Morgunblaðið - 29.09.2004, Blaðsíða 11

MORGUNBLAÐIÐ MIÐVIKUDAGUR 29. SEPTEMBER 2004 11
KENNARAVERKFALLIÐ
ENGIN þeirra tíu undanþágubeiðna sem teknar voru
fyrir á fundi undanþágunefndar vegna kennaraverkfalls,
sem haldinn var eftir hádegi í gær, var samþykkt, að
sögn Sigurðar Óla Kolbeinssonar, fulltrúa sveitarfélag-
anna í nefndinni. Hann segir það vonbrigði að undan-
þágubeiðnirnar, sem allar voru vegna fatlaðra barna,
skyldu ekki hafa verið teknar til greina.
Þremur beiðnum var hafnað, afgreiðslu tveggja var
frestað, þar sem fulltrúi kennara bað um frest til um-
hugsunar, umfjöllun um eina beiðni var frestað vegna
skorts á upplýsingum og umfjöllun um fjórar beiðnir var
frestað til loka vikunnar. Ekki hefur verið ákveðið hve-
nær nefndin kemur saman að nýju.
Sigurður segir að þremur beiðnanna, sem allar voru
nýjar, hafi verið hafnað á sömu forsendum og verið hafi á
síðasta fundi, en um þær var ágreiningur í undanþágu-
nefndinni.
„Ég vildi veita undanþágu á sömu forsendum og áður
en fulltrúi kennara hélt sig við sína afstöðu frá því á
föstudag,“ segir Sigurður Óli. „Tveimur beiðnum var
frestað vegna þess að fulltrúi kennara vildi fá meiri tíma
til að skoða þær, einni var frestað vegna ónógra upplýs-
inga,“ bætir hann við. Þá var fjórum beiðnum, sem allar
voru ítrekaðar eða endursendar beiðnir, frestað með eft-
irfarandi bókun að sögn Sigurðar: „Afgreiðslu frestað að
beiðni fulltrúa KÍ til loka þessarar viku sbr. bókun í 1. lið
fundargerðar þriðja fundar nefndarinnar.“
Vonbrigði fyrir nemendur og fjölskyldur þeirra
Einar Hólm Ólafsson, skólastjóri Öskjuhlíðarskóla,
segist ekki hafa búist við því að beiðni skólans um und-
anþágu yrði samþykkt, miðað við það sem hann hafi
heyrt í viðtali í Kastljósi Ríkissjónvarpsins í fyrradag við
formann verkfallsstjórnar. Í viðtalinu hafi formaður
verkfallsstjórnar sagt að afstaðan til kennslu fatlaðra
barna yrði vissulega endurskoðuð, en ummæli hennar
hafi bent til þess að það yrði í vikulok.
„Ég tengdi þetta við fundinn sem verður á fimmtudag
hjá samninganefndunum, að það sé verið að bíða eftir því.
Þar sem þessu er frestað býst ég við að þetta verði tekið
fyrir aftur að loknum samninganefndarfundinum,“ sagði
Einar. „Ef þeir ætla að leysa málin á fimmtudag þarf
ekki undanþágu, en að öðrum kosti, ef þeim sýnist að
stefni í langt verkfall, þá leyfi ég mér að álíta að þeir ætli
að horfa á þetta í nýju ljósi,“ segir Einar.
„Fyrir hönd nemenda og fjölskyldna þeirra eru þetta
náttúrulega vonbrigði, en vonandi skýrist þetta fyrir
helgi,“ bætti hann við.
Engin undanþágu-
beiðni samþykkt
Mikil vonbrigði, segir
fulltrúi sveitarfélaga
HEIMILI og skóli – landssamtök
foreldra telja að staðan í kjaravið-
ræðum kennara sé með öllu óviðun-
andi. Fjöldi félaga og samtaka hafa
sent frá sér ályktun um verkfallið.
„Alþingi setur lög um grunnskóla
og stjórnvöldum ber að fylgjast með
því að sveitarfélög uppfylli skyldur
sínar um að halda úti skóla fyrir öll
börn. Samfélagið kallar á lausn án
tafar – foreldrar skora á stjórnvöld
að tryggja rétt nemenda til náms,
segir ályktun Heimilis og skóla. Þar
segir og að fulltrúar stjórnar Heim-
ilis og skóla hafi fundað með for-
manni KÍ og formanni launanefndar
sveitarfélaganna. Ljóst sé að að
kjaraviðræðurnar séu nú í illleysan-
legum hnút. „Skólastarf er sam-
félagslegt viðfangsefni og krafa for-
eldra er að hér séu reknir
framúrskarandi skólar. Grundvöllur
þess er að framtíðarlausn náist um
fjármögnun skólastarfsins, laun og
vinnuumhverfi kennara. Foreldrar
vilja sjá lausn sem stuðlar að góðu
faglegu starfi, vellíðan og árangri
nemenda,“ segir á ályktun Heimilis
og skóla.
Nýtt rekstrarform
Stjórn Heimdallar átelur þá af-
stöðu KÍ að veita ekki undanþágur
til kennara, sem koma að kennslu og
umönnun líkamlega og andlega fatl-
aðra barna, að því er fram kemur í
tilkynningu frá félaginu: „Fjörutíu
og þrjú þúsund grunnskólanemar og
foreldrar þeirra líða þessa dagana
fyrir kjaradeilur kennara við sveit-
arfélög. Í hópi þessara barna eru ein-
hver hundruð sem vegna líkamlegr-
ar eða andlegrar fötlunar eru háðari
þessari þjónustu en heilbrigð börn.“
Þá segir einnig að í röðum ungra
sjálfstæðismanna séu þær raddir há-
værar að brjóta þurfi upp einokun
hins opinbera á grunnskólarekstri
og fela hann einkaaðilum í auknum
mæli. Kjör kennara verði að vera
sambærileg kjörum annarra há-
skólamenntaðra stétta. „Ný rekstr-
arform geta einmitt með aukinni
skilvirkni stuðlað að bættum kjörum
kennara. Stjórn Heimdallar tekur
undir þau sjónarmið að leita þurfi
fjölbreyttari leiða í rekstri grunn-
skóla en nú er,“ segir í tilkynning-
unni.
Harma verkfall kennara
Í ályktun Sambands ungra sjálf-
stæðismanna vegna verkfalls kenn-
ara er verkfallið harmað. „Eðlilegra
væri ef kennarar myndu taka skref í
faglega átt í kjaradeilu sinni og hefja
umræðu um mat á hæfni og dugnaði
hvers og eins kennara. Slíkt er mun
vænlegra til árangurs en karp um
kennsluskyldu og frítíma. SUS hvet-
ur sveitarfélög og kennara til að
íhuga breytt fyrirkomulag samninga
og einkaframkvæmd í rekstri skóla-
stofnana sem stuðlar að fjölbreytt-
ara og litríkara skólastarfi.“ Þá segir
að SUS telji verkfallsvopnið vera úr-
elt tæki í kjarabaráttu enda bitni það
fyrst og fremst á þeim er síst skyldi,
skólabörnum. „Sérstaklega harmar
SUS hörð viðbrögð forystu kennara-
sambandsins við jákvæðu frum-
kvæði fyrirtækja að bjóða börnum
gæslu á vinnutíma foreldra sem er
fráleitt að kalla verkfallsbrot.“
Lýsa yfir fullum stuðningi
við málstað kennara
Í ályktun sem samþykkt var á að-
alfundi Kennarafélags Vesturlands
er lýst yfir fullum stuðningi við
samninganefnd KÍ og hún hvött til
að hvika hvergi frá framsettum kröf-
um. „Ennfremur hvetur fundurinn
félagsmenn sína til að standa þétt að
baki samninganefndinni í orði og
verki. Fundurinn krefst þess að
kennsla, undirbúningur og úrvinnsla
verði aftur sett í fyrirrúm og að hægt
verði að lifa af grunnlaunum án þess
að taka á sig yfirvinnu,“ segir í álykt-
uninni.
Foreldrafélag Háteigsskóla hefur
skorað á samninganefnd sveitarfé-
laganna að taka stórstígari skref til
samninga við kennara í yfirstand-
andi kjaradeilu. „Foreldrafélag Há-
teigsskóla heitir á samninganefnd
sveitarfélaganna að búa svo um
hnútana að slegist verði um kenn-
arastöður í skólum landsins,“ segir í
ályktuninni.
Eindreginn stuðningur
Svæðisþing tónlistarskóla á Suð-
urlandi, Suðurnesjum og höfuðborg-
arsvæðinu lýsir yfir eindregnum
stuðningi sínum við launakröfur
grunnskólakennara.
„Þingið skorar á samninganefnd
Launanefndar sveitarfélaga að leita
allra leiða til að færa megi laun
grunnskólakennara til samræmis við
laun annarra háskólamenntaðra
stétta,“ segir í tilkynningunni en þar
kemur jafnframt fram að um tvö
hundruð tónlistarskólakennarar og
stjórnendur tónlistarskóla hafi sótt
svæðisþingið.
Þroskaþjálfafélag Íslands lýsir yf-
ir eindregnum stuðningi við baráttu
grunnskólakennara fyrir bættum
kjörum og hvetur Launanefnd sveit-
arfélaga til að koma til móts við
sanngjarnar kröfur kennara.
„Grunnskólakennarar eru með
a.m.k. 3ja ára sérhæft háskólanám
að baki. Störf þeirra eru margbreyti-
leg sem krefjast m.a. færni í mann-
legum samskiptum, víðtækrar al-
mennrar þekkingar og getu til að
nýta og miðla til fulls möguleikum
upplýsingasamfélagsins. Störf sem
þessi kalla óumdeilanlega á vel
menntað, metnaðarfullt og hæfi-
leikaríkt fólk sem á skilyrðislausa
kröfu á góðum launakjörum.“
Ályktanir vegna verkfalls kennara
Staðan er
óviðunandi
ÞÓRARNA Jónasdóttir, fulltrúi Kennarasambands Ís-
lands í undanþágunefnd, segir um afstöðu sambandsins
til þeirrar niðurstöðu fundar undanþágunefndar í gær
að samþykkja engar undanþágubeiðnir að ekki sé talið
að neyðarástand hafi skapast og vonast sé til að verk-
fallið leysist fyrir vikulok.
Undanþágunefnd vegna kennaraverkfalls tók fyrir
tíu undanþágubeiðnir á fundinum en engin þeirra var
samþykkt.
Þórarna sagði að í afstöðu KÍ væri „vísað til fyrri
rökstuðnings, sem er í rauninni álit verkfallsstjórnar og
þar með Kennarasambandsins, að það er ekki talið að
neyðarástand hafi skapast. Þetta álit er í þeirri von að
verkfallið leysist fyrir lok þessarar viku“.
Þórarna benti á að boðaður hefði verið samn-
ingafundur hjá sáttasemjara á morgun „og á meðan er
fundað er von, og ég held að við vonum öll að sá fundur
beri eitthvað það í skauti sér sem geri að verkum að við
höldum áfram að vona“.
Vonast til að verkfallið
leysist fyrir vikulok
KENNARAR í Kópavogi afhentu í
gær forseta bæjarstjórnar áskorun
þar sem bæjaryfirvöld eru hvött
til þess að kynna sér kjaradeilu
kennara. Þá var skorað á bæj-
arstjórnina að beita sér fyrir því
að finna viðunandi lausn á deil-
unni hið fyrsta.
Sigurður Haukur Gíslason í
Kennarabandalagi Kópavogs segir
kennurum í Kópavogi finnast deil-
an vera í pattstöðu.
Morgunblaðið/Þorkell
Deilan í pattstöðu
VEFUR Námsgagnastofnunar hef-
ur að geyma námsefni fyrir börn og
unglinga á öllum stigum grunnskól-
ans. Foreldrar sem ekki hafa getað
nálgast bækur barna sinna vegna
verkfalls grunnskólakennara geta
prentað út verkefni fyrir börn sín
og nýtt sér gagnvirkt efni og náms-
vefi sem þar er að finna.
Hildigunnur Halldórsdóttir, tölv-
unarfræðingur og vefstjóri Náms-
gagnastofnunar, hvetur foreldra til
að nýta sér vefinn. „Við höfum mik-
inn áhuga á að heimilin nýti þetta
efni, hvort sem er í verkfalli eða
ekki. Þarna er að finna ýmislegt
gagnlegt efni fyrir börnin sem skól-
arnir geta ekki nýtt nema hluta af.“
Hún segir heimsóknir á vefinn
vera að meðaltali um 4–5 þúsund á
dag yfir skólaárið. Þegar verkfall
grunnskólakennara hófst hafi að-
sókn á vefinn hins vegar hrapað,
allt niður í um 400 á dag.
Efni á www.namsgagnastofnun.is
má skipta í fjóra flokka að sögn
Hildigunnar. „Í fyrsta lagi er gagn-
virkt efni, þ.e. leikir og annað slíkt
sem flokka má sem þjálfunarefni, í
öðru lagi þar sem við köllum náms-
vefi sem eru stærri vefir sem fjalla
um tiltekin efni, t.d. er einn um haf-
ið og annar um íslensku húsdýrin.
Þá erum við með á vefnum töluvert
af verkefnum til útprentunar og síð-
an kennsluleiðbeiningar sem eru
ætlaðar kennurum,“ segir Hildi-
gunnur.
Hún bendir t.d. á heimavinnuvef-
inn Gullkistuna á vef Náms-
gagnastofnunar en þar er að finna
verkefni um allt milli himins og
jarðar sem hægt er að prenta út. Sá
vefur er sérstaklega ætlaður til að
styðja við skólanámið. „Þá má
nefna Einingu og Geisla sem eru
stærðfræðibókaflokkarnir fyrir
yngsta stig og miðstig,“ segir Hildi-
gunnur.
Hnappurinn „námsefni á vef“ er
vinstra megin á forsíðu vefs Náms-
gagnastofnunar. Sé smellt á hann
birtist leitarvél fyrir námsefni. Þar
er hægt að tilgreina námsgrein, ald-
ursstig, tegund vefefnis (gagnvirkt,
til útprentunar o.s.frv.) sem og efn-
isorð til að þrengja leitina frekar.
Námsefni fyrir öll skólastig á
vef Námsgagnastofnunar
TENGLAR
..............................................
www.namsgagnastofnun.is
SVEITARFÉLAGIÐ Fjarðabyggð
hefur ráðið nemendur í 10. bekk
grunnskólanna á Eskifirði, Reyð-
arfirði og í Neskaupstað í vinnu
þrjá morgna í þessari viku við slátt
og hausttiltekt. Um er að ræða
nokkurs konar framhald á sum-
arvinnu unglinganna sem nú hafa
lítið við að vera á meðan á verkfalli
kennara stendur.
Mjög óvenjulegt er að unnið sé
við slátt á Austurlandi á þessum
árstíma, en það segir talsvert um
hvernig veðurfarið hefur verið í
sumar.
Unglingarnir voru nokkuð sáttir
við ástandið. Vilborgu Egilsdóttur
sem var að snyrta grasflötina við
trébátinn Gauta fannst samt „ekk-
ert smá skrýtið“ að vera í vinnu í
stað þess að sitja á skólabekk á
þessum árstíma.
Morgunblaðið/Ágúst Blöndal
10. bekkingar í Neskaupstað sinntu haustfegrun í miðbænum í gær. Jó-
hannes Ingi Sigurðsson og Elvar Ingi Þorsteinsson slá Víkurbrattann en í
bakgrunni er Vilborg Egilsdóttir að raka gras í blíðunni á Austurlandi.
Vinna við
slátt í lok
september
Neskaupstað. Morgunblaðið.