Morgunblaðið - 29.09.2004, Blaðsíða 35
MORGUNBLAÐIÐ MIÐVIKUDAGUR 29. SEPTEMBER 2004 35
MENNING
SINFÓNÍUHLJÓMSVEIT Íslands
heldur tvenna tónleika á Sauð-
árkróki í dag og tvenna í Borg-
arnesi á morgun. Á hvorum stað
fyrir sig býður SÍ upp á barna-
tónleika síðdegis og hefðbundna
tónleika að kveldi.
Á tónleikunum í íþróttahúsinu á
Sauðárkróki í kvöld kl. 20 verður
boðið upp á forleik eftir Beethov-
en, klarinettukonsert eftir Mozart,
svítu eftir Khatsatúrjan og kvik-
myndatónlist eftir John Williams.
Á tónleikunum í Borgarnesi fær
hljómsveitin góðan liðstyrk þegar
kórinn Söngbræður mun stíga á
svið og flytja valinkunn verk. Ein-
ar Jóhannesson, klarinettuleikari í
Sinfóníuhljómsveit Íslands, mun
leika einleik og hljómsveitarstjóri
er Bernharður Wilkinson. Miða-
verð er 2.000 krónur fyrir full-
orðna en aðeins 1.000 krónur fyrir
börn yngri en 16 ára.
„Börnin á báðum stöðum fá
einnig eitthvað fyrir sinn snúð og
það er líklegast kærkomið á þess-
um tímum þegar þau hafa lítið fyr-
ir stafni vegna verkfalls kennara.
Efnisskráin á síðdegistónleik-
unum er því fyrst og fremst sett
saman með börnin í huga. Æv-
intýrið um Pétur og úlfinn hefur
hrifið margar kynslóðir barna í
meðförum Sinfóníuhljómsveitar
Íslands og víst er að þrumur og
eldingar eftir Richard Strauss
munu eflaust skemmta barnssál-
inni sem og valin kvikmynda-
tónlist eftir John Williams,“ segir
Sváfnir Sigurðarson kynning-
arfulltrúi.
Öllum börnum boðið
á sinfóníutónleika
Morgunblaðið/Kristinn
ÞAÐ VAR við hæfi að Stórsveit
Reykjavíkur minntist þess að hundr-
að ár eru liðin frá fæðingu eins mesta
stórsveitarsnillings allra tíma með
tónleikum í Ráðhúsi Reykvíkinga.
Snillingurinn er að sjálfsögðu Count
Basie, en verk hans eru jafn fersk og
þau voru er hann lék þau fyrst. Það
elsta, Moten Swing, hljóðritaði hann
með Kansas City-sveit Bennys Mo-
tens 1932. Aftur á móti hóf hljóm-
sveitin tónleikana á yngsta verkinu á
dagskránni, The Heat Is One, eftir
Sammy Nestico, sem Basie hljóðrit-
aði fyrst 1975. Þarna var línan gefin.
Styrkleikabreytingar notaðar til hins
ýtrasta og sveiflan létt og leikandi.
Sigurður Flosason blés altósóló, en
upprunalega var þetta einn af fáum
Basieópusum þar sem barrýtonsax-
inn var eina einleikshljóðfærið. Næst
kom Moten swing í útsetningu Er-
nies Wilkins og neglan fræga á sínum
stað og þótt maður hafi ekki verið
keyrður jafn rækilega niður í sætið
og á Basietónleikum var hún góð.
Síðan var hvert verkið öðru betra frá
hinu svokallaða Nýja testaments-
skeiði Basie leikið, en svo var tíma-
bilið nefnt er hann stofnaði stórsveit
að nýju eftir að hafa orðið að leika
með septett frá 1950 til 52. Frægasta
skífa hans frá því tímabili er Atomic
Basie sem Neal Hefti skrifaði og
voru þrjú verk af henni á efnisskrá
Stórsveitar Reykjavíkur að þessu
sinni: Li’l Darlin’, ballaðan und-
urfagra þar sem Ívar Guðmundsson
blés mjög vel trompetsóló Wendells
Culleys og Jón Páll fékk tækifæri til
að leika gítarsóló, en það hljóðfæri
heyrðist sjaldan í sólóum hjá Basie
og þá frekar að Eddie Durham léki
þá en meistari hrynsins, Freddie
Green. Jón Páll lék sólóinn meist-
aralega og var hann einn af hápunkt-
um tónleikanna. Flight of The Foo
Birds og Whirley-Bird voru einnig á
dagskránni og blés Sigurður Flosa
altósóló í því fyrrnefnda en Ólafur
Jóns tenórsólóinn og í því síð-
arnefnda var það Stefán S. sem blés
tenórsóló. Þeir Ólafur og Stefán voru
í því lítt öfundsverða hlutverki að
leika sólóa þar sem helsti einleikari
Basiebandsins eftir fimmtíu, Eddie
Lockjaw Davis, hafði verið í aðal-
hlutverki og er það næstum óvinn-
andi verk – auk þess sem hljóm-
burður Tjarnarsalar hjálpaði þeim
ekki, eftir voldugan leik hljómsveit-
arinnar tókst ekki að magna saxó-
fónsólóana nægjanlega. Það voru
margir fleiri fínir Basie-ópusar á efn-
isskránni: Shiny Stockings og Blues
in Frankie’s Flat eftir Frank Foster,
sem stjórnaði þeim síðarnefnda á
tónleikum með Stórsveit Reykjavík-
ur 1997. Þar blés Ívar Guðmundsson
fínan sóló með dempara. Svo var
Kansas City shout eftir Wilkins og
aukalagið að sjálfsögðu útsetning
Wild Bill Davis á April in Paris og
fyrri endurtekningin fékk að fljóta
með. Aftur á móti sleppti Snorri Sig-
urðarson Thad Jones-tilvitnuninni í
Pops Goes The Wesel í fínum sólói
sínum, en stundum þegar Thad gerði
það var Basie spurður hví hann hefði
ekki leikið April in Paris, svo
samgróin var þessi tilvitnun laginu í
huga margra. Einn ópus var dálítið
ólíkur öllum hinum og einna for-
vitnilegastur áheyrnar, Down For
Double eftir Freddie Green í útsetn-
ingu Bucks Claytons. Basie hljóðrit-
aði þennan ópus 1941 og eru frum-
nóturnar ekki fáanlegar svo Daniel
Nolgaard varð að skrifa útsetn-
inguna niður eftir plötunni. Hún
hljómaði svosem ágætlega, en það
vantaði mikið upp á hinn rétta tón
Gamlatestaments-sveitar Basies,
honum verður líklega aldrei náð að
nýju. Þó var aðdáunarvert hvað
hrynsveitin stóð sig vel þarna og
sveiflan leikandi þótt enginn fari að
bera hana saman við The All Americ-
an Rhythm Section.
Á þessum tónleikum sannaði Stór-
sveit Reykjavíkur enn einu sinni að
hún er fullfær um að fást við það
besta í tónbókmenntum djassins. Að
vísu hefðu æfingar mátt verða fleiri
og einstaka hnökrar heyrðust því í
samleiknum. Riffin voru stundum
fulldauf, en dýnamíkin í lagi, leik-
gleðin mikil og hrynsveitin bara
nokkuð góð þótt Jóhann Hjörleifsson
ætti stundum fullt í fangi með af-
slöppuðustu kaflana. Hann bætti það
upp í trommubreikunum sem voru í
besta Sonny Payne-stílnum. Ástvald-
ur var ekkert að rembast við að leika
eins og Basie, sem betur fer, því það
hefur engum tekist til þessa. Það var
ekkert hlé en þess í stað hvíldi sveitin
meðan Jón Páll lék þann Basieópus
sem boppararnir héldu mest upp á:
Lester Leaps In eftir Lester Young.
Þetta var fín upphitun fyrir
Jazzhátíð Reykjavíkur, sem hefst í
dag, og ekki er að efa að stórstjörnur
á borð við bassaleikarana Niels-
Henning, Steve Kirby og gítaristann
Wolfgang Muthspiel ásamt rjóma ís-
lenskra djassleikara, hvort sem þeir
búa heima eða erlendis, fylla tón-
leikasalina meðan á hátíð stendur.
DJASS
Tjarnarsalur Ráðhúss
Reykjavíkur
Einar St. Jónsson, Snorri Sigurðarson,
Kjartan Hákonarson og Ívar Guðmunds-
son trompeta; Edward Frederiksen, Stef-
án Ó. Jakobsson og Björn R. Einarsson
básúnur; David Bobroff bassabásúnu;
Ólafur Jónsson, Stefán S. Stefánsson,
Sigurður Flosason, Peter Tomkins og
Kristinn Svavarsson saxófóna, Ástvaldur
Traustason píanó, Jón Páll Bjarnason gít-
ar, Gunnar Hrafnsson bassa og Jóhann
Hjörleifsson trommur.
Stjórnandi: Daniel Nolgård.
Miðvikudaginn 22.9.
STÓRSVEIT REYKJAVÍKUR
Basie í fullu fjöri
Vernharður Linnet
Laugavegi 170, 2. hæð.
Opið virka daga kl. 9-17.
Sími 552 1400 ● Fax 552 1405
www.fold.is ● fold@fold.is
Þjónustusími eftir lokun er 694 1401
EIGNIR ÓSKAST
Viðar Böðvarsson, viðskiptafr. og lögg. fasteignasali.
Í kjölfar vaxtalækkana hefur sala eigna aukist verulega.
Okkur vantar eignir fyrir trausta og örugga kaupendur.
Í mörgum tilfellum er boðið upp á staðgreiðslu eða
langan afhendingartíma:
• 3ja-5 herb. í Bökkunum á 1. eða jarðhæð. Ákveðinn kaupandi.
• Einbýli/parhús/raðhús í Hafnarfirði. Höfum kaupendur að bæði
litlum húsum í gamla bænum og glæsivillum í nýrri hverfum.
• Einbýli/parhús/raðhús í vesturbænum og Seltjarnarnesi.
Verðbil 30-100 millj.
• Einbýli/parhús/raðhús í Fossvogi og Smáíbúðahverfi.
Verðbil 20-60 millj.
• Einbýli/parhús/raðhús í Breiðholti. Verðbil 20-40 millj.
• Einbýli/parhús/raðhús í Árbæjarhverfi. Verðbil 25-70 millj.
• Hæðum í Hlíðunum, Laugarneshverfi og vesturborginni.
• 2ja, 3ja og 4ra herb. í miðbæ Reykjavíkur.
• 2ja, 3ja og 4ra herb. fyrir opinberan aðila.
Langur afhendingartími getur verið í boði.
• 2ja, 3ja og 4ra herb. íbúðir í Breiðholti.
• Einbýli/parhús/raðhús í Fossvogi og Smáíbúðahverfi.
Verðbil 20-60 millj.
• Einbýli/parhús/raðhús í Grafarvogi og Grafarholti.
Verðbil 25-50 millj.
• Einbýli/parhús/raðhús í Grafarvogi og Grafarholti.
Verðbil 25-50 millj.
• Einbýli/parhús/raðhús í Mosfellsbæ.
HAFIÐ SAMBAND OG VIÐ SKOÐUM SAMDÆGURS.
VERÐLEGGJUM EIGNIR YKKUR AÐ KOSTNAÐARLAUSU.
Nú styttist til jóla. Okkar vinsæla
jólahlaðborð byrjar 27. nóvember.
Þú getur einnig yljað þér með ljúfum veigum
á hlýlega Koníaksbarnum eða kælt þig niður
með kokkteil á Ísbarnum, svalasta barnum í
bænum, en þar er alltaf meira en 6° frost!
Bjóðum upp á sali fyrir öll tækifæri: Fundahöld,
árshátíðir, afmæli, ættarmót, fyrirtækjamóttökur,
starfsmannahóf, þorrablót, giftingaveislur.
Vesturgötu 2, sími 5523030, kaffireykjavik@kaffireykjavik.is, www.kaffireykjavik.is
PANTIÐ TÍMAN
LEGA!
Okkar vinsæla
jólahla›bor›
GAGNASAFN
MORGUNBLAÐSINS
mbl.is