Fréttablaðið - 16.12.2004, Side 14

14 16. desember 2004 FIMMTUDAGUR
VÉLMENNI HEILSAÐ
Sýningarstúlka í Tókýó heilsar Asimo, vél-
menni sem stórfyrirtækið Honda hefur
hannað. Vélmennið, sem kynnt var fyrir
nokkrum misserum, getur nú hlaupið.
Einnig er búið að koma fyrir nemum í
höndum vélmennisins þannig að hægt er
að leiða það um.
Gæludýralisti í Austurbyggð:
Persónuvernd veitti ráðgjöf
DÝRAHALD Yfirvöld í Austurbyggð
hafa birt á vefsíðu sveitarfélags-
ins lista yfir alla skráða hunda og
ketti á Fáskrúðsfirði og Stöðvar-
firði. Nöfn eigenda koma fram á
listanum en einnig nöfn og heimil-
isföng dýranna. Að sögn Steinþórs
Péturssonar, sveitarstjóra í Aust-
urbyggð, er tilgangurinn með op-
inberri birtingu listans að hvetja
katta- og hundaeigendur til að
skrá dýrin og hins vegar láta íbúa
sveitarfélagsins vita hverjir eru
með skráð dýr.
Steinþór segir að sveitarstjórn-
armenn hafi haft samband við sig
eftir að listinn var birtur. „Ég veit
að sum sveitarfélög hafa verið að
velta því fyrir sér að birta slíkan
lista en vegna laga um persónu-
vernd hafa þau ekki lagt í það. Við
höfðum því vaðið fyrir neðan
okkur og fengum leiðbeiningar
frá Persónuvernd um hvernig
skyldi standa að birtingunni,“
sagði Steinþór.
Samkvæmt listanum eru 16
löglega skráðir hundar í Austur-
byggð og fimm kettir. Keli,
Skotta, Gosi, Snúlla og Leifur
heppni eru allt skráðir og lög-
hlýðnir kettir í sveitarfélaginu en
þeir sem gegna öðrum nöfnum
eru staddir í Austurbyggð í óþökk
yfirvalda.
kk@frettabladid.is
Eggjakaup úr konum
á mjög gráu svæði
Landlæknir segir það „á mjög gráu svæði“ að kaupa egg af konum til tækni-
frjóvgunar eins og boðað hefur verið hér á landi. Hann segir þó ekkert í lög-
um sem banni það. Embættið mun ræða málið við forráðamenn Art Medica.
TÆKNIFRJÓGVUN Ekkert í lögum
bannar að egg til tæknifrjóvgunar
séu keypt af konum, eins og fyrir-
hugað er að gera hér á landi. Hins
vegar segir Sigurður Guðmunds-
son landlæknir það afar umdeil-
anlegt.
Það er einka-
rekna tækni-
frjóvgunarfyrir-
tækið Art Med-
ica sem ákveðið
hefur að bjóða
konum greiðslu
fyrir egg, þar
sem skortur er á
þeim.
„Það er ekki
bannað í lögum
um tæknifrjóvg-
un að taka gjald
fyrir svona
nokkuð,“ sagði landlæknir. „Hins
vegar er mjög óvenjulegt að við, í
þessu umhverfi sem við
hrærumst í á Íslandi, greiðum
fyrir gjafir á lífsýnum af þessu
tagi. Það er að vísu ekki heldur
bannað í lögum um lífsýni, sem
taka til lífsýna og lífsýnabanka,
að greiða gjafa fyrir sýnið.
Hins vegar má bankinn
sjálfur einungis rukka
gjald til að standa und-
ir kostnaði við öflun
og umönnun sýnis-
ins, en ekkert um-
fram það.“
L a n d l æ k n i r
benti á að ekki
væri greitt fyrir
blóðgjafir hér á
landi, jafnvel
þótt það væri
ekki beinlínis bannað með lögum.
„Mér finnst persónulega að það
sé umhugsunarefni og afar um-
deilanlegt mál að kaupa egg í
þessu skyni, þar sem við greiðum
ekki fyrir blóðgjafir og munum
vonandi aldrei gera.“
Landlæknir kvaðst telja sjálf-
sagt að greiða gjöfurum fyrir
vinnutap, óþægindi og kostnað
sem af því hlytist að gefa egg. En
hvað varðaði beinar greiðslur
bæri að fara var-
lega í ljósi þess
samfélags sem
menn byggju í.
Hann benti
enn fremur á
að heilbrigt fólk tæki þátt í vís-
indarannsóknum sem sjálfboða-
liðar. Í slíkum tilvikum hefðu
rannsóknarmenn stundum greitt
þátttakendum. Þær greiðslur
ættu að koma gegn kostnaði, tíma
og fleiru af því tagi. Ef sjúklingar
tækju þátt í slíkri rannsókn væri
ekki greitt fyrir það. Þetta væri
vinnuvenjan hér á landi.
„Á sama hátt myndi ég vilja sjá
eggjagjöfum fyrir komið. Sé
greitt fyrir þær sé það til
að koma til móts við
kostnað, vinnutap ef
eitthvað er, en ekki sem
umbun til þess að fjölga
eggjagjöfum. Það finnst
mér vera á mjög gráu
svæði,“ sagði land-
læknir, sem kvað
embættið myndu
ræða málið á al-
mennum nótum
við fyrirtækið.
jss@frettabladid.is
Plötuútgáfa í ár:
30 prósenta
aukning
TÓNLIST Sala á hljómplötum
hefur aukist um tæp 30 prósent
frá því á síðasta ári, eftir því
sem kemur fram í tilkynningu
frá Félagi hljómplötuútgefenda.
Í vikunni 5.-12. desember seld-
ust 30 mest seldu plöturnar í
tæpum 17.500 eintökum, sem er
um 7.000 eintökum fleiri en
seldust vikuna þar á undan.
Félag hljómplötuútgefenda
segir því ljóst að landsmenn séu
að renna inn í stór tónlistarjól.
Rúmlega 170 nýjar hljóm-
plötur eru gefnar út fyrir þessi
jól, frá fjölda útgefenda. ■
Hjálpræðisherinn:
Jólastyrkjum
úthlutað
HJÁLPARSTARF Jólastyrkjum verð-
ur úthlutað í samkomusal Hjálp-
ræðishersins núna á laugardag-
inn. Fulltrúar fjölskyldna sem
sótt hafa um styrk mega koma
milli klukkan 10 og 12 og ein-
staklingar milli klukkan eitt og
þrjú.
Söfnunarpottar Hjálræðis-
hersins eru fyrir utan Liverpool
á Laugaveginum, í Kringlunni, í
Smáralind og Kolaportinu. „Við
treystum því að vel muni sjóða í
pottunum þannig að við getum
styrkt alla þá sem þess þurfa,“
segir í tilkynningu Hjálpræðis-
hersins.
Jólahald hjá Hjálpræðishern-
um í Reykjavík hefst klukkan
sex á aðfangadagskvöld, en að
því standa Hjálpræðisherinn og
Vernd saman. Hægt er að skrá
sig til 20. desember í 561-3203.
- óká
Landhelgisgæslan:
Sótti veikan
sjómann
SJÚKRAFLUG Áhöfn þyrlu Land-
helgisgæslunnar sótti veikan
sjómann um borð í togarann
Guðmund frá Nesi sem staddur
var um eitt hundrað sjómílur
norðvestur af Snæfellsnesi.
Þyrlan fór í loftið klukkan rúm-
lega hálf sjö í gærmorgun og
var maðurinn kominn um borð í
þyrluna um klukkan níu. Tutt-
ugu mínútur yfir tíu lenti þyrlan
á Reykjavíkurflugvelli þaðan
sem maðurinn var fluttur á
Landspítalann við Hringbraut.
Hann var lagður inn á skurð-
deild og er líðan hans eftir at-
vikum góð að sögn vakthafandi
læknis á bráðamóttöku.
- hrs
Þorleifskot:
Kálfaskortur
í nautastöð
LANDBÚNAÐUR Framboð á nautkálf-
um til Nautastöðvar BÍ í Þor-
leifskoti hefur síðustu mánuði verið
meðÝminna móti en undanfarin ár,
að því er fram kemur á vef Lands-
sambands kúabænda. „Slík staða er
mjög bagaleg fyrir kynbótastarfið
og í raun afar mikilvægt fyrir kúa-
bændur landsins að ávallt sé um of-
framboð á nautkálfum að ræða,
enda er það eina leiðin til að tryggja
að besta erfðaefnið skili sér áfram
til næstu kynslóðar,“ segir þar og
tekið fram að bændur sem nái að
selja kálfa til Nautastöðvarinnar fái
að jafnaði um 45 þúsund krónur
fyrir nautið. -óká
BÁTUR DREGINN Í LAND Særif
SH, sem er fimmtán tonna bátur,
varð vélarvana rétt norður af Rifi
í gærdag og var björgunarskipið
Björg kallað út. Skömmu áður en
björgunarskipið kom á staðinn
kom að báturinn Litli hamar og
dró Særif til Rifshafnar.
HRAÐAKSTUR Í ÓLAFSFJARÐAR-
GÖNGUM Fjórir ökumenn voru
teknir fyrir of hraðan akstur í
Ólafsfjarðargöngum í gærmorg-
un. Sá sem hraðast ók var á tæp-
lega níutíu kílómetra hraða en há-
markshraði í göngunum er fimm-
tíu kílómetrar á klukkustund.
HUNDAR
Sextán löglega skráðir hundar eru í Austur-
byggð og fimm kettir.
FR
ÉT
TA
B
LA
Ð
IÐ
/G
VA
■ LÖGREGLUFRÉTTIR
NÝFÆDDUR KÁLFUR
Þessi kálfur kom í heiminn í Húsdýragarð-
inum í Reykjavík og er því tæpast á leið í
nautastöðina í Þorleifskoti.
FRJÓVGUN OG FÆÐINGAR
Landlæknir segir afar umdeilanlegt að kaupa beinlínis egg af konum til að tæknifrjóvgun geti átt sér stað. Myndin
er frá fæðingardeild Landspítala - háskólasjúkrahúss, en fólkið á myndinni er á engan hátt tengt fréttinni.
LANDLÆKNIR
Sigurður Guð-
mundsson bendir á
að ekki sé greitt fyr-
ir blóðgjafir hér
14-15 15.12.2004 19:50 Page 2