Fréttablaðið - 17.04.2004, Blaðsíða 4

4 17. apríl 2004 LAUGARDAGUR
Mun samtal Davíðs Oddssonar
við George W. Bush greiða fyrir
lausn í varnarliðssamningunum?
Spurning dagsins í dag:
Ertu fylgjandi gerð jarðganga milli
lands og Eyja?
Niðurstöður gærdagsins
á www.frett.is
62%
38%
Nei
Já
Kjörkassinn
Farðu inn á frett.is og segðu þína skoðun
frétt.is
HEILBRIGÐISMÁL Stjórn Lyfjafræð-
ingafélags Íslands telur að fyrir-
hugaðar aðgerðir heilbrigðisráðu-
neytisins til lækkunar á lyfja-
kostnaði stangist á við lög um
réttindi sjúklinga og þvingi fólk í
heilbrigðiskerfinu til að taka upp
vinnuaðferðir sem tíðkast í þróun-
arríkjum. Þetta kemur fram í
yfirlýsingu frá stjórn félagsins.
Hún telur að tillögurnar séu van-
hugsaðar, enda þykir ljóst að þær
eigi eftir að koma verst niður á
efnalitlum sjúklingum.
Stjórnin bendir á að með lækk-
un álagningar lyfja í smásölu og
heildsölu sé mjög sennilegt að -
apótekin lækki eða afnemi af-
slætti sína til sjúklinga. Þar verði
ellilífeyrisþegar og öryrkjar hvað
verst úti og það stangist klárlega
á við fyrrnefnd lög.
Þá telur stjórnin mjög var-
hugavert að tekið verði upp við-
miðunarverð fyrir lyf með „sam-
bærileg meðferðaráhrif“, því svo
geti farið að sjúklingurinn neyðist
hreinlega til að greiða mismuninn
á verði ódýrasta lyfsins og því lyfi
sem hentar honum betur.
„Verði tillögur heilbrigðis- og
tryggingaráðuneytis að veruleika
telur LFÍ að ákvörðunarréttur sé
tekinn af læknum og öðrum með-
ferðaraðilum,“ segir í yfirlýsing-
unni. „Um leið hverfi réttur sjúk-
lings til að fá „þjónustu sem mið-
ast við ástand hans og horfur á
hverjum tíma og bestu þekkingu
sem völ er á“, óháð efnahag.“ ■
ALÞINGI „Það er áfall fyrir réttar-
kerfið og stjórnsýslureglur að
réttarvitund og viðhorf sjálfs
dómsmálaráðherra og forsætis-
ráðherra sé jafn hraksmánarlegt
gagnvart jafnréttislögunum og
raun ber vitni,“ sagði Jóhanna
Sigurðardóttir Samfylkingunni á
Alþingi í gær í utandagskrárum-
ræðu um úrskurð kærunefndar
jafnréttismála um skipan hæsta-
réttardómara.
„Viðhorf æðstu ráðamanna
þjóðarinnar er mikið áfall fyrir
jafnréttisbaráttuna og lítilsvirð-
ing við þjóð sem kennir sig við
jafnréttindi og mannréttindi,“
sagði Jóhanna.
Ráðherra skipaði Ólaf Börk Þor-
valdsson í embættið, en meðal um-
sækjenda var Hjördís Hákonardótt-
ir héraðsdómari sem talin var jafn-
hæf. Jóhanna sagði túlkun dóms-
málaráðherra á jafnréttislögunum
með ólíkindum.
„Veikburða rök ráðherrans eru
ámátleg þegar hann snýr öllu á
hvolf í jafnréttislögunum og mis-
skilur þau og mistúlkar sundur og
saman eftir eigin geðþótta,“ sagði
Jóhanna.
Björn Bjarnason dómsmála-
ráðherra var spurður að því hvort
hann væri reiðubúinn að semja
um skaðabætur, án þess að til
þyrfti að koma dómsniðurstaða
Hæstaréttar.
„Ég hafna því að ég hafi brotið
jafnréttislögin. Við skipan í emb-
ætti hæstaréttardómara byggði ég
á lögmætum og málefnalegum sjón-
armiðum, enda tel ég þann, sem
skipaður var, hæfastan umsækj-
enda til að gegna embættinu,“ sagði
Björn og benti á að ráðherrar hefðu
meira svigrúm til málefnalegra
ákvarðana um embættisveitingar,
en kærunefnd jafnréttismála teldi í
þessu máli.
Ljóst er að Björn er ekki reiðu-
búinn að greiða Hjördísi skaðabæt-
ur. Hann sagðist nýlega hafa skipað
hana í embætti dómsstjóra á Suður-
landi og eftir því sem hann kæmist
næst væru heildarlaun hennar þar
hærri en nemur launum hæstarétt-
ardómara. Björn sagði ráðherra
bera pólitíska ábyrgð á athöfnum
sínum eða athafnaleysi gagnvart Al-
þingi.
„Ábyrgðin er pólitísk, en ekki
lagalegs eðlis.“
Kolbrún Halldórsdóttir, Vinstri
grænum, sagði að dómsráðherra
yrði að horfast í augu við það að
hann hefði ekki frjálsar hendur í
þessum efnum. Birkir J. Jónsson
Framsóknarflokki sagði jafnrétt-
islögin góð. „Við þurfum að styðjast
við jafnréttislög og jafnréttisáætl-
anir og fara eftir þeim,“ sagði Birk-
ir.
Gunnar Örn Örlygsson,
Frjálslynda flokknum, sagðist
hafa brotið lög sem hann var á
móti, en hann hefði gert sér
grein fyrir brotinu og viður-
kennt það. „Það vekur furðu
mína að dómsmálaráðherra sýni
ekki þann manndóm að viður-
kenna afglöp sín. Enginn er haf-
inn yfir lög,“ sagði Gunnar Örn
Örlygsson.
bryndis@frettabladid.is
Fjárdráttarmál:
Ágóðinn fór
í spilafíkn
DÓMSMÁL Maður var í gær dæmdur
til tíu mánaða fangelsisvistar, þar af
sjö skilorðsbundið, fyrir að hafa
dregið sér alls yfir sex milljónir
króna í störfum sínum sem launa-
fulltrúi hjá 10-11 annars vegar og
Lyfju hins vegar. Maðurinn var
einnig dæmdur til að endurgreiða
féð.
Í dómi Héraðsdóms Reykjaness
kom fram að maðurinn hefði játað
brot sitt greiðlega en hann væri
eignalaus og hefði sólundað fénu
sem hann dró að sér í spilafíkn.
Spilafíknin var ekki talin manninum
til málsbóta en að mati dómsins út-
skýrði hún að hluta til brot hans. ■
JOHN KERRY
Forsetaframbjóðanda demókrata verður
boðið í heimsókn til Ísrael.
Sharon snýr heim frá
Washington:
Kerry boðið
til Ísrael
JERÚSALEM, AP Ísraelsk stjórnvöld
hafa ákveðið að bjóða John Kerry,
frambjóðanda Demókrataflokks-
ins í bandarísku forsetakosning-
unum, í heimsókn til Ísrael.
Kerry hafði óskað eftir fundi
með Ariel Sharon, forsætisráð-
herra Ísrael, þegar hann var
staddur í Washington fyrr í þess-
ari viku. Að sögn ísraelskra emb-
ættismanna hafði Sharon ekki tök
á því að hitta Kerry í Washington
þar sem hann varð að snúa heim
til Ísrael til að afla stuðnings
flokksbræðra sinna við áætlunina
um brotthvarf frá Gaza-strönd-
inni. Likud-flokkur Sharons mun
greiða atkvæði um brotthvarfið 2.
maí. ■
Lyfjafræðingafélag Íslands:
Tillögur ráðuneytis stangast á við lög
LYFJAKOSTNAÐUR
Enn er tekist á um ákvarðanir heilbrigðis-
ráðuneytisins til verðlækkunar á lyfjum.
FR
ÉT
TA
B
LA
Ð
IÐ
/P
JE
TU
R
SI
G
U
RÐ
SS
O
N

Áfall fyrir réttarkerfið
og jafnréttisbaráttuna
Björn Bjarnason var sakaður um brot á jafnréttislögum og að ganga á svig við jafnréttisákvæði
stjórnarskrárinnar á Alþingi í gær. „Ég braut ekki jafnréttislögin,“ sagði Björn. „Við verðum að
fara eftir jafnréttislögunum,“ sagði stjórnarliði.
BJÖRN BJARNASON
Dómsmálaráðherra var harkalega gagnrýndur á Alþingi í gær fyrir að hafa brotið jafnrétt-
islögin við skipan í embætti hæstaréttardómara. „Ég tel þann sem skipaður var hæfastan
umsækjenda til að gegna embættinu,“ sagði Björn.
JÓHANNA SIGURÐARDÓTTIR
Jóhanna sagði viðhorf dómsmálaráðherra
og forsætisráðherra gagnvart jafnréttislög-
unum hraksmánarlegt.
Bush og Blair funda í Washington:
Friðsöm þjóð í frjálsu landi
WASHINGTON George W. Bush
Bandaríkjaforseti og Tony Blair,
forsætisráðherra Bretlands, ætla
ekki að hvika frá áformum sínum
um að framselja völdin í Írak í
hendur heimamanna fyrir 30.
júní. Leiðtogarnir ávörpuðu
blaðamenn að loknum fundi í
Hvíta húsinu í Washington í gær.
Bush sagði að nauðsynlegt
væri að koma á lýðræði í Írak til
að koma í veg fyrir að einræðis-
herrar og hryðjuverkamenn
kæmust þar aftur til valda. „Ég og
forsætisráðherrann höfum gert
upp hug okkar. Írak verður
frjálst. Írak verður sjálfstætt.
Íraska þjóðin verður friðsöm og
við munum ekki láta ótta og ógn-
anir buga okkur,“ sagði Bush.
Blair lagði áherslu á að Samein-
uðu þjóðirnar yrðu að gegna lykil-
hlutverki í valdaframsalinu og
þróun lýðræðis í Írak og sagðist
vonast til þess að Öryggisráðið
samþykkti nýja ályktun um Írak.
Leiðtogarnir hvöttu Palestínu-
menn til að fallast á áætlanir
Ariels Sharon, sem fela í sér
brotthvarf frá Gaza-ströndinni og
hluta af Vesturbakkanum, til að
koma skriði á friðarferlið fyrir
botni Miðjarðarhafs. ■
TUTTUGU METRAR AÐSKILDU
FLUGVÉLAR Litlu mátti muna að
farþegaþota svissneska flugfé-
lagsins Swiss International ræk-
ist á litla flugvél í aðflugi að flug-
vellinum í Brussel. Að sögn tals-
manns flugfélagsins skildu að-
eins tuttugu metrar vélarnar að
þegar þær voru í 1.800 metra
hæð yfir höfuðborginni.
■ Evrópa
BLAIR OG BUSH HORFAST Í AUGU
Tony Blair, forsætisráðherra Breta, og George W. Bush Bandaríkjaforseti héldu sameigin-
legan blaðamannafund í Hvíta húsinu í Washington í gær.