Fréttablaðið - 06.07.2005, Blaðsíða 19

3MIÐVIKUDAGUR 6. júlí 2005
Skeifan 8 - s. 568 2200 - Smáralind - s. 534 2200
www.babysam.is
Útsalan er byrjuð og hægt
að gera góð kaup.
ÚTSALA
Fjöruferðir, sund, söngur og
ratleikir er meðal þess sem
börn upplifa í Útilífsskóla
skáta sem rekinn er á sex
stöðum í Reykjavík í sam-
vinnu við ÍTR. Eldri krakk-
arnir fara líka í útilegu, klifur
og bátsferðir.
Hátt í fjörutíu börn úr útilífsskóla
Ægisbúa eru í æsispennandi fána-
leik í Öskjuhlíðinni þegar Frétta-
blaðsfólk ber þar að. Umhverfið
er eins og í ævintýrabókum eftir
Enid Blyton, skógur, klettar og
meira að segja gamall múrveggur
frá stríðsárunum. Vantar ekkert
nema kastalann en auðvelt er að
ímynda sér hann. Reykur liðast
upp úr einnota grilli þar sem
börnin höfðu stundu áður bakað
sér brauð yfir eldinum. Við rétt
misstum af þeirri upplifun.
Ægisbúar er skátafélag í Vest-
urbænum í Reykjavík sem teygir
sig út á Seltjarnarnesið. Edda
Björk Gunnarsdóttir er skóla-
stjóri útilífsskólans þar. Hún upp-
lýsir að hvert námskeið standi frá
mánudegi til föstudags frá tíu til
fjögur á daginn. Hópunum er
skipt í tvennt, annars vegar sex til
átta ára og hins vegar níu til tólf.
Eldri börnin enda vikuna á að fara
í útilegu eina nótt og fá þar að
síga, klifra, róa og syngja við
varðeld.
Edda Björk er spurð hvort hún
sé að sá „skátafræjum“?
„Ég vona það,“ svarar hún
brosandi. „Sumir koma aftur og
aftur á námskeiðin. Við erum með
einn sem er á öllum námskeiðun-
um í sumar og var líka í fyrra-
sumar. Er samt ekki skáti og for-
eldrarnir ekki heldur. Finnst
þetta bara æðislegt. Kannski
verður hann skátaforingi þegar
fram líða stundir.“
Nú er flautað til að safna hópn-
um saman til myndatökunnar og
börnin drífur að. Þau skjótast út
úr skógarþykkninu og skondrast
yfir virkisvegginn, hálf svekkt
yfir að þurfa að hætta leik þá
hæst hann stendur. Þau eru samt
alveg til í að spjalla við blaðafólk-
ið og lýsa fjálglega ýmsu því sem
þau eru búin að prófa, svo sem
dorgi niður á höfn með veiðarfær-
um sem þau gerðu með eigin
hendi. Nokkrir fiskar bitu á en
þeir fengu frelsi að nýju. Öll ljúka
þau upp einum rómi um að
skemmtilegt sé að vera í skáta-
skóla.
gun@frettabladid.is
Æsispennandi fána-
leikur í Öskjuhlíð
„Við höfum lagt áherslu á að vera með allt öðruvísi leik-
föng en aðrar verslanir og krakkarnir elska það,“ segir Ingi-
björg Hilmarsdóttir, eigandi verslunarinnar Einu sinn var.
„Hér fæst ekki Lego, Barbie eða Bratz, en hins vegar allt
mögulegt annað skemmtilegt eins og tæki til að blása
risasápukúlur, sipputæki sem eru að slá í gegn og þrívídd-
arflugdrekar sem eru ofsalega flottir. Við leggjum áherslu
á að flytja inn leikföng sem reyna á ímyndunarafl og sköp-
unargleði krakkanna og þau kunna vel að meta það.
Meira að segja foreldrarnir eiga í erfiðleikum með að slíta
sig frá dótinu, enda margt til hér sem þau léku sér með
sjálf.“
Þetta sipputæki hefur alveg slegið í gegn í sumar.
Hópur úr útilífsskóla Ægisbúa í ævintýralandinu Öskjuhlíð.
Lukkulákaleikur í fullum gangi.
FR
ÉT
TA
B
LA
Ð
IÐ
/G
VA
FR
ÉT
TA
B
LA
Ð
IÐ
/G
VA
Öðruvísi leikföng fyrir alla krakka
Með risasápukúlur, sipputæki og þrívíddarflugdreka út í sumarið.
Þær eru engin smásmíði sápukúlurnar sem hægt er að
blása með þessu tæki.
Flugdrekar eru skemmtilegt útileikfang.
G
O
T
T
F
Ó
L
K
M
c
C
A
N
N