Morgunblaðið - 29.09.2004, Blaðsíða 17

MORGUNBLAÐIÐ MIÐVIKUDAGUR 29. SEPTEMBER 2004 17
MINNSTAÐUR
LANDIÐ
Mývatnssveit | Nú um helgina
fór hér fram hátíð helguð ein-
stöku fyrirbrigði í lífríki Mývatns
sem heitir kúluskítur. Nafnið er
svo sem ekki sérlega aðlaðandi en
um er að ræða gróðurhnykil
stærri en tennisbolta, fag-
urgrænan og líkastan þvotta-
svampi viðkomu. Fyrirbrigðið er
aðeins þekkt á tveimur stöðum á
jarðarkringlunni, í einu vatni í
Japan auk Mývatns.
Hátíðin nú er að nokkru sniðin
eftir japanskri hátíð sem þar er
árlegur viðburður og dregur til
sín mikið fjölmenni, enda kúlu-
skítur mikils metinn í Japan.
Hátíðin er nú haldin öðru sinni
í Mývatnssveit og er hún að frum-
kvæði Yngva Ragnars Kristjáns-
sonar á Seli hóteli. Þetta er fjöl-
skylduvæn samkoma þar sem
boðið er upp á fjölbreytta dag-
skrá. Ævintýrið byrjaði á föstu-
dagskvöld þegar veiðimaður kom
með kúluskít að landi en á vatns-
bakkanum fagnaði honum fjöl-
mennur hópur fólks sem gengið
hafði í skrúðgöngu með logandi
kyndla niður á vatnsbakkann.
Veiðimaðurinn fór með vísu um
leið og hann afhenti Yngva Ragn-
ari tágakörfu með kúluskít til af-
nota yfir hátíðina. Vísuna gerði
Friðrik Steingrímsson.
Leyndardómur lífsins er
lukinn dularhjúpi.
Fjársjóð dýran færðu hér,
feng úr vatnsins djúpi.
Eftir það var mikil flugeldasýn-
ing. Á laugardag var hátíða-
samkoma í Skjólbrekku og þar
var fjölbreytt dagskrá, m.a. flutti
Árni Einarsson erindi um kúlu-
skít, en hann er manna fróðastur
um þetta fyrirbrigði náttúrunnar.
Yngvi Ragnar flutti ferðasögu
með myndum frá kúluskítshátíð í
Japan, og ýmislegt var gert til
skemmtunar. Baðfélag Mývatns-
sveitar hlaut kúluskítsverðlaunin
sem það fyrirtæki sem skarað
hefur fram úr í mývetnsku sam-
félagi á árinu.
Hátíðinni lauk svo á sunnudag-
inn þegar gengið var með kúlu-
skítinn niður að vatni en þar tók
ungur veiðimaður við honum og
flutti á báti út á vatnið. Skilaði
honum þar með til síns heima. Í
því er fólgin ósk um góða veiði á
komandi árum.
Kúluskíturinn í aðalhlutverki
Morgunblaðið/BHF
Afhending Kúluskítshátíðin við Mývatn hófst með því að veiðimaður kom í land og afhenti Yngva Ragnari
Kristjánssyni körfu með kúluskít sem síðan var skilað á sama stað að hátíðinni lokinni.
Mývetningar
skemmta sér
Danskur stúlknakór |
Sankt Annæ-stúlknakórinn
heldur tónleika í Akureyr-
arkirkju í kvöld, mið-
vikudagskvöldið 29. sept-
ember kl. 20.
Kórinn, sem er frá Sankt
Annæ Gymnasium í Kaup-
mannahöfn, er á tónleika-
ferðalagi um Ísland.
Kórinn er skipaður stúlk-
um á aldrinum 14–16 ára
og eru þær allar nemendur
við Saint Annæ þar sem
sérstök áhersla er lögð á
tónlistarnám og -iðkun. Við
skólann eru starfræktir
tveir aðrir kórar og var
drengjakórinn þeirra
staddur hér á landi í vor
og hélt m.a. tónleika í Hall-
grímskirkju áður en hann
hélt til Danmerkur til að
syngja í hinu konunglega
brúðkaupi.
Aðgangur að tónleik-
unum er ókeypis og allir
eru velkomnir.
  
Félagsvísindatorg | Um
hvað snýst grunnnám í sál-
fræði? Þetta er yfirskrift
fyrirlestrar
á fé-
lagsvís-
indatorgi í
dag, mið-
vikudaginn
29. sept-
ember, kl. 12
í Þingvall-
astræti 23,
stofu 14.
Í erindi sínu á Fé-
lagsvísindatorgi ætlar Sig-
urður Júlíus Grétarsson
m.a. að ræða um mik-
ilvægar áherslur í góðu sál-
fræðinámi og hvað bíði
þeirra sem hefja há-
skólanám í þeim fræðum.
Sigurður J.
Grétarsson
„VIÐ megum ekki vera of viðkvæm
þótt á móti okkur blási, á endanum
vinnum við stríðið,“ sagði Finnbogi Sig-
urðsson, formaður Félags grunnskóla-
kennara, á fundi með grunnskólakenn-
urum í verkfallsmiðstöð þeirra á
Akureyri. Kennarar troðfylltu salinn,
en þeir komu víða að úr Eyjafirði.
Finnbogi fór yfir stöðu mála, rakti
gang samningaviðræðna frá því á síð-
astliðnum vetri, þróun mála og hver
staðan væri nú. Hvernig tilboðum hefði
verið kastað fram og til baka og greindi
frá fjölda hugarflugsfunda, sem engu
hefðu skilað. Þá sakaði hann viðsemj-
endur um að birta villandi og rangar
upplýsingar á vef sínum m.a. um kjör
kennara. „Þetta eru harðar aðgerðir,
ég veit ekki hversu lengi við þurfum að
standa í þessu stappi, en því lýkur ein-
hvern tíma. Við hvikum ekki frá okkar
markmiðum,“ sagði hann.
Meðal þess sem bar á góma í um-
ræðum voru meðallaun, en eyfirskum
kennurunum lék forvitni á að vita hvort
meðallaun grunnskólakennara í
Reykjavík væru ríflega 250 þúsund
krónur svo sem fram hefur komið.
Finnbogi sagði félagið ekki hafa að-
gang að sambærilegum tölum fyrir
önnur sveitarfélög nú, en fyrir nokkr-
um árum þegar meðallaun kennara á
höfuðborgarsvæði voru borin saman
kom í ljós að grunnlaunin voru eitthvað
örlítið hærri á landsbyggðinni en heild-
arlaunin hins vegar í Reykjavík. Hann
sagði ákveðinn hóp kennara í borginni
hafa aðgang að töluverðri yfirvinnu og
það hleypti meðaltalinu upp. Fram
kom að lítið væri um yfirvinnu hjá
kennurum yngri barna, en meira hjá
þeim eldri og yfirleitt væru það karlar í
hópi kennara sem sæktust eftir yfir-
vinnunni. „Strákarnir eru duglegri að
sækja sér yfirvinnu en stelpurnar,“
sagði Finnbogi.
Spurt var hvort formaðurinn teldi að
deilan leystist fyrr en lausn fyndist á
málum milli ríkis og sveitarfélaga, að
ríkið legði eitthvað í púkkið. „Mitt svar
er einfaldlega nei,“ svaraði hann. Ef-
laust hugsuðu forsvarsmenn sveitarfé-
laganna sem svo að láta kennara dúsa í
verkfalli og nota það sem keyri á ríkið
þar til það léti undan og legði meira fé
með skólunum. Vísir menn hefðu reikn-
að út að kennarar þyrfu að vera í verk-
falli í 63 daga til að fjárhagur sveitarfé-
laganna réttist af. Finnbogi sagði bæði
búið að spá í spil og bolla og nið-
urstaðan sú sama: Samkvæmt spilasp-
ánni lyki verkfalli 15. nóvember, degi
síðar, 16. nóvember, samkvæmt bol-
laspánni!
Nokkrar umræður urðu um hvernig
félagið gæti varið það að veita ekki fötl-
uðum börnum undanþágu og benti
Finnbogi á að sveitarfélögin hafi vitað
að verkfall kennara væri yfirvofandi
frá í vor, þeim hefði verið í lófa lagið að
setja kennara þessara barna á und-
anþágulista, en gerðu ekki. Bent var á
að foreldrar fatlaðra barna fengju
umönnunarbætur sem nýta ætti m.a.
þegar upp kæmu aðstæður sem þessar.
Þær raddir heyrðust að kennarar væru
að tapa áróðursstríðinu, samúð fólks
með málstað þeirra færi þverrandi,
einkum vegna tíðra frétta af fötluðum
börnum sem ekki fengju kennslu.
Kennari úr Hrísey lýsti því að hún
hefði hreinlega orðið fyrir árás á götu
úti vegna verkfallsins. Þar væri um að
ræða eldra fólk sem ekki ætti börn í
skóla og fékk viðkomandi að heyra það
óþvegið. Finnbogi stappaði stálinu í
kennara og sagði að vissulega heyrðust
neikvæðar raddir í þeirra garð og það
væri ævinlega svo að verkföll bitnuðu á
þriðja aðila, óverðskuldað.
Grunnskólakennarar fjölmenntu á baráttufund á Akureyri
Ekki of viðkvæm þótt á móti blási,
við vinnum stríðið á endanum
Fjölmenni Hann var þétt setinn bekkurinn í verkfallsmiðstöð kennara í Sunnu-
hlíð á Akureyri í gær. Kennarar eru búnir undir það að verkfallið verði langt.
Morgunblaðið/Kristján
Kennarar funda Finnbogi Sigurðsson,
formaður Félags grunnskólakennara,
kom norður til Akureyrar í gær og fór
yfir stöðuna í samningamálum kenn-
ara, með grunnskólakennurum.
AKUREYRI