Morgunblaðið - 08.04.2005, Blaðsíða 20

20 FÖSTUDAGUR 8. APRÍL 2005 MORGUNBLAÐIÐ
DAGLEGT LÍF
Eskifjörður | Eskja bauð starfs-
mönnum sínum á námskeið um
lagningu hitaveitu í hús í vikunni, en
um þessar mundir er verið að koma
í gagnið nýrri hitaveitu á Eskifirði.
Svo skemmtilega vildi til að það
var einmitt sá er ritar þáttinn
Lagnafréttir í Fasteignablað Morg-
unblaðsins, Sigurður Grétar Guð-
mundsson pípulagningameistari og
ráðgjafi hjá Verkvangi ehf., sem tók
að sér að vera leiðbeinandi á nám-
skeiðinu.
„Eskfirðingar voru svo stál-
heppnir að koma niður á heitt vatn
við borun svo að nú er hitaveitulögn
hafin um þorpið. Hraðfrystihúsið
Eskja, sem er langstærsti atvinnu-
veitandinn á Eskifirði, vildi upp-
fræða sitt starfsfólk um hvað er í
vændum við það að taka inn hita-
veitu og ákvað því að fá austur
mann með þá þekkingu. Ég kenndi
fólkinu að taka hitaveituna inn í
húsin. Þetta er mjög merkilegt mál
að fyrirtæki eins og Eskja skuli
halda svona námskeið fyrir sína
starfsmenn,“ sagði Sigurður Grétar.
Ofnar og lagnir, hitakerfi í ný hús,
efnisval við endurnýjun, þrýstingur
og orkunýting og jafnvægisstilling
hitakerfa var meðal þess sem tekið
var fyrir á námskeiðinu. Halla Ósk-
arsdóttir, skrifstofu- og starfs-
mannastjóri hjá Eskju, segir að
einn sjómanna fyrirtækisins hafi
komið með hugmyndina. „Nám-
skeiðið var í upphafi ekki síst ætlað
sjómönnunum, en bátarnir sigldu
hins vegar út sl. föstudagskvöld
þannig að við reynum sjálfsagt að
koma þessu á aftur. Eskja hefur
staðið að fjöldanum öllum af nám-
skeiðum fyrir starfsmenn sína und-
anfarið og er það þeim að kostn-
aðarlausu. Þau eru á vegum
Menntasmiðju Eskju og IMG und-
irbýr námskeiðin fyrir okkur. Á döf-
inni fram til vors eru námskeiðin
Jeppar, akstur um hálendi Íslands,
Náðu meiri árangri í matargerð,
Undirbúningur fyrir styttri og
lengri gönguferðir og grunnnám-
skeið í golfi.“
Halla segir almennan áhuga á
námskeiðunum, en aðsóknin mætti
þó vera meiri. „Starfsmönnum hef-
ur fækkað hjá okkur, þetta eru mik-
ið sjómenn sem eiga erfitt með að
komast. Svo eru vaktir í bræðslunni
og mikið af fólkinu í frystihúsinu er
útlendingar, sem koma ekki nema
helst á matreiðslunámskeið.“ Hjá
Eskju starfa nú um 130 manns.
Höfundur Lagnafrétta fræðir
starfsmenn Eskju um lagnamál
Morgunblaðið/Helgi Garðarsson
Kennt á hitaveituinntakið Sigurður Grétar Guðmundsson fræðir starfs-
menn hjá Eskju um að hverju þarf að huga þegar hitaveita er tekin í hús.
Lærðu að taka
hitaveitu í hús sín
Námshestar | Nemendur Verk-
menntaskóla Austurlands í Fjarða-
byggð á námsbraut fyrir aðstoðarfólk
í leik- og grunnskólum eru að ljúka
sínu fyrsta námsári vorið 2005. Tutt-
ugu og sex nemendur stunda nám á
brautinni og dreifast þeir á milli náms
fyrir skólaliða, stuðningsfulltrúa og
leiðbeinenda í leikskólum. Kennslan
fer einvörðungu fram með fjar-
fundabúnaði og kennt er til fimm
staða á Austurlandi, þ.e. Hafnar,
Djúpavogs, Neskaupstaðar, Egils-
staða og Vopnafjarðar. Þá eru tvær
staðbundnar lotur á hverri önn þar
sem nemendur og kennarar hittast.
Ljósmynd/VA
MINNSTAÐUR
AUSTURLAND
Útivistarráðstefna | Ráðstefna
sem ber heitið Útivist og heilbrigt
líferni, verður haldin í Freysnesi í
Öræfum dagana 5.–7. maí nk. Ráð-
stefnan er á vegum umhverfisráðu-
neytisins og Norðurlandaráðs, en
Landvernd sér um undirbúning
hennar. Á vefnum hornafjordur.is
segir að á ráðstefnunni verði margt
góðra gesta sem mikið láti sig varða
þjóðgarða, útivistarsvæði og hvernig
fólk getur hlúð að og notið þessara
staða og um leið byggt upp eigið heil-
brigði með umgengni við náttúruna.
Meðal þeirra sem verða með fyrir-
lestra á ráðstefnunni eru Anna Sig-
ríður Þórðardóttir umhverfisráð-
herra, Vigdís Finnbogadóttir, Jack
D. Ives og Roger Croft frá Skot-
landi, báðir miklir Skaftafellsunn-
endur. Um eitt hundrað manns
munu sitja ráðstefnuna og þar af eru
70–80 erlendir gestir víða að. Ragnar
Frank þjóðgarðsvörður mun fara
með ráðstefnugesti í stutta kynning-
arferð um Skaftafell og nágrenni. Til
stóð að halda þessa ráðstefnu sl.
haust í tilefni af stækkun þjóðgarðs-
ins en sökum mikils undirbúnings
var henni frestað þar til nú.
Ingibjörg Friðjónsdóttir sölu-stjóri hjá Epal, er ein af þeimsem þekkt er fyrir góðar mat-arveislur meðal ættmenna og
vina. Hún segist gjarna bjóða upp á
kjúkling svona einu sinni til tvisvar í
viku. „Ég er frekar með kjúklinga-
bringur heldur en heilan kjúkling,“
segir hún. „Kjúklingur er mjög vin-
sæll hjá fjölskyldunni og ég á nokkr-
ar uppskriftir sem ég býð uppá til til-
breytingar. Stundum set ég
bringurnar í pestó eða marinera í
balsamic en þessi uppskrift sem ég
læt fylgja er frískandi, einföld, góð
en umfram allt fljótleg hvort sem er
fyrir heimilisfólkið eða þegar von er
á gestum. Hálfgert salat en samt full-
komin máltíð með góðu brauði og
Chardonnay hvítvíni til hátíð-
arbrigða, annars stendur nú íslenska
vatnið alltaf fyrir sínu.“
Einfaldur og fljótlegur
kjúklingur
Fyrir 4
4 stórar kjúklingabringur
2 pokar klettasalatblanda
1 rauðlaukur í fínum sneiðum
Fetaostur (eftir smekk)
ristaðar furuhnetur
1 box jarðarber
Eðalkrydd frá Pottagöldrum
Sker bringurnar í strimla, steiki í
ólífuolíu (extra virgin), krydda með
eðalkryddi.
Blanda öllu saman.
Ber fram með brauði
og dressingu úr Balsamic ediki og
hlynsýrópi (smakka til)
Ofnbakaðir kjúklingar í sósum
Særún Sigurgeirsdóttir, gjaldkeri
hjá Blindrafélaginu, notar kjúkling
mikið í sína matargerð enda segir
hún hann léttan í maga og með hon-
um sé hægt að gera ýmsar mat-
reiðslutilraunir. Særún komst fyrir
nokkrum árum yfir mjög einfalda
uppskrift af kjúklingabringum, sem
inniheldur bæði mango chutney og
karrí. Sá réttur hafi mikið verið eld-
aður á hennar heimili og falli alltaf
gestum í geð. Hinn rétturinn, sem
Særún gefur uppskrift að, er líka ein-
faldur og góður, en í hann notar hún
heila kjúklinga, sem hún hlutar niður
og notar sveppi, lauk og tómatsósu í
sósuna.
Bringur í mango chutney-sósu
6–8 kjúklingabringur (má vera bitar)
1 krukka Mango chutney (350g)
1–2 msk karrí
½ lítri matreiðslurjómi
salt, pipar og olía til steikingar:
Bringurnar eru snöggsteiktar í ol-
íu á pönnu og þær settar í eldfast
mót. Þar eru bringurnar kryddaðar
með salti og pipar. Síðan er Mango
chutney, karrí og matreiðslurjóm-
anum blandað saman í skál og hellt
yfir bringurnar. Hægt er að gera
réttinn sterkari með því að bæta
meira karrí út í. Þessu er síðan skellt
inn í ofn við 175°C hita og látið vera
þar í um það bil 25–30 mín. eða þar til
kjötið er eldað í gegn.
Sem meðlæti er gott að hafa soðin
hrísgrjón, hrásalat og hvítlauks-
brauð.
Kjúklingabitar
með tómatívafi
1–2 kjúklingar hlutaðir í
bita og
kryddaðir með salti og
pipar. Steiktir á pönnu og
settir í eldfast mót.
Sveppir og laukur brytj-
aður og steiktir aðeins á
pönnunni og sett yfir kjúk-
lingabitana.
Þá er 2–3 msk af tóm-
atsósu blandað saman við
einn pela af rjóma og þessu
hellt yfir kjúklingabitana
Að lokum er rifnum osti
stráð yfir réttinn og hann bakaður
við 180°C í um 40–50 mínútur.
Með þessum rétti er gott að bera
fram soðin hrísgrjón og ferskt græn-
metissalat.
Einfalt og rosa gott
Hafdís Hrund Gísladóttir eldar ekki
oft á sínu heimili, maður hennar Pét-
ur Björnsson sér að mestu um það.
Þar sem hún vinnur við að elda mat á
skíðasvæðinu í Skálafelli segist hún
hvorki hafa mikla nennu né áhuga á
að taka til við þá iðju þegar heim er
komið. En þá sjaldan hún eldar þá
grípur hún gjarnan til laufléttra upp-
skrifta að kjúklingi, sem eru bæði
fljótlegar og ódýrar. Uppskriftina að
chilikjúklingnum segist hún hafa
fengið hjá Kristjáni bróður Péturs en
hann er mikill matgæðingur og stýri-
maður á bátnum Bjórgúlfi sem gerir
út frá Akureyri. Hina uppskriftina
með ostinum fékk hún hjá Halla
plástri sem svo er kallaður og vinnur
með henni í Skálafelli og sér um þá
sem slasast á skíðasvæðinu, eins og
nafnið bendir til.
Chilifylltur kjúklingur
frá Stjána sjóara
Kjúklingabringur
Rautt chili
Hvítlauksrif
Fetaostur í olíu
Hafdís segir að hver og einn ráði
því hversu mikið magn hann hefur af
hráefninu í þessum rétti. Chili er sax-
að smátt og hvítlaukurinn líka. Gott
er að hafa aðeins meira af chili en
hvítlauk. Þessu tvennu blandað sam-
an í skál og feta osti síðan blandað
samanvið til að bleyta í fyllingunni
þannig að hún haldist betur saman.
Skera síðan poka í bringurnar,
fara mjög varlega og gera eins stóra
poka og hægt er. Þá er fyllingunni
troðið inní og bringurnar settar í eld-
fast mót og inní ofn við 200°C í u.þ.b.
30 mín.
Með þessu er rosa gott að hafa
steikta kartöflubita (teninga) með
 MATARKISTAN | Uppáhaldsuppskriftirnar
Kjúklingur úr ýmsum áttum
Kjúklingur er orðinn
vinsæll á borðum lands-
manna, ekkert síður en
ýsan og nautahakkið.
Það má matreiða kjúk-
ling á ótal vegu og hér
koma nokkrar uppá-
haldsuppskriftir lesenda
sem eru ekki of flóknar
en bregðast ekki.
Morgunblaðið/Árni Torfason
Hafdís við pottana með Þóreyju, Jóhönnu og Kristni.
Morgunblaðið/Árni Torfason
Ingibjörg Friðjónsdóttir gefur uppskrift að fljótlegum kjúklingabringum.
Særún Sigurgeirsdóttir.
Morgunblaðið/Árni Torfason