Morgunblaðið - 13.01.2005, Blaðsíða 20

20 FIMMTUDAGUR 13. JANÚAR 2005 MORGUNBLAÐIÐ
MINNSTAÐUR
HÖFUÐBORGARSVÆÐIÐ
LANDIÐ
Vestfirðir | „Þetta er tímabundið verkefni.
Við vonumst til að eftir ár verði Þórsberg
sterkara fyrirtæki með þjálfaða stjórn-
endur,“ segir Sigurður Viggósson, fram-
kvæmdastjóri Odda hf. á Patreksfirði, en
hann mun jafnframt gegna starfi fram-
kvæmdastjóra Þórsbergs ehf. á Tálknafirði
út þetta ár.
Ráðning Sigurðar til Þórsbergs er liður í
samningi sjávarútvegsfyrirtækjanna tveggja
um stjórnunarlegt samstarf. Guðjón Indriða-
son sem var framkvæmdastjóri Þórsbergs er
nú aðstoðarframkvæmdastjóri fyrirtækisins.
Einnig felst í samningnum að aðrir stjórn-
endur Odda hf. munu koma að daglegri
stjórn Þórsbergs.
Sigurður Viggósson segir að stjórnendur
Odda muni vinna að endurskipulagningu
rekstrar hjá Þórsbergi en hann hafi ekki
gengið of vel síðastliðin tvö ár. Markmiðið sé
að koma fyrirtækinu út úr þeirri úlfakreppu
sem það sé komið í. Þótt fyrirtækin séu svip-
uð að uppbyggingu hefur tekist að reka Odda
með hagnaði síðastliðin sex ár og Sigurður
segir að enn sé hagnaður þótt rekstrar-
umhverfi sjávarútvegsins hafi mjög versnað
að undanförnu.
Hann segir að byrjað sé að fara ofan í
rekstur Þórsbergs. Ljóst sé að draga þurfi úr
kostnaði og leita leiða til að auka tekjurnar.
Eitt af því sem til greina kemur er að auka
kvóta fyrirtækisins.
Sameining ekki á dagskrá
Fyrirtækin hafa unnið saman í nokkur ár og
sömu menn skipa stjórnir þeirra. Engin
eignatengsl eru þó milli fyrirtækjanna. Sig-
urður segir að ekki standi til að sameina fyr-
irtækin, menn telji ekki að það skili meiri ár-
angri en að taka upp samvinnu. „Ég tel að
það séu tækifæri í Þórsbergi til að vinna sig
út úr vandanum og styrkja fyrirtækið,“ segir
Sigurður.
Þórsberg er eina fiskvinnslufyrirtækið á
Tálknafirði eftir að tvö fiskvinnslufyrirtæki
hættu þar rekstri á síðasta ári og segir Sig-
urður að það sé mikilvægt fyrir báða staðina
að öflugt fyrirtæki verði áfram á Tálknafirði.
„Svæðið er tiltölulega fámennt og veikt
byggðarlega og enginn hlekkur má bresta.
Ef fyrirtækjum fækkar enn frekar hefur það
áhrif á þjónustu við okkur sem eftir verðum,“
segir Sigurður.
Sami framkvæmdastjóri yfir Odda og Þórsbergi
Tækifæri til að vinna
sig út úr vandanum
Morgunblaðið/Helgi Bjarnason
Stjórnandi Sigurður Viggósson stjórnar
tveimur sjávarútvegsfyrirtækjum þetta árið.
Skagafjörður | „Sigurður hringdi fyrir jól til
að tilkynna mér þetta. Það var nú aldeilis jóla-
gjöfin,“ segir Gísli Jónsson, bóndi á Ytri-
Húsabakka, í Skagafirði. Ær frá honum
greindist með riðusmit í sláturhúsi og Sig-
urður Sigurðarson dýralæknir hringdi til að
segja honum frá þessu. Var þetta annað riðu-
tilfellið í Skagafirði á árinu.
Gísli segist hafa dregið úr ásetningi á und-
anförnum árum enda orðinn gamall sjálfur og
nýtt gömlu ærnar. Í haust hefði hann þó
hreinsað svolítið út af gömlu ánum og látið
fjörutíu í sláturhúsið og sett lömb á í staðinn.
Eitt sýni reyndist riðusmitað.
Sami fjárstofninn hefur verið á Ytri-Húsa-
bakka frá 1949 en gamli stofninn var þá skor-
inn niður vegna mæðiveiki. „Það hefur aldrei
komið upp sjúkdómur í þessu fé á öllum þess-
um árum. Það var því mikið áfall að fá þessar
fréttir. Það gæti verið að þessi ær hafi ein-
hvern tímann lent á bæ þar sem riða hafi verið
og sjúkdómurinn ekki unnið á henni,“ segir
Gísli sem segir jafnframt að sér hafi liðið illa
frá því tilkynningin barst og tekur fram að
hann trúi því ekki enn að féð sé riðusmitað.
Riðan að færast í aukana
Einar Otti Guðmundsson, eftirlitsdýra-
læknir á Sauðárkróki, segir að svo virðist sem
riðan sé að færast í aukana á nýjan leik í
Skagafirði. Riða kom upp í fé í Árgerði í Sæ-
mundarhlíð í vor og var öllu fé þaðan slátrað
og fyrir fáeinum árum kom riða upp á tveimur
bæjum í héraðinu eftir margra ára hlé.
Riðusmitið á Ytri-Húsabakka kom fram við
reglubundna rannsókn í sláturhúsinu á Sauð-
árkróki. Einar Otti segir útilokað að segja til
um hvernig riðan hafi borist í kindina. Féð frá
Ytri-Húsabakka er á sama upprekstrarlandi
og féð frá Árgerði og Auðnum þar sem riða
kom upp fyrir fáeinum árum en Einar Otti
tekur fram að menn telji ekki miklar líkur á
að smit berist á milli í sumarhögum. Þá getur
hann þess að skorið hafi verið niður vegna
riðu á nágrannabæ Ytri-Húsabakka fyrir
mörgum árum en þar hafi raunar verið fjár-
laust síðan.
Einar Otti segir að það sé stefna stjórn-
valda að vinna gegn riðunni með niðurskurði.
Því verði leitað samninga við bóndann á Ytri-
Húsabakka um niðurskurð fjárins.
Riðan færist í aukana í Skagafirði á nýjan leik
„Það var
nú aldeilis
jólagjöfin“
Morgunblaðið/Örn Þórarinsson
Bóndinn Gísla Jónssyni brá mikið þegar hon-
um var tilkynnt um að kind frá honum hefði
greinst með riðusmit.
Garðabær | Ágreiningi milli sókn-
arprests Garðasóknar annars veg-
ar og sóknarnefndar og starfsliðs
sóknarinnar hins vegar hefur verið
vísað til úrskurðarnefndar kirkj-
unnar. Prófastur Kjalarnespró-
fastsdæmis og biskup Íslands hafa
reynt að miðla málum en sókn-
arpresturinn óskaði eftir að ágrein-
ingnum yrði vísað til umræddrar
úrskurðarnefndar.
Samkvæmt upplýsingum Morg-
unblaðsins kemur ágreiningurinn
til af samskiptaörðugleikum milli
aðila og gerjast hefur allt frá byrj-
un síðasta árs. Er ágreiningurinn
annars vegar milli séra Hans
Markúsar Hafsteinssonar sóknar-
prests og hins vegar þeirra Frið-
riks J. Hjartar prests, Nönnu Guð-
rúnar Zoëga djákna, Matthíasar G.
Péturssonar, formanns sóknar-
nefndar og Arthurs Farestveit
varaformanns. Matthías tjáði
Morgunblaðinu að málið hafi risið í
janúar í fyrra og verið til umfjöll-
unar síðan án þess að lausn fynd-
ist. Málinu var vísað til séra Gunn-
ars Kristjánssonar, prófasts
Kjalarnesprófastsdæmis, sem
Garðasókn fellur undir, og sömu-
leiðis kom til kasta Karls Sigur-
björnssonar, biskups Íslands.
Sóknarpresturinn, séra Hans
Markús Hafsteinsson, óskaði eftir
að málinu yrði vísað til úrskurð-
arnefndarinnar. Séra Hans Markús
vildi ekki tjá sig um málið í Morg-
unblaðinu þegar leitað var til hans.
Tafir á vinnu
úrskurðarnefndar
Samkvæmt lögum um stjórn,
stöðu og starfshætti þjóðkirkjunn-
ar, beitir biskup sér fyrir lausn
ágreiningsefna sem rísa kunna á
kirkjulegum vettvangi. Í 12. grein
laganna segir m.a. um úrskurðar-
nefnd að rísi ágreiningur á kirkju-
legum vettvangi geti hver sá sem
hagsmuna eigi að gæta borið málið
undir úrskurðarnefnd sem biskup
skipar til fjögurra ára í senn.
Dögg Pálsdóttir, formaður
nefndarinnar, segir málið hafa bor-
ist nefndinni í október síðastliðnum
en nokkrar tafir hafa orðið á vinnu
nefndarinnar, m.a. vegna þess að
skipunartími nefndarmanna rann
út. Dögg segir að greinargerð
sóknarprestsins sé væntanleg fljót-
lega og eftir það fái gagnaðilar
frest til andsvara og síðan sé málið
tekið til afgreiðslu. Kvaðst hún
naumast gera ráð fyrir að meðferð
málsins hjá nefndinni lyki fyrr en í
mars.
Ágreiningur í Garðasókn milli
sóknarprests og sóknarnefndar
Úrskurðarnefnd
taki málið fyrir
Morgunblaðið/Árni Sæberg
Laugardalur | Kostnaður við
byggingu yfirbyggðar sundlaugar í
Laugardal, sem var tekin í notkun
í byrjun mánaðarins, reyndist vera
7,3% undir kostnaðaráætlun, og
var kostnaður við laugina 1.130
milljónir króna, samanborið við
áætlun sem hljóðaði upp á 1.219
milljónir, á uppreiknuðu verði í
desember 2004.
„Þessi góði árangur byggist
mikið á því að við erum með svo-
kallaða kostnaðarstýrða hönnun,
við gerum fyrstu áætlun þegar um
10–20% af hönnun er lokið. Þá
biðjum við um mjög sundurliðaða
kostnaðaráætlun sem byggist á
verkþáttum og einingarverðum
verkþátta. Þannig náum við meiri
nákvæmni í kostnaðaráætlunar-
gerðinni,“ segir Guðmundur Pálmi
Kristinsson, forstöðumaður Fast-
eignastofu.
„Við sjáum þegar um 20% er
lokið af hönnun hvert stefnir, og
þá gerum við ráðstafanir í hönn-
uninni og reynum að endurskoða
hana þannig að hún haldi þennan
ramma,“ segir Guðmundur. Sem
dæmi um ráðstafanir til að lækka
kostnað nefnir hann að upphaflega
hafi byggingin átt að standa
hærra, en þegar til kom hafi verið
ákveðið að lækka bygginguna og
kjallarann, og spara þannig tals-
vert fé. Einnig hafi hluti kjallarans
verið notaður undir lagnakerfi, í
stað þess að hafa þau í sér rýmum
á jarðhæð.
„Svo hjálpar að sjálfsögðu líka
að í þessu verki voru góðir hönn-
uðir og góður verkefnastjóri, og
svo erum við með mjög öflugan
verktaka þarna. Þetta stuðlar allt
að því að við getum verið svona
undir áætlun.“
Guðmundur segir þó að ekki hafi
verið fórnað neinum gæðum til að
spara við gerð sundlaugarbygging-
arinnar, eflaust hefði verið hægt
að spara enn meira með því að
fórna einhverjum af þeim gæðum
sem lagt hafi verið upp með. Við
hönnunina hafi þó verið haft í huga
umsögn dómnefndar um verð-
launatillöguna sem unnið var eftir,
en þar segir m.a. að hönnunin sé
manneskjuleg, lífræn og lifandi
lausn, þar sem frumleiki er í há-
vegum hafður.
Ný yfirbyggð sundlaug í Laugardal
Morgunblaðið/Árni Torfason
Gæðum ekki fórnað Tekist hefur að halda kostnaði við sundlaugina í skefjum án þess að fórna gæðum.
Kostnaður rúmlega
7% undir áætlun