Fréttablaðið - 18.08.2004, Qupperneq 57

25MIÐVIKUDAGUR 18. ágúst 2004
„Miðfjarðará er komin í 1.060 laxa.
Vatnsmagnið í ánni hefur verið að
minnka í þeim hlýindum sem hafa
verið á landinu öllu undanfarið en
vaktirnar hafa þó verið að skila 8-10
fiskum á land síðustu daga.
Hollið sem byrjaði í gær hefur
landað 30 löxum og misst töluvert
fleiri,“ sagði Stefán Sigurðsson hjá
veiðifélaginu Laxá, er við spurðum
um stöðuna í gærkveldi. En veiði-
skapurinn gengur ágætlega þrátt
fyrir erfiðar aðstæður víða og mjög
lítið vatn.
„Það er góður gangur í Ytri-
Rangá þessa dagana og eru um
3.000 laxar farnir í gegnum teljar-
ann hjá Ægisíðufossi. Þá eru 1.200
laxar skráðir í veiðibók.“
405 laxar eru farnir í gegnum
teljarann hjá Árbæjarfossi þannig
að um 1.400 laxar eru á sveimi í ánni
eins og er þannig að veiðivonin er
mjög góð í Eystri-Rangá þessa dag-
ana.
Frábær veiði er í Eystri-Rangá
þessa dagana og tugir laxa eru tekn-
ir á land á hverjum degi. 1.388 laxar
eru komnir á land og mikið af fiski í
ánni. Það virðist heldur ekki skipta
máli hversu óvanur veiðimaðurinn
er sem er að höndla stöng í ánni,
samt setur hann í lax. Í fyrradag
veiddust yfir 83 laxar, sem er frá-
bær veiði.
Laxá á Ásum er að detta í 400
veidda laxa og er ágætis veiði í
henni þessa stundina þótt vatnið
mætti vera meira í ánni, en varla
hefur komið dropi úr lofti á Norður-
landi í sumar. Töluvert er af fiski í
ánni og þannig veiddi til dæmis einn
veiðimaður 8 laxa úr sama hylnum í
gær.
Laugardalsá í Ísafjarðardjúpi er
enn að koma á óvart og er hún búin
að skila 466 löxum á land og stefnir
allt í að hún endi töluvert yfir 500
löxum í ár. Vatnið er eitthvað farið
að minnka í ánni þar sem gengið
hefur á snjóbirgðirnar í fjöllunum í
hitabylgjunni síðustu daga.
Í gærmorgun voru 405 laxar
komnir í gegnum teljarann hjá Ár-
bæjarfossi og komnir upp á þessi
nýju laxveiðisvæði. Veiðimenn hafa
verið að gera ágætis veiði á þessum
svæðum og bæði tekið laxa og stóra
urriða á land og þess má geta að
einn veiðimaður tók átta punda ur-
riða á land.
Veiðimaður sem var í Hallá á
laugardaginn sagði að töluvert líf
væri í ánni þótt hún væri vatnslítill.
Hann náði fimm löxum á land en
setti í töluvert fleiri. Þar sem Hallá
hefur verið síðsumarsá má búast
við að góðar göngur fari að láta sjá
sig þar um leið og rigningin lætur á
sér kræla.
Blanda er komin í 1.146 veidda
laxa og er það rúmlega 100% aukn-
ing á veiddum löxum frá því í fyrra
en þá veiddust einungis 504 laxar.
Þótt hún sé komin á yfirfall eru
menn enn að setja í fisk í Blöndu
þessa dagana.
Lítið vatn er í Langadalsá í Ísa-
fjarðardjúpi þessa stundina enda
hefur ekki rignt á svæðinu í rúma
tvo mánuði. Samt er mikið af fiski í
ánni og hafa veiðimenn þrátt fyrir
vatnsleysið verið að taka nýlega
gengna fiska á land. 90 laxar hafa
komið á land eins og er og má búast
við að mokveiði verði í Langadalsá
þegar þessi margumtalaða rigning
lætur á sér kræla,“ sagði Stefán enn
fremur. ■
Mokveiði í Eystri-Rangá
BOLTALAX
Boltalöxum hefur verið sleppt í Reynisvatn og hafa veiðimenn verið að veiða þá en þessi lax
var 21 pund og veiddist á rækju. Þarna geta veiðimenn á öllum aldri rennt fyrir lax og silung.
Það er vart hægt að lesa um Ólymp-
íuleikana í Aþenu án þess að lesa
eitthvað um öryggisgæsluna. Hún
er að mörgu leyti í aðalhlutverki
enda vofir hryðjuverkaógn yfir
leikunum. Ein af öryggisráðstöfun-
unum sem ætlað er að koma í veg
fyrir hryðjuverk hér í borg er þyrl-
ur og risastór loftför sem svífa yfir
borginni allan sólarhringinn. Þessi
mögnuðu loftför eru búin þvílíkum
hátæknibúnaði að það hálfa væri
meira en nóg. Þau taka meðal ann-
ars hitamyndir af borginni til að
leita að sprengjum og annað álíka
tæknilegt sem ég hef enga þekk-
ingu á. Þau eiga í það minnsta að sjá
til þess að ekkert vafasamt komist
inn fyrir borgarmörkin. Ég vona að
það standist þó ég hafi ekki hug-
mynd um hvort það sé verið að
ljúga þessu. Hvað þessar blessuðu
þyrlur eru aftur á móti að gera hef
ég ekki hugmynd um. Ekki eru þær
búnar neinum njósnabúnaði og ekki
eru þær heldur með neinar byssur
eða flugskeyti. Mig grunar að þetta
sé eingöngu sýndarmennska. Ég
meina, þetta er eins þyrla og Jónas
Reynis (kallaður JR, er það ekki?)
notaði til þess að lauma sér í sveita-
sæluna í snilldarmyndinni Dalalíf.
Hún virkar ekki mjög ógnandi og
færir mér litla huggun. Það væri
svolítið fútt í þessu ef það væru her-
þotur að sveima hérna yfir í hópum.
Það virkar alltaf ógnandi. Ólíkt
þyrlum sem fátækir íslenskir kvik-
myndagerðarmenn hafa efni á að
leigja. ■
FIMMTI Í ÓLYMPÍULEIKUM
HENRY BIRGIR GUNNARSSON BLOGGAR FRÁ AÞENU
Hættulegar þyrlur?

Smáauglýsingasíminn er 550 5000

auglysingar@frettabladid.is
VEIÐI
GUNNAR BENDER
■ skrifar um veiði.