Morgunblaðið - 09.06.2005, Blaðsíða 20

SKÓGRÆKTARFÉLAG Kópavogs efnir
til göngu um Stóraskógarhvamm í kvöld kl.
20 og hvetur „Krýsuvíkurstrákana“, sem
svo nefndust fyrir 46 árum, til að koma og
skoða afrakstur erfiðis síns. Gengið verður
um skóginn undir leiðsögn Hauks Helga-
sonar fyrrverandi skólastjóra. Hafist var
handa við að gróðursetja innan Stóraskóg-
arhvammsgirðingar í Undirhlíðum árið
1959, skömmu eftir að girðingavinnu lauk.
Gróðursetninguna önnuðust drengir úr
vinnuskóla Hafnarfjarðarbæjar í Krýsuvík
en yfirumsjón með því verki hafði Haukur
Helgason. Lagt verður af stað frá námunni
í Vatnsskarði. Til að komast þangað er
Krýsuvíkurvegur ekinn og síðan beygt til
vinstri inn að gömlu námunni áður en kom-
ið er að Vatnsskarðinu sjálfu. Slóði er síðan
inn með hlíðinni sem er sæmilega ökufær.
Eins og áður segir eru „Krýsuvíkur-
strákarnir“ sérstaklega hvattir til að koma
og skoða svæðið.
Ganga um Stóra-
skógarhvamm
20 FIMMTUDAGUR 9. JÚNÍ 2005 MORGUNBLAÐIÐ
MINNSTAÐUR
Suður-Þingeyjarsýsla | Ekki er vafi
á að kvenfélögin verða áfram til.
Upphaflegu markmiðin eru enn í
fullu gildi og nýjar þarfir hafa bæst
við. Þetta sagði Sara Hólm, fyrrver-
andi formaður Kvenfélaga-
sambands Suður-Þingeyinga, í
kaffisamsæti sem efnt var til í fé-
lagsheimilinu Ýdölum í tilefni af
aldarafmæli sambandsins. Hún
bætti því við að vissulega hafi mikl-
ar breytingar orðið en þörfin fyrir
fórnfúsar hendur sem vilji vinna að
bættu samfélagi sé enn fyrir hendi.
Aldarafmælis þessa fyrsta kven-
félagasambands landsins var
minnst við hátíðarmessu í Þorgeirs-
kirkju við Ljósavatn og síðar kaffi-
samsæti í Ýdölum. Ólafur Ragnar
Grímsson, forseti Íslands, var heið-
ursgestur en margt annarra gesta
tók þátt í messunni og kaffisamsæt-
inu.
Sr. Jón Aðalsteinn vígslubiskup
ávarpaði konur í kvenfélögunum
sérstaklega í ræðu sinni og sagði að
þjóðin og kirkjan hefðu átt hauk í
horni, sem kvenfélögin væru, fyrir
gjafir, góðan hug og mörg verk.
Hann þakkaði konum fyrir hönd
þjóðkirkjunnar og sagði að kven-
félagsandinn hefði prýtt landið og
bar fram þá von að hugsjónanna
glóð myndi áfram lifa. Hann sagði
að konur hefðu líknað, glatt og
stutt og bað fyrir starfi kvenfélag-
anna.
Kvenfélögin munu lifa
Sara Hólm sagði frá stofnun
Kvenfélags Suður-Þingeyinga, eins
og sambandið hét fyrst, í ræðu í
Ýdölum. Forsagan er sú að vet-
urinn 1904 til 1905 fór fram áður
óþekkt farandkennsla í sýslunni.
Það var þegar Jóninna Sigurð-
ardóttir frá Draflastöðum í
Fnjóskadal, sem hafði gengið í mat-
reiðsluskóla erlendis, fór að ferðast
um sýsluna, dvelja um tíma á bæj-
unum, kenna konum matreiðslu og
halda fyrirlestra. Þetta varð til þess
að vekja hjá konunum löngun til
samvinnu og félagsskapar sem köll-
uðu til lífsins margar gagnlegar
hugsjónir eins og segir í formála að
fundargerð stofnfundarins. Þá seg-
ir að Jóninna hafi hvatt konur mjög
til þess að stofna með sér fé-
lagsskap í þeim tilgangi að efla allt
það sem miðað gæti kvenfólkinu til
menningar og framfara. Þetta
leiddi svo til þess að konur í nokkr-
um hreppum sýslunnar kusu full-
trúa til að mæta á fundi sem bárð-
dælskar konur boðuðu til. Var þessi
fundur haldinn að Ljósavatni 7. júní
1905 og mættu þar margar konur,
bæði giftar og ógiftar, eins og tekið
var fram, auk hinna kjörnu full-
trúa.
Sara rakti söguna áfram og bar
þar margt á góma, svo sem stofnun
Húsmæðraskólans á Laugum sem
hóf starfsemi sína 1929. Líknarmál
hafa einnig verið sambandinu hug-
leikin og kom hún inn á það mikla
starf sem konur í héraðinu hafa
unnið á þeim vettvangi. Að hennar
sögn hefur ekki verið rannsakað
hvaða áhrif störf kvenfélaganna
hafa haft á íslenskt samfélag en það
sé verðugt verkefni því flestir þætt-
ir samfélagsþjónustunnar hafi not-
ið góðs af.
Hún segist ekki í vafa um að
kvenfélögin verði áfram til, eins og
áður er getið, og trúa því og vona
að þau eflist og dafni.
Aldarafmælis Kvenfélagasambands Suður-Þingeyinga minnst í Þorgeirskirkju
Enn þörf fyrir fórnfúsar hendur
Morgunblaðið/Atli Vigfússon
Aldarafmæli Fjöldi var í messu í Þorgeirskirkju. Meðal þeirra var Ólafur Ragnar Grímsson, forseti Íslands, Guð-
rún Fjóla Helgadóttir, formaður Kvenfélagasambands Suður-Þingeyinga, og maður hennar, Sveinberg Laxdal.
Eftir Atla Vigfússon
HÖFUÐBORGARSVÆÐIÐ
LANDIÐ
Suðurnes | Vinna við merkingar
gönguleiða á Reykjanesskaganum
stendur yfir á vegum Ferðamála-
samtaka Suðurnesja og sveitarfé-
laga. Búist er við að fyrsta skiltið
verði sett upp í þessum mánuði. Það
verður við Höskuldarvelli og er
stækkuð mynd úr gönguleiðakorti
samtakanna sem sýnir Keili og
Höskuldarvelli og landið suður að
Grænavatni. Sambærileg skilti
verða sett upp víðar.
Kom þetta fram á aðalfundi
Ferðamálasamtakanna sem haldinn
var í Fræðasetrinu í Sandgerði á
dögunum. Ýmis fleiri verkefni eru á
dagskrá samtakanna á nýbyrjuðu
starfsári. Samvinna verður um
kynningu ferðaþjónustunnar á Suð-
urnesjum á kaupstefnu Vestnorden í
Kaupmannahöfn í september,
kirkjudagurinn verður á sínum stað í
október og ferðamálaráðstefna í
febrúar 2006.
Áhugi á umhverfisvottun
Mikil umræða varð á aðalfundin-
um um hvernig vinna ætti að bættri
ímynd svæðisins, að því er fram
kemur hjá Kristjáni Pálssyni, for-
manni samtakanna. Fram kom það
álit að gott væri ef öll sveitarfélögin
á Suðurnesjum fengju umhverfis-
vottun Green Globe á alþjóðavísu.
Grindavíkurbær er að kanna þetta
mál fyrir sitt leyti.
Kristján Pálsson var endurkjörinn
formaður Ferðamálasamtaka Suður-
nesja og með honum í stjórn eru
Reynir Sveinsson varaformaður,
Helga Ingimundardóttir, Einar
Steinþórsson, Anna Sverrisdóttir,
Björn Haraldsson og Ásgeir Hjálm-
arsson.
Unnið að
merkingum
gönguleiða
Reykjavík | Stjórn Orkuveitu Reykjavíkur
ákvað fyrir skömmu að lækka verð á heitu
vatni til notenda á höfuðborgarsvæðinu um
1,5% og kom sú ákvörðun til framkvæmda í
gær.
Í tilkynningu frá OR segir, að vísitala
neysluverðs hafi undanfarna mánuði hækk-
að um 3,5%, en vegna aukinnar sölu á heitu
vatni undanfarna mánuði hafi verið ákveðið
að taka þá hækkun ekki með í reikninginn.
Heildarlækkun á heitu vatni til notenda
nemi því 5%.
Verð á heitu vatni
lækkar um 1,5%
FORELDRAFÉLAG Mýrarhúsa-
skóla á Seltjarnarnesi stendur á
hverju vori fyrir sérstakri vorhátíð
þar sem skólalokum og vorkomunni
er fagnað. Í ár var vorhátíðin með
veglegra móti þar sem við sama tæki-
færi var einnig fagnað 130 ára afmæli
Mýrarhúsaskóla, en skólinn er einn af
elstu skólum landsins.
Að sögn Sjafnar Þórðardóttur, for-
manns Foreldrafélags Mýrarhúsa-
skóla, hófst hátíðin eldsnemma í gær-
morgun með ávarpi Sigfúsar
Grétarssonar skólastjóra. „Síðan
færðum við í foreldrafélaginu skól-
anum veglegt píanó að gjöf og verður
þetta fyrsta píanóið sem prýðir sam-
komusal skólans,“ segir Sjöfn og tek-
ur fram að hljóðfærið hafi verið vígt
af nemendum Mýrarhúsakóla við há-
tíðlega athöfn.
Í framhaldinu var boðið upp á bæði
danssýningu og íþróttasýningu nem-
enda. Gestum vorhátíðar gafst að því
loknu tækifæri til að sjá sýningu á
handavinnu og myndlist nemenda
ásamt gömlum og nýjum ljósmyndum
og kvikmyndum úr skólastarfinu, en
að sögn Sjafnar verður ljósmyndasýn-
ingin opin til föstudagskvölds, en
þann dag hefst sérstök menning-
arhátíð Seltjarnarnesbæjar.
Aðspurð segir Sjöfn stemninguna á
vorhátíðinni hafa verið afar góða, en
allir nemendur skólans voru mættir í
fylgd með foreldrum sínum, auk þess
sem fulltrúar bæjarins, bæjarstjóri og
bæjarfulltrúar, voru mætt til að sam-
fagna nemendum og starfsfólki skól-
ans.
Sjöfn segir leiktækin og hoppukast-
alann, sem komið var fyrir á skólalóð-
inni, hafa mælst einstaklega vel fyrir
hjá krökkunum sem skemmtu sér hið
besta. Eftir hoppið gafst þeim síðan
kostur á að gæða sér ýmist á nýgrill-
uðum pylsum eða sérstakri afmælis-
köku í tilefni dagsins.
NEMENDUR Mýrarhúsaskóla á Seltjarnarnesi
kunnu vel að meta leiktækin sem stillt var upp
á lóð skólans í gær, en þá fagnaði skólinn 130
ára starfsafmæli. Hefð er fyrir því að foreldra-
félag skólans blási til sérstakrar vorhátíðar á
þessum tíma árs til að fagna skólalokum og
vorkomunni. Þar sem afmæli skólans bar upp
á sama tíma voru hátíðahöldin mun umfangs-
meiri en vanalega. Gestum gafst kostur á að
skoða ljósmyndasýningu með myndum úr
skólastarfinu auk þess sem öllum var boðið
upp á nýgrillaðar pylsur og veglega afmælis-
köku í tilefni dagsins.
Mikið fjör var í hoppukastalanum.
Afmælishátíð
Mýrarhúsaskóla
Fögnuðu 130 ára afmælinu
Morgunblaðið/Ómar
Eva Björk Davíðsdóttir vígði píanóið sem foreldra-
félag Mýrarhúsaskóla gaf skólanum. Eva er ellefu
ára og hefur lært á píanó sl. tvö ár.