Morgunblaðið - 29.09.2004, Blaðsíða 2

2 MIÐVIKUDAGUR 29. SEPTEMBER 2004 MORGUNBLAÐIÐ
FRÉTTIR
ENGIN UNDANÞÁGA
Engin þeirra tíu undanþágu-
beiðna sem teknar voru fyrir á fundi
undanþágunefndar vegna kenn-
araverkfalls í gær var samþykkt.
Finnbogi Sigurðsson, formaður Fé-
lags grunnskólakennara, segist ekki
telja að kjaradeila kennara við sveit-
arfélögin leysist fyrr en lausn finnist
á málum sveitarfélaganna, fyrr en
ríkið leggi meira fé af mörkum.
Laus úr haldi
Tvær ítalskar konur sem verið
hafa í gíslingu mannræningja í Írak í
þrjár vikur, komu í gær til Ítalíu og
var ákaft fagnað. Auk þeirra lét
ræningjahópurinn lausa tvo Íraka
sem störfuðu fyrir sömu mann-
úðarsamtök, Brú til Bagdad.
Egypskt símafyrirtæki skýrði frá
því að fjórir af starfsmönnum þess
hefðu verið látnir lausir í gær.
Lagt hald á tölvur
Ríkislögreglustjórinn lagði, í sam-
starfi við lögregluembætti um allt
land, í gær hald á tölvur og gögn hjá
tólf einstaklingum í jafnmörgum
húsleitum vegna gruns um að þeir
væru að sækja sér efni og dreifa til
annarra með ólögmætum hætti í
gegnum Netið.
Í engum nefndum
Þingflokkur Framsóknarflokksins
hefur ákveðið að skipa Kristin H.
Gunnarsson, einn alþingismanna
flokksins, ekki í neinar fastanefndir
á vegum Alþingis. Kristinn segir að
sér finnist nú harðar gengið fram í
því að menn fylgi flokkslínu en áður.
Hjálmar Árnason, formaður þing-
flokksins, segir trúnað milli þing-
flokksins og Kristins hafa brostið.
Y f i r l i t
Í dag
Sigmund 8 Bréf 21
Úr verinu 12 Forystugrein 22
Viðskipti 12 Viðhorf 24
Erlent 13 Minningar 25/28
Heima 14 Dagbók 32/34
Suðurnes 15 Víkverji 32
Höfuðborgin 16 Menning 35/41
Akureyri 17 Bíó 38/41
Landið 17 Ljósvakamiðlar 42
Daglegt líf 18 Veður 43
Umræðan 19/24 Staksteinar 43
* * *
Kynningar – Tímaritið Lifun fylgir
Morgunblaðinu í dag til áskrifenda.
Blaðinu í dag fylgir einnig auglýsinga-
blaðið Jazzhátíð Reykjavíkur.
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Ólafur Stephensen, aðstoðarritstjóri, olafur@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfull-
trúi, orri@mbl.is Skarphéðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@ .is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf
Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl
    

 


 
 



  

 

  

 


 


 !

"
# 

 

  
  $ 

 
 

%&' (

 )***



  

 
 
 


  









Skógarhlíð 18, sími 595 1000
www.heimsferdir.is
Tryggðu þér síðustu sætin til Prag í haust á hreint ótrúlegum kjörum. Fegursta
borg Evrópu og einn vinsælasti áfangastaður Íslendinga. Tryggðu þér síðustu
sætin í haust og njóttu fegurstu
borgar Evrópu með traustri þjónustu
fararstjóra Heimsferða.
Verð kr. 19.990
Flugsæti 4. okt. M.v. 2 fyrir 1 tilboð.
Netverð.
Prag
4. og 11. október
frá kr. 19.990
Munið Mastercard
ferðaávísunina
FLUGFÉLAGIÐ Iceland Express
hefur sagt upp öllum flugfreyjum
sem starfa hjá félaginu, um fjörutíu
talsins, frá mánaðamótum. Jafn-
framt hefur þeim verið bent á að þær
hafi möguleika á að endurráða sig
hjá breskum flugrekstraraðila fé-
lagsins. Flugfreyjufélag Íslands er
að láta kanna réttmæti uppsagn-
anna.
Ásdís Eva Hannesdóttir, formað-
ur Flugfreyjufélags Íslands, segir að
á fundi í fyrradag hafi flugfélagið
kynnt þá fyrirætlan sína að fram-
lengja ekki kjarasamning sinn við
Flugfreyjufélagið, sem verður laus
31. október næstkomandi. Jafnframt
hafi komið fram að til stæði að segja
upp öllum flugfreyjum félagsins og
færa þann rekstur inn í það kerfi
sem flugrekandinn, Astreus, væri
með, en hann útvegaði félaginu flug-
menn. Jafnframt hefði komið fram
að vissulega vildu þeir hafa íslenskar
flugfreyjur áfram í vinnu, en þeir
vildu að þær færu þá leið að sækja
um hjá Astreus. „Þeir eru í raun og
veru að flytja vinnuaflið úr landi til
að flytja það inn aftur,“ sagði Ásdís
Eva.
Hún sagði að í gær hefði síðan ver-
ið starfsmannafundur þar sem þessi
fyrirætlan flugfélagsins um hópupp-
sögn hefði verið kynnt. Miðað við sex
mánaða starf væri uppsagnarfrest-
urinn þrír mánuðir og því tækju upp-
sagnirnar gildi um áramótin.
„Við erum nú að skoða réttmæti
uppsagnarinnar,“ sagði Ásdís Eva.
Lögfræðingar væru að skoða málið.
Flugfreyjufélagið væri einnig í Al-
þýðusambandi Íslands og það þyrfti
að skoða hvernig þetta horfði við öll-
um launþegum í landinu eða því
vinnusamfélagi sem við byggjum í.
„Það er náttúrlega orðið svolítið al-
varlegt þegar það er verið í raun og
veru að færa störfin úr landi til að ná
kjörunum kannski niður,“ sagði Ás-
dís Eva ennfremur.
Öllum flugfreyjum Iceland Express,
um 40 talsins, sagt upp störfum
Flugfreyjur
kanna lögmæti
uppsagnanna
Vilja að þær sæki um hjá Astreus,
flugrekstraraðila félagsins
LÍKUR eru á að eldsneytisverð hér á landi hækki
enn frekar á næstunni í kjölfar mikillar hækkunar
á heimsmarkaðsverði olíu að undanförnu. Magnús
Ásgeirsson hjá Olíufélaginu hf. segist aðspurður
ekki sjá fram á annað en eldsneytisverð hljóti að
hækka og greiningardeild KB banka spáir tveggja
króna hækkun á bensínverði um mánaðamótin.
Magnús segir að menn hafi alls ekki átt von á
þeirri verðþróun sem orðið hafi síðustu vikurnar.
Vísustu menn hafi spáð því fyrir mánuði að verðið
myndi lækka þegar framleiðsla OPEC ykist um
miðjan mánuðinn, en það hafi ekki gengið eftir.
„Þessar síðustu fregnir eru alveg afleitar fyrir
olíumarkaðinn, þessi órói í Nígeríu sem er að
trufla okkur mikið núna,“ sagði Magnús.
Hann sagði að auðvitað kynti spákaupmennska
svo undir þessu líka. Olíuverðið hefði verið komið í
48 Bandaríkjadali af Brentsvæðinu í gær. Bensín-
ið væri komið í 450 dali og gasolíutegundirnar í
440 dali. Þannig væri orðið stutt á milli þeirra og
bensínsins. Undir eðlilegum kringumstæðum ætti
verðmunurinn þarna á milli að vera 50–60 dalir, en
hann væri ekki nema 10–20 dalir nú.
„Það er að koma vetur á norðurhveli og nú fer
eftirspurnin að aukast eftir olíu til húskyndingar.
Það ætti að vera slaki í bensínverðinu, en það er
aldeilis ekki, heldur þvert á móti,“ sagði Magnús
ennfremur.
Hann sagðist aðspurður ekki sjá annað en að
bensínverðið hlyti að hækka. Þetta væru slæmar
fréttir hvað það varðaði, þó hann gæti ekki tjáð sig
um það sem slíkt.
„Það er alveg klárt að þetta er ekki það sem við
horfðum fram á fyrir mánuði síðan,“ sagði Magn-
ús. „Þetta er ekki sú þróun sem ég og aðrir sáum
fyrir. Það eru þungar áhyggjur sem maður hefur í
raun og veru af þessu vegna þess að þetta er afleitt
fyrir hagkerfið í heiminum og ef það léttir ekki á
þessum þrýstingi núna á næstunni þá líst mér
þunglega á málin á alþjóðavettvangi.“
Spá tveggja króna hækkun
Greiningardeild KB banka gerir ráð fyrir
tveggja króna hækkun á bensínverði nú um mán-
aðamótin, að því er fram kemur í hálf fimm frétt-
um. „Bensínverð hefur hækkað stöðugt að und-
anförnu en heimsmarkaðsverð á framvirkum
olíusamningum vestanhafs fór yfir 50 dollara í við-
skiptum dagsins sem er hæsta verð á framvirkum
samningi á olíu í þau rúmlega 20 ár sem viðskipti
hafa verið með framvirka samninga með olíu.
Harðnandi átök í Nígeríu og Írak hafa haft ýtt
olíuverði upp að undanförnu og ekki sér enn fyrir
endann á þeirri þróun.“
Olíuverð hefur hækkað mikið á heimsmarkaði þvert ofan í spár
Líkur á verðhækkunum
ÍSJAKINN sem komið var fyrir á
gangstéttinni utan við Palais de la
découverte vísindasafnið í París í
fyrrinótt hefur vakið mikla athygli
almennings í borginni. Stöðugur
straumur fólks var að ísjakanum í
gær að sögn starfsmanns safnsins,
og þegar Morgunblaðið kom þar
við í gær var hópur fólks, allt frá
börnum til gamalmenna, að skoða
gripinn.
Jakinn var 17 tonn þegar honum
var skipað upp úr frystigámi í í
höfninni í Rotterdam og rúm 14
tonn þegar komið var með hann til
Parísar í fyrrinótt. Hann hefur látið
töluvert á sjá, vatnið lekur vita-
skuld stanslaust af honum en óhætt
er að segja að ekki fari það allt til
spillis, því margir létu leka úr jak-
anum í flöskur í gær – bæði starfs-
fólk vísindasafnsins og almenn-
ingur sem kom að jakanum. Sumir
smökkuðu á vatninu, en flestir
sögðust ekki vilja gera það; sögðu
innihald flösku sinnar vera minja-
grip og það merkilegan minjagrip.
Í gærkvöldi voru tvennir tón-
leikar á dagskrá íslensku menning-
arkynningarinnar í París.
Kristinn Sigmundsson óp-
erusöngvari og Jónas Ingimarsson
píanóleikari komu fram í Chatelet
og hljómsveitin Sigurrós flutti
Hrafnagaldur Óðins í Grande Halle
de la Villette. Sigurrós verður aftur
á ferðinni á sama stað í kvöld;
þarna er um að ræða tvö þúsund
manna sal og fyrir löngu var upp-
selt á hvora tveggja tónleikanna.
Morgunblaðið/Skapti Hallgrímsson
Margir skoðuðu ísjakann í París og sumir létu bráðið vatn leka í flösku.
Ísjakinn í París
vekur athygli
París. Morgunblaðið.