Morgunblaðið - 23.11.2005, Blaðsíða 41

MORGUNBLAÐIÐ MIÐVIKUDAGUR 23. NÓVEMBER 2005 41
MENNING
EITT af því merkilegasta við
Listahátíðina Íslandsmyndir, sem
nú stendur yfir í hinni miklu menn-
ingarborg Köln í Þýskalandi, er að
sýningarstjórar eru allir sem einn
þýskir. Sýnin á íslenskt lista- og
menningarlíf kemur því utan frá í
þessu tilfelli, hér eru Íslendingar
ekki að „plögga“ sér og sínu heldur
er önnur þjóð að setja okkur undir
smásjána að eigin frumkvæði. Þessi
metnaðarfulla – og einkar vel
heppnaða – hátíð er í umsjá þriggja
sýningarstjóra; þeirra Matthias
Wagner K, Christiane Stahl og
Dirk Raulf. Blaðamanni tókst að
króa þann síðastnefnda af eftir tón-
leika í Stadtgarten tónleikasalnum
og koma honum inn á skrifstofu til
skrafs um hátíðina. Raulf, sem er
tónlistarmaður, tónskáld og í seinni
tíð listahátíðarskipuleggjandi, hafði
yfirumsjón með tónlistar- og kvik-
myndaþætti hátíðarinnar en hátíðin
í heild sinni var í nánu samstarfi
allra þriggja og starfssviðin flöktu
frjálslega inn á hvert annað þegar
við átti.
Þess virði
„Við þrjú settumst niður upp-
haflega og stikuðum út einhvers
konar áætlun,“ segir Raulf, að-
spurður um hvernig verklag var
viðhaft við skipulagningu hátíð-
arinnar. „En síðan treystum við
hvort öðru fyrir því að landa viss-
um verkefnum sem við skiptum
niður á milli okkar. Grunnhugmynd
hátíðarinnar var að hafa víðfeðma
samtímalistasýningu sem myndi
lúta því sem við teldum sjálf að
væri mest spennandi í íslensku
listalífi í dag. Og til að hafa einhver
bönd á sýningunni var t.d. ákveðið
að sleppa sígildri tónlist og djassi
og einbeita sér að þeirri senu á Ís-
landi sem er mitt á milli popps og
raftónlistar/tilraunamennsku. Við
pössuðum okkur á að halda okkur
við nokkuð skýrar afmarkanir að
þessu leytinu til.“
Raulf segir að leikhús og dans-
menntir hafi t.d. verið skildar út-
undan – einfaldlega vegna þess að
það hefði verið of mikið að ráðast í
það einnig.
„Fjármagn, mannekla og svoleið-
is hlutir stýra þessu jafnan. Við er-
um bara búin að vera þrjú í þessu
og það koma tíma þar sem manni
finnst við hafa ráðist í fullmikið
verkefni. En svo þegar maður kem-
ur af vel heppnaðri opnun þá verða
þessi tvö ár sem við eyddum í und-
irbúninginn algerlega þess virði.“
Raulf segist glaður með hvernig
hátíðin hafi farið af stað.
„Formlega opnunin var t.d.
geysivel sótt og okkur hefur verið
mjög vel sinnt af blaða- og frétta-
mönnum sem er ekki sjálfgefið.
Okkar hlutverk hefur m.a. snúist
um það að teljaa fólk hér á að koma
og skoða hluti sem það þekkir ekki.
Það hefði verið lítið mál að boða
fólk á tónleika með Björk en það er
erfiðara að fá það til að eyða tutt-
ugu evrum í tilraunatónlist frá Ís-
landi.“
Snjóboltaáhrif
„Af hverju Ísland?,“ spyr blaða-
maður og Raulf segir hlæjandi,
„Ja…ég veit það ekki...“
Hann segir síðan í framhaldinu
að hátíðin hafi eiginlega orðið að
veruleika fyrir dálitla tilviljun.
„Þetta byrjaði með því að Chris-
tiane langaði til að setja upp sýn-
ingu með Íslandsmyndum Alfred
Ehrhard vegna afmælis Íslands-
vinafélagsins hér í borg. Hún sagði
mér frá því og ég bauðst þá til að
skipuleggja tónleika með íslenskum
tónlistarmönnum í kringum þá sýn-
ingu. Matthias frétti af þessu einn-
ig og fór að pæla í því hvort það
væri ekki hægt að fá íslenska
myndlistarmenn einnig. Og í fram-
haldinu mynduðust einhvers konar
snjóboltaáhrif. Við fórum svo til Ís-
lands til að kynna okkur málin bet-
ur og þá urðum við öll mjög hrifin
af íslensku listalífi og Íslandi sem
slíku. Okkur fannst og finnst margt
svo verulega sérstakt við menning-
arlífið þar og urðum nánast heltek-
in af íslensku listalífi. Með sýning-
unni erum við að gera tilraun til að
veita öðrum löndum okkar – og
vonandi sem flestum öðrum – tæki-
færi til að deila þessari upplifun
okkar.“
Hátíðinni lýkur formlega næsta
laugardag en nokkrar sýningar
munu standa uppi fram í janúar. Þá
munu frekari kynningar fara fram
víðar um Þýskaland næstu miss-
erin á t.a.m. hönnuðum, myndlist-
armönnum og rithöfundum sem
þátt tóku í sýningunni.
Listahátíð | Íslandsmyndir í Köln
„Urðum nánast
heltekin af ís-
lensku listalífi“
Morgunblaðið/Arnar Eggert Thoroddsen
Dirk Raulf dvaldi langdvölum á Íslandi með það að markmiði að velja hæfandi tónlistarfólk inn á hátíðina. Hér má
sjá Arnar Geir Ómarsson, trymbil Orgelkvartettsins Apparats, í Stadtgarten-tónleikahöllinni síðasta föstudag.
Eftir Arnar Eggert Thoroddsen
arnart@mbl.is
www.islandfestival.de
kemur næst út 3. desember fullt af spennandi efni um
listina að gera vel við sig og sína í mat og drykk á
aðventunni.
Meðal efnisþátta í
næsta blaði eru:
• Jólaréttir í nýjum búningi
• Sætt og seðjandi -
smekklegir smáréttir og
smákökur
• Kynjaskepnur á veisluborðið
• Ljúfir og litríkir drykkir
• Lystilegar jólagjafir
ásamt ýmsum
sælkerafróðleik.
Auglýsendur!
Pantið fyrir þriðjudaginn
29. nóvember.
Allar nánari upplýsingar veitir
Sif Þorsteinsdóttir í síma
569 1254 eða sif@mbl.is