Morgunblaðið - 02.06.2004, Blaðsíða 9
FRÉTTIR
MORGUNBLAÐIÐ MIÐVIKUDAGUR 2. JÚNÍ 2004 9
Bæjarlind 12, Kópavogi, sími 544 2222.
www.feminin.is
Opið virka daga kl. 11-18, lau. kl. 10-16.
Mikið úrval af
DOMINIQUE vörum
Stærðir
42-60
S k o ð i ð V i ð e y
www . f e r j a . i s
FYRSTA laxi sumarsins var landað
við Brotið í Norðurá, rétt rúmum
hálftíma eftir að veiði hófst í gær-
morgun. Fiskinn, sem var um 13
punda þung og 89 cm löng hrygna,
veiddi Bjarni Ómar Ragnarsson,
formaður Stangaveiðifélags
Reykjavíkur, en stjórn félagsins hóf
veiðarnar í ánni. Laxinum var
sleppt aftur í ána.
Byrjunin í gærmorgun var lífleg
en Bjarni Ómar setti í fyrsta fiskinn
tíu mínútum eftir að veiði hófst.
Strikaði sá upp hylinn, stökk hátt
fyrir viðstadda og var laus. Tók
hann á Brotinu, rétt eins og hrygn-
an sem landað var skömmu síðar.
Voru þetta fyrstu fiskarnir sem
veiðast á þeim veiðistað í á annað ár,
en í fyrrasumar veiddist enginn lax
á þessum fornfræga veiðistað. Báðir
laxarnir tóku tommulanga túpu-
flugu, „Maríu“, sem Kristján Guð-
jónsson, fyrrverandi formaður
SVFR, hnýtti og nefndi eftir Maríu
Önnu Clausen, kaupkonu í Veiði-
horninu. Ólafur Vigfússon, eig-
inmaður hennar, gaf Bjarna Ómari
fluguna fyrir opnunina.
„Ég var búinn að hnýta rauða
Frances á tauminn í gær, en skipti
um á síðustu stundu,“ sagði formað-
urinn og sá ekki eftir þeirri ákvörð-
un.
Hrygnunni sleppt til
að hitta hæng
Bjarni Ómar tók fast á hrygn-
unni, sem var afar kraftmikil, en
var landað eftir ellefu mínútna við-
ureign. Eftir að hrygnan hafði verið
mæld var henni sleppt í ána aftur,
þar sem hún átti að „hitta vænan
karl og fjölga stórlöxunum í Norð-
urá,“ eins og veiðimaðurinn sagði
eftir að fiskurinn var horfinn út í
strauminn.
Skilyrði til veiða voru ákjósanleg
við Norðurá í gærmorgun, hlýtt og
dumbungur. Rignt hafði um nóttina
og var mikið vatn í ánni. Snemma í
gærmorgun settu þrír aðrir veiði-
menn í fisk í ánni. Tveir tóku við
Eyrina og var öðrum þeirra landað,
en sá var níu pund og kokgleypti
Snældu. Einn fékkst á Stokkhyls-
broti, tíu punda hrygna sem tók
rauðan Frances. Á öðrum veiði-
svæðum árinnar varð ekki vart við
lax á vaktinni.
Í Straumunum, ármótum Norður-
ár og Hvítár, hófst veiði einnig í gær
en þar er veitt á tvær stangir. Höfðu
veiðimenn þar ekki orðið varir.
Veiði í Laxá í Mývatnssveit og í
Laxárdal hófst á laugardaginn var,
29. maí. Í Mývatnssveitinni hefur
verið mjög góð veiði. Um miðjan
dag í gær var búið að skrá um 270
urriða, þar af voru nokkrir sjö
punda fiskar og einn tíu punda. Sá
fékkst á veiðistaðnum Veraldarofsa.
Þessir stóru fiskar hafa veiðst víðar
en endranær, en fiskurinn hefur
ýmist veiðst á straumflugur, and-
streymis og á þurrflugur.
Fyrstu þrjá dagana í fyrra veidd-
ust 156 urriðar í Laxárdal en nú eru
þeir mun fleiri eða liðlega 190. Með-
alvigtin er góð og veiðimenn hæst-
ánægðir, rétt eins og uppfrá, í Mý-
vatnssveitinni.
Morgunblaðið/Golli
Bjarni Ómar Ragnarsson tekst á við vænan lax, þann fyrsta sem tók á laxveiðitímabilinu, um tíu mínútum eftir að
veiðin hófst. Laxinn stökk tignarlega og var síðan laus. Skömmu síðar setti Bjarni í annan lax og landaði.
Lífleg byrjun í Norðurá
ERU
ÞEIR AÐ
FÁ’ANN?
Morgunblaðið/Golli
Bjarni Ómar nýtur aðstoðar Gylfa Gauts Péturssonar við að mæla lengdina
á fyrsta laxi vertíðarinnar, hrygnu sem reyndist 89 sm, eða um 13 pund.
BÍL var ekið á ljósastaur á Reykja-
nesbraut rétt við veitingastaðnum
Ak-Inn um fimmleytið í gær, að sögn
lögreglunnar í Kópavogi. Ekki urðu
slys á fólki við atvikið, en bíllinn, sem
ekið var á staurinn, er talsvert mikið
skemmdur.
Þá var ökumaður tekinn í bænum í
gær, grunaður um ölvun við akstur.
Jafnframt urðu sex umferðaróhöpp í
bænum í gær og voru þau af ýmsum
toga, sem er að sögn lögreglu nokk-
uð mikill fjöldi. Enginn slasaðist við
óhöppin.
Ók á ljósa-
staur
BÍLVELTA varð við Heydalsaf-
leggjara um tvöleytið í gær, að sögn
lögreglunnar í Stykkishólmi. Bíllinn
tók eina veltu og endaði á hliðinni í
skurði og þótti mildi að ökumaður
bílsins, sem var einn á ferð, slasaðist
ekki. Bíllinn er töluvert skemmdur
eftir óhappið. Að sögn lögreglu hefur
mikið verið um útafakstra á Snæ-
fellsnesi og voru þeir sérlega áber-
andi í fyrra. Oft sé um að ræða út-
lendinga, sem aki útaf á malarvegum
á þessum slóðum
Bílvelta við
Heydals-
afleggjara
♦♦♦