Morgunblaðið - 20.02.2005, Blaðsíða 18
18 SUNNUDAGUR 20. FEBRÚAR 2005 MORGUNBLAÐIÐ
Hin umdeilda kvikmynd „The Pass-ion of the Christ“ eða „PíslarsagaKrists“, sem Mel Gibson fram-leiddi og leikstýrði, var að mestuleyti kvikmynduð í bænum
Matera í héraðinu Basilicata á Suður-Ítalíu en
myndin fjallar um síðustu 12 klukkustundirnar
í lífi Krists.
Ferðamálafrömuðir í Matera eru nú þegar
farnir að selja pakkaferðir til Matera til að
skoða staðina sem voru kvikmyndaðir. Epos
Gea skipuleggur, með stuðningi Matera bæj-
arfélagsins, „Tour della Passione“ (Píslarsögu-
ferð ). Boðið er upp á skoðunarferðir með leið-
sögumanni á þá staði þar sem Mel Gibson
kvikmyndaði. Japanar eru mjög hrifnir af þess-
um skoðanaferðum. Jim Caviezel, sem lék Jesú
Krist, svaf á meðan á upptökunum stóð í íbúð-
arhótelinu „Casa di Lucio“. Áður en upptökur á
kvikmyndinni hófust var það einkaheimili og
þurfti að breyta mörgu húsnæði í lítið hótel til
að hýsa leikara, kvikmyndargerðarmenn og
fylgdarlið. Mel Gibson gisti á „Albergo Italia“.
Matera er sögð vera elsta borgin í heiminum
og hefur hún verið á heimsminjaskrá Menning-
armálastofnunar Sameinuðu þjóðanna
(UNESCO) frá árinu 1993. Matera er talin eiga
sér að minnsta kosti 10.000 ára sögu, ef marka
má heimildir í safninu í Ridola. Á miðöldum
bjuggu munkar, meinlætamenn og grísk-býs-
anskir einsetumenn í Matera og gerðu þeir
hana að einu stærsta trúarsamfélagi í Miðjarð-
arhafslöndum. Elsti hluti Matera er í klettum
og var búið í hellum, sem grafnir voru inn í
klettana. Einnig voru gerðar kapellur, kirkjur
og klaustur inni í klettunum. Þegar á leið reistu
íbúar Matera hús fyrir neðan klettana og not-
uðu hellana sem geymslur og gripahús. Mesti
uppgangstími í Matera var frá árinu 1663 til
ársins 1806 en á þeim árum var hún höfuðstað-
ur Basilicata héraðsins, en árið 1806 var Pot-
enza gerð að höfuðstað Basilicata-héraðsins.
Dómkirkjan í Matera er frá 13. öld og þar er
að finna eitt af mikilvægustu jötusöfnum á Ítal-
íu frá 15. öld. Einnig eru kirkjur í barokk-stíl
og þónokkur klaustur sem í dag eru notuð sem
opinberar byggingar og undir menningarstarf-
semi.
Frá fyrsta áratug 19. aldar til ársins 1952
voru erfiðir tímar fyrir Matera og þá sérstak-
lega fyrir landbúnaðinn. Fátækustu íbúar Mat-
era þurftu að flytjast í hellana og búa þar
ásamt búfé sínu. Þetta húsnæðisástand stóð yf-
ir til ársins 1952 þegar yfir 15.000 íbúar, en þá
voru íbúar Matera 30.000, voru fluttir úr hell-
unum í nýjan borgarhluta. Stóðu þessir flutn-
ingar yfir frá árinu 1953 til 1968. Þessi nýi
borgarhluti var byggður samkvæmt lögum frá
ítalska þinginu. Þegar hinir 15.000 íbúar
Matera fengu nýja húsnæðið varð ítalska ríkið
eigandi að hellum þeirra og í dag eru 70% hell-
anna í ríkiseign.
Í dag stendur yfir enduruppbygging á hell-
unum til að viðhalda hinum miklu verðmætum
þeirra bæði umhverfis-, sögu- og listalega séð.
Á næstu tveim árum verður lokið við að gera
upp 80% af húsnæðum í Matera. Þegar hafa
380 íbúðir verið gerðar upp og áætlað er að
gera upp aðrar 138 verða þær þá samtals 518.
27 hellar, sem tengjast listum, hafa verið gerðir
upp og aðrir 24 eru á áætlun, samtals 51. Þar af
eru 20 vinnustofur/gallerí. Það er mikið líf í
fasteignamarkaðinum í Matera og eru kaup-
endurnir bæði Ítalir og útlendingar og eru þar
Bretar í fararbroddi. Fermetrinn af íbúðarhús-
næði kostar 163.700 íslenskar krónur.
Matera er ekki í nágrenni við áfangastaði ís-
lenskra ferðaskrifstofa. Næsti flugvöllur er í
Bari og er hann 60 km. frá Matera. Til dæmis
er flogið beint frá Mílanó Malpensa og Bol-
ogna. Næsta lestarstöð við Matera er 35 km í
burtu. Svo er náttúrulega hægt að fara akandi.
Hellabyggðir og tökustaður
Píslarsögu Gibsons
Matera á Ítalíu er þekktust fyrir að
þar var kvikmynd Mels Gibsons
um píslarsögu Krists fest á filmu, en
ekki eru síður áhugaverðar miklar
hellabyggðir, sem notaðar voru til
búsetu langt fram á tuttugustu
öldina. Bergljót Leifsdóttir fjallar
um Matera.
Bærinn Matera er í héraðinu Basilicata á Ítalíu. Þar kvikmyndaði Mel Gibson Píslarsögu Krists.
TENGLAR
...................................................................
www.eposgea.com
www.casagrotta.it
www.aptbasilicata.it
www.lacasadilucio.it
www.albergoitalia.com
Höfundur er fréttaritari Morgunblaðsins á Ítalíu.