Morgunblaðið - 01.04.2005, Qupperneq 29

MORGUNBLAÐIÐ FÖSTUDAGUR 1. APRÍL 2005 29
DAGLEGT LÍF
Í Tímariti Morgunblaðsins
um helgina er rifjaður upp
dularfullur fundur njósnatækja
á botni Kleifarvatns fyrir
röskum 30 árum
Annað efni blaðsins
Spjall við spjallþáttadrottninguna Joan Rivers
Unnur og Elísabet Jökulsdætur
lýsa systrasambandi
Hver er Ástráður sem fræðir unglinga
umkynlíf?
Viktor Kristmannsson fimleikameistari
er klifurköttur
Jamie Oliver og skyndibitinn
Staðgóð næring í viðskiptaferðum
Matur og vín
Stjörnuspá aprílmánaðar
BRÉFASKRIFTIR SYSTRANNA ELÍSABETAR OG UNNAR JÖKULSDÆTRA MILLI HEIMSÁLFA GÆTU VERIÐ EFNI Í HEILA BÓK.
NJÓSNATÆKIN
SEM KOMU
UPP ÚR KAFINU
Tískulögga rauða dregilsins, Joan Rivers, vill gjarnan skemmta á Íslandi.
Sunnudagur 03.04.05
- spegill á íslenskt samfélag
Áhugi minn á skógrækt vaknaði fljótt í gegnumofurlitla ungmennafélagsplöntun en svo varekkert meira með það gert því hagsmunir bú-fjárins gengu frekar fyrir í minni sveit,“ segir
Jóhannes Gunnarsson, sem ólst upp á Skarði í Gnúp-
verjahreppi. „Ég held að hann hafi ekki vaknað af al-
vöru fyrr en ég hafði búið erlendis í nokkur ár og fundið
skjólið af skóginum.“
Nokk0ur ár eru síðan þau hjónin festu kaup á um
fimm hekturum á Suðurlandi og tóku til við gróðursetn-
ingu.
„Það tók okkur í upphafi langan tíma að finna land-
skika sem hentaði,“ segir hann. „Og svo hefur gengið á
ýmsu eins og gerist hjá öllum sem eru í skógrækt. Sér-
staklega hjá þeim sem eru að byrja. Það drepast fleiri
plöntur heldur en komast upp svona fyrst á meðan verið
er að kynnast landinu. Okkar land er mjög fjölbreytt.
Sumt er mjög grasgefið, sumt er mjög blautt og annað
er þurrt og rýrt. Það tekur sinn tíma að læra á þetta allt
saman. Sumar plöntur fara á kaf í gras, sem erfitt er að
eiga við og þó tosast þær upp smátt og smátt. Við erum
farin að sjá í tré þegar litið er yfir og þá fer maður að
kætast.“
Jóhannes segir að birkið gangi langbest af þeim teg-
undum sem settar hafa verið niður. „Það lifir við allar
þessar skringilegu aðstæður, sem þarna er boðið upp á
en síðan hef ég verið með greni og furu og það gengur
alveg þolanlega. Og svona í vætuna höfum við verið að
stinga niður bæði víði og öspum og það gengur allt mjög
vel.“
Jóhannes segir að búið sé að gróðursetja 15 til 20 þús-
und plöntur í landinu. „Reyndar var búið að planta í lít-
inn hluta áður en við tókum við,“ segir hann. „Mest höf-
um við náð að plantað fjögur þúsund plöntum eitt árið
en síðustu árin hefur það verið heldur minna en það fer
aldrei niður fyrir þúsund.“
Jóhannes segist vera alinn upp við að moka skít, þeg-
ar hann er spurður um hvers vegna hann kjósi að eyða
frítímanum í skógrækt.
„Það er eins og maður þurfi að fá líkamlega útrás en
svo finnst mér gaman að fylgjast með plöntunum. Ég
geng um landið á vorin og kanna hvað hefur lifað af vet-
urinn og hvað ekki og svo bara það að fylgjast með vext-
inum. Það gefur mikið og er sennilega eitthvað gamalt
úr sveitinni. Við erum ein í þessu gömlu hjónin að mestu
en svo hafa krakkarnir aðeins komið með og það er ægi-
lega gaman að hafa barnabörnin með sér. Þeim finnast
þetta stórmerkilegar framkvæmdir og sennilega verða
það þau sem fá að njóta skjólsins af þessu brambolti.“
 ÁHUGAMÁL | Jóhannes Gunnarsson lækningaforstjóri Land-
spítala – háskólasjúkrahúss
Frítíminn
fer í skóg-
rækt
Jóhannes Gunnarsson lækningaforstjóri stundar
skógrækt í frístundum.
Afabörnin þau Ármann Óli og Guðný Halldórsbörn
hjálpa afa við gróðursetninguna.
Morgunblaðið/Árni Sæberg
Fullur bali af stiklingum er verða gróðursettir í sumar.
Jóhannes Gunnarsson hefur gam-
an af að renna fyrir lax og silung
en með vorinu fer hann að skipu-
leggja gróðursetningu sumarsins.
Kristín Gunnarsdóttir ræddi við
Jóhannes um áhugamálin.
krgu@mbl.is AUGLÝSINGADEILD
netfang: augl@mbl.is eða sími 569 1111