Morgunblaðið - 16.09.2004, Blaðsíða 10

FRÉTTIR
10 FIMMTUDAGUR 16. SEPTEMBER 2004 MORGUNBLAÐIÐ
SKIPAN í stöðu rektors Landbún-
aðarháskóla Íslands hefur verið
gagnrýnd að undanförnu. Af 14 um-
sækjendum um stöðuna nýttu sex
umsækjendur sér rétt stjórnsýslu-
laga til að óska eftir rökstuðningi
landbúnaðarráðherra fyrir skipun
dr. Ágústs Sigurðssonar í stöðu rekt-
ors Landbúnaðarháskólans til næstu
fimm ára. Svarbréf ráðherra var
sent umsækjendunum síðdegis í
gær.
Morgunblaðið ræddi í gær við tvo
umsækjendur úr röðum þeirra sem
óskuðu eftir rökstuðningi ráðherra,
þær Kristínu Völu Ragnarsdóttur,
prófessor við háskólann í Bristol í
Englandi, og Ingibjörgu S. Jónsdótt-
ur, prófessor við háskólasetrið á
Svalbarða, en þær höfðu þá ekki
fengið rökstuðning ráðherra í hend-
ur.
Hélt að vinnubrögðin
væru fagmannlegri
Kristín Vala gagnrýnir vinnu-
brögðin við stöðuveitinguna og seg-
ist í samtali við Morgunblaðið hafa
orðið mjög undrandi á hvernig að
henni var staðið. „Þar sem ég hef
ekki starfað á Íslandi frá því ég fór í
nám erlendis vissi ég ekki hvernig að
þessu er staðið á Íslandi en ég hélt
þó að vinnubrögðin væru fagmann-
legri. Ég vissi ekki að Ísland væri
svona langt á eftir, eða a.m.k. land-
búnaðarráðuneytið.“
Kristín Vala segir undarlegast við
þessi vinnubrögð að ekki hafi verið
beðið um nein meðmæli. Hún furðar
sig einnig á því að ekki hafi verið
skipuð sérstök matsnefnd til að fara
yfir allar umsóknir og ræða við um-
sækjendur eins og tíðkist í öðrum
löndum, m.a. í Bretlandi, þegar um
þýðingarmiklar stöður við háskóla er
að ræða. Hún segist hafa setið í
nefndum sem annast ráðningar í
prófessorsstöður á Norðurlöndun-
um, Þýskalandi og Bandaríkjunum,
og því kynnst hvernig staðið er að
mati á umsóknum í þessum löndum.
Settar væru á stofn matsnefndir til
að meta hæfi allra umsækjenda og
það væri raunar líka gert við HÍ. Við
skipun rektors Landbúnaðarháskóla
Íslands hafi hins vegar verið ákveðið
að fela háskólaráði skólans að meta
alla umsækjendur. Ekki hafi verið
sett á laggirnar sérstök nefnd til að
eiga viðtöl við umsækjendur heldur
ræddu umsækjendur við starfsmenn
landbúnaðarráðuneytisins. Enginn
einn aðili hafi því átt samtöl við alla
umsækjendurna og haft yfirsýn yfir
allan hópinn, að sögn hennar.
Segist hún hafa farið í tvö viðtöl
vegna umsóknar sinnar, talað við
ráðuneytisstjóra og skrifstofustjóra
landbúnaðarráðuneytisins og í
seinna viðtalinu við formann há-
skólaráðsins, sem væri lögfræðingur
utan úr bæ sem hefði ekki þekkingu
á rekstri háskóla.
Kristín Vala hefur starfað við há-
skólann í Bristol í 15 ár, þar af sem
prófessor sl. 3 ár. Hún bendir á að
við háskólann í Bristol sé sett á fót
15–20 manna nefnd sem ræði við um-
sækjendur um stöður af þessu tagi.
„Talað er við alla á sama degi, allir
eru spurðir sömu spurninga og þess
er alltaf gætt að konur eigi sæti í
nefndunum.“ Kristín Vala segist
ætla að bíða eftir rökstuðningi ráð-
herra áður en hún ákveður hvort hún
fer lengra með málið en segir bæði
koma til greina að kæra til jafnrétt-
isráðs og umboðsmanns Alþingis.
„Eftir að hafa starfað við háskóla
erlendis í meira en 20 ár tel ég mig
geta metið umsækjendur út frá aka-
demískri hlið og tel að konurnar [í
hópi umsækjenda] hafi verið sterk-
astar. Þess vegna er þetta líka jafn-
réttismál, ekki bara stjórnsýslumál,“
segir hún.
Mikils virði að fá fólk með
reynslu af háskólastarfi
Ingibjörg S. Jónsdóttir lauk dokt-
orsprófi árið 1989 og hefur síðan
starfað innan háskóla, m.a. leitt
rannsóknarhópa og starfað við há-
skólana í Lundi og Gautaborg og síð-
ustu fjögur árin verið prófessor við
háskólasetrið að Svalbarða.
Hún vill lítið um málið segja fyrr
en hún hefur séð skýringar landbún-
aðarráðherra á stöðuveitingunni, en
segist vera ósátt við hvernig að henni
var staðið og talið verulega ástæðu
til að fá skýringar ráðuneytisins.
Hún segist hafa verið erlendis og
eingöngu átt stutt símaviðtal vegna
umsóknarinnar. Yfirlýsingar hafi
verið gefnar um að það stæði til þess
mikill metnaður að byggja upp góð-
an landbúnaðarháskóla. Því hefði
hún talið að það þætti mikils virði að
fá fólk með reynslu af háskólastarfi,
sem hefði komið að öllum stigum há-
skólastarfs bæði við kennslu og leið-
beiningu nemenda í meistara- og
doktorsnámi, sem hefði reynslu af
stjórnunarstörfum við háskóla og
hvernig staðið væri að öflun peninga
til rannsóknarverkefna. „Þessa
reynslu hef ég og fleiri í þessum hópi
umsækjenda. Ég veit ekkert um
þennan mann sem var skipaður og
vil því ekki dæma um hvort hann býr
yfir þessari reynslu áður en ég fæ
skýringarnar í hendur.“
Sex umsækjendur óskuðu eftir rökstuðningi vegna skipunar rektors
Gagnrýna vinnubrögð
við mat á umsækjendum
Morgunblaðið/Þorkell
Landbúnaðarháskóli Íslands verður til með sameiningu Landbúnaðarhá-
skólans á Hvanneyri, Garðyrkjuskóla ríkisins að Reykjum og Rann-
sóknastofnun landbúnaðarins hinn 1. janúar næstkomandi.
GÖMUL fjárhús við bæinn Ög-
mundarstaði í Skagafirði eyði-
lögðust í eldi sem kviknaði í
fyrrakvöld. Eldsupptök eru óljós
en ekki var rafmagn í húsunum,
samkvæmt upplýsingum frá lög-
reglunni á Sauðárkróki.
Tilkynning um eldinn barst á
tólfta tímanum í fyrrakvöld.
Brunavarnir Skagafjarðar voru
strax kallaðar að bænum og í
samtali við Fréttavef Morg-
unblaðsins sagði Óskar Stefán
Óskarsson slökkviliðsstjóri að
fjárhúsið hefði verið alelda þegar
að var komið.
Hann sagði að eldurinn hefði
verið slökktur með því að rífa
þakið af húsinu en torfþak hefði
verið á því og erfitt væri að
slökkva í torfi. „Við fengum út-
kall um hálftólf í gærkvöldi og
vorum komnir heim aftur fyrir
fjögur,“ sagði Óskar, spurður um
hvernig slökkvistarf hefði gengið.
Engin hætta stafaði að öðrum
byggingum vegna brunans.
Gömul fjárhús
eyðilögðust í eldi
LÍÐAN skipverjans af rússneska
herskipinu Admiral Chabanenko
sem sóttur var á haf út í fyrradag
er góð. Hann fékk högg á búk og
gekkst undir aðgerð á spítalanum
og gekk hún að óskum, samkvæmt
upplýsingum frá Landspítalanum.
Líðan rússneska
skipverjans góð
GRÍMSÁ er skriðin yfir þúsund
laxa og Egill Kristjánsson, stað-
arhaldari á Fossási, veiðihúsi árinn-
ar, sagðist búast við lokatölu nærri
1.200, sem er áþekkt og í fyrra og
hitteðfyrra.
„Þetta er ekkert sérstakt, en
samt allt í lagi. Áin getur þó miklu
betur. Það er talsvert af laxi í ánni,
en hefur tekið illa,“ sagði Egill.
Fullt af birtingi
Eftir 20. september fer í hönd
sjóbirtingsveiðitími í Grímsá þar
sem veiðisvæðið nær frá brú við
Fossatún og niður undir Skugga,
vatnamót árinnar við Hvítá. „Þetta
er líflegt svæði og það hefur verið
mikill birtingur í ánni í sumar. Það
er því von á góðu. Það hafa ýmsir
verið að nýta sér þetta svæði bæði
sl. vor og haust og menn hafa verið
að fá upp í 15 til 20 fiska, allt að 7
punda,“ bætti Egill við.
Metið í Hrútu fallið …
Metið sem var í hættu í Hrúta-
fjarðará á dögunum er fallið. Í gær
voru þar komnir 560 laxar á land að
sögn Þrastar Elliðasonar leigutaka,
en mest hafa veiðst þar 540 laxar.
Veitt er til 20. september og mun
því enn bætast við. Þröstur segir
þessa veiði þeim mun glæsilegri, að
er fyrra met var sett var veitt með
blönduðu agni við góð skilyrði, en
nú aðeins á flugu í afgerandi vatns-
leysi stóran hluta veiðitímans.
Grímsá gæti verið betri
Júlíus Guðmundsson sleppir 100 cm u.þ.b. 20 punda hæng sem hann veiddi
á Skerflúðum í Laxá í Aðaldal á dögunum.
ERU
ÞEIR AÐ
FÁ’ANN?
ÍBÚAR í miðborg Reykjavíkur og
vesturbæ norðan Hringbrautar
hafa margir að undanförnu þurft
að leggja lykkju á leið sína vegna
framkvæmda við Suðurgötu og
Túngötu, neðan Garðastrætis, en
göturnar hafa verið lokaðar mest-
an part sumars og í haust vegna
framkvæmda. Að sögn Sigurðar
Skarphéðinssonar gatnamálastjóra
má reikna með að umferð verði
hleypt á göturnar fyrir lok þessa
mánaðar en áfram verði þó unnið
í þeim við lokafrágang.
Óvíst er hins vegar hvenær um-
ferð verður hleypt um Aðalstræti
að nýju en til stendur að opna hót-
el við götuna í apríl á næsta ári.
Að sögn Sigurðar var upp-
haflega ráðgert að hleypa umferð
að nýju um Túngötu og Suðurgötu
15. september en verkið er 1–2
vikum á eftir áætlun. Meðal ann-
ars hafi fornminjar í Suðurgötu
tafið verkið meira en gert var ráð
fyrir.
Ráðgert að opna
fyrir bílaumferð
fyrir mánaðamót
GUÐNI Ágústsson landbúnaðarráðherra segir
að eðlilega hafi verið staðið að skipun í stöðu
rektors Landbúnaðarháskóla Íslands. „Mér
finnst það vera réttur þeirra sem sækja um
svona starf að fá upplýsingar um hvernig að
málinu var staðið og hvers vegna umræddur
maður var ráðinn,“ segir Guðni.
„Þetta var vandsamt val. Við erum að ráða
rektor fyrir Landbúnaðarháskóla Íslands, at-
vinnuvegaháskóla sem verður til með samein-
ingu þriggja stofnana, Landbúnaðarháskólans,
Rannsóknastofnunar landbúnaðarins og Garð-
yrkjuskólans á Reykjum í Ölfusi. Ég gerði mér
grein fyrir að þetta væri mjög erfitt val. Mjög
hæfir einstaklingar sóttu um starfið, karlar og
konur, og hér fór fram mjög
eðlilegt ferli,“ segir hann.
„Háskólaráðið fjallaði um
alla umsækjendur og mat þá
hæfa. Hér settust menn fyrir
mína hönd, ráðuneytisstjórinn,
aðstoðarmaður minn og menn
í háskólaráðinu og áttu viðtöl
við alla umsækjendur og oftar
en einu sinni við suma. Farið
var yfir menntun þeirra, störf
og framtíðarsýn þeirra fyrir þessa stofnun og ís-
lenska landbúnaðinn.“
„Þegar upp var staðið stóð ég frammi fyrir því
að velja einn mann fram yfir hina 13 og mín nið-
urstaða varð sú að velja Ágúst Sigurðsson. Hann
stenst allar kröfur sem settar voru,“ segir Guðni.
„Hann hefur víðtæka þekkingu á sviði landbún-
aðar. Hann lauk doktorsprófi í búfjárerfðafræði
frá sænska landbúnaðarháskólanum 1996 og
hlaut viðurkenningu fyrir framúrskarandi ár-
angur í doktorsnámi frá Konunglegu sænsku
akademíunni. Frá 1996 hefur hann starfað sem
ráðunautur í erfða- og kynbótafræði hjá Bænda-
samtökum Íslands og sem landsráðunautur í
hrossarækt frá ársbyrjun 1999,“ segir ráðherra.
„Ég hef fengið mjög góð viðbrögð við ráðn-
ingu hans og finn að menn treysta honum mjög
vel til að takast á við þetta erfiða verkefni,“ bæt-
ir hann við.
Eðlilega staðið að umfjöllun um umsóknirnar
Guðni Ágústsson
LESTUR á Lesbók Morgunblaðsins
hefur stóraukist síðustu mánuðina hjá
unglingum, ungu og miðaldra fólki á
sama tíma og hann hefur haldist mik-
ill í elstu aldursflokkunum, sam-
kvæmt niðurstöðum nýrrar fjölmiðla-
könnunar Gallup.
Þannig kemur fram að lestur á
Lesbók í aldursflokknum 12–19 ára
meira en tvöfaldast og vex úr 24,9% af
lesendum laugardagsblaðs í mars síð-
astliðnum í 57,3% í ágúst í sumar.
Lestur í aldursflokknum 30–39 ára
tvöfaldast einnig þegar hann er skoð-
aður í heild og vex úr 20,8% í aldurs-
flokknum 30–34 ára og 45% í aldurs-
flokknum 35–39 ára í mars í vor í
62,6% í aldursflokknum 30–39 ára í
ágúst, en þar eru þessir aldursflokkar
teknir saman. Það er einnig veruleg
aukning í aldursflokknum 40–49 ára,
en lestur þar vex úr 45% af lesendum
laugardagsblaðs í mars í 69% í ágúst.
Lestur í aldursflokknum 50–59 ára
í ágúst er 70% og 86% hjá þeim sem
eru sextugir og eldri.
Þá kemur fram að það er einkum á
höfuðborgarsvæðinu sem lestur á
Lesbókinni hefur aukist. Þegar horft
er til starfsstétta kemur fram að hlut-
fallslega mest aukning í lestri er hjá
nemum, en lestur þeirra jókst úr
33,5% í mars í 73,3% í síðasta mánuði.
Lestur á Lesbók
hefur stóraukist




        
 


 


 


01
2 23

3 
$1*--.