Morgunblaðið - 29.09.2004, Blaðsíða 19

MORGUNBLAÐIÐ MIÐVIKUDAGUR 29. SEPTEMBER 2004 19
UMRÆÐAN
SÉRKENNILEGAR deilur
hafa risið að undanförnu vegna
skipunar dómara við Hæstarétt
Íslands. Darraðardans-
inn hófst þegar Hæsti-
réttur birti sérkenni-
legan lista sinn og setti
besta lögmann landsins
skör lægra en aðra um-
sækjendur. Allt er
þetta sérkennilegt og
dapurlegt.
Í 30 ár hefur Jón
Steinar praktíserað.
Hann hefur flutt um
260 mál fyrir Hæsta-
rétti. Eiríkur Tómasson
– fínn lögfræðingur og
drengur góður – á að
baki 15 ára feril og 31 mál.
Hæstiréttur segir að þeir standi
jafnfætis! Einn krossfarinn gegn
Jóni Steinari, Jakob Möller segir
að lögmenn bæti ekkert við sig
eftir 10 ára praxís. Það sé alltént
í hans tilviki. Það kann vera en
dínamískur, kjarkmikill maður
sem leitar þroska og þekkingar
vex að mannkostum allan sinn
starfsaldur. Ég veit að svo er um
Jón Steinar. Því kann að vera
öðru vísi farið um Jakob.
Annar krossfari, Ragnar Að-
alsteinsson, vill útiloka Jón Stein-
ar frá Hæstarétti fyrir skoðanir
sínar. Ragnar hefur gefið sig út
fyrir baráttu fyrir mannrétt-
indum! Mönnum er ekki sjálfrátt í
vitleysunni.
Ég var blaðamaður í 20 ár og
fjallaði á þeim tíma um mörg
stærstu og viðkvæmustu mál síð-
ari hluta 20. aldar.
Jón Steinar var þá oft á vett-
vangi. Enginn í blaðamannastétt
fór í grafgötur um
að þar fór albesti
lögmaður landsins;
maður haldinn ríkri
réttlætiskennd,
hreinlyndur,
traustur og afburða
greindur. Jón Bald-
vin Hannibalsson
lýsti mannkostum
og lögfærni Jóns
Steinars afar vel í
grein í Morg-
unblaðinu á mánu-
dag. Fyrrverandi
formaður Alþýðu-
flokksins lýsti því þegar Jón
Steinar tók að sér „tapað“ mál
fjölskyldu hans og snéri því upp í
glæstan varnarsigur.
Sjálfur leitaði ég til Jóns Stein-
ars fyrir tæpum áratug í máli
sem alþjóð fylgdist síðar grannt
með. Ameríkumenn vildu flytja
Keikó til landsins. Hégómi miðað
við vanda Jóns Baldvins og fjöl-
skyldu hans en vandasöm glíma
samt. Menn höfðu áður reynt að
fá leyfi til að flytja háhyrninga til
landsins en fengið þvert nei. Í
kerfinu voru litlir kallar sem
höfðu uppi digurmæli um að
Keikó kæmi aldrei til Íslands;
fyrr skal ég dauður liggja, sagði
einn hrokagikkurinn í háu emb-
ætti. Hann myndi stöðva málið.
Meira að segja forsetinn hreytti í
ameríska vini mína að Keikó fengi
aldrei að snúa aftur. Þeir hrökkl-
uðust öfugir út af skrifstofu Ólafs
Ragnars og skildu ekkert í ofsa
Íslendinga í garð þessa háhyrn-
ings sem hafði óvart ratað á hvíta
tjaldið og orðið heimsfrægur.
Hamarinn virtist ókleifur. Það
voru því góð ráð dýr. Hvernig
kæmumst við framhjá möppudýr-
unum sem létu einskis ófreistað að
misbeita valdi sínu. Ég fór til þess
besta, eins og Magnús Thorodd-
sen kveðst hafa gert í sínu fræga
máli. Ég snéri mér til Jóns Stein-
ars. Lögmaðurinn brosti í kamp-
inn og kvaðst mundu skoða málið.
Viku síðar kom hann fram með
lausn framhjá kerfiskörlunum. Af-
ar snjalla lausn en samt svo ein-
falda og tæra. Kerfisþrælarnir
komust ekki með puttana í málið
enda Keikó ekki fiskur og Hafró
ekkert með málið að gera. Keikó
bankaði uppá í umhverfisráðu-
neytinu.
Og Keikó kom!
Lítil þjóð má ekki vísa þeim
bestu á dyr.
Lítil þjóð má ekki
vísa þeim bestu á dyr
Hallur Hallsson fjallar um
hæstaréttardómaraumsóknina ’Ég fór til þess besta,eins og Magnús Thor-
oddsen kveðst hafa gert
í sínu fræga máli.‘
Hallur Hallsson
Höfundur er fyrrverandi
fréttamaður.
KÚAREKTOR
Framsóknarflokksins
kom fram í fjölmiðlum
mánudagskvöld 27.
þ.m. og lýsti yfir með
rembu að kennarar
ættu að hafa góð laun,
en kjaradeila þeirra
nú væri mál kenn-
arasamtakanna og
sveitarfélaga og kæmi
ríkisstjórn ekki við.
Þá vita menn það.
Ríkisstjórnin vill vera
stikkfrí þegar við
blasir vandamál, sem
hagsmunir æskulýðs
landsins krefjast að
lausn verði fundin á
þegar í stað.
Það er greinilega
ekki sama hver í hlut
á. Síðastliðinn áratug
hefir ríkisstjórnin
gengið undir sægreif-
um að leysa vinnudeil-
ur þeirra með lögum.
Þá var hún ekki
stikkfrí! Enda ber þá
nauðsyn mest að meta að skara
eld að köku þeirra, sem borga
lungann af herkostnaði rík-
isstjórnarflokkanna.
Staðan í þessum skelfilegu
átakamálum er
raunar ekki mjög
flókin. Allir eru
sammála um að
kennarar búi við
alltof bág kjör. Það
blasir því við að þeir
geta ekki samið
nema að fá veru-
legar kjarabætur.
Staða sveitarfé-
laganna flestra, við-
semjenda þeirra, er
á hinn bóginn sú, að
þau geta ekki risið
undir auknum út-
gjöldum. Reyndar
getur fjöldi þeirra
þakkað það stefnu
stjórnvalda í sjáv-
arútvegsmálum.
Hvað er þá til
ráða í þessari háska-
legu stöðu?
Það eru engin
önnur sköpuð ráð
til, en að landsins
kassi geri sveit-
arfélögunum fært að
semja við kennara,
með fjárframlögum til bráða-
birgða, meðan sveitarfélögunum
eru fengnir nýir tekjustofnar til
reksturs skólanna. Allt annað
leiðir til ófarnaðar.
Þegar verðmætasta eign þjóð-
arinnar, æskulýðurinn, er á von-
arvöl, getur landsins stjórn ekki
lýst sig stikkfría. Leggi hún ekki
beint hönd að verki um lausn
vandamálsins ber henni að fara
frá – strax og undireins.
Stikkfrí?
Sverrir Hermannsson
fjallar um verkfall
grunnskólakennara
’Þegar verð-mætasta eign
þjóðarinnar,
æskulýðurinn,
er á vonarvöl,
getur landsins
stjórn ekki lýst
sig stikkfría. ‘
Sverrir Hermannsson
Höfundur er fv.
menntamálaráðherra.
ÞAÐ ER gleðiefni að Jón Steinar
Gunnlaugsson, hæstaréttarlögmað-
ur og lagaprófessor, hafi nú sótt um
dómarastöðu við
Hæstarétt. Í mínum
huga og fjölmargra
annarra stendur hann
öðrum framar hvað
varðar árangur og
reynslu í málflutningi
og djúpa þekkingu á
lögum og réttarfari.
Það sýna málarekstur
hans, ritverk og þátt-
taka í opinberri um-
ræðu glögglega.
En annað er ekki
síður mikilvægt: Jón
Steinar hefur aldrei
skirrst við að gagnrýna lög og dóm-
stóla, hafi honum þótt þörf á. Hann
hefur heldur ekki hikað við að taka
virkan þátt í stjórnmálaumræðu og
þá síst vafist fyrir honum að gagn-
rýna vini og samherja
opinberlega. Í stuttu
máli sagt held ég að
flestir hljóti að vera
sammála um það, að op-
inber framganga Jóns
Steinars Gunnlaugs-
sonar hefur öðru frem-
ur einkennst af óvenju
miklu hugrekki og
framúrskarandi heið-
arleika. Hugrekki og
heiðarleiki voru að
sönnu ekki á lista
Hæstaréttar yfir hæfn-
isskilyrði. En ef einhverjir mann-
kostir skipta máli í starfi dómara
hljóta það að vera þessir.
Hugrekki og heiðarleiki
Þorsteinn Siglaugsson
fjallar um embættisveitingu
hæstaréttardómara
Þorsteinn Siglaugsson
’Jón Steinar hefur aldr-ei skirrst við að gagn-
rýna lög og dómstóla,
hafi honum þótt þörf á.‘
Höfundur er hagfræðingur.
MIRALE
Grensásvegi 8
sími: 517 1020
Opið:
mán. - föstud. 11-18
laugard. 11-15
Kjartan Guðjónsson listmálari
sýnir á Veggnum í Mirale
fg wilson
Sími 594 6000
Rafstöðvar
Veitum ráðgjöf og þjónustu
fyrir allar stærðir og gerðir
rafstöðva
FGWILSONmase
Vöruhúsið ehf
heildverslun
Ný sending af fallegum
silkiblómum.
Pantanir í síma 565 1504
voruhusid@internet.is
580 80 80
Vilt þú auglýsa!
Þetta svæði er laust núna
hringdu í síma
midlun@midlun.is
Heimsferðir bjóða næsta vetur einstakt tækifæri á skíði til eins vinsælasta
skíðabæjar í Austurrísku ölpunum, Zell am See. Beint leiguflug til Salzburg, en
þaðan er aðeins um klukkustundar akstur til Zell. Í boði eru góð þriggja og
fjögurra stjörnu hótel í hjarta Zell, rétt við skíðalyfturnar, veitingastaði, verslanir
og kvöldlífið. Í Zell er afbragðs aðstaða fyrir alla skíðamenn. 56 lyftur eru á
svæðinu og hægt er að velja um allar tegundir af brekkum, allt eftir getu hvers
og eins, og snjóbretti og gönguskíði er þar ekki utanskilin. Úrval verslana,
veitinga- og skemmtistaða er í bænum sem og í næstu bæjum.
Sjá nánar á www.heimsferdir.is
Skógarhlíð 18, sími 595 1000.
www.heimsferdir.is
Munið Mastercard
ferðaávísunina
Skíðaveisla Heimsferða í
Austurríki
Zell am See - Saalbach - Hinterglemm
frá kr. 29.990
Beint flug til Salzburg
· 29. jan. 19. feb.
· 5. feb. 26. feb.
· 12. feb.
Verð frá kr. 29.990
Flugsæti til Salzburg, 29.janúar, fyrstu
30 sætin. Netverð.
Verð frá kr. 59.990
Flug og hótel án nafns, Zell am
See/Schuttdorf, með morgunverði.
Netverð. 29.janúar.