Morgunblaðið - 09.06.2005, Blaðsíða 48

48 FIMMTUDAGUR 9. JÚNÍ 2005 MORGUNBLAÐIÐ
JÖKULLINN og mikilfenglegt en
jafnframt viðkvæmt umhverfi hans
er viðfangsefni listakonunnar Önnu
Líndal á sýningunni Umbrot – Blá-
kaldar staðreyndir um heitan jökul,
sem nú stendur yfir í Skaftfelli –
menningarmiðstöð Seyðisfjarðar í
tengslum við Listahátíð í Reykjavík.
Margmiðlunartæknin setur svip
sinn á sýningu listakonunnar að
þessu sinni, en sjónvarps- og tölvu-
skjám hefur verið komið fyrir á hvít-
um, óreglulega löguðum borðflötum
sem minna nokkuð á jökulinn. Í
hvítu rýminu er þá einnig að finna
útsaumað landakort á hvítmunstr-
uðum léreftsdúk sem hylur enda-
vegg salarins. Af skjánum sex sem
salurinn geymir er síðan marg-
víslegu myndefni frá Vatnajökli
sjónvarpað og kemur jökullinn
þannig sýningargestum fyrir sjónir
bæði úr lofti og af láði, í mikil-
fenglegum gosham, á hversdags-
legri stundum, snjóhvítur og svo
leirbrúnn í eðjubundnum klaka-
böndum.
Útsaumurinn og handverkið sem
svo lengi hefur sett svip sinn á verk
Önnu vinnur hér þá vel með marg-
miðlunartækninni. Landakortið af
jöklasvæðinu er unnið með útsaums-
tækninni og snúruflækjur skjánna,
sem að öllu jöfnu eru lítið fyrir aug-
að, hafa verið færðar í sparilegri
búning handverksins og ekki laust
við að það gefi þeim yfirbragð litríks
en viðkvæms háfjallagróðurs í snæ-
hvítri fönninni.
Niðurstaða þessarar skemmtilegu
samsetningar verður líka áhrifamik-
il og úthugsuð sýning, sem er raunar
ein sú besta sem ég hef séð eftir
listakonuna til þessa. Hér ná sjón-
ræn áhrif verkanna að skila sér vel
umkringd fjalladýrð Seyðisfjarðar, á
sýningu sem fer fjarri því að vera
bara á yfirborðinu.
Af sýningu Önnu Líndal, Umbrot – staðreyndir um heitan jökul.
MYNDLIST
Listahátíð í Reykjavík
Menningarmiðstöðin
Skaftfell – Seyðisfirði
Sýningin er opin fimmtudaga
til sunnudaga kl. 15–18.
Hún stendur til 26. júní.
Umbrot – blákaldar staðreyndir
um heitan jökul – Anna Líndal
Anna Sigríður Einarsdóttir
Hin mörgu
andlit
jökulsins
Það er eitthvað sérstaklegaheillandi við kóra og kóra-menningu á Íslandi. Gleðin
og krafturinn sem fylgir kórum um
kirkjur landsins, félagsheimili og
sali er einstök. Stór hluti af kóra-
menningunni er að ferðast innan-
lands og utan, sjá og heyra hvað
aðrir kórar eru að vinna að. Um
helgina verður haldin umfangs-
mikil kórastefna við Mývatn og þar
verður skemmtileg og fjölbreytt
dagskrá í boði fyrir áheyrendur.
Þetta er í þriðja skiptið sem
kóramót er haldið við Mývatn. Í ár
taka fjórir kórar þátt í kórastefn-
unni auk um 50 söngvara úr öðrum
kórum; Söngsveitin Fílharmónía,
Kór Árnesingafélagsins í Reykja-
vík, Kór Dalvíkurkirkju. Auk
þeirra tekur margverðlaunaður
kór frá Tallinn í Eistlandi þátt.
  
Að sögn Margrétar Bóasdóttur,sem er listrænn stjórnandi há-
tíðarinnar, er mikil eftirvænting í
hópnum. „Það er mikil hvatning
fyrir kóra að fá að flytja svona stórt
verk með sinfóníuhljómsveit.“ Ann-
að sem Margrét segir að sé sérstakt
tilhlökkunarefni er koma eistneska
kórsins Noorus. Það að kórinn er
frá Eistlandi er engin tilviljun.
„Eistnesk kóramenning er alveg
stórglæsileg og á sér mikla sögu.
Það starfa margir eistneskir tón-
listarmenn á Norðurlandi sem tón-
listarkennarar og tónlistarmenn.
Það lá því beinast við að nýta þessi
tengsl og fyrsti erlendi kórinn kem-
ur því frá Eistlandi. Kórinn sem
kemur hingað hefur unnið fjölmörg
alþjóðleg verðlaun síðasta áratug-
inn.“ Áætlað er að halda áfram út-
rásinni næstu ár og nú þegar hafa
tveir erlendir kórar óskað eftir að
fá að taka þátt á næsta ári.
Það er dýrmætt fyrir ferða-
mannastað eins og Mývatn að fá svo
stóran hóp á svæðið. Á milli æfinga
og þegar tími gefst til er hægt að
njóta alls þess sem Mývatn hefur
upp á að bjóða. Nokkrir makar eru
með í för og Margrét er mjög
ánægð með þann fjölda sem hefur
staðfest komu sína. Hátt í 240 þátt-
takendur verða á kórastefnunni.
„Mývatnssveit er kjörinn staður til
að halda hátíð sem þessa og aðstaða
til tónlistarflutnings er mjög góð,
gistiþjónusta til fyrirmyndar og svo
er náttúrufegurðin auðvitað ein-
stök, fyrir utan fjölbreytta mögu-
leika á ýmiss konar afþreyingu, til
dæmis nýju Jarðböðin,“ segir Mar-
grét. Fyrirhuguð er ferð í Jarð-
böðin strax fyrsta kvöldið. Líklegt
er að þar verði sungin nokkur vel
valin lög til að slípa hópinn saman
fyrir það sem koma skal um
helgina.
Söngurinn er það sem mestu
skiptir en Margrét segir að oft séu
áhrifin, sem mót af þessari stærð-
argráðu hafa, vanmetin. „Fyrir ut-
an að virkja þá miklu kóra- og tón-
listarhefð sem ríkir á Norðurlandi,
þá er þetta framtak einnig talandi
dæmi um hvernig menningar-
viðburðir geta verið lyftistöng fyrir
ferðaþjónustu á landsbyggðinni.
Íbúafjöldi sveitarinnar tvöfaldast í
kringum hátíðina og lengir þar með
ferðamannatímabilið sem nær yf-
irleitt ekki hámarki fyrr en eftir
miðjan júní.“ Hugmyndin að hátíð-
inni þróaðist út frá sumartón-
leikum sem haldnir hafa verið í
sveitinni undanfarin 18 ár og núna
hefur hátíðin þróast og stækkað.
Markmiðið er, að sögn Margrétar,
að hátíðin verði alþjóðlegur við-
burður.
  
Kórastefnan hefst í kvöld meðopnunartónleikum í Skjól-
brekku kl. 20.30 þar sem Noorus
kórinn kemur fram undir stjórn
Raul Talmar. Föstudaginn 10. júní
kl. 20.30 verða tónleikar í Skjól-
brekku þar sem fram koma Árnes-
ingakórinn í Reykjavík, undir
stjórn Gunnars Ben, Kór Dalvík-
urkirkju, undir stjórn Hlínar Torfa-
dóttur og Noorus-kórinn, undir
stjórn Raul Talmar. Þá tekur við
hlöðuball í ferðamannafjósinu í
Vogum þar sem eistneska þjóðlaga-
hljómsveitin Folkmill leikur tónlist
frá heimalandi sínu auk írskrar og
norrænnar sveitatónlistar. Há-
punktur kórastefnunnar verður
flutningur á óratóríunni Messías
eftir Händel, sunnudaginn 12. júní í
íþróttahúsinu í Reykjahlíð, en þar
stígur á svið rúmlega 200 manna
kór, fimm einsöngvarar ásamt Sin-
fóníuhljómsveit Norðurlands undir
stjórn Guðmundar Óla Gunn-
arssonar.
Miðaverð í forsölu er 2.500 kr. á
lokatónleika kórastefnunnar. For-
sala aðgöngumiða er í Bókvali á
Akureyri, Húsasmiðjunni á Húsa-
vík og versluninni Strax í Mývatns-
sveit.
Fjölmenn kórastefna við Mývatn
’… þetta framtak einnig talandi dæmi
um hvernig menningar-
viðburðir geta verið
lyftistöng fyrir ferða-
þjónustu á lands-
byggðinni.‘
AF LISTUM
Guðrún Birna Kjartansdóttir
Sungið í miðnætursólinni við Mývatn.
gudrunbirna@mbl.is
JÓHANNES Dagsson opnar
myndlistarsýninguna Sam-
sláttur í Gallerí ash í Varmahlíð
í Skagafirði á laugardaginn.
Verkin á sýningunni eru unnin
út frá hugleiðingum um skipu-
lag og kerfi og hvernig fram-
setning upplýsinga innan kerfa
hefur áhrif á efnið sjálft. Það
kerfi sem er til grundvallar á
sýningunni er framsetning
landfræðiupplýsinga sem
landakorta. Verkin eru öll unn-
in með blandaðri tækni á papp-
ír.
Jóhannes Dagsson er mennt-
aður við Edinburgh College of
Art og hefur sýnt verk sín bæði
heima og erlendis. Þetta er 8.
einkasýning Jóhannesar.
Sýningin stendur til 7. júlí
næstkomandi og er aðgangur
ókeypis.
Samsláttur
í Varmahlíð
Miðasalan er opin: Mánud. og þriðjud.:10:00-18:00, mið-, fim- og föstudaga: 10:00-20:00, laugar- og sunnudaga: 12:00-20:00
Miðasölusími 568 8000 - miðasala á netinu: www.borgarleikhus.is
CIRKUS CIRKÖR 14.-17. JÚNÍ
Sirkusinn sem allir tala um!
KALLI Á ÞAKINU e. Astrid Lindgren
Í samstarfi við Á þakinu
Su 12/6 kl 14 - UPPSELT,
Su 12/6 kl 17 - UPPSELT,
Lau 18/6 kl 14,
Su 19/6 kl 14 - UPPSELT,
Su 26/6 kl 14,
Lau 9/7 kl 14,
Su 10/7 kl 14,
Su 17/7 kl 14,
Su 24/7 kl 14
25 tímar
Dansleikhús/samkeppni
LR og Íd í samstarfi við SPRON
Í kvöld kl 20 - UPPSELT
Einstakur viðburður
99% UNKNOWN - Sirkussýning
CIRKUS CIRKÖR FRÁ SVÍÞJÓÐ
Þri 14/6 kl 20,
Mi 15/6 kl 20,
Fi 16/6 kl 20,
Fö 17/6 kl 20
Aðeins þessar sýningar
Stóra svið
BÖRN 12 ÁRA OG YNGRI FÁ FRÍTT Í BORGARLEIKHÚSIÐ Í FYLGD FULLORÐINNA
- gildir ekki á barnasýningar!
Nýja svið, Litla svið og Þriðja hæðin
ALVEG BRILLJANT SKILNAÐUR
Einleikur Eddu Björgvinsdóttur
Í kvöld kl 20 - UPPSELT,
Fö 10/6 kl 20,
Lau 11/6 kl 20,
Þri 14/6 kl 20,
Fi 16/6 kl 20,
Lau 18/6 kl 20, Su 19/6 kl 20
Síðustu sýningar
www.kvennakor.is
Fimmtudag 9. júní kl. 20
Hásölum, Hafnarfirði
(safnaðarheimili Hafnarfjarðarkirkju)
Miðaverð: 1800 kr.
(lífeyrisþ. 1500 kr.)
SÓLVEIG Aðalsteinsdóttir opnar
sýningu í Suðsuðvestri, Reykja-
nesbæ, á laugardaginn kl. 16. „Hús“
er yfirskrift sýningarinnar en hún
samanstendur af þrettán ljósmynd-
um og tveimur skúlptúrum. Við-
fangsefni sýningarinnar er umbreyt-
ing húss, rými þess og hlutföll, form,
efni og litir. Tilraun til að fanga
andblæ þess, umbreytingu og aðlög-
un að nýjum tíma. „Í gömlu húsi er
saga tímans sýnileg, tímann má
skynja í efni þess, líf og saga hefur
sogast inn í húsið, hin hversdagslega
daglega virkni er breytt, en andinn
situr eftir í kjarna efnisins. Heimur
húss sem endurómur hugarheims,“
segir í kynningu.
Suðsuðvestur er til húsa á Hafn-
argötu 22 í Reykjanesbæ. Sýningin
stendur til 3. júlí en opið er á fimmtu-
dögum og föstudögum frá kl. 16–18
og um helgar frá kl. 14–17.
Sólveig
Aðalsteins-
dóttir í Suð-
suðvestri
www.sudsudvestur.is