Morgunblaðið - 23.11.2005, Blaðsíða 11

MORGUNBLAÐIÐ MIÐVIKUDAGUR 23. NÓVEMBER 2005 11
FRÉTTIR
Á morgun fimmtudaginn 24. nóvember efnir Fjölskylduráð til
morgunfundar í Nýja bíói á Akureyri og í Reykjavík undir
yfirskriftinni: Að neyta eða njóta jólanna?
Morgunfundur í Nýja bíói
á Akureyri kl. 9-10
Dagskrá
• Jólaminningar. Sigrún Björk Jakobsdóttir, bæjarfulltrúi á
Akureyri.
• Jólin sem breyttust. Björk Vilhelmsdóttir, borgarfulltrúi í
Reykjavík og fulltrúi í fjölskylduráði.
• Fæðingarorlof fyrir jólin, undirbúningur fjölskyldunnar.
Óskar H. Óskarsson, sóknarprestur á Akureyri.
Fundarstjóri: Soffía Gísladóttir, framkvæmdastjóri SÍMEY og
fulltrúi í fjölskylduráði.
Á báðum fundunum býður ráðið upp á kaffi og kleinur.
Allir velkomnir.
Fjölskylduráð.
Að neyta eða
njóta jólanna?
Sjálfstæðismenn
- Íslensk þjóð
Jóhann Páll Símonarson
sjómaður
Netfang: stakkhamrarv@simnet.is - sími 863 2094
Tökum höndum saman.
Veitum heimilislausum konum
og útigangsmönnum birtu og yl.
Þakka starfsmönnum Kastljóssins
á RÚV fyrir að vekja íslenska þjóð
til umhugsunar.
Kvenfélagið Heimaey
heldur sína árlegu kökusölu í Mjóddinni
fimmtudaginn 24. nóv. og föstudaginn 25. nóv. nk.
Félagskonur! Munið jólafundinn 5. desember.
Vinsamlegast tilkynnið þátttöku.
Stjórnin.
ÁSTANDIÐ á hjúkrunarheimilum
fyrir aldraða á höfuðborgarsvæðinu
hvað varðar mannaráðningar hefur
ekki lagast mikið undanfarnar vikur.
Droplaugarstaðir við Snorrabraut
eru einna verst settir þar sem ekki
hefur tekist að opna nýja hæð hjúkr-
unarheimilisins að fullu en hún var
tekin í notkun í síðasta mánuði. Fólk
í fimmtán stöðugildi vantar til starfa
en Ingibjörg Þórarinsdóttir talsmað-
ur hjúkrunarforstjóra segir að vel
væri viðunandi þótt ekki fengist
nema fólk til að fylla tíu stöðugildi.
Sem stendur er ekki tekið við nein-
um nýjum innlögnum á Droplaugar-
staði vegna manneklunnar. „Við vor-
um nokkuð vel stödd framan af
sumri en um leið og við ætlum að
auka starfsemina þá strandar á
skorti á fólki,“ segir hún. Eins og
víða á hjúkrunarheimilum, starfar
allstór hópur erlends starfsfólks á
Droplaugarstöðum og segir Ingi-
björg að þeir sem komi til vinnu
ílengist þar. „Við reynum líka að
styðja fólkið til íslenskunáms og til
að afla sér meiri þekkingar og annað.
Þau eru því okkur mjög trygg.“ Síð-
ast var auglýst eftir starfsfólki fyrir
hálfum mánuði en það hafði ekkert
að segja og svipaða sögu er að segja
af öðrum hjúkrunarheimilum.
Aðeins betra ástand á Eir
Á hjúkrunarheimilinu Eir hefur
ástandið þó batnað aðeins frá því í
ágústlok að sögn Birnu Svavarsdótt-
ur hjúkrunarforstjóra þótt álag á
fast starfsfólk sé mjög mikið við að
kenna nýju fólki að komast inn í
störfin. „Frá opnun hjúkrunarheim-
ilisins árið 1993 hefur ekki þurft að
grípa til neinna lokana en á hinn bóg-
inn er ljóst að drjúgur hluti dagsins
hjá stjórnendum Eirar fer í að
manna deildirnar. [...] Það er þyngri
róður nú en oft áður, en samt er stað-
an örlítið betri en í ágúst.“
Um 300 manns starfa á Eir, að-
allega konur í hlutastörfum og segir
Birna að mikil hjálp hafi verið í til-
komu erlends starfsfólks. „Þetta er
hörkuduglegt fólk sem gerir okkur
kleift að halda hjúkrunarheimilinu
opnu. Við þurfum að vera með mikla
fræðslu í gangi alla daga og hér hef-
ur hjúkrunarfræðslustjóri það hlut-
verk að kenna réttar starfsaðferðir
og fylgjast með að hlutirnir séu
gerðir eins og ætlast er til.“
„Við höfum aldrei dregið þjón-
ustuna saman vegna þess að við ger-
um okkur grein fyrir því hvernig
ástandið í samfélaginu er. Það myndi
skapa mikla erfiðleika fyrir sjúka
aldraða einstaklinga ef Eir færi að
loka plássum og því reynum við að
komast hjá því í lengstu lög.“
Mikið hefur verið auglýst eftir
starfsfólki í hlutastörf bæði innan-
lands og utan. Sóst er eftir skólafólki
auk þess sem fólk frá Norðurlönd-
unum hefur verið ráðið til starfa í
gegnum vinnumiðlunina Nordjobb.
„Það felur í sér mikið álag á starfs-
fólk deildanna að leiðbeina nýju fólki
jafnoft og raun ber vitni, samhliða
því að vinna sína eigin vinnu. Það er í
raun alveg einstakt hvað starfsfólkið
er samtaka um að sinna þessari
aukaskyldu vel.“
Svipuð staða á Skjóli
Á hjúkrunarheimilinu Skjóli við
Kleppsveg er staðan áþekk og hún
var í sumar; tekist er á við að halda í
starfsfólk sem margt fær betri
starfstilboð annars staðar. Aðalheið-
ur Vilhjálmsdóttir hjúkrunarfor-
stjóri segir að fólk hverfi til betur
launaðra starfa og virði ekki upp-
sagnarfrest eða annað.
„En ég get aldrei fullþakkað hvað
starfsfólkið mitt stendur vel með
okkur í þessu stríði, hvort heldur
sem eru hjúkrunarfræðingar,
sjúkraliðar eða ófaglærða fólkið okk-
ar,“ segir Aðalheiður um þann þátt
starfseminnar sem lýtur að því að
halda öllu gangandi frá degi til dags.
„Fólk leggur sig virkilega fram um
að sinna vinnunni sinni og taka auka-
vaktir en vissulega kemur fyrir að
við verðum að virða hvíldartíma því
enginn heldur út viku eftir viku.“
Ástandið hefur lítið breyst
á hjúkrunarheimilunum
Eftir Örlyg Stein Sigurjónsson
orsi@mbl.is
HJÁ Eddu útgáfu er komin út bókin Ég elska þig
stormur – ævisaga Hannesar Hafstein eftir Guðjón
Friðriksson. Af því tilefni var boðað til athafnar við
leiði Hannesar Hafstein í kirkjugarðinum við Suður-
götu í gær þar sem Guðjón afhenti fulltrúum afkom-
enda og niðja Hannesar eintök af bókinni. Við sama
tækifæri afhenti höfundurinn Davíð Oddssyni, for-
manni bankastjórnar Seðlabankans og fyrrverandi for-
sætisráðherra, einnig eintak.
Í þessari ævisögu beinir Guðjón Friðriksson sjónum
að manninum Hannesi, meðal annars í ljósi einkabréfa
og nýrra heimilda sem aldrei hafa komið fyrir almenn-
ingssjónir. Guðjón hefur þrívegis hlotið Íslensku bók-
menntaverðlaunin fyrir verk sín.
Páll Valsson, útgáfustjóri skáldverka hjá Eddu út-
gáfu, Guðjón Friðriksson, höfundur ævisögu Hann-
esar Hafstein, og Davíð Oddsson, formaður banka-
stjórnar Seðlabanka, við athöfnina í kirkjugarðinum.
Morgunblaðið/Ásdís
Ragnheiður Ásgeirsdóttir tekur við eintaki bókarinnar
fyrir hönd afkomenda Hannesar Hafstein.
Niðjum Hannesar
Hafstein afhent
eintak ævisögunnar
TÆPLEGA 20 þúsund lífeyrisþegar
eiga inneign hjá Tryggingastofnun
ríkisins en tæplega 15 þúsund hafa
fengið ofgreitt á árinu, þetta kemur
fram í niðurstöðum endurreiknings
tekjutengds bótaréttar ársins 2004.
Tók endurreikningurinn til tæplega
43 þúsund einstaklinga en tilgang-
urinn með honum er að tryggja að
lífeyrisþegar fái þær greiðslur sem
þeim ber, miðað við endanlegar
tekjur samkvæmt skattframtali.
Endurreiknaðar voru greiðslur líf-
eyris, aldurstengdrar örorkuuppbót-
ar, tekjutryggingar, heimilisuppbót-
ar og vistunarframlags, en þessar
greiðslur námu um 28 milljörðum
króna á árinu 2004.
Inneign er að meðaltali rúmlega
41 þúsund krónur og hefur lækkað
um rúmlega tvö þúsund krónur á
milli ára. Kröfurnar eru hins vegar
að meðaltali um 120 þúsund krónur
og hækka um tæpar 34 þúsund krón-
ur frá síðasta ári.
Inneignir verða greiddar út fyrir
jólin en innheimta á kröfum hefst
eftir áramót. Frestur til að koma að
athugasemdum er veittur til 12. des-
ember.
Öryrkjabandalag Íslands hefur
sent Jóni Kristjánssyni heilbrigðis-
og tryggingamálaráðherra bréf þar
sem kemur fram að bandalagið muni
leita allra leiða til að fá hnekkt reglu-
gerð sem gerir Tryggingastofnun
skylt að stöðva greiðslur til lífeyr-
isþega sem fullnýtt hafa bótarétt
sinn.
ÖBÍ ritar ráðherra bréf
Segir í bréfinu að þessi aðgerð
bitni óvenju hart á hópi fólks sem
eigi sér fárra kosta völ, einkum þeg-
ar tekið er mið af tímasetningu að-
gerðarinnar. ÖBÍ telur að reglu-
gerðin standist ekki 50. grein laga
um almannatryggingar og hefur
krafist þess að hún verði þegar felld
úr gildi.
Í 50. gr. kemur m.a. fram að „ekki
er heimilt að draga frá bótum meira
en 20% af mánaðarlegum greiðslum
til bótaþega, þó aldrei lægri upphæð
en 3.000 kr., uns ofgreiðsla er end-
urgreidd að fullu nema samið sé um
annað“.
ÖBÍ bendir jafnframt á að ákvæð-
ið um endurgreiðslur skulda lífeyr-
isþega hafi verið sett inn í lögin um
almannatryggingar m.a. til þess að
forðast slíkan gerning sem nú hefur
verið framinn.
20 þúsund lífeyrisþegar eiga inni hjá
TR en 15 þúsund hafa fengið ofgreitt
Meðalkrafan
um 120 þúsund
Eftir Andra Karl
andri@mbl.is