Morgunblaðið - 16.12.2004, Blaðsíða 18

18 FIMMTUDAGUR 16. DESEMBER 2004 MORGUNBLAÐIÐ
ERLENT
TVEIR vopnaðir menn rændu í gær
rútu skammt frá Aþenu og tóku um
það bil 25 manns í gíslingu. Þeir
slepptu alls sautján manns síðar um
daginn og fregnir hermdu að þeir
hefðu krafist lausnargjalds og þess
að þeir yrðu fluttir úr landi með flug-
vél.
Talið var að mennirnir tveir væru
Albanar. Þeir héldu enn sex mönnum
í gíslingu í gærkvöldi og sögðu að þeir
myndu ekki sleppa neinum þeirra
fyrr en í dag.
Bílstjóra rútunnar, miðaverði og
einum farþega tókst að flýja út úr
rútunni.
Mennirnir rændu rútunni klukkan
5.45 í gærmorgun að staðartíma,
klukkan 3.45 í fyrrinótt að íslenskum
tíma. Haft var eftir einum farþeg-
anna, sem var sleppt, að mennirnir
hefðu krafist milljónar evra, sem
samsvarar rúmum 84 milljónum
króna, í lausnargjald.
Mannræningjarnir sögðu í fyrstu
að þeir vildu fá flugvél og að þeir yrðu
fluttir til Rússlands. Síðar um daginn
sögðu þeir aðeins að þeir krefðust
þess að fá „að fara úr landi“.
Fregnir hermdu að mennirnir
væru vopnaðir byssum og hefðu einn-
ig poka fullan af handsprengjum.
Sérsveitir lögreglunnar og leyniskytt-
ur sátu um rútuna og nokkrum sjúkra-
bílum var einnig lagt í grennd við
hana.
Farþegar rútu
teknir í gíslingu
Mannræningjarnir kröfðust
milljónar evra í lausnargjald
Gerakas. AFP.
Reuters
Menn úr sérsveitum grísku lögreglunnar komu strax á vettvang eftir gíslatökuna í fyrrinótt.






      
     
!" # $! 
%&%  !%'% %
 !%(& ) !) %


* 
 
  
 
 ! "
# $ "
%&'()
  

#+

RANNSÓKN hefur leitt í ljós
að díoxíneitrið í blóði Viktors
Jústsjenkos, forsetaefnis
stjórnarandstöðunnar í Úkr-
aínu, er yfir 6.000 meira en eðli-
legt getur talist, að sögn sér-
fræðings sem rannsakaði
blóðsýni úr Jústsjenko.
Er þetta næstmesta díox-
íneitrun sem nokkru sinni hefur
mælst í manni, að sögn Abra-
hams Brouwers, prófessors í
eiturefnafræði við Óháða há-
skólann í Amsterdam. Blóðsýni
úr Jústsjenko voru send þang-
að til rannsóknar um helgina.
Brouwer og samstarfsmenn
hans hafa útilokað nærri 400
tegundir díoxíns en telja að enn
komi 29 tegundir til greina. Eru
þeir vongóðir um að það liggi
fyrir um helgina hvers konar
díoxín Jústsjenko fékk í sig og
niðurstaða rannsóknarinnar
gæti síðan gefið vísbendingar
um hvaðan eitrið kom eða hvar
það var keypt.
Eitrunin varð til þess að and-
lit Jústsjenkos er alsett bólum,
litaraftið gráleitt eða jafnvel
gulgrænt, pokar eru undir aug-
unum og hann hefur þurft að fá
verkjalyf. Sérfræðingar segja
að verstu afleiðingar eitrunar-
innar séu líklega þegar komnar
fram. Þeir telja að hann nái sér
smám saman og nái fullri
starfsorku.
Næst-
mesta
díoxín-
eitrunin
London. AP.
Viktor Jústsjenko, forsetaefni
stjórnarandstöðunnar í Úkraínu.
FORMLEG kosningabarátta
vegna þingkosninga í Írak hófst
í gær, en gengið verður að kjör-
borði í landinu 30. janúar og kos-
ið 275 manna þing sem útnefna
mun nýja ríkisstjórn og semja
þjóðinni stjórnarskrá. Hafa
tæplega 80 bandalög og hópar
skráð sig til þátttöku í kosning-
unum, þar á meðal nokkrir hóp-
ar súnni-múslima sem hótað
höfðu að sniðganga þær.
Framboðsfrestur rann út í
Írak kl. 13 að íslenskum tíma í
gær. Þá höfðu rúmlega 230
flokkar sem bjóða munu fram í
nafni um 80 kosningabandalaga
tilkynnt þátttöku sína. Alls
verða um 3.500 manns í fram-
boði í kosningunum. Ekki var
boðað til kosningafunda í gær
enda menn önnum kafnir við að
uppfylla margvísleg formsatriði
framboða sinna.
Einna mest bar í gær á Iyad
Alawi, forsætisráðherra írösku
bráðabirgðastjórnarinnar, sem
fer fyrir 240 manna lista þar
sem aðaláherslan er lögð á að
þar sé að finna fulltrúa þeirra
ólíku trúar- og þjóðahópa sem
byggja Írak. Kvaðst hann ætla
að berjast gegn öllum birting-
armyndum „þjóðernishaturs og
trúaröfga“.
Fyrir liggur að helsti flokkur
súnní-múslíma í Írak var skráð-
ur til þátttöku í kosningunum.
Sá nefnist „Íraski íslamista-
flokkurinn“ en hann hafði áður
hótað að hundsa kosningarnar.
Með því móti öðlast
súnnítar sem voru
ráðandi í valdatíð
Saddams valkost en
í gær var ekki ljóst
hvort flokkurinn
hygðist taka þátt í
kosningabaráttunni.
Sjítar sem eru um
60% íbúa Íraks hafa
sameinast um að
styðja tvo flokka
sem samtals munu
bjóða fram 228 full-
trúa. Þetta bandalag
kallast „Sameining-
arbandalag Íraka“
en helsti hugmynda-
fræðingur þess er trúarleiðtog-
inn Ali al-Sistani. Hann hefur
birt trúarlega tilskipun þess
efnis að sjítum beri að kjósa
flokka sjíta. Er almennt búist
við því að kosningarnar staðfesti
þá sem ráðandi pólitískt afl í
landinu. Þriðja aflið, þ.e. auk
lista þeirra Sistanis og Allawis,
verður síðan bandalag Kúrda
sem bjóða fram tvo flokka. Þá er
ekki gert ráð fyrir að súnnítar
nái að festa sig í sessi sem póli-
tískt afl í þessum kosningum
enda óróinn mestur á svæðum
þeirra í Írak.
Frændi Saddams
á fund réttvísinnar
Kosningabaráttan hófst degi
eftir að Allawi skýrði frá því að
hafin yrðu í næstu viku réttar-
höld yfir nokkrum helstu und-
irsátum Saddams
Hússeins, fyrrum
Íraksforseta. Frá
því var síðan skýrt í
gærmorgun að
frændi Saddams og
einn helsti aðstoðar-
maður, Ali Hassan
al-Majid, betur
þekktur sem „Efna-
vopna Ali“, yrði
fyrstur leiddur á vit
réttvísinnar. Gert er
ráð fyrir að réttar-
höldin yfir honum
hefjist í næstu viku
og að þau standi
fram í miðjan jan-
úar. Majid var handtekinn 21.
ágúst í fyrra en hann er m.a.
sakaður um að hafa fyrirskipað
efnavopnaárás á Kúrdabæinn
Halabja árið 1988. Þar voru um
5.000 óbreyttir borgarar teknir
af lífi.
Þá er hann ákærður fyrir
glæpaverk er uppreisn sjíta var
barin niður í kjölfar ósigurs
Íraka í Persaflóastríðinu árið
1991.
Saddam Hússein er ásamt 11
nánustu aðstoðarmönnum sín-
um í haldi í stórri bandarískri
herstöð nærri alþjóðaflugvellin-
um í Bagdad. Haft hefur verið
eftir íröskum embættismönnum
að réttarhöld yfir Saddam kunni
að hefjast eftir kosningarnar í
janúar en þær fréttir eru óljósar
mjög. Hann kann að eiga dauða-
dóm yfir höfði sér.
Kosningabar-
átta hafin í Írak
Bagdad. AFP.
Iyad Allawi
stóðu íslamskir
öfgamenn og
myrtu þeir 191
mann. Hart er
deilt um það á
Spáni hvort og þá
hvernig fjölda-
morðið og við-
brögð stjórn-
málamanna við
því hafi mótað úr-
slit þingkosninga sem fram fóru
FULLTRÚI aðstandenda þeirra
sem myrtir voru í sprengjutilræðum
í Madríd fyrr í ár sakaði í gær
spænska stjórnmálamenn um að
nýta sér fórnarlömbin í pólitískum
tilgangi.
Pilar Manjon, sem er talskona
Samtaka fórnarlamba 11. mars (La
Asociación de Víctimas del 11-M),
kom í gær fyrir þingnefnd sem rann-
sakar sprengjutilræðin í lest-
arkerfinu í Madríd. Að baki þeim
þremur dögum síðar. Í þeim misstu
hægri menn meirihluta sinn og sós-
íalistar komust til valda.
Pilar Manjon missti tvítugan son
sinn 11. mars. Í ávarpi sínu sem
þrungið var gríðarlegri sorg og til-
finningum sakaði hún stjórn-
málamenn um kuldaleg viðbrögð við
fjöldamorðinu og sakaði þá um að
freista þess að nýta sér það í hví-
vetna í pólitískum tilgangi. „Fyrir
ykkur er hver þeirra sem myrtur
var aðeins tala en í okkar huga voru
þetta manneskjur. Þau áttu sér
skírnarnöfn og ættarnöfn,“ sagði
hún. „Fórnarlömbin vita ekkert um
stjórnmál og við krefjumst þess að
þið notið okkur ekki … þið hafið
breytt okkur í peð í þeirri pólitísku
skák sem þið leikið,“ bætti hún við.
Manjon hvatti til þess að ný rann-
sóknarnefnd yrði skipuð sem óháð
væri með öllu stjórnmálaflokkunum
í landinu.
Hart deilt á stjórnmálamenn á Spáni
Madríd. AP.
Pilar Manjon
RÁÐAMENN í Íran brugðust í gær ókvæða
við afar hörðum ummælum varnarmálaráð-
herra Íraks sem kvað stjórnvöld í Teheran
„hættulegasta óvin írösku þjóðarinnar“ og
„uppsprettu hryðjuverkaógnar“.
Talsmaður stjórnarinnar í Teheran sagði
ummæli varnarmálaráðherra írösku bráða-
birgðastjórnarinnar, Hazem Shaalan, „áróður“
sem ætlaður væri til „innanlandsneyslu“.
Kvaðst hann sannfærður um að ráðherrann
myndi draga þau til baka.
Shaalan hafði áður m.a. lýst yfir því að rætur
hryðjuverkastarfsemi í Írak væri að finna í Ír-
an. „Íran er hættulegasti óvinur Íraka og allra
araba,“ bætti hann við.
Talsmaður klerkastjórnarinnar í Íran,
Abdollah Ramezanzadeh, kvað stjórnvöld þar í
landi vön slíkum sendingum frá Írak. Fullyrð-
ingum ráðherrans vísaði hann á bug og sagði
írösk stjórnvöld vita vel að Íranir gerðu hvað
þeir gætu til að aðstoða við að koma á öryggi og
stöðugleika í Írak. Ramezanzadeh sagði brýn-
ustu úrlausnarefnin í Írak vera að binda enda á
hernám Bandaríkjamanna og stöðva átök og
ofbeldisverk þar. Sagði hann Írana þeirrar
hyggju að heppilegasta leiðin til að ná þessum
markmiðum væri sú að efna til frjálsra kosn-
inga eins og nú hefði verið ákveðið. Kosningar
fara fram í Írak 30. næsta mánaðar.
Íranir og Írakar háðu blóðugt átta ára stríð
á níunda áratugnum.
Íraski varnarmálaráðherrann lét raunar
ekki nægja að veitast að Írönum heldur lýsti
hann og yfir því að Sýrlendingar hefðu líkt og
Íranir komið fjármunum til jórdanska hryðju-
verkamannsins Abu Musab al-Zarqawi, sem
sagður er ábyrgur fyrir sprengjutilræðum og
aftökum á gíslum í Írak. Ættu fulltrúar þess-
ara ríkisstjórna margvíslegt samstarf við al-
Zarqawi, sem sagður er fulltrúi al-Qaeda-
hryðjuverkanetsins í Írak og lýst hefur yfir
hollustu við leiðtoga þess, Osama bin Laden.
Segir Írani
hættuleg-
ustu óvinina
Teheran. AFP.