Morgunblaðið - 12.10.2005, Blaðsíða 20

Í allar lúgur á höfuðborgarsvæðinu
FASTEIGNASALAN
GIMLI GRENSÁSVEGI 13, SÍMI 570 4800 - FAX 570 4810
Traust þjónusta í 20 ár
Árni Stefánsson, viðskiptafræðingur
og lögg. fasteignasali
Mikið endurnýjað og afar sjarmerandi járnklætt einbýlihús á þremur hæðum,
kjallari, hæð og ris, alls um 106 fm. Húsið skiptist í aðalhæð og ris, ásamt auka-
íbúð í kjallara með sérinngangi. Á aðalhæð er sofa og borðstofa, ásamt eldhúsi
og lítið herbergi. Í risi er tv-hol, baðherbergi með baðkari ásamt svefnherbergi.
Ris mikið undir súð. Sólpallur með skjólveggjum og heitum potti. Rafmagn og
skolplagnir yfirfarnar. Húsið er vel staðsett innst í götu. Sérlega góðir möguleik-
ar á stækkun hússins. Teikningar til af stækkun hússins. Verð 29,9 millj.
Verið velkomin í dag frá kl. 17.00-18.00.
Hákon sölumaður verður á staðnum báða dagana frá kl. 17.00-18.00.
OPIÐ HÚS Í DAG OG Á MORGUN
NÝLENDUGATA 5 - EINBÝLISHÚS - LAUST FLJÓTLEGA
www.gimli.is - ww.mbl.is/gimli
Stefán Jónsson, félagi í Kiw-ansklúbbnum Kaldbaki áAkureyri og fyrrverandi
formaður klúbbsins, var á lands-
þingi Kiwanishreyfingarinnar á
Íslandi nýlega sæmdur æðsta
heiðursmerki Kiwanishreyfing-
arinnar – Hixson-orðunni – fyrir
frumkvöðlastarf sitt í
hjólreiðahjálmaverkefni kiw-
anismanna, sem felst í því að þeir
færa öllum sjö ára börnum í
landinu hjólreiðahjálm að gjöf.
Stefán er frumkvöðull í þessu
hjálmaverkefni Kiwanishreyf-
ingarinnar á Íslandi. Í formanns-
tíð Stefáns árið 1990 hóf Kiw-
anisklúbburinn Kaldbakur
fyrstur kiwanisklúbba á Íslandi
að færa sjö ára börnum á Ak-
ureyri að gjöf hjólreiðahjálma og
það hefur klúbburinn síðan gert
óslitið í sextán ár. Verkefnið
vakti verðskuldaða athygli og úr
varð að Kiwanishreyfingin á Ís-
landi fór út í það árið 2004 að
gefa öllum sjö ára börnum á
landinu hjólreiðahjálma – um
4.500 talsins. Aftur var það gert
sl. vor og þegar hefur verið gerð-
ur styrktarsamningur við Eim-
skip um að félagið styrki Kiw-
anishreyfinguna næsta vor til að
gefa börnunum hjólreiðahjálma.
Sem fyrr segir er Hixson-
orðan æðsta viðurkenning Kiw-
anishreyfingarinnar í heiminum
og til þessa hafa aðeins örfáir
hlotið hana hér á landi.
Stefán Jónsson og kona hans, Kristín Gunnbjörnsdóttir.
Æðsta heiðursmerki Kiwanis
Frumkvöðull
Höfuðborgin | Akureyri | Suðurnes | Austurland | Landið
Minnstaður
Höfuðborgarsvæðið Brjánn Jónasson, brjann@mbl.is, sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri Margrét Þóra Þórsdóttir,
maggath@mbl.is og Kristján Kristjánson, krkr@mbl.is, sími 461-1600. Vesturland Ásdís
Haraldsdóttir, asdish@mbl.is, sími 898-5258. Austurland Steinunn Ásmundsdóttir, aust-
urland@mbl.is, sími 669-1115. Árborgarsvæðið og Landið Helgi Bjarnason, helgi@mbl.is,
sími 569-1310 og 669-1310 og Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Smalahundar | Árleg Landskeppni Smala-
hundafélags Íslands verður haldin á Eyr-
arlandi í Fljótsdal í lok mánaðarins, dagana
29. og 30. október. Austurlandsdeild Smala-
hundafélagsins hefur umsjón með keppn-
ishaldi. Dómari í keppninni kemur að þessu
sinni frá Wales. Hann heitir Colin Gordon og
er sauðfjárbóndi en vel þekktur af störfum
sínum sem dómari í fjárhundakeppnum og
einnig fyrir ræktun fjárhunda. Fyrirhugað
er að hann útskýri dómana jafnóðum á töflu
til þess að keppendum og áhorfendum gefist
kostur á að fá meiri innsýn í dómarastarfið.
Á vef bændasamtaka Íslands segir að
þátttakendum í fjárhundakeppnum hér á
landi hafi fjölgað verulega síðustu árin og sé
það fagnaðarefni. „Markmiðið með tamn-
ingu hunds er að sjálfsögðu að þjálfa upp
góðan fjárhund og því betur sem hundurinn
er taminn því betri fjárhundur. Fjár-
hundakeppni er besta mælistikan á hversu
vel hundurinn er taminn en er jafnframt
skemmtileg afþreying fyrir smalaleiða
bændur að hausti.“
Til Grímseyjar á nýjugóðu flugbrautinakom Fokkerinn
ekki einu sinni heldur
tvisvar nánast á sama
klukkutímanum. Allt í allt
um 100 ferðamenn sem
áttu sér þá ósk heitasta að
stíga yfir heimskautsbaug-
inn og skála í kampavíni!
Þetta voru sölumenn BF
Goodrich-dekkja hjá ýms-
um fyrirtækjum, stórum og
smáum, vítt og breitt. Mik-
ið útivistarfólk, í 27 jeppa ferð um landið.
Þetta var nokkurs konar verðlaunaferð.
Það var Kvenfélagið Baugur sem hafði
vel og vanda af móttöku hópsins. Kon-
urnar buðu upp á hlaðborð með úrvals
fiskréttum, lambi og öllu góðu. Milli-
göngumaður hópsins, Katrín Ólöf hjá
Ævintýrasmiðju Eskimós, sagði að það
myndi ekki spilla fyrir gleði ferðalang-
anna þó að veður væri vont. Það yrði bara
eins og aukakrydd í ferðinni. En Grímsey
skartaði sínu fegursta þennan morgun,
þegar sölumennirnir heimsóttu útvörðinn
í norðri. Svo fallegur var dagurinn að
heimafólk talaði um besta dag haustsins.
Þannig að BF Goodrich-hópurinn fékk
allar sínar óskir uppfylltar hér – nema
vonda veðrið.
Morgunblaðið/Helga Mattína
100 dekkjasölumenn
Davíð Hjálmar Har-aldsson á Akureyri
yrkir af þekktu tilefni:
Óréttlætið einatt sýnist vaxa
– eða mun það geta tíðkast víða
að mega ekki á máli Engilsaxa
mannorðið af landa sínum níða?
Og bætir við:
Sækir að mér sorg og vafi,
sök má kenna nýrri lensku.
Ætli Styrmir hjálpað hafi
Hannesi með þessa ensku?
Einar Kolbeinsson
hvetur til varfærni:
Hávær óma hefndar köll,
hér á þessum dögum.
Síðan lifum saman öll,
samkvæmt breskum lögum.
En hann sér samt nýja
möguleika:
Ef ég gruna um misgjörð mann,
sá mun á hálu svelli,
því Kínastjórn til hefndar hann,
hengja læt í hvelli.
Og Einar veltir upp
þeirri spurningu hvar við
stöndum:
Augljóst teljast mun að mjög,
mörgu þarf að huga,
ef að gömul íslensk lög,
engan veginn duga.
Af réttarfari
pebl@mbl.is
Vatnsdalur | Haförn sást við bæinn
Haukagil í Vatnsdal seinni partinn í dag.
Örninn virðist vera mánuði fyrr á ferðinni í
Vatnsdalnum á þessu hausti því í byrjun
nóvember í fyrra hélt haförn sig við sama
bæ í þó nokkurn tíma.
Afar óvenjulegt er að haförn sjáist í
byggð í Austur-Húnavatnssýslu en er nú
að verða árlegur gestur en það kemur fyrir
að bændur verði varir við þennan fugl á
heiðum uppi. Haukagilsörninn nærðist á
hræi af kind í fyrra sem hann fann skammt
fyrir sunnan bæinn en núna er ekki slíku til
að dreifa.
Egill bóndi Herbertsson á Haukagili sá
örninn núna aðeins sunnar á landareign-
inni en í fyrra. Húsráðendur eru ánægðir
yfir endurkomu arnarins en ekki liggur
fyrir skoðun hrafnanna á máli þessu en ef
miðað er við fyrri reynslu þá er líklegt að
hrifningin sé lítil.
Haförn
sést aftur í
Vatnsdal
Tröllaskagi | Vegagerðin hefur auglýst
forval vegna svokallaðra Héðinsfjarðar-
ganga milli Siglufjarðar og Ólafsfjarðar
ásamt byggingu tilheyrandi forskála og
vega. Um er að ræða tvenn jarðgöng, 3,7
km löng göng milli Siglufjarðar og Héðins-
fjarðar og 6,9 km löng göng milli Héðins-
fjarðar og Ólafsfjarðar ásamt byggingu um
430 metra langra steinsteyptra vegskála
og gerð um 3,3 km langra vega.
Samkvæmt auglýsingunni skal skila for-
valsgögnum til Vegagerðarinnar fyrir 13.
desember. Forvalið er auglýst á Evrópska
efnahagssvæðinu.
Forval vegna
Héðinsfjarð-
arganga
♦♦♦
Rjúpnaveiðitími | Nú er rjúpnaveiði-
tímabilið að hefjast, en heimilt er að hefja
veiðar laugardaginn 15. október eftir tveggja
ára bann við rjúpnaveiðum. Talsvert hefur
sést af rjúpu á Norðurlandi í sumar og haust
og eru menn almennt sammála um að nú sé
mun meira af rjúpu hér en áður en veiðar
voru bannaðar fyrir tveimur árum segir í
frétt á vefnum dagur.net. Talið er að stærð
rjúpnastofnsins hafi rúmlega þrefaldast á
þessum tíma og veiðiþol hans því aukist
verulega. Ný reglugerð umhverfisráðherra
um fyrirkomulag rjúpnaveiða felur meðal
annars í sér sölubann á rjúpu og verulega
styttingu veiðitímabilsins. Það verður nú frá
15. október til 30. nóvember, en áður voru
veiðar leyfðar til 22. desember. Stefnt er að
því að rjúpnaveiði á landinu í haust verði
ekki meiri en um 70.000 fuglar sem er í sam-
ræmi við ráðgjöf Náttúrufræðistofnunar Ís-
lands á veiðiþoli stofnsins. Til stuðnings
þessum aðgerðum verður ráðist í sérstakt
hvatningarátak til veiðimanna um hóflegar
veiðar og menn veiði ekki meira af rjúpu en
þeir þurfa fyrir sig og sína. Einnig er ítrekað
bann við notkun vélsleða, fjórhjóla og ann-
arra torfærutækja við rjúpnaveiðar.
  
Úr
bæjarlífinu
HÉÐAN OG ÞAÐAN
Morgunblaðið/Sverrir
Akureyri | Fyrsta sérhæfða fyrirtækja-
miðlunin utan höfuðborgarsvæðisins hef-
ur tekið til starfa á Akureyri, Factum,
en að henni standa Anna Guðný Júl-
íusdóttir héraðsdómslögmaður og lög-
giltur fasteigna- og fyrirtækjasali og
Halldór Ragnar Gíslason sjávarútvegs-
fræðingur. Heimamarkaðurinn er allt
Norðurland en allt landið er vitanlega
undir enda flytjast fyrirtæki á milli
landshluta og landa sem aldrei fyrr.
Factum mun veita fyrirtækjum jafnt
sem einstaklingum þjónustu við kaup og
sölu fyrirtækja.
Fyrirtækja-
miðlun
♦♦♦
Innih ldið skiptir máli