Fréttablaðið - 19.11.2004, Blaðsíða 14

14 19. nóvember 2004 FÖSTUDAGUR
HÁLSMEN CALLAS SKOÐAÐ
Skartgripir sem voru áður í eigu söng-
konunnar Maria Callas voru boðnir upp í
Genf í Sviss í fyrrakvöld. Þeir seldust fyrir
andvirði rúmra 120 milljóna króna, þrefalt
meira en lægsta verðmat fyrir uppboðið.
Kirkjubæjarklaustur:
Skóli kyntur með rusli
UMHVERFISMÁL Varmi úr sorp-
brennslustöð Skaftárhrepps er
notaður til að hita upp sundlaug-
ina og íþrótta- og skólahúsið á
Kirkjubæjarklaustri.
Hilmar Gunnarsson kyndari
segir að allt brennanlegt sorp sem
falli til í hreppnum sé nýtt til upp-
hitunar. Hann segir að þetta sé
ekki enn farið að borga sig fyrir
sveitarfélagið þar sem olían sé
ódýrari. Hins vegar sé þetta mun
umhverfisvænni upphitunar-
aðferð. Hilmar segir að urðunar-
staður hreppsins hafi verið að
fyllast og því hafi þurft að velja á
milli brennslunnar og nýs urðun-
arstaðar. „Við töldum réttara að
brenna sorpið og nýta það á þenn-
an hátt þrátt fyrir að það væri
dýrara,“ segir Hilmar. „Urðun er
örugglega á útleið því að þetta er
mikilvægt umhverfisspursmál.“
Hann segir að Skaftárhreppur
geri sér voni um að fá greidd end-
urnýtingargjöld úr ríkissjóði ef
brennslan fáist viðurkennd sem
endurnýting. Ef það takist muni
rekstur sorpbrennslustöðvarinn-
ar borga sig.
- ghg
LÍFSGÆÐI Ísland er sjöunda besta
land í heimi til að búa í samkvæmt
úttekt breska tímaritsins The
Economist á lífsgæðum í 111 ríkj-
um. Best er að búa á Írlandi en
verst eru lífsgæðin í Simbabve
samkvæmt könnuninni sem unnin
er fyrir „World in 2005“, árlegt rit
sem The Economist gefur út.
Til að finna út hvar lífsgæði
eru mest lögðu starfsmenn blaðs-
ins mat á tekjur, heilbrigðismál,
frelsi, atvinnuleysi, stöðu fjöl-
skyldunnar, veðurfar, stöðugleika
í stjórnarfari, öryggi íbúanna og
stöðu jafnréttismála. Út frá þessu
reiknuðu þeir hvar væri best að
lifa og hvar væri verst að lifa.
Lífsgæði eru mest í Írlandi að
sögn The Economist vegna þess
að það blandar saman gömlum
lífsgæðum, á við stöðugt fjöl-
skyldulíf og þjóðfélag, og nýjum á
borð við lítið atvinnuleysi og
frjálsræði.
Nær öll ríkin á lista þeirra tíu
ríkja þar sem best er að búa eru
Evrópuríki, undantekningin er
Ástralía í sjötta sæti. Bandaríkin
eru í þrettánda sæti, Frakkland í
því 25. og Þýskaland 26. sæti en
Bretar í 29. sæti. ■
Áströlsk stúlka:
Skildi við
móður sína
ÁSTRALÍA, AFP Sautján ára stúlka
hefur fengið lögskilnað frá móður
sinni. Lögskilnaðinn fékk hún á
grundvelli nýrra laga sem gefa
börnum að segja skilið við foreldra
sína ef þeim er ómögulegt að búa
saman.
Stúlkan segir að móðir hennar
hafi neytt hana til að stunda kynlíf
með karlmönnum frá tíu ára aldri
og hafi móðirin þegið greiðslu frá
mönnunum fyrir það. „Þetta unga
barn hefur sætt mikilli og hrylli-
legri kynferðislegri misnotkun, að
því er best verður séð með vitund
og þátttöku móður hennar,“ sagði
dómarinn sem felldi úrskurð um
lögskilnað mæðgnanna. ■
Mazda3
fjölskyldan
Hvaða meðlimur Mazda3-fjölskyldunnar hentar þér?
Mazda3 Sport 2 l, 150 hestöfl. Verð frá 2.355.00 kr.
Leiga frá 40.520 kr. í 36 mánuði.*
Mazda3 Sport er einnig til í sedan-útgáfu.
Mazda3 5 dyra 1,6 l, 105 hestöfl. Verð frá 1.795.000 kr.
Leiga frá 31.486 kr. í 36 mánuði.*
Mazda3 sedan 1,6 l, 105 hestöfl. Verð frá 1.805.000 kr.
Leiga frá 31.663 kr. í 36 mánuði.*
Mazda3 er einnig fáanlegur með 107 hestafla díselvél.
Komdu, reynsluaktu og berðu saman verð og gæði.
Opið frá 12–16 laugardaga
*Leigugreiðslur eru háðar gengi og því aðeins til viðmiðunar. Innifalið: akstur allt að 20.000 km á ári, olíuskipti og þjónusta samkvæmt þjónustubók.
Söluumboð: Bílás sf., Akranesi - BSA, Akureyri Betri bílasalan, Selfossi - SG Bílar, Reykjanesbæ
– hefur þú séð DV í dag?
Snyrtilegi kókaínmaðurinn
Stórgræddi á dópi en sagðist
vera fyrirlesari í Þýskalandi
HILMAR GUNNARSSON
Segir að Skaftárhreppur hafi haft um-
hverfissjónarmið að leiðarljósi þegar
ákveðið var að brenna sorp í stað
þess að urða það.
Írland er besta landið til að búa í og Simbabve það versta samkvæmt nýrri úttekt:
Búum við sjöundu
bestu lífsgæðin
BESTU LÍFSGÆÐI
1 Írland
2 Sviss
3 Noregur
4 Lúxemborg
5 Svíþjóð
6 Ástralía
7 Ísland
8 Ítalía
9 Danmörk
10 Spánn
ÍRAR Í KIRKJU
Best er að búa á Írlandi vegna þess að þar fer saman öflugt fjölskyldulíf og gott samfélag
auk lágs atvinnuleysis og pólitísks frjálsræðis segir í úttekt The Economist.
14-15 fréttir 18.11.2004 20.37 Page 2