Morgunblaðið - 01.04.2005, Síða 51

MORGUNBLAÐIÐ FÖSTUDAGUR 1. APRÍL 2005 51
DAGBÓK
Íslenskar jurtir og rannsóknir á þeim hafaverið í brennidepli undanfarin ár og hafafarið fram ýmsar rannsóknir á virkni þeirrabæði hjá opinberum stofnunum og einnig
meðal leikmanna. Sigurliði Hansson heitir maður
sem hefur tekið óbeinan þátt í slíkum rannsóknum
á heimavettvangi. Kona hans hefur lengi tínt ís-
lensk grös og bruggað úr þeim ýmiskonar seyði.
Ekki síst hefur hún gert þetta í þá veru að slá á
gigtarverki sem hafa hrjáð mann hennar um árabil.
Sigurliði kveðst hafa þjáðst af gigt frá unga aldri
og margt reynt. „Konan mín er á móti sterkum
lyfjagjöfum og hefur mikið prófað sig áfram með ís-
lenskar jurtir. Ég hef drukkið seyði af ýmsum ís-
lenskum jurtum. Gigtin hefur lítið látið undan síga
en sá óvænti árangur varð af þessum tilraunum að
mér tók að vaxa höfuðhár á ný, en ég hef verið fá-
tækur af þeim um langt árabil. Nú sé ég mikinn
mun á hárafari mínu. Að vísu er hið nýja hár hvorki
þykkt né litfagurt, en þetta er þó hár og skiptir mig
miklu að skarta því á ný eftir langt skallatímabil,“
segir Sigurliði.
Þessum árangri hefur Jónína Guðbjörg að sögn
Sigurliða náð með því að blanda saman í vissum
hlutföllum íslensku jurtunum vallhumli, sortulyngi,
maríustakk, mjaðurt, hvannafræi, túnfífli, blóð-
bergi, klóelftingu og fjallagrösum.
„Það er mikið sull í eldhúsinu þegar hún er að
blanda þessu saman og það tók hana langan tíma
að koma sér niður á heppilega blöndu. En núna er
hún með að mínu mati afar merkilega blöndu sem
full ástæða virðist til að rannsaka nánar.
Ekki er blandan þó sérlega góð á bragðið, frem-
ur súr, að sögn Sumarliða.
„Ég hef þó smakkað þær verri,“ segir hann og
hlær. Jurtirnar segir hann konu sína hafa tínt
sjálfa sumar þeirra en aðrar fær hún í heilsubúð-
um. Þar munu raunar flestar ef ekki allar þessar
jurtir fást. Í Heilsubúðinni Maður lifandi, Borg-
artúni 24, verður kl.15.00 í dag kynning á þessari
íslensku jurtablöndu Jónínu Guðbjargar Sveins-
dóttur.
Eins og alkunnugt er hafa íslenskar jurtir sýnt
óvænta virkni á öðrum sviðum, frægt er t.d. lúp-
ínuseyði sem talið er hafa góð áhrif á ónæmiskerfi
fólks, sem og er á markaðinum seyði úr hvönn sem
á að auka fólki úthald. Ástæða virðist því til að
rannsaka seyði Jónínu Guðbjargar á vísindalegan
hátt svo komast megi að því hvaða jurtir það eru í
blöndunni sem auka hárvöxtinn. Þess má geta að
umfangsmiklar rannsóknir á íslenskum jurtum
fara nú fram undir merkjum Háskóla Íslands, einn-
ig hafa grasalæknar skoðað virkni í íslenskum jurt-
um og byggja þar á gamalli hefð.
Rannsóknir | Fékk hárið eftir að hafa drukkið seyði af íslenskum jurtum
Eftirtekjan gæti verið meiri

Sigurliði Hansson er
fyrrverandi barnakenn-
ari. Hann söng til fjölda
ára í karlakórum, bæði í
sinni heimasveit í
Skagafirði og eftir að
hann flutti á höf-
uðborgarsvæðið og tók
að starfa þar. Hann býr
nú í Kópavogi ásamt
konu sinni, Jónínu Guð-
björgu Sveinsdóttur,
sem er heimavinnandi húsmóðir sem mikið
hefur kynnt sér íslenskar jurtir og virkni
þeirra, sem og jurtalitun.
gudrung@mbl.is
Íslandsmótið.
Norður
♠K9873
♥109 A/NS
♦Á98
♣DG5
Vestur Austur
♠5 ♠D102
♥K85 ♥76
♦107 ♦KDG532
♣ÁK108642 ♣93
Suður
♠ÁG64
♥ÁDG432
♦64
♣7
NS eiga efnivið í tíu hálitaslagi, en
hvort sem samningurinn er fjögur
hjörtu eða fjórir spaðar, veltur niður-
staðan á íferðinni í spaðann. Spilið er
frá fyrstu umferð úrslita Íslandsmóts-
ins um páskana og aðeins þrír sagnhaf-
ar af tólf unnu geim í NS. Einn þeirra
var Bjarni H. Einarsson.
Bjarni var í suður, Ragnar Magn-
ússon í norður, en AV Sigurður Vil-
hjálmsson og Erlendur Jónsson:
Vestur Norður Austur Suður
Sigurður Ragnar Erlendur Bjarni
– – 3 tíglar 3 hjarta
4 lauf 4 hjörtu Allir pass
Sigurður kom út með laufás, en
skipti réttilega yfir í tígultíu. Bjarni
drap, spilaði laufdrottningu og henti
tígli heima. Sigurður fékk slaginn og
spilaði enn laufi, sem austur trompaði
með sexu og Bjarni yfirtrompaði með
gosa. Þetta voru hein vöruskipti, en
ávinningur Bjarna fólst í því að vita
fyrir víst hvernig laufið lá.
Bjarni ákvað að halda áfram að
rannsaka skiptinguna og fórnaði svín-
ingunni í hjarta á altari vísindanna –
spilaði litlu trompi að 109 blinds. Vest-
ur dúkkaði og Bjarni notaði innkom-
una til að trompa tígul. Þá kom tígul-
legan í ljós og nú var spilið að fullu
upptalið. Bjarni spilaði hjartaás og
hjarta til Sigurður, trompaði laufið
sem kom til baka og naut þess svo að
taka spaðakóng og svína gosanum.
BRIDS
Guðmundur Páll Arnarson | dagbok@mbl.is
1. e4 c5 2. Rf3 d6 3. d4 cxd4 4. Dxd4
Rc6 5. Bb5 Bd7 6. Bxc6 Bxc6 7. Rc3
Rf6 8. Bg5 e6 9. 0-0-0 Be7 10. Hhe1
Da5 11. Dd2 Hd8 12. Rd4 0-0 13. Kb1
Hfe8 14. f3 d5
Staðan kom upp í Stigamóti Tafl-
félagsins Hellis sem lauk fyrir
skömmu. Sævar Bjarnason (2.288)
hafði hvítt gegn Daða Ómarssyni
(1.645). 15. Rxd5! Dxd2 16. Rxe7+
Hxe7 17. Hxd2 og í stað þess að þreyja
þorrann peði undir í endatafli gafst
svartur upp.
SKÁK
Helgi Áss Grétarsson | dagbok@mbl.is
Hvítur á leik.
Takk kærlega
VIÐ hjónin ásamt litlum börnum
okkar fórum laugardaginn 19. mars
sl. í Kringluna að kaupa okkur föt,
eitthvað sem við gerum örsjaldan og
því mikil tilhlökkun í gangi, bæði hjá
okkur og börnunum.
En þetta endaði þannig að þegar í
bílinn var komið uppgötvaðist að það
vantaði einn pokann, poka sem í
voru verðmæti upp á 25.000 kr.
Börnin og annað foreldrið fóru inn í
bílinn meðan hitt foreldrið hljóp af
stað inn aftur, í fáti og í tilfinninga-
legu uppnámi, að reyna að rifja upp
þær búðir og staði sem hugsanlega
kæmu til greina að pokinn leyndist.
Starfsfólkið tók vel á móti og leit-
aði og reyndi að hjálpa en allt kom
fyrir ekki. Pokinn fannst ekki og þau
voru þung sporin út aftur og hitt for-
eldrið fór inn að leita. Eftir korter
kom foreldrið út með pokann í hend-
inni. Og þvílíkur léttir. Þá hafði
greinilega mjög svo heiðarleg mann-
eskja komið pokanum á upplýsinga-
borðið í Kringlunni og kunnum við
henni svo sannarlega bestu þakkir
fyrir og megi hún lifa vel og lengi.
Ferðin fékk farsælan endi og
gleymist aldrei. Takk kærlega.
Ragna Rúnarsdóttir.
Hænur í Elliðaárdalnum
MIG langar til að vekja athygli á
lausum hænum í Elliðaárdal. Mér
þykir furðu sæta að mæta þeim á
göngu minni um dalinn og langar að
varpa þeirri fyrirspurn til yfirvalda
hvort að sýkingarhætta geti ekki
fylgt svona hænsnfugli sem greini-
lega fer allra sinna ferða.
Lilja.
Hliðartaska með
leðurjakka týndist
BRÚN DKNY-hliðartaska sem inni-
hélt brúnan leðurjakka, snyrtidót og
veski ásamt skilríkjum hvarf úr
samkvæmi á Seltjarnarnesi sunnu-
daginn 27. mars. Finnandi vinsam-
legast hafi samband í síma 696 9781.
Jakkans er sárt saknað.
Perla er týnd
PERLA er bröndótt og hvít, hálfur
skógarköttur með bláa og rauða ól
um hálsinn. Hún hvarf frá Fífuvöll-
um 24, Hafnarfirði, sl. laugardag.
Þeir sem hafa orðið hennar varir
vinsamlega hafið samband í síma
565 0143, 617 7267 eða 698 1811.
Freyja týndist í Grafarholti
FREYJA sem er bröndótt innikisa
tapaðist frá Kristnibraut í Grafar-
holti 22. mars sl. Þar sem hún er
ekki vön því að vera úti er hætta á
því að hún komist ekki hjálparlaust
heim til sín. Freyja er með gráa
endurskinsól og er merkt með nafni
og símanúmeri. Þeir sem hafa séð
Freyju vinsamlegast hringið í síma
567 0733 eða 662 8146.
Velvakandi
Svarað í síma 5691100 kl. 10–12
og 13–15 | velvakandi@mbl.is
Hlutavelta | Félagarnir Úlfar Logi
Hafþórsson, Viðar Örn Stefánsson og
Daníel Freyr Traustason söfnuðu á
dögum dósum á Akureyri til styrktar
Rauða krossi Íslands og höfðu 1.872
krónur upp úr krafsinu.
Morgunblaðið/Kristján
Afmælisþakkir
Þökkum öllum þeim sem með einum eða öðrum
hætti glöddu okkur hjónin í tilefni 75 og 80 ára
afmæla okkar.
Biðjum ykkur öllum Guðs blessunar.
Bogi Pétursson,
Margrét Magnúsdóttir.

Trofé
sportlínan
komin
Meyjarnar Austurveri, Háaleitisbraut 68,sími 553 3305
AÐALFUNDUR GEÐHJÁLPAR
Aðalfundur Geðhjálpar árið 2005
verður haldinn á Túngötu 7, Reykjavík,
laugardaginn 2. apríl og hefst kl. 14:00
DAGSKRÁ:
Kjör formanns, þriggja stjórnarmanna af 7 og
þriggja varamanna fer fram til tveggja ára í stað þeirra
sem ljúka stjórnarstörfum á árinu. Jafnframt fer fram
kjör skoðunarmanna ársreikninga til eins árs.
Þeir félagar sem enn eiga ógreidd félagsgjöld eru hvattir
til að greiða þau fyrir fundinn. Ef greiðsluseðlar eru glataðir,
skal bent á að inna má greiðslu af hendi í næsta banka,
sparisjóði eða pósthúsi inn á reikning Geðhjálpar
nr. 1158-26-50238, kt. 531180-0469.
Frekari upplýsingar eru veittar á skrifstofu Geðhjálpar,
Túngötu 7, 101 Reykjavík,
í síma 570 1700.
Félagsmenn eru eindregið hvattir til að mæta.
Stjórn Geðhjálpar.
Í TILEFNI af sýningunni NÍAN – Mynda-
sögumessa í Listasafni Reykjavíkur –
Hafnarhúsi munu Listasafnið og Borgar-
bókasafn Reykjavíkur efna til tveggja
daga málþings um helgina á báðum stöð-
unum.
Fyrri daginn, laugardaginn 2. apríl kl.
14–16, fer málþingið fram í Hafnarhúsinu
undir yfirskriftinni Myndasagan og mynd-
listin þar sem frummælendur eru Bjarni
Hinriksson, myndasöguhöfundur og sýn-
ingarstjóri Myndasögumessunnar, Inga
María Brynjarsdóttir, grafískur hönnuður,
og Þorbjörg Gunnarsdóttir, safnafræð-
ingur og deildarstjóri safnadeildar Lista-
safns Reykjavíkur.
Síðari daginn, sunnudaginn 3. apríl kl.
14–16, fer málþingið fram í Borgarbóka-
safni – Grófarhúsi undir yfirskriftinni
Myndasagan og bókmenntirnar. Frum-
mælendur þar eru Úlfhildur Dagsdóttir
bókmenntafræðingur, Heimir Snorrason
gagnrýnandi og rithöfundurinn Sjón.
Stjórnandi málþingsins báða dagana er
Anna Margrét Sigurðardóttir.
Samstarfsaðilar Listasafns Reykjavík-
ur að sýningunni eru Borgarbókasafn
Reykjavíkur og Nexus.
Morgunblaðið/Árni Torfason
Málþing um myndasögur