Fréttablaðið - 19.11.2004, Blaðsíða 38

Snjórinn setur jólalegan blæ á miðbæinn.
SJÓNARHORN
Ákveður að hafa allt skemmtilegt
Jón Sigurðsson er tónlistarmaður og starfsmaður í viðskiptastýringu hjá Símanum.
Hvenær vaknar þú á morgnana?
Ég er morgunhani og vakna yfirleitt um sjöleytið. Ég tek daginn snemma nema
eitthvað sérstakt komi upp á, eins og ef ég er að skemmta fram á nótt.
Í hverju felst starfið?
Í grófum dráttum að mynda tengsl á milli Símans og fyrirtækja á markaðinum. Í
tónlistinni er ég síðan að skemmta og er nýbúinn að gefa út plötu.
Hversu lengi vinnur þú?
Það má segja að ég vinni mestallan daginn. Þegar ég er búinn hjá Símanum fer
ég annað hvort að æfa mig fyrir gigg eða að spila á einhverju giggi. Ef ég geri það
ekki sinni ég barni og buru.
Hvað er skemmtilegast við starfið?
Hjá Símanum eru það mannlegu samskiptin. Mér finnst gaman að hafa samskipti
við fólk og kynnast nýju fólki á hverjum degi. Það er eiginlega það sama uppi á
teningnum í tónlistinni. Mér finnst gaman að skemmta fólki og mynda tengsl við
það. Þess vegna rýk ég ekki upp á svið og rýk beint af því þegar ég er búinn. Ég
reyni að spjalla við fólkið því það gefur mér mjög mikið og ég vona að það gefi því
mikið líka.
En leiðinlegast?
Það er ekkert leiðinlegt nema maður ákveði það sjálfur. Ég hef ákveðið að hafa
allt skemmtilegt og því verður allt skemmtilegt.
Hvað gerir þú eftir vinnu eða þegar þú átt frí?
Ég reyni að fara í ræktina þegar ég get því samviskan nagar mig alltaf hægri vinstri.
Síðan slaka ég mest á með því að skella mér upp í rúm og horfa á góða vídeóspólu
eða spila fótboltaleiki í tölvunni. Ég reyni þar af leiðandi að slaka mest á þegar ég á
frí.
„Ég reyni að spjalla við fólkið því það gefur mér mjög mikið
og ég vona að það gefi því mikið líka,“ segir Jón.
HVUNNDAGURINN
FÖSTUDAGUR 19. nóvember 2004 12
FRÉTTAB
LAÐ
IÐ
/VILH
ELM
FRÉTTAB
LAÐ
IÐ
/VALLI
38 bak Allt (12) 18.11.2004 16:08 Page 2