Fréttablaðið - 27.06.2005, Blaðsíða 38
22 27. júní 2005 MÁNUDAGUR
TORFHÚSAHVERFI Á SELFOSSI
Svona mun hverfið líta út.
„Þetta er alveg sérhverfi hér á
vesturbakkanum sem við Sel-
fyssingar köllum „fyrir utan
á“,“ segir Finnbogi og kveðst
vera búinn að skipuleggja þar
níu húsa hverfi. Húsin verða
byggð í gömlum íslenskum stíl
með grasi á þakinu og hleðslum
til hliðanna. Finnbogi er búinn
með eitt hús og er að byrja á
tveimur öðrum í fjögurra húsa
lengju sem myndar burstabæj-
arstíl. Þar verða sem sagt fjórar
burstir og fyrsta húsið er selt.
Arkitekt bæði að hverfinu og
húsunum er Vífill Magnússon.
„Vífill hannaði hverfið frá
grunni og deiliskipulagði það
með þetta umhverfi í huga sem
við erum í, ána og klettana,“
útskýrir Finnbogi.
Bygginarnar mynda hring.
Húsin sem nú eru í byggingu
eru 185 fermetrar hvert, á
tveimur hæðum og er sólstofa á
syðri hluta þeirrar efri. Þaðan
er glæsilegt útsýni yfir ána og
fjöllin í austri. Sperrurnar eru
sýnilegar innan úr húsinu því öll
einangrun er utan á, bæði í þaki
og veggjum og Finnbogi segir
veðuráhrif verða mjög lítil inn-
an dyra. „Grasið drepur niður
vindgný og slíkt,“ segir hann og
kveðst aldrei hafa gert þak með
þessum hætti áður.
Bílskúrar verða ekki með
hverju húsi heldur ein bíla-
geymsla miðlæg í hverfinu og
hún verður niðurgrafin. Ofan á
henni verður samkomustaður
fyrir íbúana, hvort sem þeir
vilja setja þar upp barnaleik-
völl, grill eða annað, að sögn
Finnboga. Miðlægt ryksugu-
kerfi verður í húsunum og ýms-
ar nýjungar í lögnum, bæði í
hita- og rafkerfum.
Finnbogi segir það hafa verið
þrautagöngu að koma þessu
skipulagi á koppinn en hann er
búinn að vinna í því frá árinu
1992. Nú er hann að byrja á húsi
númer tvö og segir fólk sýna
þeim áhuga. „Ég er að hugsa um
að koma grunninum upp áður en
ég fer að auglýsa,“ segir hann
og sér nú loks gamlan draum
vera að rætast.
gun@frettabladid.is
Torf á þaki og hleðslur í hliðum
Einstök byggð með séríslensku yfirbragði er að rísa á vesturbakka Ölfusár.
Finnbogi Guðmundsson, byggingaverktaki á Selfossi, er þar að bardúsa.
M
YN
D
/
ÁR
M
AN
N
I
N
G
I S
IG
U
RÐ
SS
O
N
SNYRTILEG OG FALLEG AÐKOMA Að húsunum er falleg aðkoma og stutt í útivistarsvæði Selfyssinga