Morgunblaðið - 29.09.2004, Blaðsíða 26

26 MIÐVIKUDAGUR 29. SEPTEMBER 2004 MORGUNBLAÐIÐ
MINNINGAR
✝ Eyjólfur Guð-steinsson fæddist
í Reykjavík 10. ágúst
1918. Hann lést á
Landspítala við
Hringbraut 22. sept-
ember síðastliðinn.
Foreldrar hans voru
hjónin Guðsteinn
Eyjólfsson klæð-
skerameistari og
kaupmaður í Reykja-
vík, f. í Krosshúsum í
Grindavík 1890, d.
1972, og Guðrún
Jónsdóttir, f. 1893, í
Miðhúsum í Hvol-
hreppi, d. 1942. Systkini Eyjólfs
eru: 1) Hólmfríður María, f. 1914,
2) Jón Óskar, f. 1916, 3) Kristinn,
f. 1921, 4) Sigursteinn, f. 1924, 5)
Vilborg, f. 1927, 6) Ársæll, f. 1928
og 7) Málfríður, f. 1931. Aðeins
þrjú systkinanna eru nú á lífi, þau
Sigursteinn, Vilborg og Ársæll.
Eyjólfur kvæntist árið 1954
Þóru Hjaltalín, f. 1935, dóttur
Svövu Havsteen og Steindórs
Hjaltalín útgerðarmanns frá Ak-
ureyri. Börn Eyjólfs og Þóru eru:
a) Svava verslunarstjóri, maki
Karl Þór Sigurðsson viðskipta-
fræðingur og eiga
þau dæturnar Þóru
Björk og Kristínu. b)
Erna fasteignasali,
maki Tryggvi
Bjarnason lögfræð-
ingur, synir þeirra
eru Bjarni, Steindór
og Trausti. c) Guð-
steinn sparisjóðs-
starfsmaður, maki
Margrét Sigurðar-
dóttir iðnrekstrar-
fræðingur, sonur
þeirra er Sigurður.
Börn Guðsteins af
fyrra hjónabandi eru
Eyjólfur og Inga Birna.
Eyjólfur fetaði í fótspor föður
síns og nam klæðskeraiðn en vann
ekki mikið við fatagerðina Námið
nýttist honum þó vel þar sem hann
starfaði alla tíð við innkaup og
sölu herrafatnaðar. Fyrst við hlið
föður síns í Verslun Guðsteins
Eyjólfssonar en síðustu árin rak
hann það fyrirtæki ásamt Hólm-
fríði systur sinni og í félagi við
börn hennar eftir að hún lést.
Eyjólfur verður jarðsunginn frá
Háteigskirkju í dag og hefst at-
höfnin klukkan 13.30.
Að morgni 22. september sl. lést
tengdafaðir minn, Eyjólfur Guð-
steinsson kaupmaður, á Landspítal-
anum við Hringbraut eftir skamma
legu, 86 ára gamall. Eyjólfur hafði
um nokkurt skeið háð hetjulega bar-
áttu og var ekki á því gefast upp. Sá
baráttuvilji, sem Eyjólfur sýndi allt
til hinstu stundar, var einkennandi
fyrir hann og hans lífshlaup.
Eyjólfur starfaði alla sína starfs-
ævi við verslunarrekstur í Verslun
Guðsteins Eyjólfssonar, fyrst með
föður sínum, Guðsteini Eyjólfssyni,
og síðar á eigin vegum í félagi við
systur sína, Hólmfríði, og að henni
látinni, börnum hennar. Spannar
starfsævi hans við fyrirtækið rúm 70
ár. Honum var fyrirtækið ávallt of-
arlega í huga, afkoma þess jafnt sem
líðan starfsfólks sem margt hafði
fylgt honum um áratuga skeið en síð-
ustu árin var dóttirin, Svava, stoð
hans og stytta við reksturinn.
Ég átti þess kost að ferðast nokk-
uð með Eyfa, bæði í tengslum við
rekstur hans og svo á eigin vegum.
Þar kom vel í ljós að hann var mikils
metinn af erlendum viðskiptavinum.
Honum var hvarvetna sýnd virðing
og þakklæti fyrir áralöng, trygg við-
skipti. Eyfa var mjög í mun að gera
góða samninga til að geta tryggt við-
skiptavinum í versluninni góð kjör
en hann sagði oft að bestu launin
væru þakklæti viðskiptavinanna.
Eyfi hélt vel utan um fjölskylduna.
Börnin og barnabörnin voru honum
mjög kær. Hann þreyttist ekki á að
brýna fyrir barnabörnunum mikil-
vægi þess að mennta sig og standa á
eigin fótum. Hann hafði skoðanir á
flestu sem þau tóku sér fyrir hendur
og þau höfðu bæði gagn og gaman af
að ráðfæra sig við hann um hin ólík-
legustu mál. Hann var afar örlátur
og að hans mati var aldrei of mikið
gert þegar kom að gjöfum og veit-
ingum. Alls þessa naut fjölskyldan
ríkulega.
Helsta áhugamál Eyfa var hesta-
mennskan. Allt fram á síðasta dag
fór hann og sinnti sínum hestum þó
svo reiðtúrum færi fækkandi. Átti
hann margt af sínum bestu vinum í
hópi hestamanna sem nutu þekking-
ar hans og reynslu. Eyfi var þakk-
látur fyrir þennan góða félagsskap
og þá aðstoð sem honum var veitt á
síðustu misserum.
Fjölskylda mín átti þess kost fyrir
sjö árum að byggja sumarbústað í fé-
lagi við tengdaforeldrana. Það var
táknrænt fyrir Eyfa þegar hann
sagði, að þó að hann notaði bústaðinn
ekki mikið fyrstu árin væri gott að
hafa hann seinna meir, þegar hann
hætti í hestamennskunni.
Það er með miklu þakklæti og
virðingu sem ég kveð minn ágæta
tengdaföður, þakklæti fyrir ómælda
góðmennsku og umhyggju fyrir okk-
ur hjónum og dætrum alla tíð.
Blessuð sé minning Eyjólfs Guð-
steinssonar.
Karl Þór Sigurðsson.
Í dag verður tengdafaðir minn,
Eyjólfur Guðsteinsson, kaupmaður,
Brekkugerði 11, Reykjavík, lagður
til hinstu hvíldar. Leiðir okkar Eyfa
lágu saman þegar ég ungur háskóla-
nemi tók að venja komur mínar í
Brekkugerðið til fundar við yngri
dótturina, Ernu. Tóku Eyfi og eig-
inkona hans, Þóra Hjaltalín, Tóta,
mér opnum örmum og get ég sagt að
það hafi aldrei borið skugga á sam-
skipti okkar í hartnær 30 ár.
Þegar litið er yfir farinn veg þá
vakna margar minningar; minningar
um örlæti; minningar um hjarta-
gæsku og velvild. Eyfi var maður
hógvær, en hafði þó ákveðnar skoð-
anir á mönnum og málefnum, og gat
hann verið fastur fyrir ef því var að
skipta. Eyfi missti móður sína á unga
aldri frá stórum systkinahóp. Hefur
lífsviðhorf hans án efa mótast af því
að hafa strax frá unga aldri orðið að
leggja sitt af mörkum í föðurhúsum.
Eyfi var íhaldsmaður, í bestu merk-
ingu þess orðs.
…en orðstír
deyr aldregi,
hveim er sér góðan getur.
(Úr Hávamálum.)
Þegar litið er yfir lífshlaup Eyfa í
starfi og leik þá held ég að unnt sé að
fullyrða að hann hafi verið gæfumað-
ur. Hann naut ástríkis heima fyrir
hjá eiginkonu og fjöldskyldu og virð-
ingar þeirra sem honum kynntust.
Er ég þakklátur fyrir að hafa kynnst
Eyfa. Færi ég Tótu, Svövu, Ernu og
Steina mínar innilegustu samúðar-
kveðjur.
Tryggvi Bjarnason.
Þegar tekið er að hausta og gróður
jarðar leggst í dvala kveður tengda-
faðir minn, Eyjólfur Guðsteinsson,
þennan heim eftir stutta sjúkralegu.
Eyjólfur er vel að hvíldinni kominn
enda búinn að skila góðu dagsverki.
Ég kynntist þeim hjónum Eyjólfi
og Þóru á heimili þeirra í Brekku-
gerðinu. Þau tóku mér strax opnum
örmum af þeirri hlýju sem einkenndi
öll okkar samskipti æ síðan. Þau
komu til dyranna eins og þau voru
klædd, hógvær og fáguð. Eyjólfur
var glæsilegur maður og bar aldur-
inn vel. Hann var hæglátur en gam-
ansamur og frá honum lagði traust
og hlýju.
Eyjólfur missti móður sína ungur
að aldri og lærðist snemma að bera
ábyrgð í lífinu. Hann var fulltrúi
kynslóðar sem ólst upp við vinnu-
hörku og aga. Þessi gildi virti Eyjólf-
ur. Hann var iðinn og reglusamur
enda varð honum vel ágengt í lífinu.
Hann tók við rekstri föður síns og
fórst það vel úr hendi. Í einkalífinu
var hann gæfumaður. Hann kvænt-
ist Þóru Hjaltalín og eignuðust þau
þrjú mannvænleg börn.
Þóra reyndist Eyjólfi einnig góður
félagi. Hún bjó fjölskyldunni fallegt
heimili í Brekkugerðinu, þar sem
hver hlutur ber umhyggju hennar og
natni vitni. Hestamennskan var sam-
eiginlegt áhugamál þeirra hjóna.
Eftir erilsaman dag var gott að ríða
út og hverfa á vit náttúrunnar.
Eyjólfur hafði gott hjartalag og
reyndist því fólki einatt vel sem til
hans leitaði. Barnabörnin hans fóru
ekki varhluta af góðmennsku hans.
Hann ávann sér vináttu þeirra og
traust og sakna þau nú afa síns sárt.
Eyjólfur hefði ekki getað hugsað
sér lífið án þess að hafa heilsu til að
sinna hugðarefnum sínum. Það verð-
ur fjölskyldunni huggun að hann
þurfti ekki að heyja langt veikinda-
stríð fyrir andlátið.
Á þessari stundu er hugur minn
hjá Þóru, tengdamóður minni, því
hennar missir er mikill. Megi minn-
ingarnar um góðan eiginmann og fé-
laga verða henni huggun í sorginni.
Margrét Sigurðardóttir.
Nú þegar Eyfi afi er farinn rifjast
svo ótal margt upp og söknuðurinn
er sár.
Það var hægt að leita ráða hjá
honum um allt og hreinskilnin lét
ekki á sér standa. Hann var ótrúlega
góður og gjafmildur við okkur
barnabörnin og það verður sérkenni-
legt að eyða ekki jólunum með hon-
um, heyra ekki fleiri fyndnar sögur
frá honum og það verður tómlegt að
EYJÓLFUR
GUÐSTEINSSON
JÓHANNES ZOËGA
fyrrverandi hitaveitustjóri,
lést þriðjudaginn 21. september.
Útförin fer fram frá Dómkirkjunni fimmtu-
daginn 30. september kl. 15.00.
Tómas Zoëga, Fríða Bjarnadóttir,
Guðrún Zoëga, Ernst Hemmingsen,
Benedikt Jóhannesson, Vigdís Jónsdóttir,
Sigurður Jóhannesson, Solveig Sigurðardóttir.
Elskulegur eiginmaður minn, sonur, faðir okkar,
tengdafaðir og afi,
ÁSTGEIR ARNAR INGÓLFSSON
húsasmíðameistari,
Engjavegi 85,
Selfossi,
sem lést á krabbameinsdeild 11-E á Land-
spítalanum við Hringbraut föstudaginn
24. september, verður jarðsunginn frá Sel-
fosskirkju laugardaginn 2. október kl. 14.00.
Kristín Jóhanna Andersdóttir,
Bjarnheiður Ástgeirsdóttir,
Sigurrós H. Jóhannsdóttir, Sigmar Ólafsson,
Bjarnheiður Ástgeirsdóttir, Pétur Már Jensson,
Erlendur Ástgeirsson, Gunnþóra Steingrímsdóttir
og barnabörn.
Ástkær faðir minn, tengdafaðir, afi og langafi,
KRISTJÁN SIGURÐSSON
múrari,
andaðist á elli- og hjúkrunarheimilinu Grund
sunnudaginn 19. september sl.
Jarðarförin hefur farið fram í kyrrþey að ósk
hins látna.
Guð gefi okkur minningu um góðan mann.
Margrét Kristjánsdóttir, Kristmundur Guðmundsson,
Kristján Kristmundsson, Þyrí Guðjónsdóttir,
Guðmundur B. Kristmundsson, Arndís Arngrímsdóttir
og barnabarnabörn.
Okkar kæri,
TORKIL FREDERIKSEN
kennari,
lést þriðjudaginn 14. september sl.
Jarðarförin fór fram þriðjudaginn 21. september og hvílir hann við hlið
konu sinnar, Gerðar G. Þorvaldsdóttur, í grafreit við Nørre Herlev kirke
í Hillerød í Danmörku.
Þóra Pia Finnsdóttir, Ida Hrönn Finnsdóttir,
Eva G. Þorvaldsdóttir, Óskar M. Þorvaldsson.
Elskuleg eiginkona mín, móðir okkar, stjúp-
móðir og tengdamóðir,
BJARNDÍS JÓNSDÓTTIR,
Skúlagötu 40b,
Reykjavík,
lést á heimili sínu mánudaginn 27. september.
Útförin fer fram frá Dómkirkjunni í Reykjavík
þriðjudaginn 5. október kl. 13.30.
Blóm og kransar vinsamlegast afþakkaðir en
þeim, sem vilja minnast hennar, er vinsamlegast bent á líknarfélög.
Kristinn Guðjónsson,
Sigurbjört Gunnarsdóttir, Örn Sigurðsson,
Unnur Gunnarsdóttir,
Jóhannes Gunnarsson, Ásgerður Flosadóttir,
Gunnar Gunnarsson, Þorgerður Þráinsdóttir,
Helga Gunnarsdóttir, Örn Rósinkransson,
Sigrún Kristinsdóttir,
Jóhannes Kristinsson, Þorbjörg Jónsdóttir,
Elín Kristinsdóttir, Magnús Gíslason.
Ástkær eiginmaður minn, faðir okkar, tengda-
faðir og afi,
SIGHVATUR KRISTJÁNSSON,
Hjarðarslóð 4c,
Dalvík,
lést á Spáni laugardaginn 25. september sl.
Jarðarförin auglýst síðar.
Inga Rut Hilmarsdóttir,
synir, tengdadætur og barnabörn.
Okkar elskulegi,
ÁSGEIR EINARSSON,
Smáratúni 35,
Keflavík,
lést á gjörgæsludeild Landspítala Fossvogi
mánudaginn 27. september.
Pálína Gunnarsdóttir,
Svandís, Heiða, Bjarki og Brynjar,
Einar Þór Arason, Kobrún Gunnlaugsdóttir,
Guðrún Stefánsdóttir,
Stefán G. Einarsson, Eydís Eyjólfsdóttir,
Ari Einarsson, Ása Guðmundsdóttir
og bræðrabörn.