Fréttablaðið - 20.12.2003, Side 43

LAUGARDAGUR 20. desember 2003 39
Aðspurður hvort þetta sé ekki
afskaplega staðlað svar jánkar Dr.
Gunni því – að sjálfsögðu. „Jújú,
maður þarf að hafa nokkur ár til
að sjá þetta í sögulegu samhengi.“
Það er gott að elska...
Dr. Gunni er nýlega genginn í
hjónaband og nýbakaður faðir.
„Ég var að kaupa mér sjónvarp til
að hafa inni í svefnherberginu
þannig að það má segja að þetta sé
búið. Mér tókst reyndar alveg að
sleppa við þá melankólíu sem
þessu fylgir á plötunni. Ég var
mjög meðvitaður um það að vera
ekki væminn enda var þetta
meira og minna samið áður en
sonurinn fæddist.“
En er ekki gott að elska?
„Jújú, það er mjög gott að
elska. En bara óþarfi að vera að
bögga annað fólk með því.“
Platan mjatlast út að sögn Dr.
Gunna og ef ekki dugir annað mun
hann grípa til þess ráðs að fá hinn
goðsögulega sölumann Herbert í
lið með sér, eða jafnvel að Hells
Angels gangi fyrir sig í hús.
Doktorinn heldur úti vinsælli
heimasíðu og er spurður í fram-
haldi af þessum yfirlýsingum
hvort hann eigi sér ekki þéttan hóp
aðdáenda. „Jahh, það koma stund-
um einhverjir nördar með gler-
augu og tala við mig. Þeir eru alltaf
að tala um hversu frábær ég er.
Það heldur mér gangandi. Eða ekki.
Ég á auðveldara með að taka nei-
kvæðri gagnrýni frekar en ein-
hverju smjaðri. Erfitt að hlusta á
það. Maður verður svo asnalegur
eitthvað. En ég get svo sem alveg
tekið góðri gagrnýni...,“ segir Dr.
Gunni og beinir nú orðum sínum að
fyrrum kollegum í gagnrýnenda-
stétt jafnframt því að benda mönn-
um eindregið á að mæta til útgáfu-
tónleika sinna í kvöld, miðnætur-
tónleika á Grand Rokk, rokkstaðn-
um mikla.
jakob@frettabladid.is
Jújú, það er mjög
gott að elska. En
bara óþarfi að vera að
bögga annað fólk með því.
,,
FRÉTTAB
LAÐ
IÐ
/ALD
A LÓ
A
Ég heiti, eins og svo margir, íhöfuðið á afa mínum. Og í
minni fjölskyldu eru einir fjórir
sem allir heita í höfuðið á þessum
sama afa... Snorrason, Jónasson,
Baldursson,“ segir Brjánsson um
nafnið sitt sem er Júlíus. Og afinn
sem um ræðir er Júlíus heitinn
Björnsson, útgerðarmaður á Dal-
vík en hann var látinn áður en
okkar maður fæddist.
„Ég heiti reyndar Júlíus Ingvar
Brjánsson og er þetta Ingvars-
nafn algerlega út í bláinn. Ég held
að það hafi verið eitthvað sem
mömmu dreymdi. Ég hef reyndar
ekkert notað Ingvarsnafnið en var
hins vegar kallaður Ingi í frum-
bernsku.“
Og Júlíus virðist ekki hafa
minni áhuga á nafninu Brjánn en
sínu eigin. „Pabbi heitir Brjánn,
segir sig kannski sjálft, sem er
keltneskt nafn – Brian. Lengi vel
voru bara tveir Brjánar á land-
inu.“ Svo verður það upp úr því að
nöfn Júlíusar og töframannsins
bróður hans Baldurs fara að birt-
ast á prenti að kippur kemur í
Brjánsnafnið og eru nú einir 15
sem bera það sem fyrsta eiginnafn
og 14 sem annað eiginnafn. Að-
spurður vill Júlíus ekkert þakka
sér það sérstaklega nema þá að
sjálfur gaf hann syni sínum nafnið
Brjánn. „Annars voru foreldrar
Brjáns föður míns sérstakir í sín-
um nafngiftum og notuðu aðeins
upphafsstafinn B. Þannig heita
börn þeirra Baldur, Börkur, Bragi,
Brjánn og Björk. Falleg nöfn út í
bláinn og ákveðinn stíll.“
Nafnið Júlíus er af sama stofni
og júlí og merkir hinn bjarti. Júlí-
usinn okkar segir það við hæfi,
það sé mjög bjart yfir sér. „Ég ber
þetta ágæta nafn með miklum
sóma. Og hef aldrei liðið fyrir það.
Þetta er gott og fallegt nafn. Ég
hef heyrt um fólk sem hefur ein-
hvern tíma á æviskeiðinu verið
ósátt við nafn sitt og viljað breyta
því. Ég hef aldrei fengið þá til-
finningu.“ ■
JÚLÍUS INGVAR BRJÁNSSON
„Nafnið merkir hinn bjarti og það á vel við, það er alltaf svo bjart yfir mér.“
■ Nafnið mitt
Eini Júlíusinn Brjánsson
FR
ÉT
TA
B
LA
Ð
IÐ
/V
IL
H
EL
M