Morgunblaðið - 29.09.2004, Blaðsíða 16

„ÞETTA eru mjög góð ljós,“ segir Þorgrímur Guð-
mundsson, aðalvarðstjóri á umferðardeild Lögregl-
unnar í Reykjavík. „Þetta eru ný ljós sem eru
miklu bjartari, og mönnum finnst stundum eins og
þau séu að blinda þá. Mér finnst þau ekki gera
það, en þau eru mjög björt og sjást mun betur en
þau eldri.“
Þorgrímur segir að ljósin ættu að auka öryggi
vegfarenda, sérstaklega þegar skyggni er ekki
gott. Hann segist þó hafa heyrt athugasemdir um
að ljósin séu við það að valda ökumönnum ofbirtu í
myrkri, en telur það sennilega stafa meira af því
að menn séu ekki vanir þeim. Hann segir ljósin
ekki eiga að geta blindað ökumenn og valdið þann-
ig hættu, enda hafi svona ljós verið notuð erlendis
án þess að slíkt komi upp.
Lögreglan ánægð með nýju ljósin
Reykjavík | Ný tegund af umferð-
arljósum, sem eru mun bjartari en
eldri tegundin, mun að líkindum
leysa þá eldri af hólmi með tíð og
tíma, en nýju ljósin nota einungis
12% af þeirri orku sem eldri ljósin
nota.
Nýju ljósin eru svokölluð díóðu-
ljós, og eru þau samansett af
mörgum litlum perum í stað einn-
ar stórrar peru eins og er í eldri
ljósunum. Fyrstu díóðuljósin sem
sett voru upp hér á landi eru á
Stekkjabakkabrú í Breiðholti, en
nú hafa ljós af þessari tegund
einnig verið sett upp á Sundlaug-
arvegi, á gönguljósum yfir Miklu-
braut, og víðar.
„Þetta er það besta sem er boðið
upp á í dag, það er hægt að fá mis-
munandi styrkleika,“ segir Dag-
bjartur Sigurbrandsson, umsjónar-
maður umferðarljósa hjá
Gatnamálastofu. Hann segist
kannast við að hafa fengið athuga-
semdir frá vegfarendum um að
ljósin séu hreinlega of björt. „Það
eru sumir sem segja að þetta sé í
það bjartasta, sumir tala um [að
þeir þurfi] sólgleraugu,“ segir
Dagbjartur. Hann segir að vissu-
lega séu nýju ljósin björt, en það
sé kostur til að mynda þegar sól er
lágt á lofti og skín á ljósin. Einnig
segir hann ljósin eiga eftir að
dofna eitthvað með tímanum, til
dæmis vegna óhreininda sem setj-
ast á þau.
Kosta tvöfalt meira
en eldri gerðin
Dagbjartur segir að nýju ljósin
kosti tvöfalt meira en eldri ljósin,
tæplega 100 þúsund krónur í stað
40–50 þúsund króna. Þó segir
hann sparnað fólginn í því að ekki
þurfi að skipta um perur í nýju
ljósunum, auk þess sem þau nota
mun minni orku, eitt ljós eyðir ein-
ungis 12% af þeirri orku sem eldri
gerðin notar.
Dagbjartur segir að hugsanlega
sé það pólitísk ákvörðun hvort far-
ið verði í það að skipta út eldri
ljósum með skipulögðum hætti,
slíkt hafi klárlega mikinn kostnað í
för með sér. Hann segir þó líklegt
að þegar þurfi að gera breytingar
á ljósum á heilum gatnamótum
verði ljós af nýrri tegund sett upp.
Öðruvísi stjórnbúnað þarf fyrir
nýju ljósin en þau gömlu og því
verða annaðhvort öll eða engin ný
ljós að vera á gatnamótum.
Bjartari umferðarljós
taka við í borginni
Morgunblaðið/Þorkell
Ný umferðarljós Ljósin eru mun
bjartari og skærari en gömlu ljósin.
Reykjavík | Mikilvægt er að hugað sé
að áhrifum útblásturs gróðurhúsa-
lofttegunda frá samgöngum í Reykja-
vík, en fulltrúi umhverfisráðuneytis-
ins bendir á að ákvæði Kyoto-
bókunarinnar gildi ekki fyrir ákveðin
landsvæði heldur fyrir landið í heild.
Óttar Freyr Gíslason, deildarsér-
fræðingur hjá umhverfisráðuneytinu,
segir að líta þurfi á landið í heild þeg-
ar markmið Kyoto-bókunarinnar eru
skoðuð. Staðan sé sú að Ísland sé inn-
an marka Kyoto-bókunarinnar, þó
svo að t.d. útblástur frá samgöngum í
Reykjavík hafi aukist verulega. Hann
segir að skoða þurfi heildarsamheng-
ið þegar Kyoto-markmiðin eru til um-
ræðu, þótt það sé vissulega mjög
gagnlegt að áhrif vegna útblásturs frá
samgöngum í Reykjavík séu skoðuð.
Fram kom í frétt Morgunblaðsins á
mánudag að útblástur bifreiða í
Reykjavík á koltvísýringi hefði aukist
um 5% milli áranna 2001 og 2003, og
sé nú farinn að nálgast mörk Kyoto-
sáttmálans, samkvæmt frumniður-
stöðum rannsóknar Hjalta J. Guð-
mundssonar landfræðings. Óttar seg-
ir erfitt að meta þessa rannsókn þar
sem um algerar frumniðurstöður sé
að ræða, og ekki hægt að draga álykt-
anir fyrr en skýrslan er fullunnin.
Önnur aðferðafræði notuð
Til að sjá hversu mikið útstreymi
koltvísýrings er út í andrúmsloftið í
Reykjavík þarf flókna aðferðafræði,
og segir Óttar að sú aðferðafræði sem
beitt var í rannsókn Hjalta sé önnur
en sú sem Umhverfisstofnun notar til
að meta árangur Íslands samanborið
við markmið Kyoto-bókunarinnar.
„Það er út af fyrir sig spennandi að
horfa á þetta út frá bensínnotkun á
ekna kílómetra eins og í rannsókn
Hjalta, en þetta hefur ekki verið
reiknað svona, við höfum verið að
fylgja reglum sem hafa verið notaðar í
tengslum við loftslagssamninginn
þegar við skilum okkar tölum þangað.
Við höfum reiknað þetta út frá seldu
eldsneyti, og svo eru ákveðnir stuðlar
notaðir til að reikna losun gróður-
húsalofttegunda í tengslum við það.
Við höfum talið að þetta væru mjög
áreiðanlegir útreikningar, sérstak-
lega hvað varðar CO2, af því að þar
skiptir ekki máli hvort það er fólks-
bifreið eða vöruflutningabifreið eða
hvernig eldsneytið er notað. Það
skiptir hins vegar máli með aðrar loft-
tegundir, eins og til dæmis kolmónox-
íð og köfnunarefnisoxíð,“ segir Óttar.
Skerðir ekki lífsgæðin beint
Óttar bendir einnig á að í um-
ræðunni sé oft í einu orði rætt um
koltvísýring en í hinu um skert lífs-
gæði borgarbúa. Hann segir ljóst að
aukinn útblástur koltvísýrings skipti
ekki höfuðmáli varðandi loftgæði
borgarbúa, heldur hafi menn einkum
áhyggjur af gróðurhúsaáhrifum sem
þessi útblástur veldur. Aðrar loftteg-
undir skipti hins vegar meira máli
hvað varðar loftgæði. Um þessar
mundir er að fara af stað vinna við að
endurskoða stefnu ríkisstjórnarinnar
í loftslagsmálum, og á henni að ljúka á
næsta ári. Kanna á ástand mála og í
framhaldinu gera tillögur um við-
brögð ef ástandið er ekki viðunandi.
Þarf að skoða út
frá öllu landinu
Aukinn útblástur frá ökutækjum
16 MIÐVIKUDAGUR 29. SEPTEMBER 2004 MORGUNBLAÐIÐ
MINNSTAÐUR