Morgunblaðið - 29.09.2004, Blaðsíða 15
MORGUNBLAÐIÐ MIÐVIKUDAGUR 29. SEPTEMBER 2004 15
MINNSTAÐUR
Borgartúni 28, símar 520 7901/520 7900
www.ef.is
• Hagstætt verð
Kringlan
OPNUM Á MORGUN
OPNUNARTILBOÐ
New langermabolir 990
Texas peysur 1.990
Mooty 447 gallab. 2.990
Spike strigaskór 2.990
Boom leðjurjakkar 6.990
Auk fleiri frábærra tilboða.
Tilboð gilda einnig í Smáralind
OPNUNARTILBOÐ
Sims stuttermabolir 790
Roma rúllukragapeysa 1.490
Perry skyrta 1.490
Joseph flauelsbuxur 2.990
Venice skór 4.990
Dachard jakkaföt 12.900
Auk fleiri frábærra tilboða
Jakki 9.900
Skyrta 4.990
Kringlan - Smáralind
Ég kveð bæjarpólitíkinameð trega, hún geturverið skemmtileg. Engárungarnir eru með get-
gátur um að ég sé að undirbúa fram-
boð á nýjum stað fyrir næstu kosn-
ingar,“ segir Ómar Jónsson,
formaður bæjarráðs Grindavíkur.
Hann og fjölskylda hans hafa keypt
rekstur matvöruverslunarinnar
Hólmgarðs í Keflavík og taka við
fyrirtækinu næstkomandi föstudag.
Fjölskyldan er flutt til Keflavíkur og
lætur Ómar af störfum sem bæj-
arfulltrúi á sama tíma.
Ómar hefur verið í versl-
unarrekstri í rúman áratug. Hann
rak verslun í Vogum á Vatnsleysu-
strönd og keypti síðan verslun í
Grindavík og rak um tíma verslun
þar og í Keflavík. Hann seldi Sam-
kaupum búðirnar og var áfram
verslunarstjóri fyrir þá í Grindavík.
Fyrir rúmu ári hætti hann þar og
keypti rekstur sjoppunnar á Fitjum,
við bensínstöð Orkunnar.
Í góðu hverfi
Nú hellir hann sér aftur út í mat-
vöruverslun. „Mér sýnist markaður-
inn hafa breyst og umhverfið vera
orðið töluvert annað en það var fyrir
fjórum til fimm árum. Þá voru stór-
fyrirtækin að opna búðir úti um allt
og við urðum að hætta. Nú eru keðj-
urnar frekar að minnka við sig. Hér í
Keflavík er búið að loka Nóatúns-
versluninni og 10–11 er að draga
saman seglin,“ segir Ómar.
Hann segir að matvöruverslunin í
verslanamiðstöðinni Hólmgarði sé
ein af fáum einstaklingsverslunum
sem hafi staðið af sér umbreyting-
arnar á markaðnum. Hún er þátt-
takandi í verslanasamstarfinu Þín
verslun. Ómar segir að verslunin sé
staðsett í góðu hverfi og það sé lyk-
illinn að stöðu hennar og forsendan
fyrir því að þau hjónin, hann og Ingi-
björg Ragnarsdóttir, hafi ákveðið að
fara út í þennan rekstur.
„Ég vil vinna sjálfstætt og veit að
ekki eru margir möguleikar til þess í
verslun, stóru keðjurnar eru búnar
að skipta markaðnum talsvert mikið
á milli sín. Þetta er vissulega átak en
ég kvíði því ekki. Ég þekki þessa
starfsemi og hlakka til að takast á
við hana. Það fylgir þessu áhætta en
það veldur hver á heldur og maður
verður að leggja sig fram um að gera
hlutina vel. Ég veit heldur ekki um
mörg störf sem eru algerlega
áhættulaus,“ segir Ómar.
Þau ætla að selja Orkustöðina og
einbeita sér að rekstri matvöruversl-
unarinnar. Býst Ómar við því að
ganga frá sölunni á allra næstu dög-
um.
Kveður með trega
Ómar og fjölskylda hafa selt hús
sitt í Grindavík og eru flutt til Kefla-
víkur. Á síðasta fundi bæjarráðs
Grindavíkur lét hann bóka að vara-
maður tæki sæti hans í bæjarráði og
bæjarstjórn 1. október. Þetta er
hans annað kjörtímabil í bæj-
arstjórn Grindavíkur og þar hefur
hann verið í embættum forseta bæj-
arstjórnar um tíma og nú formaður
bæjarráðs. Áður átti hann sæti í
hreppsnefnd Vatnsleysustrandar-
hrepps og var um tíma oddviti.
Hann segist kveðja bæjarpólitík-
ina með trega því hún gæti verið
skemmtileg. Menn ættu hins vegar
ekki að sitja lengi. Þetta séu krefj-
andi störf og menn þurfi að hafa
ákveðna orku og vilja til að ganga
þar til verka. Ómar er ekki alveg
horfinn af sviðinu því hann situr í
stjórn Hitaveitu Suðurnesja hf. til
næsta aðalfundar.
„Ég hef eitt og hálft ár til stefnu,“
segir Ómar brosandi þegar hann er
spurður hvort hann sé að undirbúa
framboð í nýju bæjarfélagi við
næstu sveitarstjórnarkosningar og
viðurkennir að gárungarnir sem
komi við á bensínstöðinni reyni að
halda því á lofti.
Ómar Jónsson flytur til Keflavíkur og kaupir matvöruverslunina Hólmgarð
Markaðurinn hefur breyst
Morgunblaðið/Helgi Bjarnason
Á nýjum stað Ómar Jónsson og Ingibjörg Ragnarsdóttir hafa fært sig um
set á Suðurnesjum og taka við rekstri matvöruverslunarinnar Hólmgarðs.
SUÐURNES
Fréttir á SMS