Morgunblaðið - 09.06.2005, Blaðsíða 18
Blönduós | Leikskólabörn í Húnaþingi fóru í
heimsókn til lögreglunnar á Blönduósi og skoð-
uðu starfsemina. Að frumkvæði lögreglunnar
var sá háttur nú tekinn upp í stað þess að lög-
reglumenn heimsæktu börnin í skólana eins og
undanfarin ár.
Börnin voru afar spennt fyrir lögreglubílnum
með sín bláu blikkandi ljós og kepptust börnin
um að fá að stýra. Ekki var minni spenna í lofti
er krakkarnir litu inn í fangageymslurnar þar
sem „bófarnir“ eru geymdir. Nokkrir áræddu að
láta loka sig inni smástund og fengu þeir krakk-
ar sem stóðu utan dyra að kíkja inn og sjá vini
sína í „prísundinni“.
Morgunblaðið/Jón Sigurðsson
Með blikkljósin á Börnin höfðu gaman af því að taka í stýrið á lögreglubílnum.
Leikskólabörn heimsækja lögregluna
Kynning
Höfuðborgin | Landið | Akureyri | Austurland
Minnstaður
Höfuðborgarsvæðið Brjánn Jónasson, brjann@mbl.is, sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri Margrét Þóra Þórsdóttir,
maggath@mbl.is og Kristján Kristjánson, krkr@mbl.is, sími 461-1600. Vesturland Ásdís
Haraldsdóttir, asdish@mbl.is, sími 898-5258. Austurland Steinunn Ásmundsdóttir, aust-
urland@mbl.is, sími 669-1115. Árborgarsvæðið og Landið Helgi Bjarnason, helgi@mbl.is,
sími 569-1310 og 669-1310 og Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Úr
bæjarlífinu
Forstöðumaður | Á fundi bæjarráðs
Vesturbyggðar í liðinni viku voru kynntar
þær umsóknir sem bárust um stöðu for-
stöðumanns íþróttamiðstöðvar á Patreks-
firði. Alls bárust fimm umsóknir. Umsækj-
endur eru: S. Jóna Guðmundsdóttir,
Patreksfirði, Árni Magnússon, Patreksfirði,
Haukur Örn Jónsson, Reykjum Hrútafirði,
Guðmundur Jónatan Baldursson, Kópa-
vogi, og Pétur Hafsteinn Ingólfsson, Garða-
bæ. Verið er að fara yfir umsóknir og verð-
ur ráðið í stöðuna innan skamms.
Jón Ingvar Jónssonyrkir um sumar-stemmningu:
Sumarkvöld við sundin blá
seint úr minni líða
er ég sveittur á þér lá
Esjan barmafríða.
Ólafi Stefánssyni líkar vel
kveðskapurinn:
Er í stuði Ingvar Jón
uppáferðum gerir skil,
menningar væri mikið tjón
ef maður sá væri ekki til.
Fleiri stunda göngutúra.
Jón Ingvar Jónsson yrkir:
„Göngutúr er mér um megn
meðan það er úti regn“
mælti eitt sinn góður, gegn,
gamall Suðurnesjaþegn.
Jón Ingvar Jónsson hefur
eflaust verið að ljúka við
skattframtalið er hann
orti:
Eflir gírug eigin hag,
af mér krónur plokkar,
hefur skítlegt háttalag
hægri stjórnin okkar.
Sumarið er tíminn
pebl@mbl.is
Borgarfjörður | Borgfirðingahátíð verð-
ur haldin um helgina. Hátíðin hefst á
föstudag og sendur fram á sunnudags-
kvöld. Dagskráin er með örlítið breyttu
sniði þótt ýmsir fastir liðir séu á sínum
stað, að því er fram kemur í frétt á vef
Borgarbyggðar. Markmiðið er að bjóða
upp á létta og skemmtilega dagskrá þar
sem fjölskyldan geti sameinast í breiðu
brosi, helst hálfan annan hring.
Dagskráin er víðs vegar um héraðið.
Á föstudag er baðstofukvöld með Álfta-
gerðisbræðrum á Indriðastöðum í
Skorradal og djass- og blústónleikar á
Búðarkletti í Borgarnesi. Á laugardag
verður gengið á Varmalækjarmúla og
útihátíð við Borgarbrautina í Borgar-
nesi, tónleikar Á móti sól og síðan úti-
dansleikur í Brákarey með hljómsveit-
inni Á móti sól. Hátíðin Ullarsokkur
verður í Fossatúni í Borgarfjarðarsveit.
Bútasaumsklúbburinn Samansaumaður
verður með sýningu á afrakstri vetrarins
í Félagsbæ. Ýmislegt fleira er á dag-
skránni.
Dansleikur
í Brákarey
á Borgfirð-
ingahátíð
Súðavík | Meðal hugmynda sem ræddar
eru í stefnumótun í atvinnu- og byggðamál-
um í Súðavík er að leikskólagjöld þar verði
lækkuð verulega eða jafnvel verði leikskól-
inn gjaldfrjáls, byggingarlóðir verði ókeypis
og húsbyggjendum verði gefinn kostur á
byggingarframlagi frá sveitarfélaginu.
Markmiðið með þessum aðgerðum mun vera
að fjölga íbúum um 40 á næstu fimm árum.
Þetta kom fram á vef Bæjarins besta í
gær. Umræða fer nú fram í sveitarstjórn og
verður stefnumótunin kynnt formlega í lok
þessa mánaðar, en henni er ætlað að efla
sveitarfélagið á flestum sviðum.
Einnig eru viðraðar ýmsar hugmyndir í
atvinnumálum og ein þeirra, bygging iðn-
garða á Langeyri, er nú að komast í fram-
kvæmd.
Ókeypis leik-
skóli og bygg-
ingalóðir
♦♦♦
Reykjanesbær | Þrír útgerðarmenn
færðu Bátasafni Gríms Karlssonar
gjafir við athöfn sem fram fór í safn-
inu á dögunum.
Örn Erlingsson, útgerðarmaður
og skipstjóri, gaf kínverskt líkan af
Guðrúnu Gísladóttir KE 15 og
myndasögu í ramma af þeim breyt-
ingum sem Örn KE 13 hefur gengist
undir. Guðmundur Rúnar Hall-
grímsson, útgerðarmaður og skip-
stjóri, gaf líkan af Happasæl KE 94
sem listamaðurinn Grímur Karlsson
smíðaði á sínum tíma. Félag áhuga-
manna um bátasafnið stendur nú
fyrir söfnun á bátalíkönum og hefur
sett sér það markmið að ná safnkost-
inum upp í að minnsta kosti eitt
hundrað líkön. Þá færði Ólafur
Björnsson, fyrrverandi útgerð-
armaður, safninu að gjöf geisladisk
með sögu Baldurs KE 97 frá upphafi
til enda.
Valgerður Guðmundsdóttir menn-
ingarfulltrúi þakkaði gjafirnar fyrir
hönd Reykjanesbæjar. Hún notaði
tækifærið til að koma á framfæri
sérstöku þakklæti til Bátafélags-
manna, sagði að þeir væri vakandi
yfir hagsmunum Bátasafnsins og um
leið óþreytandi við að halda merki
sjómennskunnar á lofti.
Bátafélagsmenn Forystumenn áhugafélagsins og gefendur, f.v. Áki
Granz, Gunnlaugur Karlsson, Guðmundur Rúnar Hallgrímsson, Ólafur
Björnsson, Örn Erlingsson, Grímur Karlsson og Hafsteinn Guðnason.
Bátasafnið fær líkön og sögur
Tunglfiskur er meðalgripa á sýningusem Byggðasafn
Ölfuss hefur sett upp í ráð-
húsinu í Þorlákshöfn.
Á sýningunni eru upp-
stoppaðir fiskar og önnur
sjávardýr, bæði vel þekkt-
ar tegundir og furðufiska.
Stærsti og jafnframt
minnst þekkti fiskurinn er
tunglfiskur sem rak inn í
höfnina í Þorlákshöfn
haustið 2004. Tunglfiskar
sjást mjög sjaldan við Ís-
land. Fiskurinn á sýning-
unni eru tæpir 2 metrar á
lengd og annað eins á
hæð. Aðrir fiskar á sýn-
ingunni veiddust flestir á
árunum 1984–1995, upp-
stoppaðir af Jóni Guð-
mundssyni og gefnir safn-
inu. Steinar Kristjánsson
og Ove Lundström stopp-
uðu tunglfiskinn upp og
mun þetta vera eitt
stærsta verkefni í upp-
stoppun sem unnið hefur
verið á Íslandi.
Sýningin er sú fyrsta á
vegum Byggðasafns Ölf-
uss eftir að safnið var flutt
í Ráðhúsið árið 2002 og
verður hún opin í sumar
alla daga vikunnar. Í til-
efni opnunarinnar sýnir
Steinar Kristjánsson upp-
stoppari fugla og önnur
dýr sem hann hefur stopp-
að upp. Steinar ákvað á
opnunardegi að gefa
Byggðasafninu sex sjó-
fugla, þar á meðal haf-
tyrðilspar.
Tunglfiskurinn sýndur í ráðhúsinu
Furðufiskur Tunglfiskurinn hangir uppi í rjáfri ráð-
hússins en gestir hafa ágæta aðstöðu til að skoða hann.
Góð gjöf | Einn helsti velunnari líkams-
ræktarinnar á Skagaströnd, Ernst Bernd-
sen, kom í vikunni færandi hendi í íþrótta-
húsið og færði því að gjöf tæki sem er til að
þjálfa læra- og rassvöðva. Á næstu dögum
bætast við þrjú tæki í þreksalinn en tvö
eldri fara út í staðinn segir á vef Skaga-
strandar.
Brautargengi | Sjö konur bættust á dög-
unum í hóp þeirra sem lokið hafa námskeið-
inu Brautargengi, en það er Impra nýsköp-
unarmiðstöð sem stendur fyrir þessum
námskeiðum og hefur gert frá árinu 1996.
Námskeiðið er fyrir athafnakonur sem vilja
hrinda viðskiptahugmyndum sínum í fram-
kvæmd. Þetta er í fjórða sinn sem Braut-
argengisnámskeið er haldið á Akureyri og að
venju var unnið með fjölbreytt verkefni, s.s.
vefsíðu eða gagnabanka þar sem safnað er
saman upplýsingum varðandi heilsu, nýtt
meðferðarúrræði fyrir verkjasjúklinga, fyr-
irtæki sem sérhæfir sig í ræstingum og gólf-
efnaviðhaldi, verslanir með lífrænt ræktaðar
vörur og fleira.
Hildur M. Jónsdóttir fékk viðurkenningu
fyrir best unnu viðskiptaáætlunina, þ.e. fyrir
heilsubankann. Margrét Hróarsdóttir hlaut
framfaraverðlaun, fyrir viðskiptahugmynd
sína um heildarlausnir á ræstingum og við-
haldi gólfa fyrir fyrirtæki og einstaklinga.
HÉÐAN OG ÞAÐAN
Smábæjaleikar haldnir | Smábæjaleik-
arnir í knattspyrnu fara fram um helgina,
frá föstudegi til sunnudags, en það er Hvöt
sem sér um leikana. Smábæjaleikarnir eru
haldnir í annað sinn og má búast við því að
þátttakan verði með svipuðu sniði og í
fyrra, að því er fram kemur á vef UMFÍ.
Áætlaður fjöldi keppenda og aðstand-
enda er um 1.000 manns svo að það verður
fjör á götum Blönduósbæjar um helgina.
Mótið er fyrir 4. til 7. flokk karla og kvenna.
Frumkvöðlar | Fjórir frumkvöðlar voru
útskrifaðir á dögunum frá Frumkvöðla-
skóla Impru nýsköpunarmiðstöðvar á Ak-
ureyri og eru þeir þá orðnir átta talsins sem
lokið hafa þessu námi. Markmiðið er að
brúa bil milli hugmyndar og fyrirtækis með
því að undirbúa nemendur undir að takast á
við frumkvöðlastarf og rekstur fyrirtækis.
Veitt er hagnýtt menntun og stuðningur.
Haraldur Ingólfsson hlaut viðurkenningu
fyrir best unnu viðskiptaáætlunina. Tvær af
þeim fjórum hugmyndum sem unnið var að
nú á nýliðnum vetri eru þegar komnar til
framkvæmda.