Morgunblaðið - 09.06.2005, Blaðsíða 16

16 FIMMTUDAGUR 9. JÚNÍ 2005 MORGUNBLAÐIÐ
ERLENT
Reykjavíkur
– býður upp á alþjóðlegan matseðil úr íslenskum gæðahráefnum
Nýtt viðmið
– nýr bar og veitingastaður
í hjarta
Salt Lounge Bar & Restaurant
Pósthússtræti 2, 101 Reykjavík, sími 599 1000, fax 599 1001
radissonsas.com
*Yes I Can! er skrásett þjónustuhugtak Radisson SAS hótela.
Það mótar grunninn að stefnu okkar.
Radisson SAS 1919 hótel
Pósthússtræti 2, 101 Reykjavík, sími 599 1000, fax 599 1001, netfang info.1919.reykjavik@radissonsas.com
Við tökum vel á móti þér
á Radisson SAS 1919 hóteli,
Reykjavík
Ég sef
alltaf er
*já
þar sem
sagt
OP
NU
M
10
. JÚ
NÍ
OPNUM
10. JÚNÍ
Tokýó. AFP, AP. | Charles Jenkins,
Bandaríkjamaðurinn sem gerðist
liðhlaupi 1965 og flúði til Norður-
Kóreu, hyggst heimsækja Bandarík-
in í næstu viku í fyrsta skipti í fjóra
áratugi í því skyni að hitta aldraða
móður sína á ný. Jenkins komst í
heimsfréttirnar á síðasta ári er hann
flutti til Japans eftir að hafa verið
búsettur í N-Kóreu í fjóra áratugi.
Jenkins er sextíu og fimm ára
gamall og yfirgaf N-Kóreu í júlí í
fyrra til að vera með japanskri eig-
inkonu sinni, sem haldið hafði frá
N-Kóreu tveimur árum áður.
Saga Jenkins er afar óvenjuleg.
Hann hvarf nærri hlutlausa svæð-
inu, sem skilur að N- og S-Kóreu ár-
ið 1965, og var æ síðan eftirlýstur af
Bandaríkjaher vegna liðhlaups. Mun
Jenkins hafa viljað komast hjá því að
verða sendur til Víetnams. Norður-
kóreskir ráðamenn settu Jenkins
hins vegar í eins konar stofufangelsi,
neyddu hann til að kenna liðsfor-
ingjaefnum Norður-Kóreuhers
ensku og létu hann leika bandarísk
illmenni í áróðursmyndum.
Mál Jenkins komst ekki síst í há-
mæli sökum þess hversu mikla sam-
úð almenningur í Japan hafði með
þeim hremmingum sem eiginkona
Jenkins, Hitomi Soga, hefur þurft að
ganga í gegnum á lífsleiðinni og Jun-
ichiro Koizumi, forsætisráðherra
Japans, beitti sér sjálfur fyrir því að
Jenkins kæmi til Japans til að vera
með fjölskyldu sinni.
Ástæðan er sú að Soga var á sín-
um tíma í hópi
Japana sem norð-
ur-kóresk stjórn-
völd rændu 1978,
fluttu til Norður-
Kóreu og neyddu
þar til að kenna
útsendurum
leyniþjónust-
unnar japönsku.
Vissi enginn hvað
um hana hafði orðið fyrr en fyrir
þremur árum, þegar Koizumi fór í
sögulega heimsókn til Pyongyang.
Soga kynntist Jenkins í N-Kóreu,
giftist honum og eignaðist tvær dæt-
ur en þegar N-Kóreumenn slepptu
Soga og sjö öðrum, í kjölfar heim-
sóknar Koizumis, fékk hún ein að yf-
irgefa landið en Jenkins varð eftir
ásamt dætrum þeirra. Þorði Jenkins
lengi vel ekki að fara til fundar við
eiginkonu sína í Japan af ótta við að
verða framseldur til Bandaríkjanna,
en þar átti hann yfir höfði sér lífstíð-
arfangelsisdóm fyrir liðhlaup.
Þegar til kom sýndu bandarísk
hermálayfirvöld honum hins vegar
vægð, honum var þó vísað með
skömm úr Bandaríkjaher.
Móðir Jenkins er 91 árs og býr á
hjúkrunarheimili fyrir aldraða í
Norður-Karólínu. Hefur Jenkins
rætt við hana reglulega í síma, að því
er japanskir embættismenn greindu
frá í gær. Þeir sögðu að eiginkona
hans myndi fylgja honum til Banda-
ríkjanna en meiningin væri að þau
dveldu þar í um viku.
Heimsækir Banda-
ríkin í fyrsta sinn
í fjörutíu ár
Charles Jenkins
Kaupmannahöfn. AP. | Kveikt var í bíl
dansks ráðherra í fyrrinótt. Engan
sakaði en hópur sem segist berjast
gegn kynþáttafordómum hefur lýst
tilræðinu á hendur sér.
Bifreiðin, sem er í eigu Rikke
Hvilshøj, ráðherra inflytjendamála
í Danmörku, stóð í opnum bílskúr
við hliðina á heimili ráðherrans í
Greve, suður af Kaupmannahöfn.
Bifreiðin er ónýt og bílskúrinn
sömuleiðis. Einnig urðu nokkrar
skemmdir á þaki íbúðarhússins.
„Við heyrðum mikinn hvell og ég
og fjölskylda mín drifum okkur út
úr húsinu,“ sagði Hvilshøj. Kvaðst
hún vera slegin og reið yfir atvik-
inu. Hún segir tilræðið ekki munu
verða til þess að hún hætti af-
skiptum af stjórnmálum.
Talsmenn lögreglunnar sögðust
líta atvikið alvarlegum augum. Eld-
urinn hafi breitt hratt úr sér og
mun verr hefði getað farið.
Áður óþekktur hópur sem berst
gegn kynþáttafordómum, Grænse-
løse Beate, lýsti tilræðinu á hendur
sér í tölvupósti sem barst fjölmiðl-
um í gær. Þar stóð að hópurinn
„gæti ekki setið aðgerðalaus á með-
an dönsk yfirvöld ýttu undir kyn-
þáttafordóma með útlendingalög-
um sínum.“ Dönsk yfirvöld hertu
árið 2002 útlendingalög landsins og
hafa þau verið harðlega gagnrýnd
af stjórnarandstöðunni og mann-
réttindasamtökum um allan heim.
Sérstaklega ákvæði laganna um að
fólk undir 24 ára aldri gæti ekki
fengið dvalarleyfi í Danmörku á
grundvelli fjölskyldutengsla.
Lögregla í Kaupmannahöfn fjar-
lægði í gær harðan disk úr tölvu á
netkaffihúsi í borginni eftir að
tölvupóstsending Grænseløse Beate
var rakin þangað. Lögreglan leitaði
eining að fingraförum og öðru sem
vísað gæti á tilræðismennina.
AP
Rannsóknarlögreglumenn skoða flak bifreiðar Rikke Hvilshøj í gær.
Kveiktu í bíl
dansks ráðherra
La Paz. AP, AFP. | Carlos Mesa, sem
tilkynnt hefur um afsögn sína sem
forseti Bólivíu, varaði við því á
þriðjudagskvöld að landið rambaði á
barmi borgarastríðs en mótmæli,
sem nú hafa staðið í nokkrar vikur,
hafa lamað höfuðborgina, La Paz, og
þar er nú skortur á bæði mat og elds-
neyti. Sagði Mesa í sjónvarpsávarpi
sem hann flutti á þriðjudag að eina
lausnin væri sú að halda kosningar
strax.
Mesa, sem sagði af sér á mánudag,
ávarpaði þjóð sína í beinni sjón-
varpsútsendingu á þriðjudag og
lagði áherslu á það að hann myndi
ekki draga afsögn sína til baka.
Hann hvatti einnig Hormando Vaca
Diez, forseta þingsins, til þess að
nýta sér ekki stjórnarskrárbundinn
rétt sinn til að taka við forsetaemb-
ættinu.
Þess í stað ætti að halda kosningar
eins fljótt og auðið væri. „Þetta er
bón forseta sem nú stígur úr stóli
sínum. Bólivía er á barmi borgara-
stríðs.“
Nýr forseti valinn í dag?
Mótmælendur í höfuðborginni
komu á þriðjudag í veg fyrir að þing-
ið gæti komið saman og valið eftir-
mann Carlosar Mesa. Hefur Vaca
Diez boðað þingfund í dag í borginni
Sucre en þar á að ræða afsögn Mesa
og hvernig stýra eigi landinu.
Verði nýr forseti valinn í stað
Mesa ætti Vaca Diez samkvæmt
stjórnarskrá landsins að taka við af
honum. Mótmælendur eru hins veg-
ar ekki alls kostar sáttir við það og
vilja að Vaca Diez og Mario Cossio,
forseti neðri deildar þingsins, segi af
sér eins og Mesa. Vilja þeir að forseti
Hæstaréttar, Eduardo Rodriguez,
taki við forsetaembættinu og boði
síðan til nýrra kosninga, en hann
einn hefur stjórnarskrárbundið vald
til þess.
Forystumenn mótmælenda hvöttu
fylgismenn sína til að halda mótmæl-
unum áfram. „Við munum halda
áfram þar til kröfum okkar verður
mætt,“ sögðu þeir. Einnig sögðu þeir
afsögn Carlosar Mesa vera „málinu
óviðkomandi“, mótmælendur hefðu
sameinast til að krefjast þjóðnýting-
ar náttúruauðlindanna.
Segir Bólivíu ramba á
barmi borgarastríðs
Reuters
Indjánar taka kóka-lauf sín eftir að hafa beðið fyrir friði í La Paz í gær.