Fréttablaðið - 19.11.2004, Blaðsíða 39

Fréttablaðið - 19.11.2004, Blaðsíða 39
27FÖSTUDAGUR 19. nóvember 2004 AF NETINU Borgaraleg óhlýðni Það að mæta ekki til vinnu og bera við veikindum í tvo daga kallast borgaraleg óhlýðni. Borgaraleg óhlýðni getur verið á gráu svæði samkvæmt lagabókstafnum en er það í raun ekki í þessu tilviki. Kennarar hafa rétt á tveimur veikinda- dögum í mánuði og er fullkomlega lög- legt að nýta sér hann. En ef einhverjar aðrar ástæður lægju að baki þessum fjöldaveikindum s.s. árshátíð kennara, væru þau með öllu siðlaus. Málið er að borgaraleg óhlýðni er nauðsynleg lýð- ræðinu. Þegar einni stétt er mismunað af meirihluta alþingis með ólögum, er það skylda þeirra sem eiga í hlut, og í raun samfélagsins alls, að grípa til að- gerða. Gunnar Örn Heimisson á vinstri.is. Þunnur þráður og ólíkindalegur Í ferðinni las ég hina nýju bók Ólafs Jó- hanns Ólafssonar, Sakleysingjarnir, þar sem hann lætur söguhetju sína berast frá einum stóratburði til annars og einu landi til annars, einum lækni til annars, einni konu til annarrar. Ólafur Jóhann heldur sig við persónur sem lifa marg- földu lífi og vita kannski ekki sjálfar að lokum hverjar þær eru, raunar virðist ekkert sem sýnist. Hann sníðir söguefni sitt á þann veg að bókin geti bæði höfð- að til íslenskra og erlendra lesenda. Skáldaleyfið gerir honum kleift að færa alkunna atburði í stílinn og búa til per- sónur sem bera með sér að eiga ein- hverja fyrirmynd, þótt hún sé aðeins kveikja að einhverjum allt öðrum. Bókin er rúmlega 500 blaðsíður og er oft fljótt farið úr einu sviði í annað og verður þá þráður sögunnar bæði þunnur og næsta ólíkindalegur. Auðvitað má elta ólar við það hvort höfundurinn bregður góðu eða vondu ljósi á þá atburði sem hann velur sér og hetju sinni sem viðfangsefni, en það verður ekki gert hér. Björn Bjarnason á bjorn.is Aldrei eins reið Ég er kannski ósanngjörn en ég verð að segja að þegar ljóst er að skólastarf í Öskjuhlíðarskóla og Safamýraskóla fellur niður þá held ég að ég hafi sjaldan eða aldrei verið eins reið við neina stétt. Ég vil enda þessa grein á orðum Umboðs- manns barna „Umboðsmaður barna mælist til þess við grunnskólakennara að þeir sýni börnum þessa lands virð- ingu og mæti þegar í stað til vinnu sinn- ar í grunnskólum, eins og lög bjóða. Börn eru skólaskyld og þau eiga stjórnar- skrárvarinn rétt til menntunar og fræðslu. Virðingarleysi fyrir þessum rétt- indum barna er engum til sóma“. Stefanía Sigurðardóttir á frelsi.is Velgengni Íra Tímaritið virta, Economist, kemst að þeirri niðurstöðu að Ísland sé sjöunda besta land í heimi til að eiga heima í. Best er að vera á Írlandi. Það kemur nokkuð á óvart, því þegar ég ferðaðist um Írland á árunum 1977-78 var það enn þá fátækrabæli. En síðan hafa Írar að miklu leyti kastað kaþólskri trú, mjólkað Evrópusambandið og laðað til sín fjármagn úr öllum áttum - svo sjálf- sagt er lífið bara gott á eyjunni grænu. Egill Helgason á visir.is Ögmundur og kennararnir Fróðlegt væri í þessari umræðu [um kjör kennara] að fá fram afstöðu formanns BSRS, Ögmunds Jónassonar, til þessa máls. Eftir þau ummæli sem hann við- hafði á alþingi þegar lög voru sett á kennara mætti telja að hann styddi það að kennarar fái hækkanir umfram aðra hópa þar með talda félaga BSRS. Ög- mundur sagði m.a. að sinn þingflokkur væri andvígur frumvarpinu. ... Er ekki kominn tími á að formaðurinn komi fram og skýri frá afstöðu BSRB til kröfu kennara. Og jafnframt hvort hann sem formaður bandalagsins væri tilbúinn til að ganga fram fyrir skjöldu og sam- þykkja að kennarar eigi meiri rétt til hækkana en aðrir launþegar landsins. Anna Kristinsdóttir á timinn.is Stóriðja á höfuðborgarsvæðinu Jafnframt má spyrja hvort ekki sé að koma að þeim tímapunkti að fólk á höf- uðborgarsvæðinu þurfi að spyrja hver sé eiginlega stefna stjórnvalda varðandi stóriðju í næsta nágrenni Reykjavíkur. Búið er að semja um tiltekna stækkun álversins á Grundartanga og enn meiri stækkun í vændum samanber nýlega orkusölusamninga. Fyrir dyrum stendur bygging rafskautaverksmiðju í Hvalfirði sem mun hafa mikla mengun í för með sér. Þá eru uppi hugmyndir um að stækka Járnblendiverksmiðjuna á Grundartanga um einn eða tvo ofna og síðast en ekki síst stækkun álversins í Straumsvík. Steinþór Heiðarsson á murinn.is Kostnaðargreining utanríkisþjón- ustu Við það að Halldór Ásgrímsson sest í stól forsætisráðherra, hafa fjölmiðlar og álits- gjafar um íslenska pólitík fundið hjá sér ríka þörf við að kostnaðargreina íslensku utanríkisþjónustuna. Menn hafa fundið út að útgjöld hafi tvöfaldast í tíð Halldórs Ásgrímssonar. Einnig „skúbbaði“ Frétta- blaðið fyrir nokkru síðan með frétt í blaðinu að undir stjórn Sivjar Friðleifs- dóttur hafi útgjöld umhverfisráðuneytis- ins þrefaldast. Auðvitað er það gott og sjálfsagt að menn sýni stjórnvöldum að- hald er kemur að rekstri ráðuneyta. En jafnframt geri ég þá kröfu til viðkomandi að hann sé ekki með sleggjudóma er hann leggur í þá vegferð að upplýsa okk- ur almúgann um meðferð fjár hjá hinu opinbera. Guðlaugur Sverrisson á hrifla.is Útsvarshækkun R-listans R-listinn, þessi sem fyrir kosningar segist alltaf hafa „lækkað skatta“ og frétta- menn snúa sér að næstu frétt, er nú að fara með útsvar borgarbúa eins hátt og lög frekast leyfa. Og þar sem að skatta- hækkunarþörf R-borgar virðist aldrei verða fullnægt, þá ætlar R-listinn líka að hækka fasteignagjöld, borgarbúum til hagsbóta. R-listinn hefur sennilega séð að með þessum tveimur aðgerðum nær hann bæði unga fólkinu sem vinnur eins og það getur til að koma sér upp hús- næði, og roskna fólkinu sem hefur kom- ið sér upp húseign en hefur minni tekj- ur. Og þegar R-listinn er búinn að til- kynna um atlögur sínar að þeim borgar- búum sem greiða tekjuskatt eða eiga fasteignir, þá kemur næsta gleðifregnin frá ráðhúsinu. Nú á að snúa sér gegn köttum borgarinnar. Vefþjóðviljinn á andriki.is SENDIÐ OKKUR LÍNU Við hvetjum lesendur til að senda okk- ur línu og leggja orð í belg um málefni líðandi stundar. Greinar og bréf skulu vera stutt og gagnorð. Eingöngu er tek- ið á móti efni sem sent er frá Skoðana- síðunni á visir.is. Þar eru nánari leið- beiningar. Ritstjórn ákveður hvort efni birtist í Fréttablaðinu eða Vísi eða í báðum miðlunum að hluta eða í heild. Áskilinn er réttur til leiðréttinga og til að stytta efni. » BETRI SJÓNVARPSDAGSKRÁ 26-39 umræða 18.11.2004 15:55 Page 3
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64

x

Fréttablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fréttablaðið
https://timarit.is/publication/108

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.