Fréttablaðið - 16.12.2004, Page 6

6 16. desember 2004 FIMMTUDAGUR
Ríkið kaupir teikningar Sigmunds fyrir 18 milljónir króna:
Verða varðveittar í Vestmannaeyjum
MENNING „Það er alveg gífur-
lega mikils virði að þetta
safn verði á einum stað og
það tvístrist ekki út um allt,“
segir Halldór Ásgrímsson
forsætisráðherra um kaup
ríkisins á teikningum Sig-
munds Jóhannssonar sem
birst hafa í Morgunblaðinu
undanfarin fjörutíu ár.
Samningar um kaupin voru
undirritaðir í Vestmanna-
eyjum í gær en ríkið greiðir
Sigmund 18 milljónir króna
fyrir safnið. Stendur það
saman af um tíu þúsund
myndum og leggst því hver
mynd á um átján hundruð
krónur.
Til stendur að varðveita
Sigmundssafn ríkisins í
óreistu menningarhúsi í
Vestmannaeyjum en að
auki verður það skannað
inn á tölvur og þannig að-
gengilegt öllum almenn-
ingi. Ríkið eignast höfund-
arrétt að myndunum og
getur ráðstafað þeim að
vild.
Aðspurður neitaði Hall-
dór Ásgrímsson að Morg-
unblaðið fengi einnig greitt
fyrir myndirnar. „Nei, nei,
nei. Þessi samningur er við
Sigmund og Morgunblaðið
kemur þar hvergi nærri.“
- bþs
Júlíus 35. sendiherrann
Fimm nýir sendiherrar hafa verið skipaðir á þessu ári. Sendiherrum fjölgaði um 66% í ráðherratíð
Halldórs Ásgrímssonar, samkvæmt svari við fyrirspurn á Alþingi.
STJÓRNMÁL Júlíus Hafstein, fyrr-
verandi borgarfulltrúi, tekur við
starfi sendiherra í utanríkisráðu-
neytinu um áramótin. Þar með
verður hann 35. sendiherra Íslands
og sá fimmti sem skipaður er á
þessu ári.
Þessa stundina eru 34 sendi-
herrar starfandi, nítján við störf
erlendis en fimmtán hér á landi.
Júlíus verður sextándi heimasendi-
herrann en til stendur að endur-
skipuleggja viðskiptaskrifstofur
ráðuneytisins. Júlíus er fyrrver-
andi borgarfulltrúi sjálfstæðis-
manna og starfaði náið með Davíð
Oddssyni bæði í borgarstjóra- og
forsætisráðherratíð hans. Sem for-
sætisráðherra fól Davíð síðan
Júlíusi að stýra hátíðahöldum
vegna hundrað ára afmælis heima-
stjórnar og lauk því verkefni fyrir
skemmstu.
Fram kemur í svari utanríkis-
ráðuneytisins við fyrirspurn Sig-
urjóns Þórðarsonar, þingmanns
Frjálslynda flokksins, að sendi-
herra sem starfar hérlendis hefur
427.420 krónur í mánaðarlaun auk
veginnar yfirvinnu, sem er um 75
þúsund. Sendiherra erlendis hefur
síðan 427 þúsund krónur og fer
upp í rétt tæpa milljón að við-
bættri staðaruppbót, sem er að
meðaltali rúmlega 560 þúsund
krónur. Hún er skattfrjáls og því
eru tekjurnar í raun hærri. Að
auki búa sendiherrar í ókeypis
húsnæði og hafa einkabílstjóra,
svo eitthvað sé nefnt.
Sigurjón Þórðarson segir á
heimasíðu sinni að fjölgun sendi-
herra frá árinu 1995, þegar Hall-
dór Ásgrímsson varð utanríkis-
ráðherra, sé um 66%. „Ég efast
stórlega um að það sé nokkurt vit í
þessari fjölgun og hún sé enn eitt
dæmið um algjört bruðl stjórn-
valda með fé almennings.“
Þess má geta að algengt er að
fyrrverandi stjórnmálamenn séu
skipaðir sendiherra þegar þeir
hætta í ríkisstjórn eða á Alþingi.
Þannig eru í hópi sendiherra einn
fyrrverandi formaður Sjálfstæðis-
flokksins, Þorsteinn Pálsson, og
fyrrverandi ráðherra sama flokks,
Tómas Ingi Olrich. Þrjá fyrrver-
andi formenn Alþýðuflokksins er
þar að finna; Jón Baldvin Hanni-
balsson, Kjartan Jóhannsson og
Sighvat Björgvinsson, og fyrrver-
andi ráðherra sama flokks, Eið
Guðnason. Þá er Svavar Gestsson,
fyrrverandi formaður Alþýðu-
bandalagsins, sendiherra.
a.snaevarr@frettabladid.is
Tónlistarkennarar:
Fundur án
niðurstöðu
KJARAMÁL Tónlistarkennarar og
sveitarfélögin sátu sinn sautjánda
fund með ríkissáttasemjara í gær.
Stefnt er að því að ná samningum
fyrir jól.
Sigrún Grendal Jóhannesdótt-
ir, formaður Félags tónlistar-
skólakennara, segir launaliðina
verða rædda í dag og á laugardag.
Þá komi í ljós hve mikið beri á
milli samninganefndanna.
Sigrún segir stefnt að frekari
leiðréttingu kjara tónlistarkenn-
ara frá síðasta samningi. Þeir hafi
dregist aftur úr öðrum háskóla-
menntuðum stéttum í launum.
- gag
VEISTU SVARIÐ?
1Hvað mætti spara mikið á ári meðþví að flytja innanlandsflug frá
Reykjavík til Keflavíkur?
2Hvað hafa margir gestir heimsóttKringluna í Reykjavík frá því hún var
opnuð?
3Hvað heitir bærinn í Biskupstungumþar sem síðast kom upp riða í sauðfé?
Svörin eru á bls. 58
edda.is
„Skemmtileg og fræðandi“
Jóhanna Kristjónsdóttir
- Mbl.
1. prentun
uppseld
2. prentun
uppseld
3. prentun
á þrotum
4. prentun
væntanleg
„Aðdáunarvert framtak í
þá átt að reyna að stemma
stigu við fordómum og
arabahatri.“
Sigríður Albertsdóttir, DV
1. sæti
Ævisögur
Penninn Eymundsson
og Bókabú›ir MM
8. –14. des.
„Prýðilega góð bók, bæði skemmtileg og fræðandi.“
Guðrún Margrét Guðmundsdóttir, Mbl.
„Afar skemmtileg bók sem óhætt er að mæla með ...
skrifuð af djúpu innsæi, skilningi og samúð með
viðmælendum og veruleika þeirra ... lóð á vogarskál
umburðarlyndis og réttlætis í heiminum.“
Birna Karlsdóttur, Félagstíðindi SFR
„Skemmtileg bók, lifandi frásögn og umfram allt
einstaklega fróðleg lesning.“
Guðný Hallgrímsdóttir, kistan.is
Landsvirkjun:
Skriður á
söluviðræðum
LANDSVIRKJUN Viðræður um sölu
hluta Reykjavíkurborgar og Ak-
ureyrarbæjar í Landsvirkjun til
ríkisins halda áfram. Fundað var
með iðnaðarráðherra á þriðjudag.
Steinunn Valdís Óskarsdóttir
borgarstjóri segir skrið kominn á
málið: „Þetta er gríðarlega stórt
mál og skiptir tugum milljóna
króna. Við höfum ekkert í hendi
með tímasetningar en það liggur
heldur ekkert á,“ sagði Steinunn.
Um efnisinntök viðræðnanna
væri ekki tímabært að ræða. - gag
Riða í kindum:
Kærunni
vísað frá
LANDBÚNAÐUR Stjórnsýslukæru
sem barst landbúnaðarráðuneyt-
inu vegna niðurskurðar búfjár í
Biskupstungum hefur verið vísað
frá þar sem kærandi eigi ekki að-
ild að málinu.
Guðbrandur Jónsson, kærandi
og verkefnastjóri í Saurbæ-bio-
gas, segir ákvörðun ráðuneytisins
ósmekklegan útúrsnúning.
„Ég vísaði til laga um dýra-
vernd í þessu máli og að hér væri
um að ræða árás á genasamsetn-
ingu sauðkinda á Íslandi. Þetta er
frekleg misbeiting valds,“ segir
Guðbrandur. - gag
SKIPULAGSMÁL Skeljungur hefur
mótmælt því að Atlantsolía fái að
reisa sjálfsafgreiðslustöð á lóð
Teits Jónassonar hf. við Dalveg í
Kópavogi við hliðina á bensínstöð
Skeljungs. Í bréfi til skipulags-
nefndar Kópavogs segir að vegna
nálægðar við bensínstöð Skelj-
ungs muni breytingin leiða til
minni eldsneytissölu fyrirtækis-
ins og verulegs fjárhagstjóns. Í
núverandi skipulagi er heimild
fyrir bensíndælu á lóðinni.
Því þykir fyrirtækinu ljóst að
það eigi skaðabótakröfu á hendur
Kópavogsbæ verði af því að Atl-
antsolía fái að reisa stöðina. Er vís-
að í því efni til auglýsingar skipu-
lagsstjóra Kópavogs frá því í nóv-
ember þar sem segir að telji ein-
staklingur sig verða fyrir tjóni
samfara breytingunni muni bæjar-
yfirvöld taka að sér að bæta það.
Gunnsteinn Sigurðsson, for-
maður skipulagsnefndar Kópa-
vogs, segir að málið sé nú á borði
nefndarinnar og verði tekið fyrir
á næsta fundi. - ghg
SKELJUNGUR
Olíufélagið hefur mótmælt því að Atlantsolía fái að reisa bensínstöð á næstu lóð við hlið
þeirra. Þeir hóta skaðabótakröfu.
Skeljungur:
Hóta Kópavogi
skaðabótakröfu
Áskorun:
Ferðum
Herjólfs fjölgi
SAMGÖNGUR Forsvarsmenn útvegs-
bænda og fiskvinnslufyrirtækja í
Vestmannaeyjum áttu fund í gær
með Halldóri Ásgrímssyni for-
sætisráðherra til að ræða sam-
göngumál Eyjamanna. Fékk Hall-
dór afhenta áskorun þess efnis að
ferðum Herjólfs fjölgi í 13 ferðir
á viku, frá og með áramótum. Í
áskoruninni segir að fjölgun ferða
Herjólfs sé til hagsbóta fyrir allt
atvinnulíf í Eyjum. Ráðherra er
sagður hafa tekið erindinu vel og
hyggst kynna það í ríkisstjórn. ■
Landsbjörg:
Fékk nætur-
sjónauka
BJÖRGUNARSTÖRF Slysavarnafélagið
Landsbjörg fékk í gær afhenta
nætursjónauka að gjöf frá Sjóvá-
Almennum. Nætursjónaukinn
mun fara í björgunarskip félags-
ins til að auðvelda áhöfnum þeirra
leit og björgun að nóttu til.
Gjöfin var afhent um borð í
Einari Sigurjónssyni, einu af
björgunarskipum félagsins. Í til-
efni af gjöfinni var farið í stutta
siglingu út fyrir Hafnarfjörð þar
sem nætursjónaukarnir voru
prófaðir. ■
SIGMUND JÓHANNSSON
Sæll og glaður með myndasöluna til ríkisins.
FR
ÉT
TA
B
LA
Ð
IÐ
/J
Ó
H
AN
N
I
N
G
I Á
R
N
AS
O
N
SENDIHERRA HEIMA:
Grunnlaun: 427 þúsund
Metin yfirvinna: 75 þúsund
Alls: 502 þúsund
SENDIHERRA ERLENDIS:
Grunnlaun: 427 þúsund
Skattfrjáls staðaruppbót: 562 þúsund
Alls: 989 þúsund
(hluti skattfrjáls)
JÚLÍUS HAFSTEIN
Borgarfulltrúinn fyrrverandi bætist í hóp margra fyrrverandi stjórnmálamanna og verður
sendiherra.
SVAVAR GESTSSON
Fyrsti og síðasti Alþýðubandalagsformaður-
inn á sendiherrastóli. Fyrrverandi formenn
viðreisnarflokkanna sitja í sendiherraemb-
ættum en enginn framsóknarformaður
eins og er.
06-07 15.12.2004 20:37 Page 2