Morgunblaðið - 29.09.2004, Blaðsíða 6
6 MIÐVIKUDAGUR 29. SEPTEMBER 2004 MORGUNBLAÐIÐ
FRÉTTIR
STÓRBRUNI varð á Blönduósi þeg-
ar eldur kom upp í iðnaðarhúsnæði
við Efstubraut í fyrrinótt. Talið er
að tjónið nemi á annað hundrað
milljónum króna.
Í húsnæðinu var matvörufram-
leiðandinn Vilkó með aðstöðu og
varð hún eldinum alveg að bráð.
Einnig brann Pakkhúsið svonefnda
sem er lager gamla kaupfélagsins,
sem nú heitir Húnakaup. Bílaþjón-
ustan, sem líka er í húsinu, skemmd-
ist einnig en slapp aðeins betur en
hin fyrirtækin tvö.
Eldurinn var tilkynntur klukkan
rúmlega fjögur í fyrrinótt og fór
Slökkviliðið á Blönduósi í útkallið
með aðstoð slökkviliðsins á
Hvammstanga og Skagaströnd. Alls
tóku um 25 slökkviliðsmenn þátt í
aðgerðinni og gekk slökkvistarfið
furðu vel miðað við aðstæður að mati
Hilmars Frímannssonar slökkvi-
stjóra. „Suðurhorn hússins var
alelda þegar við komum að því og
tveir þriðju hlutar hússins brunnu,“
sagði hann. Húsið er um 5 þúsund
fermetra stálgrindarhús með ál-
klæðningu með einum eldvarnar-
vegg, sem skipti sköpum fyrir
slökkvistarfið að mati Hilmars. Hin-
um megin eldvarnarveggjarins er
dekkjaverkstæði og ullarþvottastöð
sem sluppu við skemmdir. Tókst
slökkviliðsmönnum að stöðva eldinn
við eldvarnarvegginn og því ljóst að
enn meira tjón hefði orðið ef hann
hefði ekki verið.
Rannsókn á eldsupptökum stend-
ur yfir, en líklegt er talið að þau hafi
orðið í húsnæði Vilkó.
Mikið áfall fyrir bæjarfélagið
Um 20 störf töpuðust a.m.k. tíma-
bundið vegna brunans og sagði Jóna
Fanney Friðriksdóttir, bæjarstjóri
Blönduóss, brunann vera mikið áfall
fyrir bæjarfélagið. Bæjarstjórn
hugðist funda um málið í gær til að
ákveða hvort til einhverra aðgerða
yrði gripið. Hún sagði það hafa verið
óskemmtilega lífsreynsla að fylgjast
með brunanum. „Þetta hefur mikil
áhrif á okkur, bæði beint og óbeint.
Til dæmis má nefna að þótt aðeins
vinni tveir í pakkhúsi Húnakaupa
hefur bruninn mikil áhrif á störf
fleiri manna, enda var þar lager fyr-
irtækisins,“ sagði hún.
Hilmar Frímannsson sagði bruna-
vörnum verulega ábótavant í húsinu,
t.d. hefði vantað eitt brunahólf til
viðbótar. Þá var ekkert brunavarn-
arkerfi í húsinu. Margar athuga-
semdir hefðu verið gerðar við ófull-
nægjandi brunavarnir í húsnæðinu í
gegnum tíðina, en þeim ekki sinnt
nægilega vel. Þá vantaði brunahana
fyrir slökkvilið austan við bygg-
inguna með þeim afleiðingum að
fara þurfti með brunaslöngur hring-
inn í kringum húsið til að komast í
vatn.
Tæknideild lögreglunnar í
Reykjavík var kvödd á staðinn fyrir
vettvangsrannsókn og fulltrúar lög-
gildingarstofu.
Menn höfðu miklar áhyggjur af
roki sem spáð var í dag, miðvikudag,
og var því lagt kapp á fyrirbyggja
foktjón af völdum fjúkandi járn-
platna úr brunarústum.
Stórbruni í fimm þúsund fermetra iðnaðarhúsnæði á Blönduósi í fyrrinótt
Tjónið talið
yfir 100
milljónir kr.
Morgunblaðið/Jón Sigurðsson
Slökkviliðið á Blönduósi var að störfum alla nóttina og hélt áfram til morg-
uns við að slökkva í glæðum. 25 slökkviliðsmenn börðust við eldinn.
Tveir þriðju hlutar hússins urðu eldinum að bráð, en eldvarnarveggur hindraði frekari útbreiðslu hans.
Brunavörnum verulega ábótavant
en eldvarnarveggur gerði sitt gagn
Ljósmynd/Höskuldur
„ÞETTA er okkar leið til að skoða
hvort Alþingi hafi ekki möguleika
á því að hafa eftirlit með fjár-
reiðum Símans þar sem hann er í
ríkiseign,“ segir Margrét Frí-
mannsdóttir, formaður þingflokks
Samfylkingarinnar. Þingflokkur-
inn hefur farið þess á leit við for-
sætisnefnd Alþingis að hún feli
Ríkisendurskoðun að gera úttekt á
Símanum og dóttur- og hlutdeild-
arfélögum hans.
Þingflokkurinn fer fram á að
nokkur atriði verði lögð til grund-
vallar þeirri úttekt. Meðal annars
verði rannsakaðar forsendur fyrir
kaupum Símans á eignarhalds-
félaginu Fjörni ehf. og 26% hlut í
Skjá einum. Þar verði m.a. lagt
mat á arðsemi þeirrar fjárfesting-
ar.
Þá verði m.a. kannað hvaða
áhrif þessi kaup hafi á verðmat á
Símanum við sölu hans og hvernig
fjármögnun kaupanna hafi verið
háttað og „hvort við kaupin hafi í
hvívetna verið fylgt ákvæðum laga
og reglna um hlutafélög og sam-
keppnislög“, eins og segir í bréfi
þingflokksins til forsætisnefndar.
Í bréfinu er enn fremur óskað
eftir upplýsingum um heildarfjár-
festingu Símans í breiðbandinu og
búnaði sem því tengjast og árlegar
tekjur fyrirtækisins af þessum
rekstri.
„Áhersla er lögð á að þessi út-
tekt geti hafist sem allra fyrst
þannig að skýrsla Ríkisendurskoð-
unar til Alþingis og niðurstöður
hennar geti komið til umræðu á
Alþingi fljótlega,“ segir enn frem-
ur í bréfinu.
Ríkisend-
urskoðun
geri úttekt
á Símanum
Samfylkingin
MÓTTAKA vegna yfirlitssýningar á verkum
Louisu Matthíasdóttur var haldin í Norræna
húsinu í New York sl. mánudagskvöld, að
viðstöddum Geir H. Haarde fjármálaráð-
herra, sem lýsti sýninguna formlega opna.
Í ræðu sinni talaði Geir um hin séríslensku
einkenni verka Louisu, er komi oft á tíðum
fram í myndefni og ævinlega í litanotkun
listamannsins. Minnti hann á náin tengsl Lo-
uisu við hringiðu lista vestan hafs á seinni
hluta síðustu aldar og gildi þess fyrir ís-
lenska listasögu. Þá hafi Louisu hlotnast sá
sjaldgæfi heiður á ferli sínum, að vera inn-
vígð í Bandarísku lista- og vísindaakademí-
unni auk þess að hljóta heiðursverðlaun Am-
erican-Scandinavian stofnunarinnar í New
York.
Á myndinni eru frá vinstri Hildur Geirs-
dóttir, Inga Jóna Þórðardóttir, Geir H.
Haarde, Temma Bell ásamt manni sínum
Ingimundi Kjarval og þremur affjórum
dætrum þeirra, Völu, Úllu og Melkorku en á
myndina vantar Nínu.
Morgunblaðið/Hulda Stefánsdóttir
Frá móttöku í tilefni af opnun yfirlitssýningar á verkum Louisu Matthíasdóttur í Norræna húsinu í New York.
Opnaði sýningu Louisu í New York
KOSNINGAR um sameiningu nokk-
urra sveitarfélaga í Borgarfirði ann-
ars vegar og í Austur-Húnavatns-
sýslu hins vegar munu fara fram 20.
nóvember næstkomandi og er utan-
kjörstaðaatkvæðagreiðsla vegna
kosninganna þegar hafin.
Annars vegar verður kosið um
sameiningu Bólstaðarhlíðarhrepps,
Sveinsstaðahrepps, Svínavatns-
hrepps og Torfulækjarhrepps í
Austur-Húnavatnssýslu í eitt sveit-
arfélag og hins vegar um sameiningu
Skilmannahrepps, Hvalfjarðar-
strandarhrepps, Innri-Akranes-
hrepps og Leirár- og Melahrepps í
Borgarfjarðarsýslu í eitt sveitarfé-
lag
Allir sem lögheimili eiga í sveitar-
félaginu þremur vikum fyrir kjördag
og orðnir eru átján ára þegar kosn-
ingin fer fram hafa rétt til að kjósa í
kosningunum. Unnt er að greiða at-
kvæði utan kjörfundar hjá sýslu-
mönnum um allt land og á kjörstöð-
um í viðkomandi sveitarfélögum á
kjördag, 20. nóvember. Erlendis fer
atkvæðagreiðsla fram á skrifstofu
sendiráðs eða fastanefndar hjá al-
þjóðastofnunum, kjörræðismönnum
eða á öðrum stöðum samkvæmt
ákvörðun utanríkisráðuneytis.
Sveitarfélög á Íslandi eru nú 103
talsins en þau voru 104 í upphafi árs
og fækkar um tvö hinn 1. nóvember
nk. þegar sameining Austur-Héraðs,
Norður-Héraðs og Fellahrepps tek-
ur gildi. Ef báðar sameiningartillög-
urnar sem kosið verður um 20. nóv-
ember nk. hljóta samþykki verða
sveitarfélögin 95 og hefur þeim þá
fækkað um níu á einu ári, segir í frétt
frá félagsmálaráðuneytinu.
Tvennar sameiningarkosningar verða haldnar í nóvember
Sveitarfélög sam-
einuð í Borgar-
firði og A-Hún.
! "
#$!"
%
&
' '
!
"
( )*
#
$
%
&
+
,
(
( $ -!
. *
$/