Morgunblaðið - 09.06.2005, Blaðsíða 51
Nýr og betriMiðasala opnar kl. 17.00
KINGDOM OF HEAVEN
ORLANDO BLOOM
HL mbl l
Sýnd kl. 8 og 10.45 B.I 16 ÁRA
Ó.H.T. Rás 2
Sýnd kl. 5.20
Frá framleiðendum
Lock Stock & Snatch
r fr l i
t t
- BARA LÚXUS
553 2075☎
JENNIFER
LOPEZ
JANE
FONDA
FÓR BEINT Á TOPPINN Í USA I I Í
Sýnd kl. 6, 8 og 10
400 kr. í bíó!* * Gildir á allar sýningar merktarmeð rauðu
kl. 5.40, 8 og 10.20 B.I 16 ÁRASýnd kl. 6 og 9 B.I 10 ÁRA
HEIMSFRUMSÝNING HEIMSFRUMSÝNING
„Skotheld frá A-Ö ---- Afþreying í hæsta klassa“
K&F - XFM
„Skotheld frá A-Ö ---- Afþreying í hæsta klassa“
K&F - XFM
„Skotheld frá A-Ö ---- Afþreying í hæsta klassa“
K&F - XFM
Sýnd kl. kl. 6, 8.30 og 11 B.i 14 ára
Sýnd kl. 6 og 9 B.I 10 ÁRA
Sýnd kl. 5.30, 8 og 10.20 B.i 14 ára
EMPIRE
EMPIRE
EMPIRE
EMPIRE
Frá leikstjóra Bourne IdentityFrá leikstjóra Bourne IdentityBourne Identity
Bourne Identity
Missið ekki af svölustu mynd
sumarsins með heitasta pari heims! Missið ekki af svölustu mynd
sumarsins með heitasta pari heims!
FRÁBÆR GRÍNMYND FRÁ
LEIKSTJÓRA
LEGALLY BLONDE
„Skotheld frá A-Ö ---- Afþreying í hæsta klassa“
K&F - XFM
AÐSÓKNARMESTAMYND ÁRSINSAÐSÓKNARMESTAMYND ÁRSINS
AÐSÓKNARMESTAMYND ÁRSINS
SJ. blaðið
Kvikmyndir.com
MORGUNBLAÐIÐ
Fréttablaðið
x-fm
SJ. blaðið
Kvikmyndir.com
MORGUNBLAÐIÐ
Fréttablaðið
x-fm
MORGUNBLAÐIÐ FIMMTUDAGUR 9. JÚNÍ 2005 51
TUTTUGU og fimm ár eru
langur tími, ekki síst ef talið
í starfsárum tónlistarmanns.
Fæstum dægurtónlistar-
mönnum er það gefið að geta
sinnt tónlistinni sem höfuð-
iðju svo lengi og ennþá færri
hafa afrekað það að ná að
halda sér linnulaust á toppn-
um í svo langan tíma. En það
hefur Bubba tekist. Hann
hefur verið jafnvinsælasti og
um leið dáðasti rokk- og
dægurlagasöngvari þjóð-
arinnar í aldarfjórðung og á
svo sannarlega skildar ham-
ingjuóskir fyrir afrekið –
áfangann. En sjálfur virðist
hann síst gefinn fyrir slíkt
klapp á bakið, orðuveitingar
eða viðlíka skjall. Hans leið
hefur ætíð verið sú að gefa
fremur en að þiggja; þannig
að á meðan margir hefðu
fagnað svo stórum áfanga í
lífi sínu með því að skella sér
í sólina til Kanarí þá hefur
Bubbi annan mann að
geyma. Alveg einstaklega
samkvæmur sjálfum sér tek-
ur þessi gjafmildi vinnu-
þjarkur af skarið og færir
okkur að gjöf tvær sérlega
sterkar plötur með 22 nýjum
lögum og heldur í ofanálag
ferna viðhafnartónleika í
Þjóðleikhúsinu á tveimur
dögum.
Tónleikarnir voru allir að
mestu byggðir upp með svip-
uðu sniði. Bubbi gerði þar
upp tónlistarferil sinn, lék að
mestu eldri lög í bland við
nokkur af nýju plötunum, en
um leið – vegna þess hversu
mjög hann berar tilfinningar
sínar í tónlistinni – virtist
mann sem hann væri sum-
partinn að gera upp margt
annað í sínu persónulega lífi,
þ.m.t. stormasöm samskiptin
við hitt kynið.
Hann byrjaði fyrst einn
með gítarinn; rétt eins og
hann byrjaði ferilinn. Tók
þar nokkur af sínum hugljúf-
ustu en um leið tilfinn-
ingaþrungnustu lögum. Þar
meðtalin nýju lögin sem
fengu að fljóta með, en eng-
um blöðum eru um að fletta
að lög á borð við „Svartur
hundur“, hið Nick Drake-
lega „Ástin verður aldrei
gömul frétt“ og Cohen-lega
titillag annarrar nýju platn-
anna … í 6 skrefa fjarlægð
frá Paradís eru meðal allra
bestu laga sem Bubbi hefur
samið; ægifögur, tregafull og
næsta óþægilega persónuleg
lög; sálarjátningar manns í
dýpstu sorginni af þeim öll-
um – ástarsorg.
Bubbi sagði ekki mikið á
milli laga – aldrei þessu vant.
Væntanlega kom tvennt til;
þurfti að koma mörgum lög-
um að, áður en seinni tón-
leikar hæfust, auk þess sem
hann hefur síðustu mánuði
kosið að tjá sig og tilfinn-
ingar sínar í gegnum tónlist-
ina, láta textana tala sínu
máli – sem og þeir sann-
arlega gera.
Bubbi hefur ætíð haft á
því einkar gott lag að velja
sér rétta samstarfsfólkið;
sem sýndi sig e.t.v. skýrar en
nokkru sinni áður er honum
datt það snjallræði í hug að
fá Barða Jóhannsson til að
vinna með sér nýju plöt-
urnar. Hljómsveitir Bubba
hafa af sama skapi verið
skipaðar einvalaliði hljóð-
færaleikara; fagmönnum
fram í fingurgóma, því Bubbi
kann greinlega að meta fag-
mennskuna. Á tónleikunum
fernum í Þjóðleikhúsinu voru
honum til halds og trausts
samstarfsfélagar hans til
fjölda ára og leystu hlutverk
sitt með sóma, þótt reyndar
hafi mér fundist eldri rokk-
uðu lögin – „Hrognin eru að
koma“, „Blindsker“, „Fjöllin
hafa vakað“ og „Ísbjarn-
arblús“ m.a. – fullslétt og
felld. Vantaði í þau slor-
bragðið; groddaskapinn sem
Bubbi sjálfur hefur reyndar
ekki gleymt og mun vænt-
anlega aldrei gera svo lengi
sem hann stígur á svið. Bet-
ur tókst sveitinni til í fágaðri
lögunum; eins og Kúbu-
laginu „Kossar án vara“ –
þar sem ásláttarparið fékk
sín vel notið og Ellen átti
góða innkomu – og ferskri og
fróðlegri útgáfu á „Talað við
gluggann“ af Konu. Með
sveitinni tókst Bubba líka að
blása lífið í eldri lög sem ég
hafði í raun aldrei gefið sér-
stakan gaum, fyrr en nú, að
ég hef nú þegar grafið upp
og er farinn að hlusta á aftur
á plötu, en það eru m.a. lögin
„Hann elskar mig ekki“ af
Allar áttir og „Syndir feðr-
anna“ og „Trúir þú á engla?“
af plötu samnefndri síðara
laginu, sem var flutt á einkar
kröftugan og vel heppnaðan
máta. Einmitt það gerir yf-
irlitstónleika eins og þessa
svo kærkomna; þegar tekst
að endurglæða áhugann,
dusta rykið af gömlum og
sumpart horfnum perlum.
Þá þótti mér einkar
ánægjulegt að heyra sveitina
taka eitthvert besta lag
Bubba í lengri tíma „Fal-
legur dagur“ sem er að finna
á nýju plötunni Ást – en þar
fer perla sem seint mun
safna ryki. Rétt eins og eitt
af lokalögum tónleikanna,
„Svartur Afgan“, sem Bubbi
söng fyrst inn á plötu fyrir
25 árum og er ennþá jafn
skínandi skær.
Að lokum þakkaði Bubbi
enn og aftur fyrir, þakkaði
okkur auðmjúklega fyrir að
velja sig framyfir annað sem
í boði væri (Iron Maiden?
Brúðkaupsþátturinn Já?).
Ekkert að þakka, Bubbi.
Þakka þér, miklu frekar.
Fyrir allt.
Sælla
er að
gefa
TÓNLEIKAR
Þjóðleikhúsið
Tónleikar sem haldnir voru 7. júní
kl. 19 og voru hinir þriðju af fern-
um sem Bubbi Morthens hélt í til-
efni af því að 25 ár eru liðin frá því
því opinber tónlistarferill hans
hófst. Með honum komu fram Ey-
þór Gunnarsson, Guðmundur Pét-
ursson, Jakob Smári Magnússon,
Gunnlaugur Briem, Ásgeir Ósk-
arsson, Ellen Kristjánsdóttir og
Jakob Frímann Magnússon.
Bubbi Morthens
Morgunblaðið/Árni Torfason
Bubbi lék samfleytt í tvo tíma brot af sínum bestu lögum, auk
þess sem nokkur af nýju plötunum fengu að fljóta með.
Skarphéðinn Guðmundsson
LAGKAKAN er að mörgu
leyti vel gerð mynd, en það
verður seint sagt að hún sé
sérlega frumleg eða eftir-
minnileg. Leikstjóri hennar,
Matthew Vaughn, er fram-
leiðandi kvikmynda Guy
Ritchie sem og átti að leik-
stýra þessari. Þegar hann
gat það ekki tók framleið-
andinn leikstjórnina í sínar
hendur. Og vissulega minnir
myndin um margt á Lock,
Stock and Two Smoking
Barrels og Snatch.
Sögumaðurinn er jafn-
framt söguhetjan. Hann er
ungur og klár viðskiptamað-
ur, ákveðinn í að hagnast
fljótt og vel á eiturlyfjum og
láta sig síðan hverfa. Þegar
eiturlyfjabarón einn biður
hann um smá greiða flækjast
málin og vinur okkar skilur
að eiturlyfjaheimurinn er
flóknari og þyngri í vöfum
en hann óraði nokkurn tím-
ann fyrir.
Verst við þessa mynd er
að maður hefur á tilfinning-
unni að hafa séð þetta allt
áður. Það þýðir samt ekki að
manni þurfi að leiðast, en
það er lítið sem situr eftir.
Kvikmyndin er skemmti-
lega tekin, bæði á töffaðan
og oft húmorískan hátt, og
ofbeldið oftast „smart“.
Sögufléttan virðist æða úr
einu í annað og vera full-
flókin á stundum, en í lokin
reynist hún sannkölluð „lag-
kaka“, þar sem eitt bætist
ofan á annað, og kannski í
samræmi við upplifun að-
alsöguhetjunnar á örlögum
sínum. Hnyttin og írónísk
tilsvör eru áberandi svo og
heill hellingur furðulegra
persóna.
Aðalpersónan er því miður
frekar óskýr. Daniel Craig
er flinkur leikari, en ein-
hvern veginn finnst mér
þetta hlutverk ekki fara hon-
um neitt sérstaklega vel.
Alla vega tekst honum ekki
að gera mikið úr því. Að-
alsöguhetjan er flöt og næst-
um leiðilega fjarræn og lok-
uð.
Myndina prýða fínustu
leikarar, en mér finnst
Jamie Foreman og Sally
Hawkins einna skemmtileg-
ust í sínum hlutverkum sem
Duke og Slasher, hálf-
heimskulegir og „vúlgar“
glæpamenn, kannski af því
að persónur þeirra voru
einna frumlegastar.
Ben Whishaw var líka eft-
irtektarverður í litlu hlut-
verki sem Sidney, og ég
hlakka til að sjá meira af
honum.
KVIKMYNDIR
Regnboginn
Leikstjórn: Matthew Vaughn.
Handrit: J.J. Connolly. Kvik-
myndataka: Ben Davis.
Aðlhlutverk: Daniel Craig, Jamie
Foreman, Sally Hawkins, George
Harris, Colm Meaney, Kenneth
Cranham, Sienna Miller, Dragan
Micanovic og Michael Gambon.
105 mín. Bretland 2004.
Lagkakan (Layer Cake)
Hildur Loftsdóttir
Daniel Craig fer með aðal-
hlutverkið í Layer Cake.
Vel gerð en ófrumleg