Morgunblaðið - 08.04.2005, Síða 47

MORGUNBLAÐIÐ FÖSTUDAGUR 8. APRÍL 2005 47
MENNING
mbl.is Föstudagur 7. janúar 2005
Forsíða Viðskipti Íþróttir Afþreying Fólkið AtvinnaFasteignir Gagnasafn Myndasafn MorgunblaðiðSmáauglýsingar
Panta auglýsingu Upplýsingar um pantanir Spurt og svaraðBreyta netfangi Breyta lykilorði
...ódýrasta
300 kr.
birtist í 7 daga
mbl.is
smáauglýsingin
Frábært verð ódýrasta auglýsingin kostar 300 kr.
Auðvelt að bóka þú getur pantað auglýsingu þegar þér hentar
Auðvelt að leita tekur örskot að finna það sem leitað er að
Vöktun þú færð tölvupóst eða SMS þegar rétti hluturinn finnst
Vaktmappan geymir auglýsingar til frekari skoðunar
mbl.isá
Dómnefnd um Íslensku barnabókaverð-
launin hefur lokið störfum. Ekkert
handrit verður verðlaunað að þessu
sinni. Þeim sem sendu inn handrit er hér
með þakkað fyrir þátttökuna og þeir
beðnir að vitja handrita sinna hjá Eddu
útgáfu, Suðurlandsbraut 12, 3. hæð, sem fyrst. Gefa þarf
upp dulefni eða nafn verksins. Ný samkeppni verður
auglýst síðar í vor.
Leikritið Riðið inn í sól-arlagið er samið af enskaverðlaunaleikskáldinuÖnnu Reynolds, sem hef-
ur sent frá sér fjölda leikrita á síð-
ustu árum. Það er byggt upp í nokk-
urs konar „mósaík“-formi, eins og
aðstandendur sýningarinnar kjósa
að kalla það, þar sem ekki er línuleg
samfella í tíma leikritsins, og sjón-
um beint að einu pari í einu. Sögur
þeirra tvinnast svo saman með ólík-
um hætti og tengjast gegn um aðrar
persónur í verkinu.
Að sögn Odds Bjarna Þorkels-
sonar, annars leikstjóra verksins og
þýðanda þess, var það ekki síst
formið og viðfangefnið sem heillaði
hann til þess að taka verkið til sýn-
inga. „En það er svo margt sem var
spennandi við að takast á við þetta
verk. Þetta er heimsfrumsýning –
við fengum leyfi Önnu til að sýna
verkið sem er auðvitað alveg frá-
bært, vegna þess að þetta er mann-
eskja sem hefur fengið verðlaun og
er þekkt í heimalandi sínu. Það er
svo mikil orka í þessu verki, gleði,
gredda og skemmtilegheit. Það hef-
ur svo skemmtilega kímnigáfu, án
þess að vera með eitthvað svona,“
segir hann og slær trommuútslag
með höndunum. „Það er miklu
meira kjöt á beinunum, og mikill
sársauki oft og tíðum. Allir fá svo
miklu meira fyrir sinn snúð, bæði
áhorfendur og leikarar. Þetta verk
var dálítið kjörið, útaf því.“
Á fullt erindi
Verkinu kynntist Oddur Bjarni
gegn um nokkra af leikurunum í
sýningunni sem stunduðu nám við
Arts Educational-leiklistarskólann í
London á sama tíma. Anna Reyn-
olds var einn af kennurum þeirra
þar, og skrifaði nokkra hluta af
verkinu fyrir bekkinn þeirra. „Ég
varð strax ferlega hrifinn af því þeg-
ar ég las það og fór strax að þýða
þegar ég sá fyrstu síðuna. Þá vissi
ég að það var eitthvað rétt við það,“
segir Oddur Bjarni og bætir við:
„Það er svo skemmtilega beinskeytt
– það er ekkert verið að fara í kring
um hlutina heldur komið beint að
efninu.“
Efnið er samlíf í ýmsum formum.
Víst er að kynlíf og svokölluð kyn-
lífsvæðing er mikið til umræðu um
þessar mundir í íslensku þjóðfélagi
og hefur leikhúsið verið ötult við að
ræða þau mál, enda eitt af meg-
inhlutverkum þess að ræða það sem
ber á góma í samfélaginu hverju
sinni. Að mati Odds Bjarna á Riðið
inn í sólarlagið því fullt erindi við ís-
lenska áhorfendur. „Þetta er í raun
mjög íslenskt verk og auðvitað er
það líka staðfært að hluta. Guð al-
máttugur; skyndikynni, framhjáhald
og forræðisdeilur – allur þessi pakki
er mjög mikið að gerast hérna
heima. Það eru allir að upplifa það
sama hér heima og alls staðar ann-
ars staðar, að þessi erótíkurhneigð
sem er í gangi, unglingsstelpur sem
þurfa að hafa mök til að fara í partí
og þykja hallærislegar ef þær eru
hreinar meyjar, það að þykja af-
brigðilegur ef maður hefur ekki tek-
ið þátt í „svingi“. Það nægir að
skoða einkamal.is til að sjá alla
þessa grósku. Þetta leikrit á mjög
vel við að því leytinu til,“ segir hann
og heldur áfram. „Það er þessi
skrýtna krafa um eitthvað annað en
venjulegt hjónalíf, sem er allt í einu
komin upp. Fólk er orðið ringlað og
finnst það þurfa að taka þátt í ein-
hverju öðru, í stað þess að beina
sjónum inn á við og vinna í réttu
hlutunum. Þetta er allt í kring um
okkur.“
Þannig að titill leikritsins er
væntanlega tvíræður? „Já, hann er
það og það var mikill léttir að finna
hann. Því þetta leikrit er ekkert að
veifa putta og segja uss, uss. Vanda-
málin eru þarna, en þau eru gerð
hversdagsleg og eðlileg. Allar mínar
fyrstu þýðingar á titlinum voru
mjög ljóðrænar, en Margrét kom
með þennan titil og hann gekk und-
ireins upp. Öllum var mjög létt þeg-
ar hann kom fram, enda felur hann
vissan glampa í auga í sér.“
Hann tekur fyrir það að með því
að velja þetta stykki til sýninga sé
vísvitandi verið að reyna að stuða
áhorfendur. „Guð, nei. Mér leiðist
svoleiðis í leikhúsi. Það er búið að
ganga svo langt í leikhúsi að hafa
hægðir á sviðinu og kasta þeim fram
í sal. Það finnst mér eiga lítið erindi
við mann. Og hvað varðar nekt, þá
erum við ekki allsber í þessari sýn-
ingu. Mér leiðist nekt sem er bara til
þess fallin að sýna hugrakka leikara.
Við reynum bara að tækla þetta af
kímni og heiðarleika og erum fjarri
því að reyna að sjokkera fólk.“
Oddur Bjarni segist sérlega
ánægður með alla í hópnum sem
komið hafa að sýningunni. Þá segist
hann sérstaklega ánægður með
Litla sviðið í Borgarleikhúsinu þar
sem áhorfendur sitja í kringum svið-
ið, sem samanstendur af nokkrum
rúmum. Verkið hafi hreinlega kallað
á slíka umgjörð. „Músíkin og um-
gjörðin öll eru alveg frábær. Og leik-
hópurinn stendur sig mjög vel,“ seg-
ir hann, en leikararnir eiga það allir
sameiginlegt að vera menntaðir í
Englandi, allir nema Guðlaug El-
ísabet. „Þessi blanda af leikurum
kemur til af kunningsskap, praktík
og meðvitund líka. Ég og Ólafur
Jens, hinn leikstjórinn og leikkon-
urnar Margrét og Alexía stofnuðum
Kláus og fengum síðan vini okkar og
kunningja með í sýninguna. Þau eru
öll mjög ólík, bæði að horfa á þau og
svo ólíkir leikarar. En síðan þekkj-
umst við öll mjög vel og þá er stór
þröskuldur farinn. Þú þarft að geta
treyst þeim sem þú ert að leika á
móti, að ég tali nú ekki um í svona
verki þar sem menn eru ansi nánir
oft og tíðum, en þurfa að geta höndl-
að það eins og það sé ekkert mál. Ég
er mjög kátur með þennan hóp.“
Það síðasta sem við Oddur Bjarni
ræðum er fyrir hvern þessi sýning
sé, hvern hann sjái fyrir sér koma
og njóta hennar. „Ég vona auðvitað
að það sé breiður markhópur, þó
mér finnist eðlilegt að hann sé frek-
ar í yngri kantinum en eldri. En
vegna þess að þetta er ekki sjokk-
sýning að neinu leyti, tel ég að þetta
sé fyndin og skemmtileg sýning sem
ætti að geta höfðað til allra. Allra
hressra og káta sem hafa gaman af
leikhúsi.“
Erum fjarri því að
reyna að hneyksla fólk
Leikhópurinn Kláus frumsýnir Riðið inn í sólarlagið á Litla sviði Borgarleikhússins í kvöld. Þar segir frá þremur pörum
sem eiga við ólík vandamál að stríða í samböndum sínum – sérstaklega þegar kemur að svokölluðum svefnherbergismál-
um. Inga María Leifsdóttir ræddi við annan leikstjóra verksins, Odd Bjarna Þorkelsson.
Morgunblaðið/Sverrir
„Það er svo mikil orka í þessu verki, gleði, gredda og skemmtilegheit,“
segir annar leikstjóranna, Oddur Bjarni Þorkelsson.
Riðið inn í sólarlagið verður frumsýnt í Borgarleikhúsinu í kvöld.ingamaria@mbl.is
eftir Önnu Reynolds
Þýðing: Oddur Bjarni
Þorkelsson
Leikendur: Guðlaug Elísabet
Ólafsdóttir, Erlendur Eiríks-
son, Margrét Sverrisdóttir,
Guðjón Þorsteinn Pálmarsson,
Alexía Björg Jóhannesdóttir og
Ólafur S. K. Þorvaldz.
Lýsing: Benedikt Axelsson
Leikmynd og búningar: Sirra
Sigrún Sigurðardóttir
Tónlist: Vilhelm Anton Jónsson
Hár og förðun: Gunnella
Leikstjórn: Oddur Bjarni Þor-
kelsson og Ólafur Jens
Sigurðsson
Riðið inn í
sólarlagið