Fréttablaðið - 29.06.2005, Side 41

MARKAÐURINN MIÐVIKUDAGUR 29. JÚNÍ 2005 17
S K O Ð U N
Hrein eign íslenskra lífeyrissjóða
til greiðslu lífeyris nam 1.037 mill-
jörðum króna í apríl og jókst um
rúma 16 milljarða frá marsmánuði,
að því er fram kemur í efnahags-
yfirliti Seðlabanka Íslands. Hrein
eign lífeyrissjóðanna hefur því
aukist um rúma 157 milljarða
króna síðastliðna tólf mánuði.
Greiningardeild Landsbankans
segir þróun í fjárfestingum líf-
eyrissjóðanna í samræmi við fyrri
þróun. Lífeyrissjóðirnir hafa selt
meira af innlendum hlutabréfum
en þeir hafa keypt, en keypt meira
af erlendum hlutabréfum en þeir
hafa selt. Síðan segir greiningar-
deild Landsbankans:
„Í lok apríl var tæpur 161 millj-
arður af heildareignum lífeyris-
sjóðanna bundnir í innlendum
hlutabréfum og sjóðum sem sam-
svarar 15,5 prósentum af heildar-
eignum þeirra samanborið við 14
prósent í ársbyrjun. Ef tekið er mið
af fjárfestingarstefnu stærstu líf-
eyrissjóðanna er það almennt stef-
na þeirra að vera með að jafnaði
um 5-15 prósent í innlendum hluta-
bréfum og má því ætla að margir
þeirra séu komnir upp fyrir lang-
tímastefnu sína. Í þessu samhengi
verður þó að hafa í huga að ráðstöf-
unarfé lífeyrissjóðanna er sífellt
að aukast samhliða auknum ið-
gjöldum. Í dag má reikna með að
nýtt ráðstöfunarfé á ári sé í kring-
um 60 milljarðar Til þess að við-
halda núverandi eignasamsetningu
mega nettókaup lífeyrissjóðanna
því nema um 9 milljörðum króna á
ári miðað við óbreytt hlutabréfa-
verð. Komi hlutabréfaverð hins
vegar til með að hækka um 5 pró-
sent á næstu 12 mánuðum umfram
aðrar eignir sjóðanna, verða þeir
að vera nettókaupendur að fjárhæð
1,3 milljörðum króna til þess að
viðhalda núverandi eignasamsetn-
ingu. Ef hlutabréfaverð hækkar
hins vegar um 10 prósent verða
sjóðirnir nettóseljendur að fjár-
hæð 7,0 milljarðar
Í þessu samhengi skiptir einka-
væðing Landssímans gríðarlegu
máli enda er ljóst að fjárfestingar-
stefna þeirra býður ekki upp á
mikið svigrúm til kaupa á öðrum
innlendum hlutabréfum verði þeir
meðal stærstu kaupenda Lands-
símans. Yfirgnæfandi líkur eru þá
á að lífeyrissjóðir verði nettó-
seljendur hlutabréfa á næstunni og
er þetta í samræmi við þróunina í
apríl enda voru lífeyrissjóðirnir
nettóseljendur á íslenskum hluta-
bréfum að fjárhæð 4,9 milljörðum
og það sem af er ári hafa lífeyris-
sjóðirnir því selt um 3,3 milljörð-
um meira af íslenskum hluta-
bréfum en þeir hafa keypt þegar
búið er að leiðrétta fyrir hækkun
Úrvalsvísitölunnar. Eftirspurn líf-
eyrissjóða skiptir miklu máli varð-
andi verðþróun á íslenska hluta-
bréfamarkaðinum,“ segir greining-
ardeildin.
Lífeyrissjóðirnir og sala Símans
Hlutabréf
í Bubba
Ég eins og aðrir sem spá í
markaðinn hef verið með Ís-
landsbanka á tékklista í nokkur
ár. Þegar maður hittir einhvern
sem hefur hundsvit á bisness, þá
byrjar maður gjarnan á að spyrja
hann: „Hvað heldurðu að eigi
eftir að gerast í Íslandsbanka.“
Svo hefjast fjörugar umræður
um hvaða strategía sé í gangi hjá
hverri fylkingu fyrir sig.
Ég hélt reyndar á tímabili að
Víglundur Þorsteinsson myndi
sigra Bjarna Ármannsson í
valdabaráttunni. Sérstaklega
þegar maður heyrði að Víglundur
hefði mætt niður í Stjórnarráð til
að fá grænt ljós hjá Davíð og allir
sem maður talaði við sögðu að
Víglundur væri búinn að gera
samkomulag við Björgólf. Þeir
biðu hins vegar of lengi og Bjarni
sneri á þá.
Um daginn hélt ég að
Straumur væri á leiðinni að taka
bankann með Landsbankanum og
planið væri að skipta honum á
milli sín. Nú held ég að Bjarni sé
aftur búinn að snúa á þá. Straum-
ur vildi ekki selja hlutinn sinn til
Karls Wernerssonar og Jóns Ás-
geirs. Ég held að Bjarni sé búinn
að vinna Jón Ásgeir á sitt band og
nú muni þeir í rólegheitunum
safna hlutum í bankanum og að
Straumur muni ekki geta styrkt
sig verulega í framhaldinu.
Sagan sem ég heyri er sú að
Þórður Már, forstjóri Straums
hafi viljað selja, enda skynsam-
legt af honum. Hins vegar er sagt
að Landsbankamenn hafi stoppað
það. Ég heyrði þetta frá náunga
sem veit sínu viti, en hefur ekki
alltaf gefið hárréttar upplýs-
ingar. Ég held sjálfur að
Straumur hafi viljað fá Sjóvá í
sinn hlut. Sjóvá var selt á háu
verði, en það eru örugglega
ýmsir mögleikar til að gera sér
mat úr því félagi. Þar fyrir utan
held ég að hlutabréfin í Bubba
Morthens hafi verið að hækka.
Sjóvá fær tekjurnar af sölu
Bubba og lætin í kringum fjöl-
miðlaumfjöllun um einkalíf hans
verður klárlega til þess að nýja
platan hans selst betur en nokkur
önnur. Samúðin er hans megin og
ef ég væri að gera stóran fram-
virkan samning þessa dagana, þá
myndi ég gera hann í hluta-
bréfum í Bubba.
Spákaupmaðurinn á horninu
S P Á K A U P M A Ð U R I N N
Þ J Ó Ð A R B Ú S K A P U R I N N
Í þessu samhengi skiptir einkavæðing Landssímans gríðarlegu
máli enda er ljóst að fjárfestingarstefna lífeyrissjóðanna býður
ekki upp á mikið svigrúm til kaupa á öðrum innlendum hluta-
bréfum verði þeir meðal stærstu kaupenda Landssímans.