Morgunblaðið - 23.11.2005, Page 15

MORGUNBLAÐIÐ MIÐVIKUDAGUR 23. NÓVEMBER 2005 15
ERLENT
London. AFP. | George W. Bush
Bandaríkjaforseti hafði uppi áform
um sprengjuárás á arabísku sjón-
varpsstöðina al-Jazeera en Tony
Blair, forsætisráðherra Bretlands,
taldi honum hughvarf.
Breska dagblaðið Daily Mirror
greindi frá þessu í gær og kvað þess-
ar upplýsingar koma fram á leyni-
legu minnisblaði breska forsætis-
ráðuneytisins.
Minnisblaðið er að sögn Daily
Mirror fimm blaðsíður og er þar rak-
ið samtal þeirra Bush og Blair á
fundi í Hvíta húsinu 16. apríl í fyrra.
Þá áttu bandarískir hermenn í erf-
iðum bardögum við uppreisnarmenn
í borginni Fallujah í Írak. Al-Jazeera
birti áhrifamiklar sjónvarpsmyndir
af föllnum og særðum óbreyttum
borgurum og hermönnum.
Ónefndir heimildarmenn blaðsins
segja fram koma í minnisblaðinu að
Bush hafi viljað gera loftárás á höf-
uðstöðvar sjónvarpsstöðvarinnar í
Doha, höfuðborg Flóaríkisins Katar.
Bandaríkjamenn hafa oftlega for-
dæmt fréttaflutning al-Jazeera á
undanliðnum árum. Stöðin hefur
m.a. birt ávörp og áköll hryðjuverka-
leiðtogans Osama bin Ladens, sýnt
myndir af því þegar vestrænir gíslar
í Írak eru teknir af lífi og hvergi
dregið af sér í fréttaflutningi af
hryllingi átakanna þar í landi.
Grín eða fullkomin alvara?
Minnisblaðið komst í hendur
Tonys Clarkes, sem þá var þingmað-
ur fyrir Verkamannaflokkinn. Í því
kemur fram, að sögn Daily Mirror,
að Blair var andvígur áformum for-
setans og varaði við afleiðingum
þeirra.
Einn heimildarmanna blaðsins
segir að Bush hafi verið að grínast
þegar hann lét þessi orð falla. Annar
viðmælandi Daily Mirror segir það
ekki rétt vera; þeim Blair og Bush
hafi verið fullkomin alvara er þeir
ræddu málið og hugsanlegar afleið-
ingar þess. Höfuðstöðvar al-Jazeera
eru í viðskiptahverfi Doha.
Segja Bush
hafa viljað
ráðast gegn
al-Jazeera
SAM, sem var valinn „ljótasti hund-
ur heims“ þrjú ár í röð, drapst á
heimili sínu í Kaliforníu á dögun-
um, á fimmtánda aldursári.
Sam varð þekktur í Bandaríkj-
unum þegar hann fór með sigur af
hólmi í ljótleikasamkeppni dýra í
Kaliforníu árið 2003. Hann endur-
tók sigurinn tvisvar og frægð hans
barst víða um heim. Sam kom til að
mynda fram í sjónvarpi í Japan, í
útvarpi á Nýja-Sjálandi, breska
dagblaðinu Daily Mirror, gisti á
lúxushótelum og hitti auðkýfinginn
Donald Trump í bandarískum sjón-
varpsspjallþætti, að sögn fréttastof-
unnar AP.
AP
Ljótasti
hundur
heims allur
Nairóbí. AFP. | Tillögu um nýja stjórn-
arskrá Afríkuríkisins Kenýa var
hafnað í þjóðaratkvæðagreiðslu, sem
fram fór á mánudag. Niðurstaðan
þykir mikið áfall fyrir Mwai Kibaki
forseta.
Samkvæmt tölum, sem birtar voru
síðdegis í gær þegar einungis voru
ótalin atkvæði í fjórum kjördæmum
af 210, höfðu 57% þátttakenda hafn-
að stjórnarskránni en 43% kjósenda
lýst sig fylgjandi henni. Kibaki for-
seti viðurkenndi ósigur og sagði að
vilji þjóðarinnar yrði virtur.
Forsetinn fór sjálfur fyrir fylk-
ingu þeirra, sem vildu að stjórnlög-
um landsins yrði breytt.
Kibaki var kjörinn forseti árið
2001 og boðaði þá margvíslegar um-
bætur í landinu meðal annars á sviði
stjórnlaga.
Stjórnarandstaðan styrkir
stöðu sína verulega
Andstæðingar forsetans vændu
hann um að hafa svikið gefin loforð
og sögðu stjórnarskrána nýju fallna
til þess að auka enn völd forsetans.
Þá höfðu kristnir kirkjuleiðtogar af
því áhyggjur að í ráði væri að
tryggja íslömskum dómstólum
ákveðna stöðu innan réttarkerfisins
auk þess sem einhverjir þeirra túlk-
uðu stjórnarskrárdrögin á þann veg
að opnað væri fyrir möguleika á
hjónaböndum samkynhneigðra.
Sérfróðir sögðu
að niðurstaðan
væri áfall fyrir
Kibaki en næstu
forsetakosningar
fara fram í Kenýa
árið 2007. Þykir
sýnt að stjórnar-
andstaðan hafi
styrkt stöðu sína
verulega með úr-
slitum þjóðaratkvæðagreiðslunnar.
Þá þykir og greinilegt að ætt-
bálkahollusta hafi ráðið miklu um úr-
slitin. Kikuyu-ættbálkur forsetans
virðist almennt og yfirleitt hafa verið
hlynntur stjórnarskránni en
Lou-ættbálkurinn henni andvígur.
Þetta eru tveir stærstu ættbálkar
Kenýa en Raila Odinga, sem raunar
er áhrifamikill ráðherra í stjórn Ki-
bakis, tilheyrir þeim síðarnefnda.
Odinga gekk uphaflega til liðs við Ki-
baki gegn loforði um að stjórnlögum
landsins yrði breytt á þann veg að
komið yrði á fót embætti valdamikils
forsætisráðherra. Samkomulagið
kvað á um að Odinga yrði skipaður
forsætisráðherra. Þetta loforð kvað
hann forsetann hafa svikið og snerist
því gegn honum.
Í stjórnarskránni var raunar gert
ráð fyrir embætti forsætisráðherra
en völd viðkomandi voru ekki í sam-
ræmi við fyrri áform forsetans og
fyrirheit.
Nýrri stjórnarskrá hafnað í Kenýa
Raila Odinga
♦♦♦