrjað.
Mér létti verulega þegar Óskar
kom, að mínu mati, á fengsælli
fiskimið og söng með kórnum sí-
gildan tind íslenskra söngva Sjá
dagar koma eftir Sigurð Þórðar-
son. Þarna naut söngur hans og
kórsins sín til fullnustu. Svo ekki
sé talað um snilldar „tímaáminn-
andi“ píanóleikinn hjá Daníel.
Daníel var ekki einasta frábær að
fylgja rituðum nótum annarra
heldur lék hann víða eigin píanóút-
setningar, sem puntaði mikið upp á
góða söngskemmtun. Ég nota orð-
ið söngskemmtun, sem ég ólst upp
við í æsku sem heiti á söngtón-
leikum. Svo sannarlega var þetta
ljómandi söngskemmtun og Guð-
mundur Óli nær að stýra sínu skipi
af léttleika, öryggi og einnig mikl-
um metnaði. Til fyrirmyndar var
að tónleikarnir voru sendir beint
til aldraðra íbúa Dalvíkur á Dalbæ.
Sem eitt af þremur aukalögum
söng kórinn „þjóðsöng“ íslenskra
karlakóra, Sveinar kátir, og sýndi
þar með blæbrigðaauðgi og tilþrif-
um, að Karlakór Dalvíkur er í röð
okkar bestu karlakóra um þessar
mundir.
Kátir sveinar á DalvíkTÓNLISTDalvíkurkirkja
Karlakór Dalvíkur flytur lög eftir íslensk
og erlend tónskáld. Emil Thoroddsen,
Guðmund Óla Guðmundsson, G. Suther-
land, Jakob Frímann Magnússon, Jón G.
Ásgeirsson, R. Max, Sigfús Halldórsson
og Sigurð Þórðarson. Þjóðlög frá Íslandi,
Rússlandi og N-Ameríku. Einsöngslög
eftir: Árna Thorsteinsson, Garðar Karls-
son og Richard Rogers (Rogers/
Hammerstein úr Carousel).
Einsöngvari úr röðum kórfélaga var
Steinar Steingrímsson tenór og Óskar
Pétursson tenór. Píanóleikari og útsetj-
ari hluta píanóleiks: Daníel Þor-
steinsson. Stjórnandi: Guðmundur Óli
Gunnarsson. Laugardaginn 22. maí.
KÓRTÓNLEIKAR
Jón Hlöðver Áskelsson
DANSAR frá Mið-Evrópu var
yfirskrift hádegistónleika í
Hafnarborg. Þau Zsigmond
Lázár fiðluleikari og Antonia
Hevesi píanóleikari léku dansa
frá Ungverjalandi, Austurríki,
Ísrael og Rúmeníu. Fyrst léku
þau Ungverskan dans nr. 5 eftir
Johannes Brahms, síðan Le
Canari eftir F. Poliakin og
Czárdás eftir V. Monti, Klezm-
er-brúðardans frá Ísrael og
Rumantz eða Rúmeníu sem er
skemmtilegur alþýðudans. Zsig-
mond kann virkilega að nota
fiðluna sína í þessari tónlist sem
virðist eins og hún sé honum í
blóð borin, sama er að segja um
Antoníu hverrar fingur dönsuðu
með viðeigandi áherslum og fimi
á flygilinn. Samleikur þeirra var
frábær með dynjandi danstakti
og vel útfærðum áherslum enda
náðist upp rífandi stemmning í
salnum. Hafnfirðingar virðast
kunna að meta framtak þeirra
sem standa að þessum hádeg-
istónleikum því salurinn var
fullsetinn og eins og áður sagði
var mikil stemmning og ekki
skemmdu fyrir hinar litríku og
vel teknu ljósmyndir Rafns
Hafnfjörð úr íslenskri náttúru
sem mynduðu eins konar um-
gjörð um þessa dúndrandi þjóð-
legu danstónlist.
Söngurinn göfgar
og glæðir
Skagfirska söngsveitin í
Reykjavík er búin að syngja
undir stjórn Björgvins Þ. Valdi-
marssonar frá hausti 1983 eða í
20 ár, sem er í raun nokkuð
langur tími í samvinnu kórs og
söngstjóra. Kórinn er að halda í
víking til Kanada og bar efnis-
skráin eðlilega nokkurn keim af
undirbúningi ferðarinnar.
Alls voru fimmtán titlar á efn-
isskránni með alls 24 lögum.
Margt var mjög fallega gert og
hljómurinn í lagi Þorvaldar
Blöndal Nú sefur jörðin sum-
argræn var yndislegur, einnig
var kveðja Bubba Morthens
mjög ljúf og falleg. Myndin þín
eftir Eyþór Stefánsson var að
mörgu leyti góð en söng sig að-
eins sundur með víbrató í sópr-
aninum. Síðust fyrir hlé var
syrpa átta laga eftir Björgvin
söngstjóra.
Eftir hlé söng kórinn allvel al-
veg til enda. Þar mátti meðal
annars finna nýtt lag við kvæði
Stephans G. Stephanssonar Við
verkalok sem söngstjórinn
samdi fyrir kórinn samkvæmt
beiðni kórsins. Þetta lag er tölu-
vert ólíkt öðrum lögum sem
undirritaður hefur heyrt eftir
Björgvin og með ferskum blæ,
passlega ómstrítt, vel hljómandi
og var vel flutt. Úr Sköpun Ha-
ydns var tríóið og kórinn The
heavens declare síðast á efnis-
skránni og var flutt af miklum
myndugleik. Einsöngvaratríó
skipuðu þau Ragna Bjarnadótt-
ir, Baldvin Júlíusson og Guð-
mundur Sigurðsson og hljómuðu
þau mjög vel saman og á móti
kórnum. Ragna söng einnig lag
Björgvins Guðmundssonar Ís-
lands lag fallega með kórnum.
Magnús Sigurjónsson er ung-
ur tenór sem söng með kórnum
í Stökum Jóns Ásgeirssonar og
ásamt Kristínu Sigurðardóttur
dúett með kórnum í lagi Björg-
vins Þ., Þú átt mig að, sem var
virkilega gott. Kristín fór síðan
á kostum í Leðurblökuaríunni
Mein Herr Marquis. Kórinn átti
marga fallega spretti, en sópr-
aninn átti stundum til að syngja
sig í sundur í sterkum söng,
einnig var oft áberandi að radd-
irnar áttu til að fara ekki alla
leið upp á tónana. Þetta var sér-
lega áberandi í karlaröddunum
og tenórinn átti til að stífna og
klemma í nokkrum lögum með
tilheyrandi tónsigi. Annars var
hljómurinn fylltur og gott jafn-
vægi milli radda og textafram-
burður var góður og skýr.
Björgvin leiddi hópinn sinn í
gegnum tónleikana af miklu ör-
yggi. Hlutur Dagnýjar við flyg-
ilinn var mikill og leysti hún
hann vel af hólmi.
Fiðlu-dansar
og kórsöngur
TÓNLIST
Hafnarborg
HÁDEGISTÓNLEIKAR
Zsigmond Lázár fiðluleikari og Ant-
onia Hevesi píanóleikari.
Langholtskirkja
KÓRTÓNLEIKAR
Skagfirska söngsveitin í Reykjavík.
Einsöngvarar Kristín R. Sigurðardóttir
sópran, Ragna S. Bjarnadóttir sópran,
Magnús Sigurjónsson tenór, Baldvin
Júlíusson tenór og Guðmundur Sig-
urðsson baritón. Píanóleikari Dagný
Björgvinsdóttir. Fimmtudagurinn 6.
maí kl. 20.
Jón Ólafur Sigurðsson