Morgunblaðið - 16.12.2004, Blaðsíða 22

22 FIMMTUDAGUR 16. DESEMBER 2004 MORGUNBLAÐIÐ
MINNSTAÐUR
SUÐURNES
AUSTURLAND
Reykjanesbær | Samkaup veittu nýlega þremur
aðilum á Suðurnesjum styrki. Voru þeir afhentir
við athöfn í Duushúsum enda var Listasafn
Reykjanesbæjar meðal viðtakenda.
Listasafnið fékk 500 þúsund kr. styrk með þeim
orðum að það hefði unnið ómetanlegt starf við upp-
byggingu menningarlífs. Fjármunirnir eru að-
allega notaðir til útgáfumála. Athvarf fyrir geð-
sjúka fékk sömu fjárhæð, 500 þúsund krónur.
Verður þeim varið til að kaupa innbú í aðstöðuna.
Þá fengu KFUM og K 200 þúsund kr. styrk og
verða peningarnir notaðir í hús samtakanna.
  
Samkaup styrkja Listasafn,
athvarf geðsjúkra og KFUM
Jólastrengir | Jólatónleikar Strengjasveitar
Tónlistarskóla Reykjanesbæjar, gítarsamspils-
hópa og fiðlukammersveitar skólans verða í Ytri-
Njarðvíkurkirkju næstkomandi föstudag og hefj-
ast klukkan 19.30. Stjórnendur og kennarar eru
Aleksandra Pitak, Dagmar Kunákóva, Unnur
Pálsdóttir og Þorvaldur Már Guðmundsson.
Í hléi býður foreldrafélag strengjasveitarinnar
upp á kaffi og smákökur á vægu verði. Ágóðinn
rennur í ferðasjóð strengjasveitarinnar.
Njarðvík | „Þetta er besta af-
mælisgjöf sem hægt er að óska
sér,“ segir Kristbjörn Alberts-
son, formaður Ungmennafélags
Njarðvíkur. Hann tók í fyrra-
dag við lyklavöldum að nýrri
félagsaðstöðu UMFN í við-
byggingu Íþróttamiðstöðv-
arinnar í Njarðvík úr hendi
Árna Sigfússonar, bæjarstjóra
Reykjanesbæjar. Við sama
tækifæri var minnst sextíu ára
afmælis félagsins.
Unnið hefur verið að um-
fangsmiklum endurbótum á
Íþróttamiðstöðinni í Njarðvík á
síðustu árum. Eignarhalds-
félagið Fasteign hf. tók við
verkinu þegar það yfirtók
skóla- og íþróttamannvirki
Reykjanesbæjar og er fram-
kvæmdum nú lokið. Húsið hef-
ur verið tekið í gegn jafnt að
utan sem innan. Þá var inn-
réttuð 470 fermetra fé-
lagsaðstaða fyrir UMFN. Þar
er meðal annars fjölnota
veislusalur með eldhúsi, salur
til móttöku íþróttahópa og
skrifstofur og fundaraðstaða
fyrir félagið og deildir þess.
„Félagsstarfið gjörbreytist
við það að deildirnar fá aðstöðu
á sama stað. Samstarf þeirra
og upplýsingaflæði á milli
batnar. Þá munu tengslin við
félagsmenn aukast. Við von-
umst til að fólk komi hingað
upp, við það kemst það í betra
samband við félagið og þá sem
fyrir það vinna,“ segir Krist-
björn Albertsson, formaður
UMFN. Aðalstjórn félagsins
hefur verið með aðstöðu í
Stapa en félagsstarf deildanna
að mestu farið fram á heim-
ilum formanna og stjórn-
armanna. Aðalstjórnin flytur
starfsemi sína í félagsaðstöð-
una ásamt körfuknattleiks-
deild, sunddeild og líkams-
ræktar- og lyftingadeildinni
Massa. Knattspyrnudeildin
verður áfram í sínu húsnæði.
Félagsaðstaðan er notuð fyr-
ir stuðningsmenn á heima-
leikjum UMFN í körfunni enda
er hægt að opna aðalsalinn út
á áhorfendapallana og veit-
ingar eru seldar í salnum. Einn
salurinn hefur fengið nafnið
Boginn til minningar um Boga
Þorsteinsson sem nefndur hef-
ur verið faðir körfuknattleiks-
ins í Njarðvík. Þar er aðstaða
til að fylgjast með leikjum og
skoða upptökur af gömlum
leikjum.
„Ég sagði fyrir ellefu árum,
þegar ég var kosinn formaður
UMFN, að ég myndi hætta
þegar félagsaðstaðan væri
tilbúin. Þá stóð til að það yrði
eftir eitt eða tvö ár. Ég hef
síðan verið minntur á þetta.
En núna þarf ég ekki að hætta,
því aðstaðan er svo góð,“ segir
Kristbjörn brosandi og bætir
því við að þótt mikill tími fari í
starfið sé það skemmtilegt og
gefandi. UMFN var stofnað 10.
apríl 1944. Aðalhvatamaðurinn
að stofnun félagsins, eins og
svo mörgum öðrum framfara-
málum í Njarðvíkum, var
Karvel Ögmundsson útgerð-
armaður. Fram kom við at-
höfnina í nýju félagsaðstöðunni
að í upphafi hafi þar fyrst og
fremst farið fram málfunda-
starf en síðan hafi íþróttirnar
smám saman tekið við, fyrst
frjálsar íþróttir og síðan bolta-
íþróttir.
Félagið starfar í fjórum
deildum og er starfið blómlegt,
segir Kristbjörn. Afrek hins
sigursæla körfuknattleiksliðs
UMFN hafa löngum haldið
nafni félagsins hátt á lofti.
Einnig hefur verið mikið af-
reksfólk í sundliði félagsins og
starfsemin í knattspyrnudeild-
inni verið öflug. Þessar þrjár
deildir hafa fengið viðurkenn-
ingu Íþrótta- og Ólympíusam-
bands Íslands sem fyrirmynd-
arfélög vegna barna- og
unglingastarfs.
Það var ekki tilviljun að
ákveðið var að opna fé-
lagsaðstöðuna og minnast af-
mælisins í fyrradag. Um kvöld-
ið var á dagskrá bæjarslagur í
körfunni, Njarðvíkingar fengu
nágranna sína úr Keflavík í
heimsókn. Keflvíkingum tókst
að spilla nokkuð veislugleðinni
í Ljónagryfjunni með því að
sigra heimamenn.
Félagsaðstaða í Íþróttamiðstöðinni í Njarðvík vígð á 60 ára afmæli UMFN
Besta afmælis-
gjöfin sem hægt
er að óska sér
Morgunblaðið/Helgi Bjarnason
Tekið við lyklavöldunum Árni Sigfússon, bæjarstjóri Reykjanes-
bæjar, afhenti Kristbirni Albertssyni, formanni UMFN, lykla sem
hann taldi að pössuðu að skrám nýju félagsaðstöðunnar.
Keflavík | Nemendur Heiðarskóla í Keflavík hafa
fengið góða gesti í heimsókn á aðventunni og
gert ýmislegt skemmtilegt saman. Skólinn bauð
nemendum og starfsfólki upp á hangikjöt og til-
heyrandi. Síðar voru sungnir jólasöngvar undir
stjórn Guðmundar Hermannssonar tón-
menntakennara og tóku nemendur vel undir.
Foreldrum og öðrum bæjarbúum var boðið að
koma á bókasafn skólans og lesa fyrir yngri nem-
endur. Samkvæmt upplýsingum frá Sigurbjörgu
Róbertsdóttur deildarstjóra nýttu margir sér það
tækifæri til að taka þátt í skólastarfinu um leið
og vakin var athygli nemenda á nýútkomnum
bókum og mikilvægi þess að æfa sig í lestri.
  
Sungið saman á aðventunni
Barri vex | Á aðalfundi Barra hf.,
sem haldinn var 10. desember sl.,
var samþykkt að greiða 6% arð til
hluthafa og er það annað árið í röð
sem greiddur er út arður hjá Barra.
Starfsemin gekk stóráfallalaust á
árinu og jókst velta um 12%. Hagn-
aður varð 6,1 milljón króna. Seldar
voru um 1.900 þúsund plöntur.
Gert ráð fyrir verulegri söluaukn-
ingu á næsta ári og að afhentar verði
úr stöðinni yfir 2,5 milljónir plantna.
Í stjórn Barra hf. voru kjörnir
Helgi Bragason, Björn Ármann
Ólafsson, Skúli Björnsson, Helgi
Gíslason og Hilmar Gunnlaugsson.
Framkvæmdastjóri Barra er Rúnar
Ísleifsson.
Lukka | Útgerðarfélagið Lukka
ehf. á Stöðvarfirði fékk á dögunum
afhentan nýjan bát frá bátasmiðj-
unni Trefjum í Hafnarfirði. Að út-
gerðinni standa feðgarnir Ársæll
Guðnason og Guðni Ársælsson. Nýi
báturinn hefur hlotið nafnið Narfi
SU 68 og er af gerðinni Cleopatra 38
sem leysir af hólmi eldri Cleopötru-
bát. Báturinn er 15 brúttótonn og er
í krókaflamarkskerfinu. Narfi er
mjög öflugur bátur með 650 hestafla
vél, útbúinn til línuveiða og er vinnu-
dekk yfirbyggt að hluta. Öll aðstaða
um borð er eins og best gerist, borð-
salur og svefnpláss fyrir fjóra, auk
eldunaraðstöðu með eldavél, ör-
bylgjuofni og ísskáp.
Egilsstaðir | Skógarbændur á
Fljótsdalshéraði og Héraðsskógar
hafa nú á aðventunni fært leik-
skólabörnum á Héraði grenitré til
að nota innan dyra og utan í leik-
skólum.
„Við vildum gera eitthvað gott
um jólin með íslenskum trjám,“
sagði Guðmundur Ólafsson, fram-
kvæmdastjóri Héraðsskóga og
Austurlandsskóga, í samtali við
Morgunblaðið. „Við ákváðum því
að þessu sinni að gefa öllum leik-
skólabörnum hér á svæðinu tvö
tré, inni- og útitré, í leikskólana
þeirra. Við gáfum börnunum í
leiðinni gamla jólasögu sem fjallar
um af hverju grenitréð er notað
sem jólatré, saga sem okkur þykir
mjög falleg. Þetta er nú gert
svona til að senda börnunum jóla-
kveðju. Okkur langar að gera eitt-
hvað sérstakt fyrir hver jól og
þetta var hugmyndin í ár.“
Grunnskólabörn á Breiðdalsvík
fengu einnig tré að gjöf frá Hér-
aðsskógum. „Í samkeppni um
merki fyrir Austurlandsskóga
sendi heill bekkur úr grunnskól-
anum á Breiðdalsvík inn sína til-
lögu að merki,“ segir Guðmundur.
„Okkur þótti mjög vænt um það
og með tillögunni fylgdi mikil rit-
gerð og skýringar. Þó svo að
merkið þeirra hafi ekki verið valið
hefur lengi staðið til að þakka
þeim fyrir þetta framlag. Þegar
við fórum svo í að gefa leik-
skólabörnum trén var ákveðið að
þakka bekknum fyrir með því að
gefa þeim einnig jólatré. Okkur
langar svo næsta sumar að gróð-
ursetja hjá þeim varanlegt
jólatré.“
Skógarmenn gefa
litlum börnum á
Héraði jólatré
Morgunblaðið/Steinunn Ásmundsdóttir
Ánægður með jólatréð sitt Krist-
inn Már Hjaltason, nemandi á leik-
skólanum Tjarnarlandi, við eitt
trjánna frá Héraðsskógum.
Egilsstaðir | Nú eru nemendur í
Menntaskólanum á Egilsstöðum,
sem og annars staðar í mennta-
skólum, komnir í langþráð jólafrí.
Ætla má að nemendur hafi lagt
hart að sér þessa síðustu daga
fyrir frí, þrátt fyrir að jólastemn-
ing og annir tengdar undirbún-
ingi hátíðanna kunni eitthvað að
hafa komið niður á einbeiting-
unni. Síðustu prófum lauk í fyrra-
dag og sjúkraprófum í gær. En
nú er sem sagt frí til 5. janúar og
próflúnir menntskælingar farnir
um víðan völl að undirbúa hátíð-
ina.
Morgunblaðið/Steinunn Ásmundsdóttir
Menntskælingar
komnir í jólafrí
Neskaupstaður | Á dögunum
færði Samvinnufélag útgerð-
armanna í Neskaupstað
(SÚN) sveitarfélaginu
Fjarðabyggð glæsilegt hljóð-
kerfi að gjöf. Hljóðkerfið er í
Egilsbúð, menningarhúsi
Neskaupstaðar, og vonast
stjórnarmenn SÚN til þess að
gjöfin megi vera íbúum til
gagns og gleði.
Hljóðkerfið, sem er hið full-
komnasta á Austurlandi, hef-
ur nú þegar nýst íbúum, en
það var fyrst notað á Rokk-
sýningu BRJÁN nú í vetur.
Það var Smári Geirsson,
forseti bæjarstjórnar, sem
tók við gjöfinni af Kristni Jó-
hannssyni, en í máli Kristins
kom fram að undanfarið hef-
ur Samvinnufélagið verið að
uppskera arð af hlut sínum í
fyrirtækjum í Neskaupstað
og er það vilji félagsins að
láta samfélagið njóta góðs af
þeim arði. Undanfarin miss-
eri hefur SÚN gefið ýmsar
gjafir sem taldar eru koma
samfélaginu til góða. M.a.
hafa þeir gefið sundlaug Nes-
kaupstaðar líkamsræktar-
tæki, styrkt bílakaup björg-
unarsveitarinnar Gerpis, lagt
sitt af mörkum til uppbygg-
ingar á félagssvæði Blæs í
Neskaupstað og ýmislegt
fleira.
Samfélag-
ið nýtur
góðs af
arðinum