Morgunblaðið - 23.11.2005, Blaðsíða 32

32 MIÐVIKUDAGUR 23. NÓVEMBER 2005 MORGUNBLAÐIÐ
MINNINGAR
Mig langar að segja
nokkur orð um
tengdamóður mína,
hana Magnþóru. Síðsumar árið 1996
kynntist ég konu minni og við felldum
hugi saman. Magnþóra og Arna voru
þá búnar að búa saman alveg frá því
að maður Magnþóru, Guðjón Helga-
son, féll frá. Þegar ég kem inn í líf
þeirra þá bjuggu þær á Reynimel 90 í
Vesturbænum. Ekki langt frá mínum
æskustöðvum.
Magnþóra var mögnuð kona, hefur
hjálpað mörgum með ýmsa kvilla frá
því að vera slæmur í bakinu, með
gyllinæð eða hvað sem var. Ég er
henni ævinlega þakklátur því að það
var hún sem tók eftir því að annar
fóturinn á mér var styttri en hinn og
MAGNÞÓRA G.
MAGNÚSDÓTTIR
✝ Magnþóra GróaMagnúsdóttir
fæddist í Vestur-
Landeyjum í Rang-
árvallasýslu 17. júlí
1921. Hún lést á
Landakotsspítala
11. nóvember síðast-
liðinn og var útför
hennar gerð frá Bú-
staðakirkju 22. nóv-
ember.
ráðlagði mér að fara til
Össurar í skógreiningu
og fá mér innlegg í
skóna.
Góðmennsku Magn-
þóru naut við hvar sem
var. Eitt dæmið var
það að gömul kona sem
bundin er við hjólastól
bjó á neðstu hæðinni á
Reynimel 90 og setti
Magnþóra alltaf Morg-
unblaðið í plastpoka og
hengdi pokann á hún-
inn hjá henni.
Magnþóra var mikill
mannþekkjari. Ég bjó með konu
minni og tengdamóður til haustsins
2000 þegar boð kom frá Félagsþjón-
ustu aldraðra í Reykjavík að tengda-
móðir mín fengi inni íbúð á Furugerði
1 hér í bæ. Ég og konan mín tókum
því frekar illa og hágrétum þegar hún
fór frá okkur af Reynimelnum.
Tengdamóðir mín var rosalega
pólitísk og það skemmtilegasta af öllu
var að sitja með henni og horfa á eld-
húsdagsumræður í sjónvarpinu með
henni.
Við hjónin eignuðumst chihuahua
hund sem heitir Snorri sumarið 2003.
Tengdamóðir mín dýrkaði hann, og
það var alveg sama hvað hann gerði
svo sem að pissa á vitlausum stöðum
eða bíta mann til blóðs þá gerði hún
gott úr því líka. Það sem Snorri er
orðinn í dag, ósköp ljúfur og góður
hundur, er tengdamóður minni að
þakka, hún hjálpaði okkur með upp-
eldið.
Elsku tengdamóðir mín, ég vil
þakka þér fyrir allar stundirnar sem
við áttum saman. Ég sakna þín sárt
en veit að þú verður alltaf hjá okkur
hér á Reynimelnum, og ég er tekinn
við af þér að vernda hana Örnu þína.
Þinn tengdasonur
Sigurður Jónsson.
Í dag er kvödd mikil öðlingskona,
Magnþóra G. Magnúsdóttir. Hún
var fædd og uppalin í Vestur-Land-
eyjum í Rangárvallasýslu. Foreldrar
hennar voru bændur, Þóra Þor-
steinsdóttir og Magnús Bjarnason,
er bjuggu í Álfhólahjáleigu.
Nóttina sem Magnþóra fæddist
lést faðir hennar Magnús úr lungna-
bólgu. Það hefur ekki verið auðvelt.
Hún var sjötta barn þeirra hjóna.
Magnþóru var komið fyrir til
skammrar dvalar að Arnarhóli hjá
Katrínu og Jóhanni er þar bjuggu,
ásamt fullorðinni dóttur þeirra Sig-
ríði. Sú dvöl varð þó lengri, því að
þar var Magnþóra alin upp við gott
atlæti og varð mikill gleðigjafi á því
heimili. Hafði hún alla tíð gott sam-
band við móður sína og systkini. Á
Arnarhóli var tvíbýli. Síðar giftist
Þóra, móðir Magnþóru, bóndasynin-
um í austurbænum á Arnarhóli, Þor-
geiri Tómassyni. Svo það var ekki
langt á milli þeirra.
Ég kynntist Magnþóru á Arnar-
hóli, en þar var ég í sveit í átta sum-
ur. Man ég ekki eftir að við Magn-
þóra rifumst nokkurn tíma, en
Magnþóra var vel skapi farin og yf-
irveguð. Leið mér þar mjög vel, ann-
ars hefði ég ekki farið þangað sumar
eftir sumar. Vildi ekki hafa misst af
þeim kafla í lífi mínu.
Árið 1945 giftist Magnþóra Guð-
jóni Helgasyni, samsveitunga sínum.
Var hann glaðlyndur maður og mjög
handlaginn. Eignuðust þau eina
dóttur í Landeyjunum sem lést í
fæðingu. Magnþóra og Guðjón fluttu
til Reykjavíkur og bjuggu þar,
lengst af í Háagerði 13, húsi sem þau
byggðu. Var Guðjón lengi verkstjóri
í Sænska frystihúsinu, sem staðsett
var þar sem nú er Seðlabankinn.
Eignuðust þau hjónin hér í Reykja-
vík fimm myndarleg börn, þrjár
dætur og tvo syni. Eiga þau hér
marga afkomendur, dugnaðarfólk.
Magnþóra átti svo sannarlega eft-
ir að launa Jóhanni og Sigríði fóstrið,
því að hún tók þau bæði inn á sitt
heimili þegar þau voru orðin fullorð-
in og lasburða. Veitti hún þeim góða
aðhlynningu þegar þau þurftu á því
að halda.
Katrín var þá látin, lést árið 1942.
Það var mikið áfall fyrir fjölskyld-
una í Háagerði þegar Guðjón, heim-
ilisfaðirinn, varð bráðkvaddur á leið
til vinnu í febrúar árið 1981.
Arna, yngsta dóttirin var þá sex-
tán ára. Magnþóra bar harm sinn í
hljóði.
Seldi Magnþóra hús þeirra í Háa-
gerði fljótlega eftir lát Guðjóns.
Arna og Magnþóra bjuggu lengi
saman, síðast á Reynimel. Nú er
Arna gift.
Magnþóra flutti í Furugerði 1, bjó
þar síðustu árin og leið þar vel.
Magnþóra var sérstaklega vel
gerð kona. Hún vildi alltaf hjálpa þar
sem eitthvað bjátaði á. Ef einhver
sem hún þekkti til var veikur og fékk
ekki fljótan bata bað hún fyrir þeim
eða leitaði til annarra sem hún taldi
sér færari í þeim efnum. Hún var
mjög vinföst og trygg og hafði gott
minni til hinstu stundar. Trúi ég að
hún sé þegar búin að hitta Guðjón og
aðra ástvini hinum megin. Ef
Himnaríki er til er Magnþóra komin
þangað. Ég sendi ástvinum Magn-
þóru einlægar samúðarkveðjur.
Sem kona hún lifði í trú og tryggð
það tregandi sorg skal gjalda
við ævinnar lok ber ást og dyggð
sinn ávöxtinn þúsundfalda,
og ljós þeirra skín í hjartans hryggð
svo hátt yfir myrkrið kalda.
(E. B.)
Sigríður Guðbrandsdóttir.
Elskulegur bróðir minn, mágur og frændi,
JÓN AGNAR FRIÐRIKSSON,
elli- og hjúkrunarheimilinu Grund,
áður til heimilis
á Hólatorgi 6,
andaðist á elli- og hjúkrunarheimilinu Grund þriðju-
daginn 15. nóvember.
Sungin verður sálumessa fyrir hann í Kristkirkju
Landakoti fimmtudaginn 24. nóvember klukkan 15.00.
Blóm og kransar eru afþakkaðir, en þeim, sem vilja minnast hans, er bent
á Minningarsjóð Kristkirkju Landakoti (sími 552 5388)
Gunnar J. Friðriksson, Elín Kaaber
og systkinabörn.
Okkar kæri bróðir,
GUÐMUNDUR GUÐMUNDSSON
húsasmiður,
Hraunbæ 176,
Reykjavík,
sem lést þriðjudaginn 15. nóvember, verður jarð-
sunginn frá Árbæjarkirkju föstudaginn 25. nóv-
ember kl. 13.00.
Systkini hins látna.
Elskulegur eiginmaður minn, bróðir okkar, faðir,
tengdafaðir, afi og langafi,
BJÖRN KJARTANSSON
verktaki,
Fitjakoti, Kjalarnesi,
verður jarðsunginn frá Grafarvogskirkju fimmtu-
daginn 24. nóvember kl. 13.00.
Blóm og kransar eru vinsamlegast afþakkaðir en
þeim, sem vilja minnast hins látna, er bent á Styrktarfélag krabbameins-
sjúkra barna.
Svala Árnadóttir,
Hallgrímur Þór Björnsson, Herdís Tómasdóttir,
Hreiðar Ingi Hallgrímsson, Halldór Örn Hallgrímsson,
Ólafur Hannesson, Halldóra Árnadóttir,
Unnur Margrét Arnardóttir, Bjarki Snær Ólafsson,
Kristinn Hannesson, Dagný S. Finnsdóttir,
Finnur Ingvi Kristinsson, Sigríður María Róbertsdóttir,
Guðný Kristinsdóttir, Guðmundur Eggertsson,
Kristinn Dagur Guðmundsson
og aðrir aðstandendur.
Elskuleg eiginkona mín,
VALGERÐUR MARTEINSDÓTTIR,
Gullengi 21,
verður jarðsungin frá Laugarneskirkju föstu-
daginn 25. nóvember kl. 13.00.
Guðrún Elísabet Jónsdóttir.
Alúðarþakkir til allra þeirra sem sýndu okkur
hlýhug og vináttu við andlát og útför elskulegs
sambýlismanns og bróður,
ÞÓRHALLS ÁGÚSTAR ÞORLÁKSSONAR
leigubílstjóra
frá Skógum í Öxarfirði.
Steinunn Indriðadóttir
og systkini hins látna.
Elskulegur eiginmaður minn, faðir okkar, tengda-
faðir, afi og langafi,
ÍVAR MAGNÚSSON
fyrrverandi verkstjóri,
Lyngbraut 9,
Garði,
verður jarðsunginn frá Keflavíkurkirkju föstudag-
inn 25. nóvember kl. 14.00.
Jarðsett verður í Útskálakirkjugarði.
Ursula Magnússon,
Friðrik Örn Ívarsson, Anna Dóra Garðarsdóttir,
Guðjón Tyrfingur Ívarsson, Erla Elísdóttir,
Magnea María Ívarsdóttir, Jón Rósmann Ólafsson,
Óskar Ívarsson,
barnabörn og barnabarnabörn.
Innilegar þakkir til allra, sem sýndu okkur hlýhug
við andlát og útför elskulegs eiginmanns míns,
föður okkar, tengdaföður, afa og langafa,
ÞÓRÐAR ÓSKARSSONAR
fv. útgerðarmanns á Akranesi,
Urðarási 8,
Garðabæ.
Halldóra Björnsdóttir,
Halldóra R. Þórðardóttir,
Björn Þórðarson,
Óskar Þórðarson, Rósa Jónsdóttir,
Þórður Þórðarson,
Guðbjörg Þórðardóttir, Arnar Sigurðsson,
barnabörn og barnabarnabörn.
Ástkær eiginmaður minn, faðir okkar, tengdafaðir
og afi,
SIGURÐUR JÓHANN HENDRIKSSON,
lést af slysförum sunnudaginn 20. nóvember sl.
Útför verður gerð frá Grafarvogskirkju mánu-
daginn 28. nóvember kl. 13.00.
Fyrir hönd aðstandenda,
Hjördís Björg Kristinsdóttir,
Rebekka María Sigurðardóttir, Valdimar Karl Guðmundsson,
Jóhann Ágúst Sigurðarson, Þórunn Ragnarsdóttir
og barnabörn.
Ástkær eiginkona mín, móðir okkar, tengdamóðir,
amma og langamma,
GYÐA ERLINGSDÓTTIR,
Þórðarsveigi 1,
áður Framnesvegi 55,
verður jarðsungin frá Fríkirkjunni í Reykjavík föstu-
daginn 25. nóvember kl. 13:00.
Aðalsteinn Dalmann Októsson,
Hjörtur O. Aðalsteinsson, Hildur Jónsdóttir,
Eygló Aðalsteinsdóttir, Flosi Valgarðsson,
Guðrún Aðalsteinsdóttir, Jón G. Guðmundsson,
Erling Ó. Aðalsteinsson,
Gylfi Dalmann Aðalsteinsson, Magnea Davíðsdóttir,
barnabörn og barnabarnabörn.