Morgunblaðið - 01.04.2005, Side 55

MORGUNBLAÐIÐ FÖSTUDAGUR 1. APRÍL 2005 55
MENNING
Átt þú réttu græjurnar?
Láttu áhugasama vita!
Glæsilegt vinnuvélablað fylgir Morgunblaðinu
þriðjudaginn 12. apríl og nú er tíminn til
að auglýsa atvinnutæki fyrir sumarið.
Fjallað verður um atvinnubíla,
landbúnaðartæki og vinnuvélar,
stórar og smáar.
Auglýsendur, pantið fyrir kl. 16:00
fimmtudaginn 7. apríl.
Allar nánari upplýsingar veitir
Katrín Theódórsdóttir í síma 569 1105
eða kata@mbl.is
STOFNUN Sigurðar Nordals
hefur hlotið rúmlega 500 þús-
und króna styrk frá Norræna
menningarsjóðnum til að
standa fyrir átta námsstefnum
í Norræna húsinu um áhrif al-
þjóðavæðingar á menningu.
Ráðgert er að fá þekkta fræði-
menn frá Danmörku, Svíþjóð,
Noregi og Ísrael til að halda
fyrirlestra og taka þátt í um-
ræðum.
Á námsstefnunum verður
fjallað um hvernig viðhorf til
tungumála, bókmennta, sögu
og trúarbragða hafa breyst á
undanförnum áratugum með
auknum flutningum fólks milli
landa og aukinni alþjóðavæð-
ingu.
Meðal annars verður rætt
um norræna málstefnu, miðlun
menningararfs, fjölmiðla og
menningu og fjármögnun
menningarstarfsemi.
Fyrirlestrarnir eru haldnir í
samstarfi við Norræna húsið.
Náms-
stefnur um
alþjóða-
væðingu
NÚ Í vor útskrifar tónlistardeild
Listaháskóla Íslands 13 nemendur
en það er annar árgangur sem út-
skrifast frá deildinni sem hefur nú
starfað í 4 ár.
Í kvöld kl. 20 hefst röð útskrift-
artónleika tónlistardeildar Listahá-
skóla Íslands en þá verða fluttar tón-
smíðar Ásrúnar Ingu Kondrup og
Guðmundar Steins Gunnarssonar, í
Salnum í Kópavogi, en bæði ljúka
þau námi í tónsmíðum við tónlist-
ardeildina í vor.
Útskriftartónleikarnir eru átta
talsins og standa til 9. maí nk. Á tón-
leikunum verða m.a. flutt ný verk
eftir tónsmíðanemendur auk þess
sem fram koma söngvarar og ungir
einleikarar á flautu og píanó. Í
fyrsta sinn útskrifast nemandi úr
nýmiðlanámi og fjórir nemendur
með almennt tónlistarnám til BA-
gráðu.
Slagorð mótmælenda
„Lokaverk mitt, Solus Christus,
er samið í kringum fjögur slagorð
mótmælendakirkjunnar, þ.e. það
sem aðgreinir hana í áherslum frá
þeirri kaþólsku,“ segir Ásrún. „Það
er í fjórum köflum og ber hver
þeirra heiti eins af slagorðunum:
Solus Christus (við tilbiðjum aðeins
Krist, en ekki styttur dýrlinganna
og ímynd); Sola scriptura (ritningin
leiðbeinir, fremur en t.d. rit kirkju-
feðranna); Sola fide (aðeins trúin á
Jesúm Krist gefur endurlausn, ekki
yfirbót gegnum refsingu og fórnir);
Sola gratia (Náðin er óverðskulduð
gjöf Guðs, ekki skömmtuð eftir
verkum eða trúarstyrk). Fyrsti kafl-
inn lýsir hreinleika og stefnufestu.
Annar kafli er rytmískur og jarð-
bundinn, en vers héðan og þaðan úr
Biblíunni mynda eins konar vörður á
leiðinni. Þriðji kafli brokkar á milli
svipmynda og tilfinninga eins og í
lífshlaupið sjálft, en missir aldrei
sjónar á fasta punktinum, trúnni. Sá
fjórði er saminn við texta um náðina
eftir hollensku hljómsveitina „This
Beautiful mess“.“
Um verk sitt, Hafkross, segir
Guðmundur Steinn: „Tónlist er best
lýst með andstæðunum sem í henni
felast. Í verkinu Hafkross eru marg-
ar andstæður sem mynda hring.
Óreiða mætir skipulagi á mismun-
andi máta sem styrkir hvað annað í
lífrænum hljóðheimi. Mikil áhersla
er lögð á lífræna hrynjandi þangað
til í lokaþættinum sem verður vél-
rænn. Hver kafli hefst á inngangi
þar sem notuð eru hljóðfæri sem
hafa verið endurstillt. Þau eru sem-
sagt stillt þannig að hlutföll nátt-
úrulegra tóna ráða ferðinni og
áhersla er lögð á tónbil sem virðast
fölsk en innihalda sterka hljóm-
rænu. Í þessum inngöngum koma
fyrir smáir hlutir sem einkenna síð-
an það sem á eftir kemur. Þegar
lengra er komið inn í kaflana kemur
hljómræna sem bundin er frekar við
hefðbundna stillingu með ákveðnum
útúrdúrum. Í gegnum verkið eru lítil
brot alltaf að birtast sem síðan
mynda saman á endanum stef í loka-
þættinum.“
Hafa komið víða við
Ásrún Inga Kondrup fæddist á
Akureyri árið 1959 og ólst þar upp.
Hún lærði á píanó við Tónlistarskól-
ann á Akureyri og hélt síðan til Dan-
merkur þar sem hún lærði „Rytmik-
pædagogi“. Þaðan lá leiðin í tón-
menntakennaradeild Tónlistar-
skólans í Reykjavík og starfaði hún
um skeið á þeim vettvangi. Ásrún
lýkur námi í tónsmíðum við tónlist-
ardeild LHÍ í vor.
Guðmundur Steinn Gunnarsson
er fæddur í Reykjavík 1982. Hann
hóf tónlistarnám sjö ára gamall og
hefur síðan tengst tónlistinni í einni
eða annarri mynd. Hann hefur kom-
ið fram með ýmsum hljómsveitum
og tónlistarhópum í nánast flestum
tónlistargeirum sem fyrirfinnast á
Íslandi, ýmist sem höfundur, gít-
arleikari eða útsetjari. Guðmundur
hefur fengið verk flutt á hátíðum s.s.
U.N.M. og hefur komið fram opin-
berlega bæði á meginlandi Evrópu
og Ameríku. Meðal tónsmíða Guð-
mundar, sem ná aftur til ársins 1992,
eru verk fyrir alls kyns ólíka kamm-
erhópa, djasshópa, stórsveit, raf-
hljóðfæri, innsetningar, rokk-
hljómsveitir, tónlist fyrir leikrit og
stuttmyndir. Helstu hljóðfærakenn-
arar hans hafa verið Hilmar Jensson
og Símon H. Ívarsson en við
Listaháskólann hefur hann lært tón-
smíðar hjá Úlfari Inga Haraldssyni
og Hilmari Þórðarsyni. Guðmundur
hefur sótt sumarnámskeið hjá Karl-
heinz Stockhausen.
Tónlist | Útskriftartónleikar tónlistardeildar LHÍ
Óreiða mætir skipulagi
á mismunandi hátt
Guðmundur Steinn
Gunnarsson
Ásrún Inga
Kondrup
MIÐASALA á viðburði
sem verða á dagskrá
Listahátíðar í Reykja-
vík í vor hefst kl. 12:00
í dag í Bankastræti 2.
Eins og þegar hefur
verið greint frá er fjöl-
breytt hátíð fram-
undan, en fram kemur
meðal annars mezzo-
sópransöngkonan Anne
Sofie von Otter, sem er
í hópi dáðustu söng-
kvenna samtímans.
Hún verður með tón-
leika ásamt Bengt
Forsberg í Háskólabíói
hinn 4. júní.
Franski sirkusinn
Cirque sýnir söguna um Gústa trúð
á hafnarbakkanum í Reykjavík í
samvinnu við Hátíð hafsins og Sím-
ann.
Tvennir tónleikar á sviði heims-
tónlistar verða á hátíðinni; barka-
söngvararnir í Huun Huur Tu frá
Tuva, við landamæri Mongólíu,
sem koma fram í Nasa opn-
unarhelgina 15. og 16. maí, og
fado-söngkonan Mariza, sem sögð
er mest spennandi rödd heimstón-
listarinnar í dag verður á Broad-
way 27. og 28. maí.
Bergmál Ragnhildar Gísladóttur
verður frumflutt í Skálholts-
dómkirkju 21. maí og síðan í Lang-
holtskirkju 24. maí. Þar nýtur hún
liðsinnis Stomu Yamash’ta, eins
þekktasta slagverksleikara heims,
og Sjón semur textann.
Lady and Bird, dúó skipað þeim
Barða Jóhannssyni og Keren Ann,
sem er ein skærasta poppstjarna
Frakka, flytja verk sem frumflutt
var í Amerísku kirkjunni í París í
Íslensku óperunni 28. maí ásamt
Monicu Abendroth hörpuleikara og
íslenskum kór. Kórstjórar eru þeir
Árni Harðarson og Michael
Dravigny.
Pacifica-kvartettinn, sem er m.a.
skipaður Sigurbirni Bernharðs-
syni, er talinn einn fremsti kvartett
Bandaríkjanna í dag. Tvennir tón-
leikar með ólíkri efnisskrá verða
með kvartettinum 28. og 29. maí og
einir á Ísafirði 4. júní. Í millitíðinni
mun hann m.a. annars halda tón-
leika á Litla-Hrauni og leika fyrir
íslensk skólabörn.
Sigrún og Beethoven
Einnig verða Beethoven-
sónöturnar fyrir píanó og fiðlu
fluttar í heild sinni á Íslandi í
fyrsta sinn í aldarfjórðung. Flytj-
endur eru þau Sigrún Eðvalds-
dóttir, konsertmeistari Sinfón-
íuhljómsveitar Íslands, og Gerrit
Schuil. Flutningur allra tíu són-
atanna fer fram í þremur hlutum
þrjá sunnudaga í röð í Ými, dagana
15., 22. og 29. maí kl. 11:00.
Sama gildir um sýningar dans-
flokkanna þriggja frá Finnlandi,
Tékklandi og Frakklandi sem Ís-
lenski dansflokkurinn, í samvinnu
við Listahátíð, býður upp á. Sýn-
ingar fara fram í Nasa 27. maí og
Borgarleikhúsinu 29. maí.
Víóluhátíð verður einnig á
Listahátíð í tengslum við alþjóð-
lega víóluráðstefnu sem haldin er
dagana 2. til 5. júní. Tónleikar
verða í Ými 3. júní. Frumflutt
verða ný verk eftir Hafliða Hall-
grímsson, Daníel Bjarnason og
Garth Knox. Einleikari er Þórunn
Ósk Marinósdóttir.
Síðast en ekki síst má nefna tón-
leika Yuris Bashmets og Sinfón-
íuhljómsveitar Íslands 2. júní.
Miðasala á þá fer fram hjá Sinfón-
íuhljómsveitinni.
Sala á pössum sem gilda á allar
myndlistarsýningar á Listahátíð í
vor verða til sölu á kr. 1.000 frá og
með 1. maí í Bankastræti 2, Lista-
safni Íslands, Listasafni Reykjavík-
ur og upplýsingamiðstöð ferða-
manna, Ingólfsnausti.
Hátíðir | Miðasala á Listahátíð
í Reykjavík hefst í dag
Fjölbreytt hátíð
fram undan
Franski sirkusinn Cirque sýnir söguna um Gústa
trúð á Hafnarbakkanum í Reykjavík.
INNTÖKU í leikaranám og nýja
námsbraut í dansi í leiklistardeild
Listaháskólans fyrir næsta skólaár
er nú lokið. Frestur til að sækja um í
Fræði & framkvæmd – nýtt BA-nám
í leiklist er til 1. apríl.
Umsóknir í leikaranám voru 134
og af þeim hópi voru 8 teknir inn.
Átján sóttu um í nýja námsbraut í
dansi og voru sex nemendur teknir
inn og munu þeir hefja nám við
deildina í haust. Um eins ár nám er
að ræða sem lýkur með diplóma frá
skólanum. Námið er starfstengt og
unnið í samstarfi við Íslenska dans-
flokkinn. Almennt markmið dans-
námsins er að undirbúa hæfi-
leikaríka dansnemendur af
framhaldsstiginu fyrir fjölbreytt
starfssvið sem danslistamenn og er
um nýjung í íslensku menningarlífi
að ræða.
Umsóknarfrestur í námsbraut til
BA-prófs, Leiklist – Fræði & fram-
kvæmd rennur út 1. apríl. Það nám
er hugsað fyrir þá sem áhuga hafa á
að kljást við leiklistarformið í sem
víðustum skilningi og hugsað sem
vettvangur fyrir bæði fræðilegar og
listrænar rannsóknir á leiklist. Í
náminu er lögð áhersla á sögu, eðli,
hlutverk og mörk leiklistarinnar,
tungumál hennar og snertifleti við
aðrar listgreinar. Nemendum er gef-
inn kostur á að kynna sér leikstjórn,
dramatúrgíu og/eða leikritagerð.
134 sóttu um leiklistarnám