Fréttablaðið - 18.08.2004, Síða 33

5MIÐVIKUDAGUR 18. ágúst 2004
út í kuldann og orðinn aðalmark-
vörður liðsins. Sinn fyrsta lands-
leik lék hann 19 ára.
Sá leikur var í Moskvu í skíta-
kulda en töffarinn Buffon lét sig
hafa það að spila í stuttermapeysu
eins og ævinlega. Pagliuca
meiddist og unglingurinn steig
ískaldur sín fyrstu spor. Fyrstu
árin í landsliðinu barðist hann um
sæti við ekki minni kappa en
Pagliuca, Peruzzi og Toldo og á
HM 1998 var hann þriðji kostur.
Stórkostleg frammistaða hans
tímabilið á eftir varð til þess að
hann varð aðalmarkvörður og lék
flesta leikina í undankeppni EM.
Missti af Evrópumótinu
Buffon meiddist hinsvegar
fyrir úrslitakeppnina og mátti
sætta sig við að fylgjast með
Francesco Toldo eiga stórgott mót
og koma Ítölum í úrslitaleikinn
með hetjuskap í vítakeppni. Áttu
flestir von á að hinn eldri og
reyndari Toldo yrði markvörður
númer eitt næstu árin en svo var
nú aldeilis ekki og Buffon var
fljótlega kominn milli stanganna
hjá hinum bláu, Azzurri. Hefur
hann verið fyrsti kostur æ síðan.
Buffon hefur verið ákaflega
stöðugur í gegnum árin ef frá er
talin fyrsta leiktíð hans með
Juventus og jafnvel þá gerði hann
engar stórkostlegar bommertur.
Hann var besti maður liðsins
þegar það fagnaði meistaratitli á
annarri leiktíð hans með liðinu og
Giovanni Agnelli heitinn, heiðurs-
forseti Juve, sagði hann besta
unga markvörð sem hann hefði
nokkurn tíman séð; tæki jafnvel
goðsögninni Dino Zoff fram.
Hann er nú að hefja sitt tíunda
leiktímabil í serie A og á örugg-
lega eftir að leika ein tíu ár í við-
bót hið minnsta ef heilsa og nenna
leyfa. Það verður að teljast líklegt
að hann spili lengi því íþróttir eru
hans líf og yndi og hann er kom-
inn af miklu íþróttafólki. Hann
var þó ekki alveg viss sem ung-
lingur um framtíð sína í boltanum
og lagði stund á nám í endurskoð-
un. Hann var bráðger, stór og
sterkur miðjumaður í skólaliðinu
en seinn að hlaupa og prófaði að
fara í markið svona frekar en að
gefast upp á boltanum. Fljótlega
komu í ljós ótvíræðir hæfileikar
hans og henti hann þá bókfærslu-
bókunum frá sér.
Gífurlega vinsæll
Hann er gífurlega vinsæll á
Ítalíu og eini landsliðsmaðurinn
sem hefur náð að skína stöðugt og
skært á alþjóðastjörnuhimninum.
Nesta og Cannavaro hafa ekki
reynst þeir arftakar Maldinis sem
menn áttu von á og Totti, Vieri
og Del Piero hafa fjarri því
náð að sýna sínar bestu hliðar
með landsliðinu, allra síst á
stórmótum. Buffon þykir ein-
nig koma vel fyrir í fjölmiðl-
um, er yfirvegaður og
greindarlegur í svörum í því
mikla spurningaflóði sem
ítalskir sparkblaðamenn láta
dynja á honum nær daglega
allan ársins hring. Hann er
með sjarmerandi sveita-
hreim og skemmtilegan
humor og er duglegur að
styðja við bakið á góðgerð-
armálum. Hann heldur
tryggð við heimalið sitt
Carrarese sem leikur í
neðri deildunum en segir þó
Genoa vera sitt uppáhalds-
lið og hann gæti vel hugsað
sér að ljúka ferlinum með
því ágæta fallna stórveldi.
Það verður þó varla í bráð
því þessi dýrasti mark-
vörður heims á eflaust eft-
ir að leika með bestu liðum
álfunnar næsta áratuginn
hið minnsta og sýna að ef
einhverntímann er hægt
að réttlæta að punga út 5
miljörðum fyrir einn leik-
mann, þá er það fyrir
mann eins og hann.
einarlogi@frettabladid.is
við liðinu. Gaman verður að sjá
hvernig Eiður bregst við þeirri
hörðu samkeppni sem hinir tveir
nýju leikmenn munu veita honum.
Á dögunum gerði Eiður svo
nýjan fjöggurra ára samning við
liðið sem tryggir honum ríflega 7
milljónir íslenskra króna í viku-
laun sem hlýtur að þýða að hann
sé inni í framtíðaráformum fé-
lagsins.
Eiður hefur byrjað vel í ensku
deildarkeppninni og tryggði Chel-
sea sigur gegn Manchester
United í fyrsta leik vetrarins í eitt
núll i sigri og virðist aldrei hafa
verið í betra formi. Þar ræður án
efa miklu um um koma Mourinho
til liðsins en hann er þekktur fyr-
ir að halda uppi járnaga og krefj-
ast þess að leikmenn hans séu í
framúrskarandi formi. Flest virð-
ist benda til þess að nýi knatt-
spyrnustjórinn hafi tekið ástfóstri
við Eið.
Einvígi guðanna
Eiður á eftir að vera í aðalhlut-
verki á Laugardalsvellinum í
kvöld gegn ítalska landsliðinu
sem mætir til Íslands með mikið
breytt lið frá því á EM fyrr í sum-
ar því einungis 10 af þeim 21 leik-
manni sem tók þátt á EM eru í
leikmannahópi Ítala í kvöld. Eiður
mun þurfa að kljást við Al-
essandro Nesta varnarmann Mil-
an sem oft hefur verið álitinn einn
af betri varnarmönnum heims
auk Marco Materazzi varnarmann
Inter. Báðir eru þeir öflugir varn-
armenn, stórir og stæðilegir eins
og Eiður og mun verða skemmti-
legt að sjá hvernig Eiði reiðir af á
heimavelli gegn þeim félögum.
Auk þess að gleðja auga knatt-
spyrnuáhugamanna munu augu
kvenþjóðarinnar beinast að
rimmu Eiðs og Nesta þar sem þar
fara einkar fríðir og burðugir
menn. Barátta þeirra verður eins
og einvígi þrumuguðsins Þórs úr
norrænu goðafræðinni og
eldguðsins Vúlkan úr guðaheimi
Rómverja. Átök milli menningar-
heima ekki síður en manna þar
sem eigast við frambærilegustu
fánaberar þjóðanna tveggja, ljós-
hærði víkingurinn og svarthærði
ítalski prinsinn sem leiða saman
hesta sína.
Það væri Eiði til miklunar ef
hann lamaði Ítalina með hamri
sínum sem aldrei hefur verið eins
þungur og öflugur og tryllti um
leið landann í Laugardalnum og
þá sem heima sitja með því að
leiða liðið í áttina að sigri. Ítalirn-
ir munu örugglega gera hvað þeir
geta til að hljóta ekki háðuglega
útreið fyrir litlu eyþjóðinni en
það hefur sýnt sig að ítalska lið-
ið er ekki heilagt og spilar oft
undir getu þrátt fyirir að vera
umvafið hetjuljóma. Íslensku
leikmennirnir geta hæglega
velgt Ítölunum undir ugg-
um ef þeir mæta dýrvit-
lausir til leiks staðráðnir
í að selja sig dýrt og
falla ekki í þann pytt
að hræðast orðspor
og litklæði ítölsku
garpanna.
ingi@frettabladid.is
mætir Buffon
mi fyrir hvor öðrum á Laugardalsvellinum í kvöld.
andsliðinu er afrek ekki síst fyrir þær sakir hver stendur í markinu:
markvörður heims
REYNIÐ BARA AÐ SKORA HJÁ MÉR
Gianluigi Buffon er að flestum talinn besti
markvörður heims.