Fréttablaðið - 18.08.2004, Síða 8

8 18. ágúst 2004 MIÐVIKUDAGUR
LÖGREGLA „Undirbúningur stend-
ur yfir til að greiða fyrir umferð
til og frá Laugardalnum eins og
hægt er í tengslum við landsleik-
inn,“ segir Karl Steinar Valsson,
aðstoðaryfirlögregluþjónn í
Reykjavík. Landsleikur í fót-
bolta á milli Íslands og Ítalíu fer
fram síðar í dag en stefnt er að
því að slá aðsóknarmet og eru
vonir um að tuttugu þúsund
manns komi til að horfa á leik-
inn.
Karl Steinar segir gatnafram-
kvæmdir og uppákomur ekki
alltaf fara saman. Ljóst sé að taf-
ir verði á umferð fyrir og eftir
leikinn og það þurfi að gera ráð
fyrir gatnaframkvæmdum sem
nú standa yfir á Sundlaugarvegi.
„Íbúar Reykjavíkur verða að
gera sér grein fyrir að þeir búa í
borg og það geta alltaf komið
tímar þar sem verða umferðar-
tafir. Tafirnar markast af því að
ekki er alltaf hægt að hanna
mannvirki og umhverfi þeirra
þannig að það þoli hæstu álags-
punktana,“ segir Karl Steinar.
Hann segir líklegt að fjórtán til
fimmtán þúsund manns fari til
að sjá leikinn og spili góð veður-
spá þar inn í. Þó geti verið að enn
fleiri fari á leikinn. Sjúkrabílar
verða til taks á meðan á leiknum
stendur. ■
KALIFORNÍA, AP Fari svo að alríkis-
dómari taki völdin af Kaliforníu
og færi fangelsiskerfi ríkisins
undir stjórn alríkisstjórnarinnar
virðist einum manni vera alveg
sama. Sá heitir Arnold
Schwarzenegger og er ríkisstjóri
Kaliforníu.
„Sama er mér. Hann má hirða
það. Ekki græt ég það,“ sagði
Schwarzenegger þegar hann var
spurður hvort dómarinn ætlaði
sér að láta verða af hótun sinni
um að skipa nýjan stjórnanda yfir
fangelsiskerfi ríkisins, sem er
rándýrt og að flestra mati stjórn-
laust. Schwarzenegger spurður
þessa eftir að hann ræddi við
Thelton E. Henderson alríkisdóm-
ara í hálftíma. Schwarzenegger
kveðst ekki hafa spurt Henderson
um fyrirætlanir sínar en taldi lík-
legra að dómarinn myndi velja að
starfa með yfirvöldum í ríkinu en
að taka völdin af þeim.
Í síðasta mánuði tilkynnti
Henderson fylkisstjórninni í Kali-
forníu að vegna þess hversu mikil
áhrif sérhagsmunahópar hefðu á
stjórn fangelsismála, hversu
kostnaðarsamt það væri orðið og
stjórnlaust væri honum skapi
næst að taka völdin af fylkis-
stjórninni og fela þau einhverjum
sem kynni með þau að fara.
Schwarzenegger virðist ekki
hafa mikið meiri trú á fangelsis-
kerfinu. „Þegar ég varð ríkisstjóri
blasti við mér fangelsiskerfi í
upplausn, hulið þagnarhjúp þar
sem enginn tók
neina ábyrgð,
hvorki fjárhags-
lega eða annars
konar,“ sagði rík-
isstjórinn þegar
hann heimsótti
fangelsið í Mule
Creek.
Fangelsið í
Mule Creek er
reyndar að sumu leyti lýsandi
fyrir vandann í fangelsiskerfi
Kaliforníu. Það var byggt fyrir
1.750 fanga en þar eru nú vistaðir
3.700 fangar. Schwarzenegger leit
þó til kostanna við fangelsið og
benti á að þar væri boðið upp á
verknám og aðra menntun með
það að markmiði að endurhæfa
fanga. Það markmið hefur orðið
að láta undan á undanförnum
árum þegar refsingar hafa verið
hertar og föngum fjölgað gríðar-
lega. ■
SVONA ERUM VIÐ
HLUFALL KVENNA AF HEILDARFJÖLDA
STARFANDI LÖGREGLUÞJÓNA
2002 2003
Lögreglumaður 3,0% 4,2%
Yfirlögregluþjónn 0,7% 0,5%
Varðstjóri 1,2% 1,9%
Lögreglunemi 1,5% 1,6%
HEIMILD: ÁRSSKÝRSLA RÍKISLÖGREGLUSTJÓRA
Níu af hverjum tíu
krabbasjúkum
leita á náðir
skottulækna
Segist lækna
krabbamein
– hefur þú séð DV í dag?
ARNOLD SCHWARZENEGGER
Dregur ekki úr því að gjörbylta þurfi fangelsiskerfinu.
Á LEIÐ Í FANGELSI
Fangi fluttur í fangelsi eftir að hafa verið fundinn sekur um morð. Föngum hefur fjölgað mjög í Bandaríkjunum og í Kaliforníu telja sífellt
fleiri að fangelsiskerfið sé orðið stjórnlaust.
,,Þegar ég
varð ríkis-
stjóri blasti
við mér
fangelsis-
kerfi í
upplausn...
Má hirða fangelsin
Arnold Schwarzenegger segist ekki myndu gráta það þótt dómari myndi
færa fangelsin í ríkinu undir stjórn alríkisstjórnarinnar. Dómari einn
hefur hótað því vegna þess hversu stjórnlaust fangelsiskerfið er orðið.
KARL STEINAR VALSSON
Karl Steinar segir íbúa Reykjavíkur verða
að gera sér grein fyrir að þeir búi í borg og
að umferðartafir geti fylgt borginni á viss-
um tímum.
Landsleikur Íslands og Ítalíu í fótbolta:
Umferðartafir óhjákvæmilegar
Eldur við Egilsstaði:
Heyrúllur
brunnu
BRUNI Slökkvilið og lögregla voru
kölluð til á sjötta tímanum í gær-
morgun vegna elds í heyrúllum
við bæinn Hjaltastaði, um 30 kíló-
metra fyrir utan Egilsstaði. Um
30 heyrúllur brunnu en hætta var
á að eldur kæmist í hlöðu eða fjós
skammt frá.
Þar sem vindátt var hæg gerð-
ist það ekki og slökkvistarf gekk
vel, en það tók tvo tíma að slökk-
va eldinn þar sem eldmaturinn
var mikill. Lögreglan á Egilsstöð-
um telur að blautt hey hafi verið
í einhverri rúllanna og tendrað
neista með áðurgreindum afleið-
ingum. ■