Morgunblaðið - 23.11.2005, Blaðsíða 8

8 MIÐVIKUDAGUR 23. NÓVEMBER 2005 MORGUNBLAÐIÐ
FRÉTTIR
Færsla Hringbraut-arinnar er án efaein af umdeildari
framkvæmdum síðari tíma
á höfuðborgarsvæðinu. Lá
hugmyndin undir gagn-
rýni Samtaka um betri
byggð frá upphafi og ligg-
ur enn undir gagnrýni, nú
þegar reynsla er komin á
akstur á henni. Þá hafa
gangandi og hjólandi veg-
farendur kvartað ítrekað
yfir seinagangi við það sem
kallað er „frágangur“, en
er í raun lagning göngu- og
hjólreiðaleiða.
Í skýrslu Línuhönnunar hf. um
færslu Hringbrautar kemur fram
að kostnaður við framkvæmdina
verði um 1.240 milljónir króna, en
hún muni spara sem nemur 100
milljónum í slysakostnað á ári. Það
virðist því ekki neinum blöðum um
það að fletta að aðgerðin er hag-
kvæm hvað varðar umferðarör-
yggi. Gagnrýnisraddir hafa þó ver-
ið uppi um áhrif þessarar sex
akreina hraðbrautar á þróun
byggðar í Vatnsmýrinni þegar
Reykjavíkurflugvöllur víkur það-
an, enda gerir hávaði af umferð og
landhelgunarsvæði umferðar-
mannvirkjanna um 11 hektara
lands ónýtanlega og verðlausa, að
mati Samtaka um betri byggð.
En hverjar eru upphaflegar for-
sendur færslu Hringbrautar?
Samkvæmt skýrslu Línuhönnunar
var megintilgangur færslunnar að
sameina Landspítalalóðina og
færa meginstrauma umferðar frá
Landspítala – háskólasjúkrahúsi
(LSH), sem ákveðið hafði verið að
sameina á svæðinu við Hring-
brautina frekar en í Fossvogi.
Færsla Hringbrautar átti þannig
að leysa úr brýnni þörf á bættu að-
gengi að LSH og gera kleift að
byggja upp lóð LSH beggja vegna
eldri Hringbrautar, sem mun
liggja áfram gegnum svæðið.
Fullyrt hefur verið að sameining
LSH við Hringbraut styrki mið-
borgina, en ólíkar raddir eru einn-
ig uppi um það og segja gagnrýn-
endur fólk sjaldan gera sér ferð
niður í miðborg þegar það liggur á
spítala. Ennfremur vinni heil-
brigðisstarfsfólk þannig vaktir að
það „skjótist“ ekki á kaffihús,
hvorki á vinnutíma né þegar hon-
um lýkur. Þannig benda gagnrýn-
endur á að í fæstum erlendum
borgum séu stór sjúkrahús svona
nálægt miðborginni.
Bætt aðkoma að háskólasvæð-
inu frá Njarðargötu er einnig for-
senda frekari uppbyggingar þar,
skv. skýrslu Línuhönnunar, og
verða gönguleiðir og öryggi gang-
andi og akandi vegfarenda stór-
bætt. Með minni umferð á eldri
Hringbraut muni mengun og há-
vaði frá umferð minnka.
Byggist á gömlum samningi
Meðal þeirra sem hafa lýst yfir
efasemdum um að færsla Hring-
brautar hafi verið skynsamlega út-
færð er Árni Þór Sigurðsson,
borgarfulltrúi R-listans, en hann
sagðist í viðtali við Stöð 2 fyrr í
þessum mánuði ekki hafa gert sér
grein fyrir því hversu mikið pláss
nýja Hringbrautin myndi taka. Þá
sé hönnun gatnamóta við Snorra-
braut gölluð á margan hátt.
Borgarfulltrúar hafa bent á að
færsla Hringbrautar hafi verið
hluti af gömlum samningi milli rík-
is og borgar sem erfitt hefði verið
að komast undan. Óneitanlega
vakna spurningar um hvort ára-
tugagamlir samningar geti verið í
gildi þegar nýjar hugmyndir koma
fram um skipulag.
Dagur B. Eggertsson, borgar-
fulltrúi og formaður skipulagsráðs
Reykjavíkurborgar, segir að þótt
vissulega megi líta til einhverra
vankanta á útfærslu færslunnar
hafi hún verið mjög skynsamleg til
þess að LSH gæti byggst upp á
einni og óskiptri lóð. „Það byggði á
viðauka við samning sem að stofni
til var frá 1969 og gerður 1976. Á
grundvelli hans var gerður nýr
samningur 1998 í tilefni af bygg-
ingu barnaspítala,“ segir Dagur.
Spurður um hagkvæmni staðsetn-
ingar LSH við Hringbraut frekar
en í Fossvogi segir Dagur það hafa
verið til skoðunar lengi og gerðar
mjög ítarlegar úttektir á því máli
sem leiddu til þessarar niðurstöðu.
„Þar horfðu menn í fyrsta lagi til
þess hvort landrýmið væri nægt.
Það var sannarlega svo, en til þess
þurfti færslu Hringbrautar. Hins
vegar horfðu menn til sóknarfær-
anna sem liggja í návíginu við há-
skólaumhverfið og meðal þeirra
sem voru í nefnd um staðarval var
rektor HÍ. Borgaryfirvöld hafa
alltaf haft þá stefnu að leiðarljósi
að LSH byggist upp á einum stað
og því greitt götu ríkisstjórnarinn-
ar, sem hefur einnig þá stefnu.
Þannig geti spítali verið miklu
meira en einangraður heimur að-
skilinn frá samfélaginu og orðið
hvati að nýsköpun og öflugra at-
vinnulífi með hálaunastörfum.“
Hvað varðar neikvæð áhrif sex
akreina Hringbrautar á uppbygg-
ingu íbúðarbyggðar í Vatnsmýri
segir Dagur mikilvægt að horfa til
tilkomu Hlíðafótar og Öskjuhlíðar-
ganga, en þegar þessi tvö umferð-
armannvirki verði komin í gagnið
verði mögulegt að mjókka Hring-
brautina aftur í tvær akreinar í
báðar áttir og bæta þannig stöð-
una gagnvart landnýtingu umtals-
vert.
Fréttaskýring | Færsla Hringbrautar
byggist á heildarmynd LSH
Öflug tengsl
LSH við HÍ
Sameinaður Landspítali styrki
nýsköpun og öflugra atvinnulíf
Umferð gengur greitt á nýju Hringbrautinni.
Samtök um betri byggð:
Dýrt land fer til spillis

Samtök um betri byggð hafa
lýst því yfir að verðmæti þess
lands sem verður óbyggilegt
vegna helgunarsvæðis Hring-
brautar sé nálægt 10 milljörðum
króna. Spyrja þeir því hvort
ódýrara hefði verið að flytja LSH
í Fossvog, þrátt fyrir að sjálf
framkvæmdin hefði verið ein-
hverjum milljörðum dýrari. Dag-
ur B. Eggertsson bendir á mik-
ilvægi tengsla LSH við HÍ.
Eftir Svavar Knút Kristinsson
svavar@mbl.is
M E
T S
Ö L
Pen
nan
s/E
9.
-1
5.
nó
Sæ
ti
Me
tsö
lul
isti
Mb
l.3
1.
10
.-1
4 11.
Æ v i s ö g
ur
HEILLANDI ÆVISAGA
B Ó K A F O R L A G
B R Æ Ð R A B O R G A R S T Í G 9 , S Í M I 4 1 4 1 4 5 0
w w w . v e r o l d . i s • v e r o l d @ v e r o l d . i s
Auður Eir og Edda Andrésdóttir
„Skyldulesning.“ —Hemmi Gunn, Íslandi í bítið.
„...lífleg og fróðleg frásögn ... ætti að bæta margan manninn.“
—Sigríður Albertsdóttir, DV
p
1. p
ren
tun
up
seld
2. p
ren
tun
væ
nta
nle
g
STARFSSTÖÐ fyrir eftirfylgni geðsjúkra var tekin
formlega í notkun í gær af Jóni Kristjánssyni, heil-
brigðis- og tryggingamálaráðherra. Er starfsstöðin
starfrækt á vegum Heilsugæslunnar og Hugarafls. Auð-
ur Axelsdóttir iðjuþjálfi er í forsvari fyrir starfsstöðina
og segir hún þjónustu hennar vera eftirfylgni út í sam-
félagið fyrir fólk með geðraskanir og sé hún sett upp
með þessum hætti svo fólk með geðræn vandamál eigi
auðveldara með að leita þjónustu í sínu nærumhverfi og
það fái jafnfram stuðning út í samfélaginu við að ná
valdi á þeim hlutverkum sem einstaklingar takast á við,
hvort sem er í vinnu, skóla eða inni á heimilinu.
Segir Auður verkefnið hafa verið tilraunaverkefni síð-
ustu tvö árin sem nú hafi verið fest í sessi með eigin
starfsstöð en árangursmat á vordögum leiddi í ljós að
starfið skilaði góðum árangri. Auk Auðar hafa tekið til
starfa annar iðjuþjálfi og einn sálfræðingur við starfs-
stöðina. Segir Auður að starfsemin felist í eftirfylgni
sem byggir á þjálfun, fræðslu og ráðgjöf og fer hún
gjarnan fram á heimili einstaklinganna þannig að ein-
staklingurinn nái að viðhalda bata sínum og geti tekist á
við daglegt líf og eins byggi starfið á því að byggja upp
tengslanet þar sem aðstandendur og vinir eru virkjaðir
og skilgreint er hver sinni hvaða hlutverki í tengslanet-
inu. Þá fari starfsemin einnig fram í hópastarfi með að-
standendum og Hugarafli, og viðtölum inni á starfsstöð-
inni.
Reynt að minnka þörf á sjúkrahúsinnlögnum
Verkefnið hefur Auður byggt upp á notendarann-
sóknum, hugmyndafræði iðjuþjálfa og valdeflingar þar
sem farið er eftir því sem aðstandendur og notendur
segja að virki í bataferli. Markmið verkefnisins er að
efla möguleika á eftirfylgni utan stofnana gagnvart fólki
með geðraskanir og aðstandenda þeirra. Miðað er að því
að hægt sé að grípa inn í ferli sem gjarnan leiði af sér
óvirkni og færnisskerðingar og að efla með því fyr-
irbyggjandi þátt sem minnkar þörf á sjúkrahús-
innlögnum. Unnið er að því að efla virkni og þátttöku
einstaklingsins í samfélaginu og að efla og viðhalda
færni þannig að hann geti sinnt hlutverkum sem vilji,
geta og þörf krefur. Þá er markmiðið að fyrirbyggja fé-
lagslega einangrun. Starfsstöðin er til húsa að Bolholti 4
í Reykjavík.
Morgunblaðið/Ásdís
Guðmundur Einarsson, forstjóri Heilsugæslunnar, og Jón Kristjánsson ráðherra ásamt starfsmönnum starfsstöðv-
arinnar, þeim Auði Axelsdóttur iðjuþjálfa, Ásu Guðmundsdóttur sálfræðingi og Þórhildi Sveinsdóttur iðjuþjálfa.
Þjónusta sem stuðlar
að bata geðsjúkra